29
1 ⴰⵔⵢⴰⵥ, ⵡⴻⵏⵏⵉ, ⴰⵡⴰⵔⵏⵉ ⵍⴰⵎⵉ ⵜ ⵄⴰⵇⴱⴻⵏ ⴰⵟⵟⴰⵙ ⵏ ⵜⵡⴰⵍⴰⵡⵉⵏ, ⵉⵙⵙⴻⵇⵙⵃⴻⵏ ⵢⵉⵔⵉ ⵏⵏⴻⵙ, ⴰⴷ ⵢⴰⵔⵥ ⴷⴻⴳ ⵉⵊⵊ ⵏ ⵓⵎⵓⵔ,
ⵅⴻⵏⵏⵉ ⵡⴰⵔ ⴷⵉⵏ ⵉⴵⵉ ⵄⴰⴷ ⵓⴳⴻⵏⴼⵓ.
2 ⵎⴰⵍⴰ ⴷⴻⵡⵍⴻⵏ ⵉⵎⵙⴻⴳⴳⴰⴷⴻⵏ ⵙ ⵚⵚⵓⵍⵟⴰ, ⵅⴻⵏⵏⵉ ⵉⴼⴰⵔⵔⴻⵃ ⵍⴳⴻⵏⵙ,
ⵎⴰⵛⴰ ⵎⴰⵍⴰ ⵉⵃⴻⴽⴽⴻⵎ ⵓⵄⴻⴼⴼⴰⵏ, ⴰⴷ ⵉⵥⵀⴰⵔ ⵍⴳⴻⵏⵙ. ■
3 ⴱⵏⴰⴷⴻⵎ ⵉⵜⵜⴻⵅⵙⴻⵏ ⵜⵉⵖⵉⵜ, ⵉⵙⵙⴼⴰⵔⵔⴰⵃ ⴱⴰⴱⴰ ⴰⵙ,
ⵎⴰⵛⴰ ⵡⴻⵏⵏⵉ ⵉⵜⵜⵎⵓⵏⴰⵏ ⴰⴽ-ⴷ ⵜⴻⵎⵖⴰⵔⵉⵏ ⵏ ⴼⴰⵔⵇ-ⵛⵛⵖⴻⵍ,
ⵉⵜⵜⵥⴻⴵⴰⵄ ⴰⴳⵍⴰ ⵏⵏⴻⵙ. ■
4 ⴰⵊⴻⴵⵉⴷ ⵉⵙⵙⴱⴻⴷⴷⴰ ⵜⴰⵎⵎⵓⵔⵜ ⵙ ⵍⵃⴻⵇⵇ,
ⵎⴰⵛⴰ ⴰⵔⵢⴰⵥ ⵏⵏⵉ ⵉⵙⵙⴳⴻⵄⵄⴰⴷⴻⵏ ⴹⴹⴰⵔⵉⴱⴰ ⴰⵟⵟⴰⵙ ⵏ ⵜⵡⴰⵍⴰⵡⵉⵏ,
ⵉⵀⴻⴷⴷⴻⵎ ⵉ-ⵜⵜ.
5 ⴰⵔⵢⴰⵥ ⵏⵏⵉ ⵉⵙⵙⵡⴰⵟⴰⵏ ⴰⵎⵇⴰⵔⵔⴻⴱ ⵏⵏⴻⵙ,
ⵉⵜⵜⴱⴻⵥⵥⴰⵄ ⵉⵛⵜ ⵏ ⵜⵔⴰⵛⵛⴰ ⵉ ⵉⴹⴰⵔⴻⵏ ⵏⵏⴻⵙ.
6 ⴷⴻⴳ ⵓⵄⴻⴷⴷⵉ ⵏ ⵉⵊⵊ ⵏ ⵡⴻⵔⵢⴰⵥ ⴰⵄⴻⴼⴼⴰⵏ ⵉⵏⵏⵓⴼⴼⴰⵔ ⴷⴰⵢⴻⵙ ⵉⵊⵊ ⵏ ⵍⴼⴻⵅ,
ⵎⴰⵛⴰ ⴰⵎⵙⴻⴳⴳⴻⴷ ⵉⵜⵜⴻⵙⵍⵉⵡⵍⴻⵡ ⵓ ⵉⴼⴰⵔⵔⴻⵃ.
7 ⴰⵎⵙⴻⴳⴳⴻⴷ ⵉⵙⵙⴻⵏ ⴷⴷⴻⵄⵡⴻⵜ ⵏ ⵉⵎⴰⵔⵅⴰ,
ⴰⵄⴻⴼⴼⴰⵏ ⵎⴰⵛⴰ ⵡⴰⵔ ⵉⴼⴻⵀⵀⴻⵎ ⵡⴰⵍⵓ ⴷⵉ ⵜⵓⵙⵙⵏⴰ. ■
8 ⵉⵎⴻⵙⵜⴻⵀⵥⴰⵢⵢⴻⵏ ⵙⵙⴻⴽⴽⴰⵔⴰⵏ ⴰⵖⴻⵡⵡⴻⵖ ⴷⵉ ⵜⴻⵏⴷⵉⵏⵜ,
ⵎⴰⵛⴰ ⵉⵎⵉⵖⵉⵙⴻⵏ ⵙⵙⵏⴻⵇⵍⴰⴱⴻⵏ ⴰⵖⴹⴰⴱ.
9 ⵎⴰⵍⴰ ⴰⵎⵉⵖⵉⵙ ⵉⴽⵙⵉ-ⴷⴷ ⵜⴰⵏⴼⵓⵞ ⵉ ⵢⵉⵊⵊ ⵏ ⵓⴱⵓⵀⴰⵍⵉ,
ⵅⴻⵏⵏⵉ ⵏⴻⵜⵜⴰ ⴳⴳⵓⵔ ⴰⴷ ⵉⵅⴻⵢⵢⴻⵇ ⵡⴰⵏⵉⵜ ⵓ ⴰⴷ ⵉⴹⵃⴻⵛ ⴱⵍⴰ ⵇⴻⵟⵟⵓ.
10 ⵉⵔⵢⴰⵥⴻⵏ ⵓⵎⵉ ⵉⵜⵜⴻⵄⵊⵉⴱ ⵉⴷⴰⵎⵎⴻⵏ ⵛⴰⵔⵔⵀⴻⵏ ⴰⵎⴻⵥⴷⴰⴳ,
ⵎⴰⵛⴰ ⵉⵏⵏⵉ ⵉⴳⴳⵓⵔⴻⵏ ⵏⵉⵛⴰⵏ ⵅⴻⵥⵥⴰⵔⴻⵏ ⵖⴰⵔ ⵍⴻⵄⵎⴰⵔ ⵏⵏⴻⵙ.
11 ⴰⴱⵓⵀⴰⵍⵉ ⵉⴹⴻⴵⴻⵇ ⵉ ⵎⴰⵔⵔⴰ ⴱⵓⵃⴱⴻⵍ ⵏⵏⴻⵙ,
ⵎⴰⵛⴰ ⴰⵎⵉⵖⵉⵙ ⵉⵜⵜⵇⴻⵎⵎⴻⵄ ⵉ-ⵜ. ■
12 ⵍⵃⴰⴽⴻⵎ ⵏⵏⵉ ⵉⵜⵜⵉⵛⴻⵏ ⵜⴰⵢⵏⵉⵜ ⵉ ⵍⵀⴰⵔⴷ ⵏ ⵉⵅⴰⵔⵔⵉⵇⵇⴻⵏ,
ⵥⵥⴰⵢⴻⵙ ⴰⴷ ⵉⵍⵉⵏ ⵎⴰⵔⵔⴰ ⵉⵎⵙⴻⵅⵅⴰⵔⴻⵏ ⵏⵏⴻⵙ ⴷ ⵉⵄⴻⴼⴼⴰⵏⴻⵏ.
13 ⴰⵎⴻⵥⵍⵓⴹ ⴷ ⵉⵊⵊ ⵏ ⵡⴻⵔⵢⴰⵥ ⵉⵜⵜⵡⴰⵃⵙⴰⵔⴻⵏ ⵍⴻⴱⴷⴰ, ⵎⵙⴰⴳⴰⵔⴻⵏ,
ⵙⵉⴷⵉ ⵉⵙⵙⵏⴻⵡⵡⴰⵔ ⵜⵉⵟⵟⴰⵡⵉⵏ ⵏⵙⴻⵏ ⵙ ⵜⵏⴰⵢⴻⵏ ⵉⴷⵙⴻⵏ. ■
14 ⴰⵊⴻⴵⵉⴷ ⵏⵏⵉ ⵉⵜⵜⵉⵛⴻⵏ ⵜⴰⵙⵖⴰⵔⵜ ⵉ ⵉⵎⴰⵔⵅⴰ ⴷⵉ ⵛⵛⵔⴻⵄ,
ⵍⴽⵓⵔⵙⵉ ⵏⵏⴻⵙ ⴰⴷ ⵉⵇⵇⵉⵎ ⵉⴱⴻⴷⴷ ⵉ ⵍⴻⴱⴷⴰ. ■
15 ⴰⵄⵎⵓⴷ ⴷ ⵓⵡⴻⴱⴱⴻⵅ ⵜⵜⵉⵛⴻⵏ ⵜⵉⵖⵉⵜ,
ⵎⴰⵛⴰ ⴰⵃⴻⵏⵊⵉⵔ ⵊⵊⵉⵏ ⵜ ⵉ ⵢⵉⵅⴻⴼ ⵏⵏⴻⵙ,
ⵢⴰⵔⵔⴰ ⵢⴻⵎⵎⴰⵙ ⴰⴷ ⵜⴻⵙⵙⴻⴹⵃⴰ. ■
16 ⵎⴰⵍⴰ ⴷⴻⵡⵍⴻⵏ ⵉⵄⴻⴼⴼⴰⵏⴻⵏ ⵊⴻⵀⴷⴻⵏ, ⵅⴻⵏⵏⵉ ⵢⴰⵔⴻⵏⵏⵉ ⵓⵅⴻⵟⵟⵓ,
ⵎⴰⵛⴰ ⵉⵎⵙⴻⴳⴳⴰⴷⴻⵏ ⴰⴷ ⵥⴰⵔⴻⵏ ⵡⴻⵟⵟⵓ ⵏⵙⴻⵏ. ■
17 ⴰⵔⴻⴱⴱⴰ ⵎⵎⵉⵛ ⵓ ⵏⴻⵜⵜⴰ ⴳⴳⵓⵔ ⴰⴷ ⵛⴻⴽ ⵉⵙⵙⴰⵔⴻⵢⵢⴻⵃ,
ⵏⴻⵜⵜⴰ ⴰⴷ ⵉⵡⵛ ⵍⴱⴰⵔⴰⴽⴰⵜ ⵜⵉⵎⵉⵥⵉⴷⵉⵏ. ■
18 ⵎⴰⵍⴰ ⵡⴰⵔ ⴷⵉⵏ ⵜⴰⵎⴻⵥⵔⵉⵡⵜ, ⵉⵜⵜⴼⵓⵛⵛⵓⵃ ⵍⴳⴻⵏⵙ,
ⵎⴰⵛⴰ ⵙⵙⴻⵄⴷ ⵏ ⵡⴻⵏⵏⵉ ⵉⵃⴻⵟⵟⴰⵏ ⵛⵛⴰⵔⵉⵄⴰ.
19 ⵉⵊⵊ ⵏ ⵉⵙⵎⴻⵖ ⵡⴰⵔ ⵉⵜⵜⴻⵊⵊⵉ ⴰⴷ ⵜ ⴰⵔⵔⴻⴱⴱⴰⵏ ⵙ ⵡⴰⵡⴰⵍⴻⵏ,
ⵎⴰⵖⴰⵔ ⵡⴰⵅⵅⴰ ⵏⴻⵜⵜⴰ ⵉⴼⴻⵀⵀⴻⵎ ⵅⴰⴽ, ⵡⴰⵔ ⵅⴰⴽ ⵉⵜⵜⴰⵔⵔⵉ ⵛⴰ.
20 ⵎⴰ ⵛⴻⴽ ⵄⴻⵎⵎⴰⵔⵚ ⵡⴰⵔ ⵜⴻⵥⵔⵉⴷ ⵉⵊⵊ ⵏ ⵡⴻⵔⵢⴰⵥ ⵉⵜⵜⵇⴻⴵⵉⵇ ⵙ ⵡⴰⵡⴰⵍⴻⵏ ⵏⵏⴻⵙ?
ⴰⵇⴰ ⴷⵉⵏ ⴰⵙⵉⵜⴻⵎ ⴽⵜⴰⵔ ⵉ ⵓⴱⵓⵀⴰⵍⵉ ⵓⵍⴰ ⵅⴰⵙ. ■
21 ⵎⴰⵍⴰ ⵉⵊⵊⴻⵏ ⵉⵙⵙⵓⴱⴻⴹ ⵉⵙⵎⴻⵖ ⵏⵏⴻⵙ ⵥⵉ ⵜⴻⵎⵥⵉ,
ⴰⴷ ⵉⴷⵡⴻⵍ ⵖⴰⵔ ⵓⵏⴻⴳⴳⴰⵔ ⵡⴰⵔ ⵜ ⵉⵜⵜⵇⵉⴷⵉ.
22 ⴰⵔⵢⴰⵥ ⵉⵜⵜⴰⵔⵔⵓⵊⴷⵓⴷⴻⵏ ⵉⵙⵙⴻⴽⴽⴰⵔⴰ-ⴷⴷ ⴰⵎⵛⵓⴱⴱⴻⵛ,
ⵓ ⴱⴰⴱ ⵏ ⵡⴻⵙⵄⴰⵔ ⵉⵜⵜⴻⴳⴳ ⴰⵟⵟⴰⵙ ⵏ ⵉⵅⴻⵟⵟⴰⵏ. ■
23 ⵏⵏⴼⴰⵅⴻⵜ ⵏ ⴱⵏⴰⴷⴻⵎ ⴳⴳⵓⵔ ⴰⴷ ⵜ ⵉⵙⵙⵡⴰⴹⴻⵄ,
ⵎⴰⵛⴰ ⴰⵎⵡⴰⴹⴻⵄ ⵏ ⴱⵓⵃⴱⴻⵍ ⴰⴷ ⴰⵙ ⵉⵜⵜⵡⴰⴳⴳ ⵛⵛⴰⵏ. ■
24 ⵡⴻⵏⵏⵉ ⵉⴱⴻⵟⵟⴰⵏ ⴰⴽ-ⴷ ⵓⵅⴻⵡⵡⴰⵏ, ⵉⵛⴰⵔⵔⴻⵀ ⵉⵅⴻⴼ ⵏⵏⴻⵙ,
ⵎⴰⵖⴰⵔ ⵏⴻⵜⵜⴰ ⵉⵜⵜⴻⵙⵍⴰ ⵉ ⵜⵊⴰⴵⵉⵜ, ⵎⴰⵛⴰ ⵡⴰⵔ ⵜ ⵉⵇⵇⴰⵔ ⵛⴰ. ■
25 ⵜⵉⴳⴳⵯⵓⴷⵉ ⵥⴻⴳ ⵉⵡⴷⴰⵏ ⵜⵏⴻⴷⴷⴻⵀ ⵖⴰⵔ ⵍⴼⴻⵅ,
ⵎⴰⵛⴰ ⵡⴻⵏⵏⵉ ⵉⵜⵜⵛⴰⵍⴰⵏ ⵅ ⵙⵉⴷⵉ, ⴰⴷ ⵉⵜⵜⵡⴰⵙⴳⴻⵄⵄⴻⴷ ⴷⵉ ⵍⴰⵎⴰⵏ.
26 ⴰⵟⵟⴰⵙ ⴰⵔⴻⵥⵥⵓⵏ ⵓⴷⴻⵎ ⵏ ⵍⵃⴰⴽⴻⵎ,
ⵡⴰⵅⵅⴰ ⵜⴰⵙⵖⴰⵔⵜ ⵏ ⴽⵓⵍ ⵉⵊⵊ ⵜᵉⵜⵜⴰⵙ-ⴷⴷ ⵥⵉ ⵙⵉⴷⵉ. ■
27 ⴰⵔⵢⴰⵥ ⴰⵖⴻⵛⵛⴰⵛ ⴷ ⵏⵏⵄⵉ ⵉ ⵉⵎⵙⴻⴳⴳⴰⴷⴻⵏ,
ⵎⴰⵛⴰ ⵡⴻⵏⵏⵉ ⵉⴳⴳⵓⵔⴻⵏ ⵏⵉⵛⴰⵏ ⴷⴻⴳ ⵡⴻⴱⵔⵉⴷ ⵏⵏⴻⵙ, ⴰⵇⴰ-ⵜ ⴷ ⵏⵏⵄⵉ ⵉ ⵓⵄⴻⴼⴼⴰⵏ.