1 ⵜⴰⵎⴻⵥⵔⵉⵡⵜ ⵏ ⵉⵛⴰⵄⵢⴰ, ⵎⵎⵉⵙ ⵏ ⴰⵎⵓⵚ, ⵜⴻⵏⵏⵉ ⵉⵥⵔⴰ ⵅ ⵢⴰⵀⵓⴷⴰ ⴷ ⵓⵔⵛⴰⵍⵉⵎ, ⴷⴻⴳ ⵡⵓⵙⵙⴰⵏ ⵏ ⵄⵓⵥⵥⵉⵢⴰ, ⵢⵓⵜⴰⵎ, ⴰⵃⴰⵥ ⴷ ⵃⵉⵥⵇⵉⵢⴰ, ⵉⵊⴻⴵⵉⴷⴻⵏ ⵏ ⵢⴰⵀⵓⴷⴰ.

2 ⵙⵍⴻⵎ, ⴰ ⵉⵊⴻⵏⵡⴰⵏ, ⵓⵛⴰ ⵙⵙⴻⵖⴷ, ⴰ ⵜⴰⵎⵎⵓⵔⵜ, ⵎⵉⵏⵥⵉ ⵙⵉⴷⵉ ⵉⵙⵙⴰⵡⴰⵍ: “ⵏⴻⵛⵛ ⵙⵙⴻⵢⵎⴻⵖ ⵉⵃⴻⵏⵊⵉⵔⴻⵏ ⵓ ⵙⵙⴻⵎⵖⴰⵔⴻⵖ ⵜⴻⵏ, ⵎⴰⵛⴰ ⵏⵉⵜⵏⵉ ⵖⴻⵡⵡⵖⴻⵏ ⵅⴰⴼⵉ. ^■   3 ⴰⴼⵓⵏⴰⵙ ⵉⵙⵙⴻⵏ ⴱⴰⴱ ⵏⵏⴻⵙ ⴷ ⵓⵙⵏⵓⵙ ⵍⵎⴻⴷⵡⴻⴷ ⵏ ⵙⵉⴷⵉ ⵏⵏⴻⵙ, ⵉⵙⵔⴰⵉⵍ ⵎⴰⵛⴰ ⵡⴰⵔ ⵉⵙⵙⵉⵏ, ⵍⴳⴻⵏⵙ ⵉⵏⵓ ⵡⴰⵔ ⴷⴰⵢⴻⵙ ⵜⴻⴵⵉ ⵍⴻⴼⵀⴰⵎⴻⵜ.”

4 “ⵓⵛⵜ ⵅ ⵍⴳⴻⵏⵙ ⵉ ⵉⵅⴹⴰⵏ, ⵍⴳⴻⵏⵙ ⵉ ⵅ ⵉⴵⴰ ⴷⴷⵇⴻⵍ ⵏ ⵍⵎⵓⵄⵚⵉⵢⵢⴻⵜ, ⵥⵥⴰⵔⵉⵄⴻⵜ ⵏ ⵉⵄⴻⴼⴼⴰⵏⴻⵏ, ⵜⴰⵔⵡⴰ ⵏ ⵓⵙⵏⴻⵅⵍⵉⵄ. ⵏⵉⵜⵏⵉ ⵊⵊⵉⵏ ⵙⵉⴷⵉ, ⵙⵙⴻⵃⵇⴰⵔⴻⵏ ⴰⵎⵇⴻⴷⴷⴰⵙ ⵏ ⵉⵙⵔⴰⵉⵍ, ⴰⵔⵔⵉⵏ ⴰⵙ-ⴷⴷ ⵙ ⵡⴻⵄⵔⵓⵔ. ^■   5 ⵎⴰⵢⴻⵎⵎⵉ ⵜᵉⵜⵜⴻⵅⵙⴻⵎ ⴰⴷ ⵜᵉⵜⵜⵡⴰⵡⵜⴻⵎ ⵄⴰⴷ, ⵓⵎⵉ ⴽⴻⵏⵏⵉⵡ ⵜⴻⵇⵇⵉⵎⴻⵎ ⵜᵉⵜⵜⵖⴻⵡⵡⴰⵖⴻⵎ. ⴰⵥⴻⴵⵉⴼ ⵎⴰⵔⵔⴰ ⵉⵙⵙⵃⵓⵙⵙ, ⵓⵍ ⵎⴰⵔⵔⴰ ⵢⵓⵃⴻⵍ. ^■   6 ⵣⵉ ⵜⵍⴻⵇⵇⴰ ⵏ ⵓⴹⴰⵔ ⴰⵍ ⴰⵥⴻⴵⵉⴼ ⵡⴰⵔ ⴷⴰⵢⴻⵙ ⵜᵉⵜⵜⵉⴼⴻⴷ ⵎⵉⵏ ⵉⵚⴻⴱⵃⴻⵏ! ⵎⵖⵉⵔ ⵉⵢⴻⵥⵥⵉⵎⴻⵏ, ⵟⵟⴻⵄⴱⴰⵢⴰⵔ ⴷ ⵓⵢⴻⵥⵥⵉⵎ ⵢⴰⵔⴻⵥⵎⴻⵏ, ⵡⴰⵔ ⵜⴻⵏ ⵀⴻⵏⵏⴹⴻⵏ, ⵡⴰⵔ ⵜⴻⵏ ⵙⵙⵢⴰⵔⴹⴻⵏ, ⵡⴰⵔ ⵜⴻⵏ ⵙⵙⴰⵔⴻⴹⴱⴻⵏ ⵙ ⵥⵥⴻⵛⵜ. 7 ⵜⴰⵎⵎⵓⵔⵜ ⵏⵡⴻⵎ ⵜⴻⵅⵍⴰ, ⵜⵉⵏⴻⴷⴷⴰⵎ ⵏⵡⴻⵎ ⵙⵙⵛⴻⵎⴹⴻⵏ ⵜⴻⵏⵜ ⵙ ⵜⵎⴻⵙⵙⵉ, ⵜⴰⵎⵎⵓⵔⵜ ⵏⵡⴻⵎ ⵚⵚⴰⵔⴷⴻⵏ ⵜⵜ ⵉⴱⴰⵔⵔⴰⵏⵉⵢⵢⴻⵏ ⵥⵥⴰⵜ ⵉ ⵜⵉⵟⵟⴰⵡⵉⵏ ⵏⵡⴻⵎ, ⴰⵇⴰ-ⵜⵜ ⴷ ⵍⵅⵉⵔⴱⴻⵜ ⴰⵅⵎⵉ ⵙⵙⴻⵏⵇⴻⵍⴱⴻⵏ ⵜⵜ ⵉⴱⴰⵔⵔⴰⵏⵉⵢⵢⴻⵏ. ^■   8 ⵢⴻⴵⵉⵙ ⵏ ⵚⵉⵀⵢⵓⵏ ⵜⴻⵇⵇⵉⵎ ⵖⴰⵔ ⴹⴻⴼⴼⴰⵔ ⴰⵎ ⵉⵛⵜ ⵏ ⵜⵄⵉⵛⵛⵓⵜ ⴷⴻⴳ ⵓⵎⴰⵔⵊⵓⵄ ⵏ ⵓⴹⵉⵍ, ⴰⵎ ⵜⴻⵅⵅⴰⵏⵜ ⵏ ⵓⵄⴻⵙⵙⴰⵙ ⴷⴻⴳ ⵉⵢⵢⴰⵔ ⵏ ⵍⴻⵅⵢⴰⵔ, ⴰⵎ ⵜⴻⵏⴷⵉⵏⵜ ⵉⵜⵜⵡⴰⵃⵚⴰⵔⴻⵏ. 9 ⵎⵍⵉ ⵙⵉⴷⵉ ⵏ ⵍⵄⴻⵙⴽⴰⵔⴰⵜ ⵡⴰⵔ ⴷ ⴰⵏⴻⵖ ⵉⵊⵊⵉ ⴷⵔⵓⵙ ⵎⵉⵏ ⵉⵇⵇⵉⵎⴻⵏ, ⵉⵍⵉ ⵏⴻⴷⵡⴻⵍ ⴰⵎⴻⵛⵏⴰⵡ ⵙⴰⴷⵓⵎ, ⵉⵍⵉ ⵏⴻⴳⴳⴰ ⴰⵎ ⵄⴰⵎⵓⵔⵔⴰ.” ^■  

10 “ⵙⵍⴻⵎ ⵉ ⵡⴰⵡⴰⵍ ⵏ ⵙⵉⴷⵉ, ⴰ ⵍⵃⵓⴽⴽⴰⵎ ⵏ ⵙⴰⴷⵓⵎ! ⵡⵛⴻⵎ ⴰⵎⴻⵥⵥⵓⵖ ⵉ ⵛⵛⴰⵔⵉⵄⴰ ⵏ ⴰⵔⴻⴱⴱⵉ, ⴰ ⵍⴳⴻⵏⵙ ⵏ ⵄⴰⵎⵓⵔⵔⴰ!

11 ⵎⵉⵏ ⵉ ⵖⴰ ⴳⴳⴻⵖ ⵙ ⵜⵖⴰⵔⵚⵉ ⵏⵡⴻⵎ, ⵉⵇⵇⴰⵔ ⵙⵉⴷⵉ. ⵏⴻⵛⵛ ⵊⵊⵉⵡⵏⴻⵖ ⵥⵉ ⵜⵖⴰⵔⵚⴰ ⵏ ⵡⴻⵛⵎⴰⴹ ⵏ ⵉⵛⴰⵔⵔⵉⵢⵢⴻⵏ ⵓ ⵥⵉ ⵜⴰⴷⵓⵏⵜ ⵏ ⵍⵎⴰⵍ ⵉⵚⴻⵃⵃⴻⵏ. ⵉⴷⴰⵎⵎⴻⵏ ⵏ ⵉⵢⴻⵏⴷⵓⵥⴻⵏ ⴷ ⵢⴻⵥⵎⴰⵔⴻⵏ ⴷ ⵉⵖⴰⵢⴹⴻⵏ ⵡⴰⵔ ⴷ ⴰⵢⵉ ⵜⵜⴻⵄⵊⵉⴱⴻⵏ.^■  

12 ⵅⵎⵉ ⴷⴷ-ⵜᵉⵜⵜⴰⵙⴻⵎ ⵃⵉⵎⴰ ⴰⴷ ⵜⴱⴰⵏⴻⵎ ⵥⵥⴰⵜ ⵉ ⵡⵓⴷⴻⵎ ⵉⵏⵓ, ⵡⵉ ⴽⴻⵏⵏⵉⵡ ⵉⵄⴰⵔⴹⴻⵏ ⵉ ⵓⵢⴰ, ⵎⴰⵃⴻⵏⴷ ⴰⴷ ⵜⵄⴻⴼⵙⴻⵎ ⵅ ⵍⴻⵎⵔⴰⵃⴰⵜ ⵉⵏⵓ?

13 ⵡⴰⵔ ⴷ ⴰⵢⵉ ⴷⴷ-ⵜⴰⵡⵢⴻⵎ ⵄⴰⴷ ⵜⴰⵡⵀⵉⴱⵜ ⵉⴱⴻⴹⵍⴻⵏ. ⵍⴻⴱⵅⵓⵔ ⵖⴰⵔⵉ ⴷ ⵏⵏⵄⵉ. ⵓⵙⵙⴰⵏ ⵏ ⵉⵢⵓⵔⴻⵏ ⵏ ⵊⴷⵉⴷ ⴷ ⵡⵓⵙⵙⴰⵏ ⵏ ⵙⵙⴻⴱⵜ ⴷ ⵓⵍⴰⵖⵉ ⵉ ⵜⵎⴻⵙⵎⵓⵏⵉⵏ ⵉⵇⴻⴷⴷⵙⴻⵏ ⵡⴰⵔ ⵥⴻⵎⵎⴰⵔⴻⵖ ⴰⴷ ⵃⴻⵎⵍⴻⵖ ⵎⴰⵔⵔⴰ ⴰⵢⴰ, ⴰⵇⴰ-ⵜ ⴷ ⵍⵎⵓⵄⵚⵉⵢⵢⴻⵜ, ⵄⴰⴷ ⵓⵍⴰ ⴷ ⴰⵎⵓⵏⵉ ⵉⴼⴰⵔⵥⴻⵏ.

14 ⵍⴻⵄⵎⴰⵔ ⵉⵏⵓ ⵉⵛⴰⵔⵔⴻⵀ ⵓⵙⵙⴰⵏ ⵏ ⵓⵢⵓⵔ ⵏ ⵊⴷⵉⴷ ⵏⵡⴻⵎ ⴷ ⵍⴻⵄⵢⵓⴷ ⵏⵡⴻⵎ ⵉⵜⵜⵡⴰⴳⴳⴻⵏ. ⴰⵇⴰ ⴰⵜⴻⵏ ⴷⴻⵡⵍⴻⵏ ⵖⴰⵔⵉ ⴷ ⵍⴻⵃⵎⴻⵍ, ⵏⴻⵛⵛ ⵓⵃⵍⴻⵖ ⴰⵔⴱⵓⵖ ⵜⴻⵏ.

15 ⵅⵎⵉ ⵜᵉⵜⵜⵙⴰⵔⵔⴰⵃⴻⵎ ⵉⴼⴰⵙⵙⴻⵏ ⵏⵡⴻⵎ, ⵜⵜⵍⴻⵃⵃⴼⴻⵖ ⵉ ⵜⵉⵟⵟⴰⵡⵉⵏ ⵉⵏⵓ ⵥⵥⴰⵢⵡⴻⵎ. ⵄⴰⴷ ⵎⴰⵍⴰ ⴽⴻⵏⵏⵉⵡ ⵜⴰⵔⵏⵉⵎ ⴷⵉ ⵜⵥⴰⴵⵉⵜ, ⵏⴻⵛⵛ ⵡⴰⵔ ⵜⵜ ⵜⵜⴻⵙⵍⵉⵖ, ⵎⴰⵖⴰⵔ ⵉⴼⴰⵙⵙⴻⵏ ⵏⵡⴻⵎ ⵄⴻⵎⵎⴰⵔⴻⵏ ⵙ ⵉⴷⴰⵎⵎⴻⵏ.^■  

16 ⵙⵉⵔⴷⴻⵎ, ⵙⵉⵥⴷⴻⴳⴻⵎ ⵉⵅⴻⴼ ⵏⵡⴻⵎ, ⵙⵙⵉⴳⴳⵯⴻⵊⴻⵎ ⵜⵓⵄⴻⴼⴼⵏⴰ ⵏ ⵜⵎⴻⴳⴳⴰ ⵏⵡⴻⵎ ⵥⵉ ⵥⵥⴰⵜ ⵏ ⵜⵉⵟⵟⴰⵡⵉⵏ ⵉⵏⵓ. ⵙⴱⴻⴷⴷⴻⵎ ⵥⵉ ⵍⵖⴰⵔ ⵉ ⵜᵉⵜⵜⴻⴳⴳⴻⵎ. ^■  

17 ⵍⴻⵎⴷⴻⵎ ⴰⴷ ⵜⴻⴳⴳⴻⵎ ⵎⵉⵏ ⵉⵚⴻⴱⵃⴻⵏ, ⴰⵔⵥⵓⵎ ⵅ ⵍⵃⴻⵇⵇ, ⵡⵛⴻⵎ ⴰⴼⵓⵙ ⵉ ⵡⴻⵏⵏⵉ ⵉⵃⵙⴰⵔⴻⵏ, ⴳⴳⴻⵎ ⵜⴰⵙⵖⴰⵔⵜ ⵉ ⵓⵢⵓⵊⵉⵍ, ⵡⵜⴻⵎ ⵅ ⵜⴰⵊⵊⴰⵞ.”

18 “ⴰⵙⴻⵜⵜⵉⵡ-ⴷⴷ ⵓ ⴻⵊⵊ ⴰⵏⴻⵖ ⴰⴷ ⵏⴻⵜⵜⴻⵎⵃⴰⴽⴻⵎ ⴰⴽ-ⴷ ⵡⴰⵢⴰⵡⵢⴰ!, ⵉⵇⵇⴰⵔ ⵙⵉⴷⵉ. ⵡⴰⵅⵅⴰ ⴷⴷⵏⵓⴱ ⵏⵏⴻⴽ ⴷ ⵉⵥⴻⴳⴳⵯⴰⵖⴻⵏ ⴰⵎ ⵓⵥⴻⴳⴳⵯⴰⵖ ⵉⵃⴻⴷⵇⴻⵏ, ⴰⴷ ⴷⴻⵡⵍⴻⵏ ⴷ ⵉⵛⴻⵎⵍⴰⵔⴻⵏ ⴰⵎ ⵡⴻⴷⴼⴻⵍ, ⵡⴰⵅⵅⴰ ⴷ ⵉⵥⴻⴳⴳⵯⴰⵖⴻⵏ ⴰⵎ ⵓⵥⴻⴳⴳⵯⴰⵖ ⵢⵓⴵⵖⴻⵏ, ⴰⴷ ⴷⴻⵡⵍⴻⵏ ⴷ ⵉⵛⴻⵎⵍⴰⵍⴻⵏ ⴰⵎ ⵜⴷⵓⴼⵜ. ^■  

19 ⵎⴰⵍⴰ ⴽⴻⵏⵏⵉⵡ ⵜⵄⴻⵡⵡⵍⴻⵎ, ⵓ ⴰⴷ ⵜⴻⵙⵍⴻⵎ, ⵅⴻⵏⵏⵉ ⴰⴷ ⵜⴻⵛⵛⴻⵎ ⵎⵉⵏ ⵉⵚⴻⴱⵃⴻⵏ ⵏ ⵜⴻⵎⵎⵓⵔⵜ, 20 ⵎⴰⵛⴰ ⵎⴰⵍⴰ ⴽⴻⵏⵏⵉⵡ ⵜⵓⴳⵉⵎ ⵓⵛⴰ ⴰⴷ ⵜⵖⴻⵡⵡⵖⴻⵎ, ⴰⴷ ⴽⴻⵏⵏⵉⵡ ⵢⴻⵛⵛ ⵙⵙⵉⴼ, ⵎⴰⵖⴰⵔ ⴰⵇⴻⵎⵎⵓⵎ ⵏ ⵙⵉⴷⵉ ⴰⵇⴰ ⵉⵙⵙⵉⵡⴻⵍ!’ ”

21 “ⵎⴰⵎⵎⴻⵛ ⵜⴻⴷⵡⴻⵍ ⵜⴻⵏⴷⵉⵏⵜ ⵏⵏⵉ ⴷⴰⵢⴻⵙ ⵍⴰⵎⴰⵏ ⴷ ⵜⴰⵎⵖⴰⵔⵜ ⵏ ⴼⴰⵔⵇ-ⵛⵛⵖⴻⵍ!

ⵏⴻⵜⵜⴰⵜ ⵜⵓⵖⴰ ⵜⴻⵛⵛⵓⵔ ⵙ ⵍⵃⴻⵇⵇ,

ⵜⴰⵙⴻⴳⴷⴰ ⵜⵓⵖⴰ ⵜᵉⵜⵜⵏⵓⵙⴰ ⴷⴰⵢⴻⵙ,

ⵎⴰⵛⴰ ⵍⴻⵅⵅⵓ ⵉⵇⴻⵜⵜⴰⵍⴻⵏ.

22 ⵏⵏⵓⵇⴰⵔⵜ ⵏⵏⴻⵎ ⵜⴻⴷⵡⴻⵍ ⴷ ⴽⵓⴼⴼⵓ,

ⴱⵉⵏⵓ ⵏⵏⴻⵎ ⵚⵚⵓⵔⴻⵏ ⵜ ⴰⴽ-ⴷ ⵡⴰⵎⴰⵏ. ^■  

23 ⵍⵃⵓⴽⴽⴰⵎ ⵏⵏⴻⵎ ⵜⵜⵖⴻⵡⵡⵖⴻⵏ,

ⴰⵇⴰ ⴳⴳⵉⵏ ⵉⵅⴻⵡⵡⴰⵏⴻⵏ ⴷ ⵉⵎⴻⴷⴷⵓⴽⴽⴰⵍ ⵏⵙⴻⵏ,

ⵎⴰⵔⵔⴰ ⵜⵜⴻⵅⵙⴻⵏ ⵜⵉⵔⵥⵉⴼⵉⵏ ⵓⵛⴰ ⴰⵔⴻⵥⵥⵓⵏ ⵅ ⴰⵔⵔⴻⵛⵡⴻⵜ.

ⵏⵉⵜⵏⵉ ⵡⴰⵔ ⵜⵜⵉⵖⴻⵏ ⵉ ⵓⵢⵓⵊⵉⵍ ⵜⴰⵙⵖⴰⵔⵜ ⵏⵏⴻⵙ,

ⴷⴷⴻⵄⵡⴻⵜ ⵏ ⵜⵉⵊⵊⴰⵍ ⵡⴰⵔ ⵜⴻⵏ ⵜᵉⵜⵜⵉⴽⴽⵡⵉⴹ.” ^■  

24 ⵙ ⵓⵢⴻⵏⵏⵉ ⵉⵇⵇⴰⵔ ⵙⵉⴷⵉ, ⵙⵉⴷⵉ ⵏ ⵍⵄⴻⵙⴽⴰⵔⴰⵜ, ⴰⵎⵥⴻⵎⵎⴰⵔ ⵏ ⵉⵙⵔⴰⵉⵍ: “ⵓⵛⵜ! ⵏⴻⵛⵛ ⴰⴷ ⵙⵙⴼⴻⵡⵡⵊⴻⵖ ⵉⵅⴻⴼ ⵉⵏⵓ ⵙ ⵉⵖⵔⵉⵎⴻⵏ ⵉⵏⵓ, ⵏⴻⵛⵛ ⴰⴷ ⵅⴻⵍⴼⴻⵖ ⵉⵅⴻⴼ ⵉⵏⵓ ⵥⵉ ⵍⵄⴻⴷⵢⴰⵏ ⵉⵏⵓ. 25 ⵏⴻⵛⵛ ⴳⴳⵓⵔ ⴰⴷ ⵡⵜⴻⵖ ⴰⴼⵓⵙ ⵉⵏⵓ ⵅⴰⵡⴻⵎ ⵓ ⵏⴻⵛⵛ ⴳⴳⵓⵔ ⴰⴷ ⴽⴻⵏⵏⵉⵡ ⵚⴻⴼⴼⵉⵖ ⴰⴽ-ⴷ ⵍⵍⵉⵅⵉⵢⵢⴰ ⵓⵛⴰ ⵎⴰⵔⵔⴰ ⵍⴻⵅⴼⵉⴼ ⵏⵏⴻⵎ ⴰⴷ ⵜ ⵡⴻⴷⴷⴰⵔⴻⵖ. ^■   26 ⵏⴻⵛⵛ ⴰⴷ ⴰⵎ ⵡⵛⴻⵖ ⵄⴰⵡⴻⴷ ⵍⵇⵓⴹⴰⵜ ⵏⵏⴻⵎ ⴰⵎ ⵖⴰⵔ ⵓⵎⴻⵥⵡⴰⵔⵓ, ⴷ ⴰⵢⵜ ⵏ ⵛⵛⵡⴰⵔ ⵏⵏⴻⵎ ⴰⵎ ⵖⴰⵔ ⵓⵎⴻⵥⵡⴰⵔⵓ. ⴰⵡⴰⵔⵏⵉ ⴰⵢⴰ ⴰⴷ ⴰⵎ ⵍⴰⵖⴰⵏ: ‘ⵜⴰⵏⴷⵉⵏⵜ ⵏ ⵜⵙⴻⴳⴷⴰ!’ ⴷ ‘ⵜⴻⵏⴷⵉⵏⵜ ⴷⴰⵢⴻⵙ ⵍⴰⵎⴰⵏ!’.

27 ⵚⵉⵀⵢⵓⵏ ⴰⴷ ⵜᵉⵜⵜⵡⴰⵙⴻⵏⵊⴻⵎ ⵙ ⵍⵃⴻⵇⵇ ⴷ ⵢⴻⵏⵏⵉ ⵖⴰⵔⴻⵙ ⵉⵜⵜⴷⴰⴽⴽⵡⴰⵍⴻⵏ ⵙ ⵜⵙⴻⴳⴷⴰ, 28 ⵎⴰⵛⴰ ⵉⵎⵖⴻⵡⵡⵖⴻⵏ ⴷ ⵉⵎⴻⴷⵏⴰⴱ ⴰⴷ ⵜⵜⵡⴰⵔⵥⴻⵏ ⵊⵎⵉⵄ ⵓⵛⴰ ⵉⵏⵏⵉ ⵉ ⵖⴰ ⵉⵃⴻⵢⵢⴷⴻⵏ ⵅ ⵙⵉⴷⵉ, ⴰⴷ ⵜⵜⵡⴰⵇⴹⴰⵏ. ^■   29 ⵏⵉⵜⵏⵉ ⴰⴷ ⵙⵙⴻⴹⵃⴰⵏ ⵥⵉ ⵙⵙⵉⴱⴱⴻⵜ ⵏ ⵜⵛⴻⵊⵊⵓⵔⴰ ⵏ ⵢⵉⴳⴳ ⵏⵏⵉ ⴷⵉ ⵜⴻⵎⵎⴻⵥⵔⴻⵎ ⵓⵛⴰ ⴽⴻⵏⵏⵉⵡ ⴰⴷ ⵜⵙⴻⴹⵃⴰⵎ ⵥⵉ ⵙⵙⵉⴱⴱⴻⵜ ⵏ ⵉⵃⵡⵉⵛⴻⵏ ⵏⵏⵉ ⵜⵉⵅⴹⴰⵔⴻⵎ ⴽⴻⵏⵏⵉⵡ. 30 ⵎⴰⵖⴰⵔ ⴽⴻⵏⵏⵉⵡ ⴰⴷ ⵜⵉⵍⵉⵎ ⴰⵎ ⵜⵛⴻⵊⵊⴰⵔⵜ ⵏ ⵢⵉⴳⴳ ⵉ ⵥⵉ ⴰⴼⴰⵔ ⵏⵏⴻⵙ ⵉⵙⵍⴰⵡ, ⵓ ⴰⵎ ⵡⴻⵃⵡⵉⵛ ⵉ ⵡⴰⵔ ⵖⴰⵔ ⴵⵉⵏ ⵡⴰⵎⴰⵏ. 31 ⴰⴷ ⵉⴷⵡⴻⵍ ⵡⴻⵏⵏⵉ ⵉⵊⴻⵀⴷⴻⵏ ⴷ ⵉⵊⵊ ⵏ ⵓⴼⵉⵍⵓ ⵏ ⵜⵉⴼⴼⴻⵙⵜ ⵓ ⵍⵅⴻⴷⵎⴻⵜ ⵏⵏⴻⵙ ⴷ ⵉⵛⵜ ⵏ ⵜⴼⴻⵟⵟⵓⵜ, ⴰⴷ ⴰⵔⵖⴻⵏ ⵙ ⵜⵏⴰⵢⴻⵏ ⵉⴷⵙⴻⵏ ⵎⵓⵏⴻⵏ ⵓⵛⴰ ⵡⴰⵔ ⴷⵉⵏ ⵉⴵⵉ ⵓⵍⴰ ⴷ ⵉⵊⵊ ⵡⵉ ⵉ ⵖⴰ ⵉⵙⵙⵅⴻⵙⵢⴻⵏ.”