1 ⵙⵙⴻⵄⴷ ⵏ ⵡⴻⵔⵢⴰⵥ,

ⵡⴻⵏⵏⵉ ⵡⴰⵔ ⵉⴳⴳⵓⵔⴻⵏ ⴷⵉ ⵛⵛⵡⴰⵔ ⵏ ⵉⵄⴻⴼⴼⴰⵏⴻⵏ,

ⴷ ⵡⴻⵏⵏⵉ ⵡⴰⵔ ⵉⴱⴻⴷⴷⴻⵏ ⴷⴻⴳ ⵡⴻⴱⵔⵉⴷ ⵏ ⵉⵎⴻⴷⵏⴰⴱ,

ⴷ ⵡⴻⵏⵏⵉ ⵡⴰⵔ ⵉⵇⵇⵉⵎⴻⵏ ⵅ ⵍⴽⵓⵔⵙⵉ ⵏ ⵉⵎⴻⵙⵜⴻⵀⵥⴰⵢⴻⵏ, ^■  

2 ⵎⴰⵛⴰ ⵍⴻⴼⵔⴰⵃⴻⵜ ⵏⵏⴻⵙ ⴰⵇⴰ-ⵜⵜ ⴷⵉ ⵛⵛⴰⵔⵉⵄⴰ ⵏ ⵙⵉⴷⵉ,

ⵓ ⵉⵜⵜⵅⴰⵔⵔⴻⵚ ⴷⵉ ⵛⵛⴰⵔⵉⵄⴰ ⵏⵏⴻⵙ ⴰⵙⵙ ⴷ ⴵⵉⵍⴻⵜ. ^■  

3 ⴰⴷ ⵢⵉⵍⵉ ⴰⵎ ⵉⵛⵜ ⵏ ⵜⵛⴻⵊⵊⴰⵔⵜ ⵉ ⵉⵜⵜⵡⴰⵥⵥⵓⵏ ⵖⴰⵔ ⵉⵖⴻⵥⵔⴰⵏ ⵏ ⵡⴰⵎⴰⵏ,

ⵜⴻⵏⵏⵉ ⵉⵜⵜⵉⵛⴻⵏ ⵍⵖⵉⴵⴻⵜ ⵏⵏⴻⵙ ⴷⵉ ⵍⵡⴻⵇⵜ ⵏⵏⴻⵙ,

ⴰⴼⴰⵔ ⵏⵏⴻⵙ ⵡⴰⵔ ⵉⵜⵜⵉⵥⴻⵖ.

ⵎⴰⵔⵔⴰ ⵎⵉⵏ ⵉⵜⵜⴻⴳⴳ, ⴰⴷ ⵢⵉⵍⵉ. ^□  ■  

4 ⵡⴰⵔ ⵜⵜⵉⵍⵉⵏ ⵉⵄⴻⴼⴼⴰⵏⴻⵏ ⴰⵎⵎⵓ,

ⵎⵉⵏⵥⵉ ⵏⵉⵜⵏⵉ ⴰⵎ ⵉⵛⴰⵔⴼⴰ ⵉⵜⵜⴰⵡⵢ-ⵉ-ⵜ ⵓⵙⴻⵎⵎⵉⴹ. ^■  

5 ⵙ ⵓⵢⴰ ⵉⵄⴻⴼⴼⴰⵏⴻⵏ ⵡⴰⵔ ⵜⵜⴱⴻⴷⴷⵉⵏ ⵛⴰ ⴷⴻⴳ ⵡⴰⵙⵙ ⵏ ⵍⴻⵃⵙⴰⴱ,

ⵓⵍⴰ ⴷ ⵉⵎⴻⴷⵏⴰⴱ ⴷⵉ ⵜⵎⴻⵙⵎⵓⵏⵜ ⵏ ⵉⵎⵙⴻⴳⴳⴰⴷⴻⵏ,

6 ⵎⵉⵏⵥⵉ ⵙⵉⴷⵉ ⵉⵙⵙⴻⵏ ⴰⴱⵔⵉⴷ ⵏ ⵉⵎⵙⴻⴳⴳⴰⴷⴻⵏ,

ⵎⴰⵛⴰ ⴰⴱⵔⵉⴷ ⵏ ⵉⵄⴻⴼⴼⴰⵏⴻⵏ ⴰⴷ ⵉⴼⵏⴰ.