1 ⵙⴻⴽⴽ ⴰⵖⵔⵓⵎ ⵏⵏⴻⴽ ⵜⵉⵡⴰ ⵉ ⵡⴰⵎⴰⵏ, ⵎⴰⵖⴰⵔ ⴰⵡⴰⵔⵏⵉ ⵉ ⴰⵟⵟⴰⵙ ⵏ ⵡⵓⵙⵙⴰⵏ ⴰⴷ ⵜ ⵜⴰⴼⴻⴷ ⵄⴰⵡⴻⴷ. 2 ⴱⴹⴰ ⵜ ⴷⵉ ⵙⴻⴱⵄⴰ, ⵏⵉⵖ ⵄⴰⴷ ⴷⵉ ⵜⵎⴻⵏⵢⴰ, ⵎⴰⵖⴰⵔ ⵛⴻⴽ ⵡⴰⵔ ⵜⴻⵙⵙⵉⵏⴻⴷ ⵎⴰⵏ ⵍⵖⴰⵔ ⵉ ⵖⴰ ⵢⵉⵍⵉⵏ ⴷⵉ ⵜⴻⵎⵎⵓⵔⵜ. ^■  

3 ⵎⴰⵍⴰ ⵛⵛⵓⵔⴻⵏ ⵉⵙⴻⵢⵏⵓⵜⴻⵏ, ⵜⵜⵥⴻⴵⴰⵄⴻⵏ ⴰⵏⵥⴰⵔ ⵅ ⵜⴻⵎⵎⵓⵔⵜ. ⵎⴰ ⵜⴰⵛⴻⵊⵊⴰⵔⵜ ⵜⴻⵡⴹⴰ ⵖⴰⵔ ⵍⵊⴰⵏⵓⴱ ⵏⵉⵖ ⵖⴰⵔ ⵛⵛⴰⵎⴰⵍ, ⴷⴻⴳ ⵡⴻⵎⵛⴰⵏ ⵎⴰⵏⵉ ⵜⴻⵡⴹⴰ, ⵜᵉⵜⵜⵖⵉⵎⴰ ⴷⵉⵏ ⵜⴻⵥⵥⴻⵍ. ^□  

4 ⵡⴻⵏⵏⵉ ⵉⵅⴻⵥⵥⴰⵔⴻⵏ ⵍⴻⴱⴷⴰ ⵖⴰⵔ ⵓⵙⴻⵎⵎⵉⴹ, ⵡⴰⵔ ⴳⴳⵓⵔ ⴰⴷ ⵉⵥⴰⵔⵄ, ⵡⴻⵏⵏⵉ ⵉⵃⴻⵟⵟⴰⵏ ⵍⴻⴱⴷⴰ ⵉⵙⴻⵢⵏⵓⵜⴻⵏ, ⵡⴰⵔ ⴳⴳⵓⵔ ⴰⴷ ⵉⵎⵊⴰⵔ.

5 ⴰⵎ ⵎⴰⵎⵎⴻⵛ ⵛⴻⴽ ⵡⴰⵔ ⵜⴻⵙⵙⵉⵏⴻⴷ ⴰⴱⵔⵉⴷ ⵏ ⵓⵚⴻⵎⵎⵉⴹ, ⴰⵎⵎⵓ ⵉ ⵡⴰⵔ ⵜⴻⵙⵙⵉⵏⴻⴷ ⵓⵍⴰ ⵎⴰⵎⵎⴻⵛ ⵜⵜⵡⴰⴳⴳⴻⵏ ⵉⵢⵙⴰⵏ ⴷⴻⴳ ⵓⵄⴻⴷⴷⵉⵙ ⵏ ⵜⴻⵎⵖⴰⵔⵜ ⵙ ⴷⴷⴻⵢⵙⴻⵜ: ⴰⵎⵎⵓ ⵉ ⵡⴰⵔ ⵜⴻⵙⵙⵉⵏⴻⴷ ⵜⵎⴻⴳⴳⴰ ⵏ ⴰⵔⴻⴱⴱⵉ ⵡⴻⵏⵏⵉ ⵉⵜⵜⴻⴳⴳⴻⵏ ⵎⴰⵔⵔⴰ ⵎⵉⵏ ⵉⴵⴰⵏ. ^■   6 ⵣⴰⵔⵄ ⵥⵥⴰⵔⵉⵄⴻⵜ ⵏⵏⴻⴽ ⵖⴰⵔ ⵜⵓⴼⴼⵓⵜ ⵓ ⵡⴰⵔ ⵜⵜⴻⴽⴽⴻⵙ ⴰⴼⵓⵙ ⵏⵏⴻⴽ ⵖⴰⵔ ⵜⵎⴻⴷⴷⵉⵜ, ⵎⴰⵖⴰⵔ ⵛⴻⴽ ⵡⴰⵔ ⵜⴻⵙⵙⵉⵏⴻⴷ ⵎⵉⵏ ⵉⴳⴳⵓⵔⴻⵏ ⴰⴷ ⵉⴼⵍⴻⵃ, ⵜⴰ ⵏⵉⵖ ⵜⴰ, ⵏⵉⵖ ⵄⴰⴷ ⵙ ⵜⵏⴰⵢⴻⵏ ⵉⴷⵙⴻⵏⵜ ⴳⴳⵓⵔⴻⵏⵜ ⴰⴷ ⵉⵍⵉⵏⵜ ⵚⴻⴱⵃⴻⵏⵜ.

7 ⵜⴰⴼⴰⵡⵜ ⴷ ⵜⵎⵉⵥⵉⴷⵜ ⵓ ⵎⵍⵉⵃ ⵉ ⵜⵉⵟⵟⴰⵡⵉⵏ ⴰⴷ ⵥⴰⵔⴻⵏⵜ ⵜⴼⵓⵛⵜ. 8 ⵡⴰⵀ, ⵎⴰⵍⴰ ⴰⵔⵢⴰⵥ ⵉⴷⴷⴰⵔ ⴰⵟⵟⴰⵙ ⵏ ⵉⵙⴻⴳⴳⵯⵓⵙⴰ, ⴻⵊⵊ ⵉ-ⵜ ⴰⴷ ⵉⴼⴰⵔⵃ ⴷⵉ ⵎⴰⵔⵔⴰ ⵜⵉⵏⴰ, ⵓ ⴻⵊⵊ ⵉ-ⵜ ⴰⴷ ⵉⵅⴰⵔⵔⴻⵚ ⴷⴻⴳ ⵓⵙⵙⴰⵏ ⵉⴱⴰⵔⵛⴰⵏⴻⵏ, ⵓⵍⴰ ⴷ ⵏⵉⵜⵏⵉ ⴳⴳⵓⵔ ⴰⴷ ⵉⵍⵉⵏ ⴷⴻⴳ ⵡⴰⵟⵟⴰⵙ. ⵎⴰⵔⵔⴰ ⵎⵉⵏ ⵉ ⴷ ⵉ ⵖⴰ ⵢⴰⵙⴻⵏ, ⴰⵇⴰ-ⵜ ⴷⵉ ⵍⴱⴰⵟⴻⵍ.

9 ⴼⴰⵔⵃ, ⴰ ⵛⴻⴽ ⴰⵃⵓⴷⵔⵉ, ⴷⵉ ⵜⴻⵎⵥⵉ ⵏⵏⴻⴽ, ⵙⴼⴰⵔⵃ ⵓⵍ ⵏⵏⴻⴽ ⴷⴻⴳ ⵡⵓⵙⵙⴰⵏ ⵏ ⵜⴻⵎⵥⵉ ⵏⵏⴻⴽ. ⵓⵢⵓⵔ ⴷⴻⴳ ⵉⴱⵔⵉⴷⴻⵏ ⵏ ⵡⵓⵍ ⵏⵏⴻⴽ ⵓ ⴷⵉ ⵎⵉⵏ ⵜⵜⵡⴰⵍⴰⵏⵜ ⵜⵉⵟⵟⴰⵡⵉⵏ ⵏⵏⴻⴽ, ⵎⴰⵛⴰ ⵙⵙⴻⵏ ⴰⵇⴰ ⵙⵉⴷⵉ ⴰⴷ ⵛⴻⴽ ⵉⵙⵙⴻⴽⴽ ⵅ ⵎⴰⵔⵔⴰ ⴰⵢⴰ ⵉ ⵛⵛⵔⴻⵄ.

10 ⵙⵉⴳⴳⵯⴻⵊ ⵍⵀⴻⵎⵎ ⵅ ⵡⵓⵍ ⵏⵏⴻⴽ ⵓ ⵙⵃⴻⵢⵢⴻⴷ ⵍⵖⴰⵔ ⵅ ⴰⵔⵔⵉⵎⴻⵜ ⵏⵏⴻⴽ, ⵎⴰⵖⴰⵔ ⵜⴻⵎⵥⵉ ⴷ ⵍⵡⴻⵇⵜ ⵙ ⵓⵛⴻⵡⵡⴰⴼ ⴰⴱⴰⵔⵛⴰⵏ ⴰⵇⴰ ⴰⵜⴻⵏ ⴷⵉ ⵍⴱⴰⵟⴻⵍ.