15
1 ⵜⵡⴰⵔⵔⵉⵜ ⵉⴼⵙⵓⵙⴻⵏ ⵜⴻⵙⵙⴻⵙⵎⴰⴹ ⴰⵅⴻⵢⵢⴻⵇ, ⵎⴰⵛⴰ ⴰⵡⴰⵍ ⵉⵜⵜⴻⵇⵇⵙⴻⵏ ⵉⵙⵙⴻⴽⴽⴰⵔⴰ-ⴷⴷ ⴰⵅⴻⵢⵢⴻⵇ. ■
2 ⵉⵍⴻⵙ ⵏ ⵉⵎⵉⵖⵉⵙⴻⵏ ⵉⵊⴻⴱⴱⴻⴷ ⵜⵓⵙⵙⵏⴰ ⵖⴰⵔ ⵥⵥⴰⵜ,
ⵎⴰⵛⴰ ⴰⵇⴻⵎⵎⵓⵎ ⵏ ⵉⴱⵓⵀⴰⵍⵉⵢⵢⴻⵏ ⵉⵜⵜⴰⵥⵥⴻⵍ ⵙ ⵜⵓⴱⴱⵓⵀⴻⵍⵢⴰ. ■
3 ⵜⵉⵟⵟⴰⵡⵉⵏ ⵏ ⵙⵉⴷⵉ ⴷⵉ ⴽⵓⵍ ⴰⵎⵛⴰⵏ,
ⵜⵜⵃⴻⴽⴽⴰⵔⴻⵏⵜ ⵉ ⵉⵚⴻⴱⵃⴰⵏⴻⵏ ⴷ ⵉⵄⴻⴼⴼⴰⵏⴻⵏ. ■
4 ⵉⵍⴻⵙ ⵏⵏⵉ ⵉⵙⵙⴳⴻⵏⴼⴰⵏ ⴷ ⵜⴰⵛⴻⵊⵊⴰⵔⵜ ⵏ ⵜⵓⴷⴰⵔⵜ,
ⵎⴰⵛⴰ ⴰⵔⵔⵀⴰⵊ ⵏⵏⴻⵙ ⵉⵜⵜⴰⵔⴻⵥⵥⴰ ⴱⵓⵃⴱⴻⵍ. □ ■
5 ⴰⴱⵓⵀⴰⵍⵉ ⵉⵏⴻⵟⵟⴰⵔ ⵜⵜⴰⵔⴱⵉⵢⵢⴻⵜ ⵏ ⴱⴰⴱⴰⵙ,
ⵎⴰⵛⴰ ⵡⴻⵏⵏⵉ ⵉⵜⵜⵃⴻⴽⴽⴰⵔⴰⵏ ⵉ ⵓⵡⴻⴱⴱⴻⵅ, ⴰⵇⴰ ⵉⴼⵜⴻⵏ.
6 ⴷⵉ ⵜⴰⴷⴷⴰⵔⵜ ⵏ ⵓⵎⵙⴻⴳⴳⴰⴷ ⴷⵉⵏ ⵍⴽⴻⵏⵥ ⵉⵎⵖⴰⵔ,
ⵎⴰⵛⴰ ⴷⵉ ⵎⵉⵏ ⴷⴷ-ⵉⵜⵜⴰⵡⵉ ⵓⵄⴻⴼⴼⴰⵏ ⴷⴰⵢⴻⵙ ⵜⴰⵎⴰⵔⴰ.
7 ⵉⵢⴻⵏⵛⵉⵛⴻⵏ ⵏ ⵉⵎⵉⵖⵉⵙⴻⵏ ⵜⵜⴱⴻⵥⵥⴰⵄⴻⵏ ⵜⵓⵙⵙⵏⴰ,
ⵎⴰⵛⴰ ⵡⴰⵔ ⵉⴵⵉ ⴰⵎⴻⵏⵏⵉ ⵓⵍ ⵏ ⵉⴱⵓⵀⴰⵍⵉⵢⵢⴻⵏ.
8 ⵜⴰⵖⴰⵔⵚⵜ ⵏ ⵉⵄⴻⴼⴼⴰⵏⴻⵏ ⴷ ⵏⵏⵄⵉ ⵉ ⵙⵉⴷⵉ,
ⵎⴰⵛⴰ ⵜⴰⵥⴰⴵⵉⵜ ⵏ ⵉⵏⵏⵉ ⵉⴳⴳⵓⵔⴻⵏ ⵏⵉⵛⴰⵏ ⴰⵇⴰ-ⵜⵜ ⵉ ⵏⴻⵜⵜⴰ ⴷ ⴰⵔⴹⴰ. ■
9 ⴰⴱⵔⵉⴷ ⵏ ⵓⵄⴻⴼⴼⴰⵏ ⴷ ⵏⵏⵄⵉ ⵉ ⵙⵉⴷⵉ,
ⵎⴰⵛⴰ ⵡⴻⵏⵏⵉ ⵉⴹⴻⴼⴼⴰⵔⴰⵏ ⵜⴰⵙⴻⴳⴷⴰ, ⵉⵜⵜⴻⵅⵙ ⵉ-ⵜ ⵏⴻⵜⵜⴰ.
10 ⵜⴰⵔⴱⵉⵢⵢⴻⵜ ⵉⵇⴻⵙⵃⴻⵏ ⵜⵍⴻⵇⵇⴻⴼ ⵡⴻⵏⵏⵉ ⵉⵙⴻⵎⵃⴻⵏ ⴷⴻⴳ ⵡⴻⴱⵔⵉⴷ,
ⵓ ⵡⴻⵏⵏⵉ ⵉⵛⴰⵔⵔⵀⴻⵏ ⴰⵡⴻⴱⴱⴻⵅ, ⴰⴷ ⵉⵎⵎⴻⵜ.
11 ⵍⴰⵅⴰⵔⵜ ⴷ ⵜⴻⵙⵔⴰⴼⵜ ⴰⵇⴰ ⴷⵉⵏ ⴰⵔⴻⵥⵎⴻⵏ ⵥⵥⴰⵜ ⵉ ⵙⵉⴷⵉ,
ⵎⴻⵛⵃⴰⵍ ⵄⴰⴷ ⵡⵓⵍⴰⵡⴻⵏ ⵏ ⵜⴰⵔⵡⴰ ⵏ ⴱⵏⴰⴷⴻⵎ? ■
12 ⴰⵎⴻⵙⵜⴻⵀⵥⵉⵢ ⵡⴰⵔ ⵉⵜⵜⴻⵅⵙ ⵡⴻⵏⵏⵉ ⵜ ⵉ ⵖⴰ ⵉⵡⴻⴱⴱⵅⴻⵏ,
ⵡⴰⵔ ⵉⵜⵜⵔⵉⵃ ⵛⴰ ⵖⴰⵔ ⵉⵎⵉⵖⵉⵙⴻⵏ.
13 ⵓⵍ ⵉⴼⴰⵔⵃⴻⵏ ⵉⵜⵜⴻⴳⴳ ⵓⴷⴻⵎ ⵉⵛⵏⴰⵏ,
ⵎⴰⵛⴰ ⴰⵎⵏⵓⵙ ⴷⴻⴳ ⵡⵓⵍ ⵉⵙⴻⴽⴽⴻⴼ ⴱⵓⵃⴱⴻⵍ. ■
14 ⵓⵍ ⵉⴼⴻⵀⵀⵎⴻⵏ ⵢⴰⵔⴻⵥⵥⵓ ⵜⵓⵙⵙⵏⴰ,
ⵎⴰⵛⴰ ⴰⵇⴻⵎⵎⵓⵎ ⵏ ⵉⴱⵓⵀⴰⵍⵉⵢⵢⴻⵏ ⵉⵙⵙⴻⵛⵛⴰ ⵉⵅⴻⴼ ⵏⵏⴻⵙ ⵙ ⵜⵓⴱⴱⵓⵀⴻⵍⵢⴰ.
15 ⵉ ⵢⴻⵏⵏⵉ ⵉⵜⵜⵡⴰⵃⵚⴰⵔⴻⵏ ⵎⴰⵔⵔⴰ ⵓⵙⵙⴰⵏ ⵏⵙⴻⵏ ⴰⵇⴰ ⵉⵄⴻⴼⴼⵏⴻⵏ,
ⵎⴰⵛⴰ ⵓⵍ ⵉⴼⴰⵔⵃⴻⵏ ⴰⵎ ⵎⴰⵛⵛⴰ ⵡⴰⵔ ⵉⵇⴻⵟⵟⵉⵏ.
16 ⵉⵃⵍⴰ ⴷⵔⵓⵙ ⴰⴽ-ⴷ ⵜⴻⴳⴳⵯⵓⴷⵉ ⵏ ⵙⵉⴷⵉ,
ⵅ ⵉⵊⵊ ⵏ ⵍⴽⴻⵏⵥ ⴷ ⴰⵎⴻⵇⵇⵔⴰⵏ ⵙ ⵍⴻⵃⵡⴻⵍ. ■
17 ⵉⵃⵍⴰ ⵉⵊⵊ ⵏ ⵟⵟⴻⴱⵚⵉ ⵏ ⵍⵅⵓⴹⴰⵔⵜ ⵎⴰⵏⵉ ⵜⵃⴻⴽⴽⴻⵎ ⵜⴰⵢⵔⵉ,
ⵅ ⵉⵊⵊ ⵏ ⵓⴼⵓⵏⴰⵙ ⵉⵎⴻⵙⵍⴻⵏ ⵙ ⵡⴻⵛⵔⴰⵀ. ■
18 ⴰⵔⵢⴰⵥ ⵉⵙⴻⵄⵄⴰⵔⴻⵏ ⴷⴻⵖⵢⴰ ⵉⵙⵙⴻⴽⴽⴰⵔⴰ ⵉⵎⴻⵏⵖⵉⵢⵢⴻⵏ,
ⵎⴰⵛⴰ ⵡⴻⵏⵏⵉ ⵖⴰⵔ ⵉⴵⴰ ⵜⵜⴰⵙⵉⵄ ⵏ ⵍⵅⴰⴹⴰⵔ ⵉⵙⵙⴻⵅⵙⴰⵢ ⴰⵎⴻⵏⵖⵉ. ■
19 ⴰⴱⵔⵉⴷ ⵏ ⵓⵎⴻⵄⴳⵓⵥ ⴰⵎ ⵛⴱⴰⵔⵇ ⴰⴽ-ⴷ ⵉⵙⴻⵏⵏⴰⵏⴻⵏ,
ⵎⴰⵛⴰ ⴰⵎⴻⵙⵔⵓⵇ ⵏ ⵢⵉⵏⵏⵉ ⵉⴳⴳⵓⵔⴻⵏ ⵏⵉⵛⴰⵏ ⴰⵇⴰ ⵉⵜⵜⵡⴰⵙⵙⴳⴻⵄⵄⴻⴷ.
20 ⵎⵎⵉⵙ ⴰⵎⵉⵖⵉⵙ ⵉⵙⵙⴼⴰⵔⵔⴻⵃ ⴱⴰⴱⴰⵙ,
ⵎⴰⵛⴰ ⴱⵏⴰⴷⴻⵎ ⴰⴱⵓⵀⴰⵍⵉ ⵉⵙⵙⴻⵃⵇⴰⵔⴰ ⵢⴻⵎⵎⴰⵙ. ■
21 ⵜⵓⴱⴱⵓⵀⴻⵍⵢⴰ ⴰⵇⴰ-ⵜⵜ ⴷ ⵍⴻⴼⵔⴰⵃⴻⵜ ⵉ ⵡⴻⵏⵏⵉ ⵡⴰⵔ ⵖⴰⵔ ⵉⴵⵉ ⴱⵓ ⵡⵓⵍ ⵉⵎⵜⴻⵏ,
ⵎⴰⵛⴰ ⵉⵊⵊ ⵏ ⵡⴻⵔⵢⴰⵥ ⵏ ⵍⴻⴼⵀⴰⵎⴻⵜ ⵉⴳⴳⵓⵔ ⵏⵉⵛⴰⵏ. ■
22 ⵉⵏⵡⴰⵢⴻⵏ ⴼⴻⵛⵛⵍⴻⵏ ⵎⴰⵍⴰ ⵡⴰⵔ ⴷⵉⵏ ⵉⴵⵉ ⵛⵛⵡⴰⵔ,
ⵎⴰⵛⴰ ⵙ ⵡⴰⵟⵟⴰⵙ ⵏ ⵉⵎⵛⴰⵡⴰⵔⴻⵏ ⴰⴷ ⵢⵉⵍⵉ ⵡⴻⵏⵡⴰⵢ. □ ■
23 ⴰⵔⵢⴰⵥ ⵖⴰⵔⴻⵙ ⵍⴻⴼⵔⴰⵃⴻⵜ ⴷⵉ ⵜⵡⴰⵔⵔⵉⵜ ⵉⵚⴻⴱⵃⴻⵏ ⵥⴻⴳ ⵓⵇⴻⵎⵎⵓⵎ ⵏⵏⴻⵙ,
ⵓ ⵎⴻⵛⵃⴰⵍ ⵉⵚⴱⴻⵃ ⵡⴰⵡⴰⵍ ⴷⵉ ⵍⵡⴻⵇⵜ ⵏⵏⴻⵙ.
24 ⴰⴱⵔⵉⴷ ⵏ ⵜⵓⴷⴰⵔⵜ ⵉⵏⴻⴷⴷⴻⵀ ⵖⴰⵔ ⵙⴻⵏⵏⴻⵊ ⵉ ⵓⴼⴻⵀⵀⴰⵎ,
ⵎⴰⵃⴻⵏⴷ ⵏⴻⵜⵜⴰ ⴰⴷ ⵉⵃⴻⵢⵢⴻⴷ ⵅ ⵍⴰⵅⴰⵔⵜ ⵙⵡⴰⴷⴷⴰⵢ.
25 ⵜⴰⴷⴷⴰⵔⵜ ⵏ ⴱⵓ-ⵏⵏⴼⴰⵅⴻⵜ ⴰⴷ ⵜⵜ ⵉⵇⵍⴻⵄ ⵙⵉⴷⵉ,
ⵎⴰⵛⴰ ⴰⵢⵎⵉⵔ ⵏ ⵢⴻⵢⵢⴰⵔ ⵏ ⵜⴰⵊⵊⴰⵞ ⵉⵙⵙⴻⵎⵜⴰⵏ ⵉ-ⵜ ⵏⴻⵜⵜⴰ. ■
26 ⵉⵅⴻⵎⵎⵉⵎⴻⵏ ⵏ ⵓⵄⴻⴼⴼⴰⵏ ⴷ ⵏⵏⵄⵉ ⵉ ⵙⵉⴷⵉ,
ⵎⴰⵛⴰ ⴰⵡⴰⵍⴻⵏ ⵉⵛⴻⵡⵡⴰⵔⴻⵏ ⴷ ⵉⵎⴻⵥⴷⴰⴳⴻⵏ. ■
27 ⵡⴻⵏⵏⵉ ⵢⴰⵔⴻⵥⵥⵓⵏ ⵅ ⴰⵔⴱⴻⵃ ⵉⵖⴻⵟⵟⴻⵍ ⵜⴰⴷⴷⴰⵔⵜ ⵏⵏⴻⵙ ⴷⵉ ⴰⵔⵔⵥⵉⵢⵢⴻⵜ,
ⵎⴰⵛⴰ ⵡⴻⵏⵏⵉ ⵉⵛⴰⵔⵔⵀⴻⵏ ⵜⴰⵔⵥⵉⴼⵉⵏ, ⴰⴷ ⵉⴷⴷⴰⵔ. ■
28 ⵓⵍ ⵏ ⵉⵎⵙⴻⴳⴳⴰⴷⴻⵏ ⵉⵜⵜⵅⴰⵔⵔⴰⵚ ⵎⴰⵃⴻⵏⴷ ⴰⴷ ⴷⴷ-ⵢⴰⵔⵔ,
ⵎⴰⵛⴰ ⴰⵇⴻⵎⵎⵓⵎ ⵏ ⵉⵄⴻⴼⴼⴰⵏⴻⵏ ⵉⵜⵜⴼⴻⵢⵢⴻⴹ ⵙ ⵄⵍⴰⵎ ⴽⵓⵍ ⵍⵖⴰⵔ.
29 ⵉⴳⴳⵯⴻⵊ ⵙⵉⴷⵉ ⵅ ⵉⵄⴻⴼⴼⴰⵏⴻⵏ,
ⵎⴰⵛⴰ ⵜⴰⵥⴰⴵⵉⵜ ⵏ ⵉⵎⵙⴻⴳⴳⴰⴷⴻⵏ ⵉⵜⵜⴻⵙⵍⴰ ⴰⵙ. ■
30 ⵜⴰⴼⴰⵡⵜ ⴷⵉ ⵜⵉⵟⵟⴰⵡⵉⵏ ⵜⴻⵙⵙⴼⴰⵔⵔⴻⵃ ⵓⵍ,
ⵍⴻⵅⴱⴰⵔ ⴰⵚⴻⴱⵃⴰⵏ ⵉⵙⵙⵢⵓⵎⴰ ⵉⵅⵙⴰⵏ. ■
31 ⴰⵎⴻⵥⵥⵓⵖ ⵉⵜⵜⴻⵙⵍⴰⵏ ⵖⴰⵔ ⵓⵡⴻⴱⴱⴻⵅ ⵉ ⵜⵓⴷⴰⵔⵜ,
ⴰⴷ ⵉⵙⵙⴻⵏⵙ ⴷⵉ ⵍⵡⴻⵙⵜ ⵏ ⵉⵎⵉⵖⵉⵙⴻⵏ.
32 ⵡⴻⵏⵏⵉ ⵉⵏⴻⵟⵟⴰⵔⴻⵏ ⵜⵜⴰⵔⴱⵉⵢⵢⴻⵜ, ⵉⵙⵙⴻⵃⵇⴰⵔⴰ ⵉⵅⴻⴼ ⵏⵏⴻⵙ,
ⵎⴰⵛⴰ ⵡⴻⵏⵏⵉ ⵉⵜⵜⴻⵙⵍⴰⵏ ⵖⴰⵔ ⵓⵡⴻⴱⴱⴻⵅ, ⵉⵙⵙⵢⴰⵡⴰⵏ ⵓⵍ ⵏⵏⴻⵙ.
33 ⵜⵉⴳⴳⵯⵓⴷⵉ ⵏ ⵙⵉⴷⵉ ⴷ ⵜⵜⴰⵔⴱⵉⵢⵢⴻⵜ ⵖⴰⵔ ⵜⵉⵖⵉⵜ,
ⵓ ⴰⵡⴰⴹⴻⵄ ⵉⵜⵜⵉⵥⵡⴰⵔ ⵉ ⵛⵛⴰⵏ. ■