11
1 ⵍⵎⵉⵥⴰⵏ ⴰⵖⴻⵛⵛⴰⵛ ⴷ ⵏⵏⵄⵉ ⵉ ⵙⵉⴷⵉ, ⵎⴰⵛⴰ ⴰⵥⵔⵓ ⵏ ⵍⴻⵡⵥⴻⵏ ⵏⵉⵛⴰⵏ ⵉⵜⵜⴰⴼ ⴰⵔⴹⴰ ⵏⵏⴻⵙ. ■
2 ⵎⴰⵍⴰ ⵜⵓⵙⴰ-ⴷⴷ ⵏⵏⴼⴰⵅⴻⵜ, ⵜⵓⵙⴰ-ⴷⴷ ⵓⵍⴰ ⴷ ⵍⴻⴼⴹⵉⵃⴻⵜ,
ⵎⴰⵛⴰ ⵖⴰⵔ ⵉⵎⵡⴰⴹⵄⴻⵏ ⵜⴻⴵⴰ ⵜⵉⵖⵉⵜ. ■
3 ⵍⴻⵚⴼⴰⵢⴻⵜ ⵏ ⵉⵏⵏⵉ ⵉⴳⴳⵓⵔⴻⵏ ⵏⵉⵛⴰⵏ ⵜⵏⴻⴷⴷⴻⵀ ⵉ-ⵜⴻⵏ,
ⵎⴰⵛⴰ ⵜⴰⵃⵔⴰⵢⵎⴻⵛⵜ ⵏ ⵉⵖⴻⴷⴷⴰⵔⴻⵏ ⵜⴰⵍⴻⴷⴷⴻⴵ ⵉ-ⵜⴻⵏ. ■
4 ⴰⴳⵍⴰ ⵡⴰⵔ ⵉⵏⴻⴼⴼⴻⵄ ⵖⴰⵔ ⵡⴰⵙⵙ ⵏ ⵓⴷⵓⵇⵇⴻⵥ ⵏ ⵓⴼⵓⴳⴻⵎ,
ⵎⴰⵛⴰ ⵜⴰⵙⴻⴳⴷⴰ ⵜⴻⵙⵙⴻⵏⵊⴰⵎ ⵥⵉ ⵍⵎⴻⵡⵜ. ■
5 ⵜⴰⵙⴻⴳⴷⴰ ⵏ ⵡⴻⵏⵏⵉ ⵉⴳⴳⵓⵔⴻⵏ ⵏⵉⵛⴰⵏ ⵉⵜⵜⴰⵔⵔⴰ ⴰⴱⵔⵉⴷ ⵏⵏⴻⵙ ⵏⵉⵛⴰⵏ,
ⵎⴰⵛⴰ ⴰⵄⴻⴼⴼⴰⵏ ⵉⵡⴻⵟⵟⴰ ⵙ ⵜⵓⵄⴻⴼⴼⵏⴰ ⵏⵏⴻⵙ.
6 ⵜⴰⵙⴻⴳⴷⴰ ⵏ ⵉⵏⵏⵉ ⵉⴳⴳⵓⵔⴻⵏ ⵏⵉⵛⴰⵏ ⴰⴷ ⵜⴻⵏ ⵜⴻⵙⵙⴻⵏⵊⴻⵎ,
ⵎⴰⵛⴰ ⵉⵖⴻⴷⴷⴰⵔⴻⵏ ⴰⴷ ⵜⵜⵡⴰⵛⴰⵔⴼⴻⵏ ⴷⴻⴳ ⵓⵎⴻⵥⵔⵉ ⵏⵙⴻⵏ.
7 ⵎⴰⵍⴰ ⵉⵎⵎⵓⵜ ⴱⵏⴰⴷⴻⵎ ⴰⵄⴻⴼⴼⴰⵏ, ⵉⴼⵏⴰ ⵓⵙⵉⵜⴻⵎ ⵏⵏⴻⵙ,
ⵓⵍⴰ ⴷ ⵎⵉⵏ ⵜⵜⵔⴰⵊⴰⵏ ⵢⴻⵔⵢⴰⵥⴻⵏ ⵉⵜⵜⵖⴻⵛⵛⴰⵏ ⴰⴷ ⵉⴼⵏⴰ.
8 ⴰⵎⵙⴻⴳⴳⴻⴷ ⴰⴷ ⴷⴷ-ⵉⵜⵜⵡⴰⴼⴻⴽⴽ ⵥⵉ ⵍⴻⵃⵚⴰⵔⴻⵜ,
ⵓⵛⴰ ⵅⴻⵏⵏⵉ ⴰⵄⴻⴼⴼⴰⵏ ⴰⴷ ⴷⴷ-ⵢⴰⵙ ⴷⴻⴳ ⵡⴻⵎⵛⴰⵏ ⵏⵏⴻⵙ.■
9 ⴰⵎⵏⴰⴼⴻⵇ ⵉⵜⵜⴰⵔⴻⴷⴷⴻⴵ ⴰⵎⵇⴰⵔⵔⴻⴱ ⵏⵏⴻⵙ ⵙ ⵓⵇⴻⵎⵎⵓⵎ ⵏⵏⴻⵙ,
ⵎⴰⵛⴰ ⵉⵎⵙⴻⴳⴳⴰⴷⴻⵏ ⴰⴷ ⵜⵜⵡⴰⴼⴻⴽⴽⴻⵏ ⵙ ⵜⵓⵙⵙⵏⴰ. □
10 ⵜⴰⵏⴷⵉⵏⵜ ⵜᵉⵜⵜⴻⵙⵍⵉⵡⵍⵉⵡ ⵎⴰⵍⴰ ⵉⵎⵙⴻⴳⴳⴰⴷⴻⵏ ⴰⵇⴰ ⴰⵜⴻⵏ ⵎⵍⵉⵃ,
ⵓ ⵎⴰⵍⴰ ⵜⵜⵡⴰⵀⴻⵍⵍⴽⴻⵏ ⵉⵄⴻⴼⴼⴰⵏⴻⵏ, ⴰⵇⴰ ⴷⵉⵏ ⴰⵙⵍⵉⵡⵍⴻⵡ.
11 ⵜᵉⵜⵜⵡⴰⵙⴳⴻⵄⵄⴻⴷ ⵜⴻⵏⴷⵉⵏⵜ ⵙ ⵍⴱⴰⵔⴰⴽⴰ ⵏ ⵉⵏⵏⵉ ⵉⴳⴳⵓⵔⴻⵏ ⵏⵉⵛⴰⵏ,
ⵎⴰⵛⴰ ⵙ ⵓⵇⴻⵎⵎⵓⵎ ⵏ ⵉⵄⴻⴼⴼⴰⵏⴻⵏ ⴰⴷ ⵜᵉⵜⵜⵡⴰⵀⴷⴻⵎ.
12 ⵡⴻⵏⵏⵉ ⵡⴰⵔ ⵖⴰⵔ ⵉⴵⵉ ⵛⴰ ⵡⵓⵍ ⵉⵎⵜⴻⵏ, ⵉⵙⵙⴻⵃⵇⴰⵔⴰ ⴰⵎⵇⴰⵔⵔⴻⴱ ⵏⵏⴻⵙ,
ⵎⴰⵛⴰ ⴰⵔⵢⴰⵥ ⵡⴻⵏⵏⵉ ⵖⴰⵔ ⵉⴵⴰ ⵍⴻⴼⵀⴰⵎⴻⵜ ⵉⵜⵜⴻⵙⵇⴰⵔ.
13 ⵡⴻⵏⵏⵉ ⵉⴳⴳⵓⵔⴻⵏ ⴷⴰ ⴷ ⴷⵉⵀⴰ ⵙ ⵜⴻⵅⴱⴰⵔⵊⵉⵜ, ⵉⵜⵜⵄⴰⵔⵔⴰ ⵎⵉⵏ ⵉⵏⵏⵓⴼⴼⴰⵔⴻⵏ,
ⵎⴰⵛⴰ ⵡⴻⵏⵏⵉ ⵉ ⴷⵉ ⵉⴵⴰ ⴰⵔⵔⵓⵃ ⴷⴰⵢⴻⵙ ⵍⴰⵎⴰⵏ, ⴰⵇⴰ ⵉⵙⵙⵏⵓⴼⴼⴰⵔⴰ ⵜⴰⵎⴻⵙⵍⴰⵛⵜ.
14 ⵎⴰⵍⴰ ⵡⴰⵔ ⴷⵉⵏ ⴰⴷⴻⴱⴱⴰⵔ, ⵉⵡⴻⵟⵟⴰ ⵍⴳⴻⵏⵙ,
ⵎⴰⵛⴰ ⴰⴷ ⵢⵉⵍⵉ ⵓⵙⴻⵏⵊⴻⵎ ⵙ ⵍⴻⵎⵖⴰⵔⴻⵜ ⵏ ⵓⵎⵛⴰⵡⴰⵔ. ■
15 ⵡⴻⵏⵏⵉ ⵉⴹⴻⵎⵎⵏⴻⵏ ⵍⴱⴰⵔⵔⴰⵏⵉ, ⵡⴰⵔ ⴷⴷ ⴰⵙ ⵜᵉⵜⵜⴻⴼⴼⴻⵖ ⵛⴰ ⵎⵍⵉⵃ,
ⵎⴰⵛⴰ ⵡⴻⵏⵏⵉ ⵉⵛⴰⵔⵔⵀⴻⵏ ⵉⵏⵏⵉ ⵉⵜⵜⴻⴳⴳⴻⵏ ⵜⵉⵛⵜⵉ ⵅ ⵓⴼⵓⵙ ⵉ ⵎⴰⵏ ⴰⵢⴰ, ⴰⵇⴰ-ⵜ ⴷⵉ ⵍⴰⵎⴰⵏ.
16 ⵜⴰⵎⵖⴰⵔⵜ ⵜᵉⵜⵜⴰⴼ ⴰⵔⴹⴰ, ⵜᵉⵟⵟⴻⴼ ⴷⵉ ⵍⵄⴻⵥⵥ ⵏⵏⴻⵙ,
ⵎⴰⵛⴰ ⴰⵢⵜ ⵏ ⴱⵓ-ⵍⴻⵅⵛⵓⵏⴻⵜ ⵜⵜᵉⵟⵟⴼⴻⵏ ⴷⴻⴳ ⵡⴰⴳⵍⴰ.
17 ⴱⵏⴰⴷⴻⵎ ⵙ ⵜⵎⴻⵅⵙⵉⵡⵜ ⵉⵛⴻⵡⵡⴰⵔⴻⵏ ⵉⵜⵜⴻⴳⴳ ⵍⵅⴰⵔ ⵉ ⵍⴻⵄⵎⴰⵔ ⵏⵏⴻⵙ,
ⵎⴰⵛⴰ ⵡⴻⵏⵏⵉ ⵉⵜⵜⵖⴻⵥⵥⴰⵏ ⴰⵔⵔⵉⵎⴻⵜ ⵏ ⵢⵉⵅⴻⴼ ⵏⵏⴻⵙ, ⴰⵇⴰ ⵏⴻⵜⵜⴰ ⴷ ⴰⵇⴻⵙⵙⴰⵃ.
18 ⴰⵄⴻⴼⴼⴰⵏ ⵉⵎⴻⵊⵊⴰⵔ ⵍⵖⵉⴵⴻⵜ ⵏ ⵍⵖⴻⵛⵛ,
ⵎⴰⵛⴰ ⵡⴻⵏⵏⵉ ⵉⵥⴰⵔⵔⵄⴻⵏ ⵜⴰⵙⴻⴳⴷⴰ, ⵉⵎⴻⵊⵊⴰⵔ ⵉⵛⵜ ⵏ ⵍⵎⵓⵏⴻⵜ ⵉⵎⴻⵜⵏⴻⵏ.
19 ⵜⴰⵙⴻⴳⴷⴰ ⵏⵉⵛⴰⵏ ⵜᵉⵜⵜⴰⵡⵉ ⵖⴰⵔ ⵜⵓⴷⴰⵔⵜ,
ⵡⴻⵏⵏⵉ ⵢⴰⵔⴻⴷⴷⴼⴻⵏ ⵍⵖⴰⵔ, ⵢⴰⵔⴻⵥⵥⵓ ⵍⵎⴻⵡⵜ ⵏⵏⴻⵙ.
20 ⵉⵏⵏⵉ ⵖⴰⵔⵙⴻⵏ ⵓⵍ ⵉⴼⴰⵔⵖⴻⵏ ⴰⵇⴰ ⴰⵜⴻⵏ ⴷ ⵏⵏⵄⵉ ⵉ ⵙⵉⴷⵉ,
ⵎⴰⵛⴰ ⵉⵏⵏⵉ ⵉⴳⴳⵓⵔⴻⵏ ⵏⵉⵛⴰⵏ ⵏⴻⵜⵜⴰ ⵢⴰⵔⴻⵟⵟⴰ ⴷⴰⵢⵙⴻⵏ.
21 ⵙ ⵜⵉⴷⴻⵜⵜ, ⴰⵄⴻⴼⴼⴰⵏ ⵡⴰⵔ ⵉⵜⵜⵖⵉⵎⵉ ⴱⵍⴰ ⵍⴻⵅⵍⴰⵚ,
ⵎⴰⵛⴰ ⵜⴰⵔⵡⴰ ⵏ ⵉⵎⵙⴻⴳⴳⴰⴷⴻⵏ ⴰⴷ ⵜⵜⵡⴰⵙⵏⴻⵊⵎⴻⵏ. ■
22 ⴰⵎⴻⵛⵏⴰⵡ ⵉⵛⵜ ⵏ ⵜⵅⴰⴷⴻⵏⵜ ⵏ ⵡⵓⵔⴻⵖ ⴷⵉ ⵜⵉⵏⵥⴰⵔ ⵏ ⵢⵉⵍⴻⴼ,
ⴰⵎⵎⵓ ⵉ ⵜⴻⴵⴰ ⵉⵛⵜ ⵏ ⵜⴻⵎⵖⴰⵔⵜ ⵜⴻⵛⵏⴰ ⵡⴰⵔ ⴷⵉ ⵉⴵⴰ ⵓⵎⴻⵢⵢⴻⵥ.
23 ⵎⴻⵥⵔⵉ ⵏ ⵉⵎⵙⴻⴳⴳⴰⴷⴻⵏ ⵎⵖⵉⵔ ⵖⴰⵔ ⵎⵉⵏ ⵉⵚⴻⴱⵃⴻⵏ,
ⵎⴰⵛⴰ ⴰⵙⵉⵜⴻⵎ ⵏ ⵉⵄⴻⴼⴼⴰⵏⴻⵏ ⴰⵇⴰ-ⵜ ⵏⵀⵍⴰ ⵍⴻⵄⴱⴰⵔ.
24 ⴰⵇⴰ ⴷⵉⵏ ⵉⵊⵊⴻⵏ ⵡⴻⵏⵏⵉ ⵉⴱⴻⵟⵟⴰⵏ ⵙ ⵡⴻⵛⵔⵉⵎ, ⵡⴰⵅⵅⴰ ⴰⵎⴻⵏⵏⵉ ⵉⵜⵜⵡⴰⵔⵏⵉ ⴰⵙ ⵄⴰⴷ ⴽⵜⴰⵔ,
ⵓ ⴰⵇⴰ ⴷⵉⵏ ⵉⵊⵊⴻⵏ ⵡⴻⵏⵏⵉ ⵉⵎⴻⵏⵏⵄⴻⵏ ⴽⵜⴰⵔ ⵅ ⵎⵉⵏ ⵉⵛⵓⵡⵡⴰⵔⴻⵏ,
ⵡⴰⵅⵅⴰ ⴰⵎⴻⵏⵏⵉ ⴰⵢⴰ ⵉⵏⴻⴷⴷⴻⵀ ⵖⴰⵔ ⵥⵥⴻⵍⴹ.
25 ⵍⴻⵄⵎⴰⵔ ⵏⵏⵉ ⵉⵜⵜⴱⴰⵔⴽⴻⵏ ⴰⴷ ⵉⵜⵜⵡⴰⵙⵊⵉⵡⴻⵏ,
ⵓ ⵡⴻⵏⵏⵉ ⵉⵜⵜⵉⵛⴻⵏ ⴰⵎⴰⵏ, ⴰⴷ ⴰⵙ ⵉⵎⵎⴻⵡⵛ ⵡⴰⵎⴰⵏ ⵉ ⵏⴻⵜⵜⴰ ⵙⵉⵎⴰⵏⵜ ⵏⵏⴻⵙ. ■
26 ⵡⴻⵏⵏⵉ ⵉⵜⵜⵅⴻⵎⵎⴰⵍⴻⵏ ⵉⵎⴻⵏⴷⵉ, ⵉⵏⴻⵄⵄⴻⵍ ⵉ-ⵜ ⵛⵛⴻⵄⴱ,
ⵎⴰⵛⴰ ⵍⴱⴰⵔⴰⴽⴰ ⴰⴷ ⵜⵉⵍⵉ ⵅ ⵓⵥⴻⴵⵉⴼ ⵏ ⵡⴻⵏⵏⵉ ⵉⵥⵏⵓⵥⴰⵏ ⵉⵎⴻⵏⴷⵉ.
27 ⵡⴻⵏⵏⵉ ⵉⵜⵜⵛⴻⵟⵟⴰⵔⴻⵏ ⴷⵉ ⵟⵟⵡⴻⵄ ⵏ ⵎⵉⵏ ⵉⵚⴻⴱⵃⴻⵏ, ⵢⴰⵔⴻⵥⵥⵓ ⵎⵉⵏ ⵢⴰⵔⴹⴰⵏ,
ⵎⴰⵛⴰ ⵡⴻⵏⵏⵉ ⵉⵜⵜⵃⴰⵎⴰⵏ ⵍⵖⴰⵔ, ⴰⴷ ⵜ ⵉⵍⵇⴻⴼ. ■
28 ⵡⴻⵏⵏⵉ ⵉⵜⵜⵛⴰⵍⴻⵏ ⵅ ⵡⴰⴳⵍⴰ ⵏⵏⴻⵙ, ⴰⴷ ⵉⵡⴹⴰ,
ⵎⴰⵛⴰ ⵉⵎⵙⴻⴳⴳⴰⴷⴻⵏ ⵜⵜⵏⴻⵄⵏⵉⵄⴻⵏ ⴰⵎ ⵉⴼⴻⵜⵡⴰⵏ ⵉⵥⵉⵥⴰⵡⴻⵏ.■
29 ⵡⴻⵏⵏⵉ ⵉⵀⴻⴽⴽⵡⵍⴻⵏ ⴰⵢⵜⴱⴰⴱ ⵏ ⵜⴰⴷⴷⴰⵔⵜ ⵏⵏⴻⵙ, ⴰⴷ ⵉⵡⴰⵔⵜ ⴰⵙⴻⵎⵎⵉⴹ,
ⵓ ⴰⴱⵓⵀⴰⵍⵉ ⴰⴷ ⵢⵉⵍⵉ ⴷ ⴰⵎⵙⴻⵅⵅⴰⵔ ⵏ ⵡⴻⵏⵏⵉ ⴷⵉ ⵉⴵⴰ ⵡⵓⵍ ⴰⵎⵉⵖⵉⵙ.
30 ⵍⵖⵉⴵⴻⵜ ⵏ ⵓⵎⵙⴻⴳⴳⴰⴷ ⴷ ⵉⵛⵜ ⵏ ⵜⵛⴻⵊⵊⴰⵔⵜ ⵏ ⵜⵓⴷⴰⵔⵜ,
ⵡⴻⵏⵏⵉ ⵢⴰⵔⴻⴱⴱⵃⴻⵏ ⵍⴻⵄⵎⵓⵔ ⴰⵇⴰ-ⵜ ⴷ ⴰⵎⵉⵖⵉⵙ. □
31 ⵅⵥⴰⵔ, ⴰⵇⴰ ⴰⴷ ⵉⵜⵜⵡⴰⵅⴻⴵⴻⵚ ⵓⵎⵙⴻⴳⴳⴻⴷ ⴷⵉ ⵜⴻⵎⵎⵓⵔⵜ,
ⵅⴻⵏⵏⵉ ⵎⴰⵀⵓ ⴰⵄⴻⴼⴼⴰⵏ ⴷ ⵓⵎⴻⴷⵏⵓⴱ. ■