1 “ⴰⵔⵥⵓⵖ ⵅⴰⵙ ⴷⵉ ⴵⵢⴰⵍⵉ ⴰⵎ ⴵⵉⵖ ⵅ ⵜⴰⵙⵙⵓⵜ ⵉⵏⵓ,

ⴰⵔⵥⵓⵖ ⵅ ⵡⴻⵏⵏⵉ ⵉⵜⵜⴻⵅⵙ ⵍⴻⵄⵎⴰⵔ ⵉⵏⵓ.

ⵏⴻⵛⵛ ⴰⵔⵥⵓⵖ ⵅⴰⵙ,

ⵎⴰⵛⴰ ⵏⴻⵛⵛ ⵡⴰⵔ ⵜ ⵓⴼⵉⵖ.

2 ⵏⴻⵛⵛ ⵏⵏⵉⵖ: ‘ⴰⴷ ⴽⴽⴰⵔⴻⵖ, ⴰⴷ ⵙⵓⵃⴻⵖ ⴷⵉ ⵜⴻⵏⴷⵉⵏⵜ,

ⴷⴻⴳ ⵉⴱⵔⵉⴷⴻⵏ ⵓ ⵅ ⵉⵥⵥⴰⵔⵉⵢⴻⵏ.

ⵏⴻⵛⵛ ⴰⴷ ⵅⴰⵙ ⴰⵔⵥⵓⵖ, ⴰⴷ ⴰⵔⵥⵓⵖ ⵅ ⵡⴻⵏⵏⵉ ⵉⵜⵜⴻⵅⵙ ⵍⴻⵄⵎⴰⵔ ⵉⵏⵓ.’

ⵏⴻⵛⵛ ⴰⵔⵥⵓⵖ ⵅⴰⵙ, ⵎⴰⵛⴰ ⵡⴰⵔ ⵜ ⵓⴼⵉⵖ.

3 ⵓⴼⵉⵏ ⴰⵢⵉ ⵉⵄⴻⵙⵙⴰⵙⴻⵏ ⴰⵎ ⵜⵜⴻⵏⵏⴹⴻⵏ ⴷⵉ ⵜⴻⵏⴷⵉⵏⵜ.

ⵏⴻⵛⵛ ⵏⵏⵉⵖ: ‘ⵎⴰ ⵜⴻⵥⵔⵉⵎ ⴽⴻⵏⵏⵉⵡ ⵡⴻⵏⵏⵉ ⵉⵜⵜⴻⵅⵙ ⵍⴻⵄⵎⴰⵔ ⵉⵏⵓ?’

4 ⵍⴰⵎⵉ ⵜⵓⵖⴰ ⵄⴰⴷ ⵡⴰⵔ ⵅⴰⵙⴻⵏ ⵄⴷⵓⵖ, ⵓⴼⵉⵖ ⵜ,

ⵡⴻⵏⵏⵉ ⵉⵜⵜⴻⵅⵙⴻⵏ ⵍⴻⵄⵎⴰⵔ ⵉⵏⵓ.

ⵏⴻⵛⵛ ⵟⵟⴼⴻⵖ ⵜ, ⵡⴰⵔ ⵥⵥⴰⵢⴻⵙ ⴰⵔⴻⵅⵅⵓⵖ

ⴰⵍⴰⵎⵉ ⵜ-ⵉ-ⴷⴷ ⵉⵡⵢⴻⵖ ⵖⴰⵔ ⵜⴰⴷⴷⴰⵔⵜ ⵏ ⵢⴻⵎⵎⴰ,

ⴷⴻⴳ ⵡⴻⵅⵅⴰⵎ ⵏ ⴷⴰⵅⴻⵍ ⵏ ⵜⴻⵏⵏⵉ ⵉ ⴷⴷ ⴰⵢⵉ ⵢⵓⵔⵡⴻⵏ.

5 ⵏⴻⵛⵛ ⴰⴷ ⴽⴻⵏⵏⵉⵏⵜ ⴰⵔⵔⴻⵖ ⴰⴷ ⵜⵜⵊⵊⴰⴵⴰⵏⵜ, ⴰ ⵢⴻⵙⵙⵉⵙ ⵏ ⵓⵔⵛⴰⵍⵉⵎ,

ⵖⴰⵔ ⵜⵖⴰⵢⴹⵉⵏ ⵏ ⵡⴻⵥⵖⴰⵔ ⵓ ⵖⴰⵔ ⵜⵓⴷⴰⴷⵉⵏ ⴷⴻⴳ ⵉⵢⵢⴰⵔⴻⵏ,

ⴰⵇⴰ ⴽⴻⵏⵏⵉⵏⵜ ⵡⴰⵔ ⵀⴻⴽⴽⵡⵍⴻⵏⵜ ⵜⴰⵢⵔⵉ,

ⵡⴰⵔ ⵜⵜ-ⵉ-ⴷⴷ-ⵙⵙⴻⴽⴽⴰⵔⴰⵏⵜ ⵖⴰⵔⴻⵙ ⴰⵍ ⵜⴻⵅⵙ ⵙⵉⵎⴰⵏⵜ ⵏⵏⴻⵙ.”

6 “ⵎⵉⵏ ⵜⴻⵄⵏⴰ ⵜⴻⵏⵏⵉ ⵉ ⴷⴷ-ⵉⴳⴻⵄⵄⴷⴻⵏ ⵥⵉ ⵍⴻⵅⵍⴰ,

ⴰⵎ ⵉⵇⴻⵍⵍⵉⵊⴻⵏ ⵏ ⴷⴷⴻⵅⵅⴰⵏ,

ⴷⴻⴳ ⵉⵊⵊ ⵏ ⵓⵙⴻⵢⵏⵓ ⵏ ⵎⵉⵔⵔⵓ ⴷ ⵍⴻⴱⵅⵓⵔ,

ⵓ ⵙ ⵎⴰⵔⵔⴰ ⵍⴻⴱⵥⴰⵔ ⵉⵜⵜⴼⵓⵃⴻⵏ ⵏ ⵓⵙⴻⴱⴱⴰⴱ?

7 ⵅⵥⴰⵔ, ⵔⴻⵛⵜⵓ ⵏ ⵜⵔⴻⴱⴱⵓⵜ ⵏ ⵙⵓⵍⵉⵎⴰⵏ,

ⵜⵜⴻⵏⵏⴹⴻⵏ ⴰⵙ-ⴷⴷ ⵙⴻⵜⵜⵉⵏ ⵏ ⴰⵢⵜ ⵏ ⴱⵓ-ⵜⴻⵖⵔⵓⴹⵜ,

ⵥⴻⴳ ⴰⵢⵜ ⵏ ⴱⵓ-ⵜⴻⵖⵔⵓⴹⵜ ⵏ ⵉⵙⵔⴰⵉⵍ,

8 ⵎⴰⵔⵔⴰ ⵉⵏⵏⵉ ⵉⵜⵜⴻⵟⵟⴼⴻⵏ ⵙⵙⵉⴼ, ⵉⵏⵏⵉ ⵉⵍⴻⵎⵎⴷⴻⵏ ⴰⵎⴻⵏⵖⵉ,

ⴽⵓⵍ ⵉⵊⵊ ⵙ ⵙⵙⵉⴼ ⵏⵏⴻⵙ ⵖⴰⵔ ⵜⵎⴻⵚⵚⴰⴹⵜ ⵏⵏⴻⵙ

ⵥⵉ ⵙⵙⵉⴱⴱⴻⵜ ⵏ ⵎⵉⵏ ⵉⵙⵙⴰⴳⴳⵯⴰⴷⴻⵏ ⴷⵉ ⴵⵉⵍⴻⵜ.

9 ⴰⵊⴻⴵⵉⴷ ⵙⵓⵍⵉⵎⴰⵏ ⵉⴳⴳⴰ ⵉⵊⵊ ⵏ ⵔⴻⵛⵜⵓ ⵉ ⵜⵔⴻⴱⴱⵓⵜ ⵉ ⵢⵉⵅⴻⴼ ⵏⵏⴻⵙ

ⵙ ⵓⴽⴻⵛⵛⵓⴹ ⵏ ⵍⵓⴱⵏⴰⵏ.

10 ⵉⵄⵓⵎⴰⴷ ⵖⴰⵔ ⵜⴻⵖⵎⴰⵔⵜ ⵉⴳⴳⴰ ⵉ-ⵜⴻⵏ ⵙ ⵏⵏⵓⵇⴰⵔⵜ,

ⴰⵄⴻⵎⵎⴻⴷ ⵏ ⵡⴻⵄⵔⵓⵔ ⵏ ⵡⵓⵔⴻⵖ ⵓⵛⴰ ⴰⵖⵉⵎⵉ ⵏ ⴰⵔⵊⵓⵡⴰⵏⵉ.

ⴷⴰⵅⴻⵍ ⵏⵏⴻⵙ ⵢⴰⵔⴹⴻⵏ ⵜ

ⵙ ⵜⴰⵢⵔⵉ ⵏ ⵢⴻⵙⵙⵉⵙ ⵏ ⵓⵔⵛⴰⵍⵉⵎ.”

11 “ⴼⴼⵖⴻⵏⵜ ⵓ ⵅⵥⴰⵔⴻⵏⵜ, ⴽⴻⵏⵏⵉⵏⵜ ⵢⴻⵙⵙⵉⵙ ⵏ ⵚⵉⵀⵢⵓⵏ,

ⴰⵇⴰ ⴷⴰ ⴰⵊⴻⴵⵉⴷ ⵙⵓⵍⵉⵎⴰⵏ ⴰⴽ-ⴷ ⵜⵜⴰⵊ ⵉ ⵥⵉ ⵜ ⵜⴳⴻⵍⵍⴻⴷ ⵢⴻⵎⵎⴰⵙ

ⴷⴻⴳ ⵡⴰⵙⵙ ⵏ ⵡⵓⵔⴰⵔ ⵏⵏⴻⵙ,

ⴷⴻⴳ ⵡⴰⵙⵙ ⵏ ⵍⴻⴼⵔⴰⵃⴻⵜ ⵢⵓⵥⵖⴻⵏ ⴷⴻⴳ ⵡⵓⵍ ⵏⵏⴻⵙ.”