1 ⵉⴷⴰⵔ ⵡⴻⵏⵏⵉ ⵛⴻⴽ ⴷⴷ-ⵉⵅⴻⵍⵇⴻⵏ ⴷⴻⴳ ⵡⵓⵙⵙⴰⵏ ⵏ ⵜⴻⵎⵥⵉ ⵏⵏⴻⴽ, ⵇⴱⴻⵍ ⵎⴰ ⴰⴷ ⴷⴷ-ⴰⵡⴹⴻⵏ ⵡⵓⵙⵙⴰⵏ ⵏ ⵍⵖⴰⵔ ⵉ ⵥⵉ ⵖⴰ ⵜⵉⵏⵉⴷ: “ⵡⴰⵔ ⴷⴰⵢⵙⴻⵏ ⵓⴼⵉⵖ ⵍⴻⴼⵔⴰⵃⴻⵜ!”, 2 ⵇⴱⴻⵍ ⵎⴰ ⴰⴷ ⵜᵉⵜⵜⵡⴰⴱⴰⵔⵛⴻⵏ ⵜⴼⵓⵛⵜ ⴷ ⵜⴼⴰⵡⵜ ⴷ ⵜⵥⵉⵔⵉ ⴷ ⵉⵜⵔⴰⵏ ⵓⵛⴰ ⴰⴷ ⴷⴷ-ⵄⴻⵇⴱⴻⵏ ⵉⵙⴻⵢⵏⵓⵜⴻⵏ ⴰⵡⴰⵔⵏⵉ ⵉ ⵡⴻⵏⵥⴰⵔ, 3 ⵖⴰⵔ ⵡⴰⵙⵙ ⵎⵉⵏ ⴷⵉ ⵉⵄⴻⵙⵙⴰⵙⴻⵏ ⵏ ⵜⴰⴷⴷⴰⵔⵜ ⴰⴷ ⴰⵔⵊⵉⵊⴻⵏ, ⵉⵔⵢⴰⵥⴻⵏ ⵉⵊⴻⵀⴷⴻⵏ ⴰⴷ ⵇⴻⵡⵙⴻⵏ, ⵜⵉⵏⵏⵉ ⵉⵃⴰⵔⵔⵢⴻⵏ ⵜⴰⵙⵉⵔⵜ ⴰⴷ ⵙⵙⴱⴻⴷⴷⴻⵏⵜ ⵜⴰⵡⵡⵓⵔⵉ ⵏⵙⴻⵏⵜ ⵎⵉⵏⵥⵉ ⵏⵉⵜⴻⵏⵜⵉ ⴷⵔⵓⵙ ⵉⴷⵙⴻⵏⵜ, ⵓⵛⴰ ⵜⵉⵎⵖⴰⵔⵉⵏ ⵏⵏⵉ ⴷⴷ-ⵉⵙⵙⴰⵊⵊⴰⵏ ⵥⵉ ⵍⴽⵡⴰⵥⵉ ⴰⴷ ⵅⴰⵙⴻⵏ ⴷⴷ-ⵜⴻⵡⴹⴰ ⵜⴰⴵⴻⵙⵜ 4 ⵓ ⵜⵉⵡⵡⵓⵔⴰ ⵖⴰⵔ ⵥⵥⴻⵏⵇⵇⴻⵜ ⴰⴷ ⵜⵜⵡⴰⴱⴻⵍⵍⵄⴻⵏⵜ, ⵅⵎⵉ ⴷⴷⵔⵉⵥ ⵏ ⵜⵙⵉⵔⵜ ⴰⴷ ⵉⵙⵙⴻⵖⴷ ⵓⵛⴰ ⵍⵃⴻⵙⵙ ⵏ ⵓⵊⴹⵉⴹ ⴰⴷ ⴷⴷ-ⵉⴳⴻⵄⵄⴻⴷ ⵓ ⵎⴰⵔⵔⴰ ⵢⴻⵙⵙⵉⵙ ⵏ ⵓⵖⴻⵏⵏⵉⵊ ⴰⴷ ⴷⴻⵡⵍⴻⵏⵜ ⵇⴻⵡⵙⴻⵏⵜ, 5 ⵓ ⴱⵏⴰⴷⴻⵎ ⴰⴷ ⵉⴳⴳⵯⴻⴷ ⵥⵉ ⵎⴰⵔⵔⴰ ⵎⵉⵏ ⵉⴵⴰⵏ ⵢⵓⵄⵍⴰⵏ ⵓⵛⴰ ⴰⴷ ⴷⵉⵏ ⵉⵍⵉⵏⵜ ⵄⵍⴰⵎ ⴽⵓⵍ ⵍⴻⵃⵡⴰⵢⴻⵊ ⵉⵏⴻⵅⵍⵉⵄⴻⵏ ⴷⴻⴳ ⵡⴻⴱⵔⵉⴷ ⵓ ⵜⴰⵛⴻⵊⵊⴰⵔⵜ ⵏ ⴵⴻⵡⵥ ⴰⴷ ⵜⵏⴻⵡⵡⴰⵔ ⵓ ⴰⴱⵓⵔⵅⴻⵙ ⴰⴷ ⵉⴷⵡⴻⵍ ⴷ ⵜⴰⵎⴰⵔⴰ ⵓ ⵜⴰⵏⴻⵡⵡⴰⵛⵜ ⵏ ‘ⵓⴽⴻⴱⴱⴰⵙ’ ⵡⴰⵔ ⴷ ⴰⵙ ⴷⴷ-ⵢⵓⵙⵉ ⵄⴰⴷ ⵖⴰⵔ ⵍⴱⴰⵍ, - ⵎⴰⵖⴰⵔ ⴱⵏⴰⴷⴻⵎ ⵉⴳⴳⵓⵔ ⵖⴰⵔ ⵜⴰⴷⴷⴰⵔⵜ ⵏⵏⴻⵙ ⵏ ⵍⴻⴱⴷⴰ ⵓ ⵉⵏⵏⵉ ⵉⵛⴻⵟⵟⵏⴻⵏ ⴰⴷ ⵔⴰⵃⴻⵏ ⴰⴷ ⴷⴷ-ⵜⴰⵙⴻⵏ ⴷⴻⴳ ⵉⴱⵔⵉⴷⴻⵏ - , ^□  

6 ⵇⴱⴻⵍ ⵎⴰ ⴰⴷ ⵜᵉⵜⵜⵡⴰⵔⵅⵓ ⵜⴻⵙⵖⵓⵏⵜ ⵏ ⵏⵏⵓⵇⴰⵔⵜ, ⴰⴷ ⵜᵉⵜⵜⵡⴰⵔⵥ ⵟⵟⴰⵡⵢⵢⴻⵜ ⵏ ⵡⵓⵔⴻⵖ, ⴰⴷ ⵉⵏⵏⴻⴼⵔⴰⵔ ⵡⴻⵇⴱⵓⵛ ⵖⴰⵔ ⵜⴰⵍⴰ ⵓⵛⴰ ⴰⴷ ⵜⴻⵇⴹⵓ ⵜⵊⴰⵔⵔⴰⵜ ⴷⴻⴳ ⵡⴰⵏⵓ, 7 ⵓⵛⴰⵍ ⴰⴷ ⴷⴷ-ⵉⵄⵇⴻⴱ ⵖⴰⵔ ⵜⴻⵎⵎⵓⵔⵜ, ⴰⵎ ⵎⴰⵎⵎⴻⵛ ⵜ-ⵜⵓⵖⴰ, ⵓ ⴱⵓⵃⴱⴻⵍ ⴰⴷ ⴷⴷ-ⵉⵄⵇⴻⴱ ⵖⴰⵔ ⴰⵔⴻⴱⴱⵉ ⵡⴻⵏⵏⵉ ⵜ ⵉⵡⵛⵉⵏ. ^■  

8 ⴷ ⵉⴱⴻⵟⵟⴰⵍⴻⵏ ⵇⴰⵄ, ⵉⵇⵇⴰⵔ ⵓⵎⴱⴰⵔⵔⴻⵃ, ⴰⵇⴰ ⴽⵓⵍⵛⵉ ⴷⵉ ⵍⴱⴰⵟⴻⵍ. ^■  

9 ⵙⴻⵏⵏⴻⵊ ⵉ ⵓⵢⴰ, ⵎⵉⵏⵥⵉ ⴰⵎⴱⴰⵔⵔⴻⵃ ⵜⵓⵖⴰ-ⵜ ⴷ ⴰⵎⵉⵖⵉⵙ, ⵉⵙⵙⴻⵍⵎⴻⴷ ⵄⴰⵡⴻⴷ ⵜⵓⵙⵙⵏⴰ ⵉ ⵍⴳⴻⵏⵙ, ⵜⵓⵖⴰ ⵉⵜⵜⴱⴰⵍⵓ ⵉⵜⵜⴱⴻⵇⵇⴰⵛ ⵎⵍⵉⵃ. ⵉⵄⴷⴻⵍ ⴰⵟⵟⴰⵙ ⵏ ⵡⴰⵡⴰⵍⴻⵏ ⵉⵡⴻⵥⵏⴻⵏ. ^■  

10 ⵢⴰⵔⵥⵓ ⵓⵎⴱⴰⵔⵔⴻⵃ ⵎⴰⵃⴻⵏⴷ ⴰⴷ ⵢⴰⴼ ⴰⵡⴰⵍⴻⵏ ⵉⵄⴻⴷⵍⴻⵏ ⵓ ⵎⵉⵏ ⵢⵓⵔⴰ, ⴰⵇⴰ-ⵜ ⵏⵉⵛⴰⵏ, ⴰⵡⴰⵍⴻⵏ ⵏ ⵜⵉⴷⴻⵜⵜ.

11 ⴰⵡⴰⵍⴻⵏ ⵏ ⵉⵎⵉⵖⵉⵙⴻⵏ ⴰⵎⴻⵛⵏⴰⵡ ⵉⵙⴻⵏⵏⴰⵏⴻⵏ ⵓ ⴰⵎⴻⵛⵏⴰⵡ ⵉⵎⴻⵙⵎⵉⵔⴻⵏ ⵉⵜⵜⵡⴰⵙⵉⴷⴼⴻⵏ, ⵜⵉⵙⴻⵇⵇⴰⵔ ⵏ ⵉⵙⵎⵓⵏⵉⵜⴻⵏ, ⵉⵎⵎⴻⵡⵛⴻⵏ ⵥⴻⴳ ⵉⵊⵊ ⵏ ⵓⵎⴻⴽⵙⴰⵡ. ^□  

12 ⵙⴻⵏⵏⴻⵊ ⵉ ⵎⴰⵔⵔⴰ ⴰⵢⴰ, ⴰ ⵎⵎⵉ, ⵃⴹⴰ ⵉⵅⴻⴼ ⵏⵏⴻⴽ: ⵡⴰⵔ ⴷⵉⵏ ⴰⵇⴻⵟⵟⵓ ⵏ ⵜⵉⵔⴰ ⵏ ⵡⴰⵟⵟⴰⵙ ⵏ ⵉⴷⵍⵉⵙⴻⵏ ⵓ ⴰⵟⵟⴰⵙ ⵏ ⵜⵖⵓⵔⵉ ⵜⴻⵙⵙⴰⵃⴰⵍ ⴰⵔⵔⵉⵎⴻⵜ.

13 ⴰⵡⴰⵍ ⴰⵏⴻⴳⴳⴰⵔⵓ ⵏ ⵎⴰⵔⵔⴰ ⵎⵉⵏ ⵜⴻⵙⵍⵉⴷ ⴰⵇⴰ ⵜ ⴷ ⵡⴰ: “ⴳⴳⵯⴻⴷ ⴰⵔⴻⴱⴱⵉ ⵓ ⵃⴹⴰ ⵜⵉⵡⴻⵚⵚⴰ ⵏⵏⴻⵙ!”, ⵎⴰⵖⴰⵔ ⵎⴰⵏ ⴰⵢⴰ ⵉ ⵢⵓⵔⵉⵏ ⵉ ⴽⵓⵍ ⵉⵊⵊ ⵏ ⴱⵏⴰⴷⴻⵎ. ^■  

14 ⵎⴰⵖⴰⵔ ⵙⵉⴷⵉ ⴰⴷ ⵢⴰⵡⵉ ⴽⵓⵍ ⵜⴰⵎⴻⴳⴳⵉⵜ ⵥⵥⴰⵜ ⵉ ⵜⴰⴷⴷⴰⵔⵜ ⵏ ⵛⵛⵔⴻⵄ ⵅ ⵎⴰⵔⵔⴰ ⵎⵉⵏ ⵉⵏⵏⵓⴼⴼⴰⵔⴻⵏ, ⵎⴰ ⵜⵓⵖⴰ ⵉⵚⴱⴻⵃ ⵏⵉⵖ ⵜⵓⵖⴰ ⵡⴰⵔ ⵉⵃⵍⵉ.^■