ⴰⵍⴰⵖⵉ ⵏ ⵜⵉⵖⵉⵜ
8
1 ⵎⴰ ⵡⴰⵔ ⵜᵉⵜⵜⵍⵉⵖⵉ ⵜⵉⵖⵉⵜ ⵓ ⵡⴰⵔ ⵜⴻⵙⴳⵉⵄⵄⵉⴷ ⵍⴻⴼⵀⴰⵎⴻⵜ ⵜⵎⵉⵊⵊⴰ ⵏⵏⴻⵙ? ■ 2 ⵅ ⵜⵇⵉⵛⵛⴰⵜ ⵏ ⵍⴻⴳⵄⵓⴷⵉ ⵅ ⵡⴻⴱⵔⵉⴷ,
ⵎⴰⵏⵉ ⵜⵜⴻⵎⵙⴻⵍⵇⴰⵏ ⵉⵎⴻⵙⵔⴰⵇ ⵜⴱⴻⴷⴷ ⵏⴻⵜⵜⴰⵜ ⴷ ⴰⴱⴻⴷⴷⵉ.
3 ⵖⴰⵔ ⵓⵖⴻⵥⴷⵉⵙ ⵏ ⵜⴻⵡⵡⵓⵔⴰ, ⵖⴰⵔ ⵡⴰⴷⴰⴼ ⵏ ⵜⴻⵏⴷⵉⵏⵜ,
ⵎⴰⵏⵉ ⵉ ⵖⴰ ⵜⴰⴷⴼⴻⴷ ⵅ ⵜⴻⵡⵡⵓⵔⴰ, ⵜᵉⵜⵜⵍⴰⵖⴰ ⵙ ⵊⵊⴻⵀⴷ:
4 “ⵉ ⴽⴻⵏⵏⵉⵡ, ⴰ ⵉⵔⵢⴰⵥⴻⵏ, ⵜⵜⵍⴰⵖⵉⵖ,
ⵜⵎⵉⵊⵊⴰ ⵉⵏⵓ ⵜᵉⵜⵜⴻⴼⴼⴻⵖ ⵖⴰⵔ ⵜⴰⵔⵡⴰ ⵏ ⴱⵏⴰⴷⴻⵎ.
5 ⴽⴻⵏⵏⵉⵡ ⵉⵃⴰⴼⵉⵢⵢⴻⵏ, ⴼⴻⵀⵎⴻⵎ ⵅⴻⵏⵏⵉ ⵎⵉⵏ ⵉⴵⴰⵏ ⴷ ⴰⴼⵜⴰⵏ,
ⴽⴻⵏⵏⵉⵡ ⵉⴱⵓⵀⴰⵍⵉⵢⵢⴻⵏ, ⴼⴻⵀⵎⴻⵎ ⵙ ⵡⵓⵍ ⵏⵡⴻⵎ.
6 ⵙⵍⴻⵎ, ⵎⵉⵏⵥⵉ ⴰⴷ ⵙⵙⵉⵡⵍⴻⵖ ⴰⵡⴰⵍⴻⵏ ⵉ ⴷⴷ-ⵉⵊⴻⴱⴱⴷⴻⵏ ⵍⴻⴼⵜⴻⵏ,
ⴰⵏⵓⵔⵥⴻⵎ ⵏ ⵉⵢⴻⵏⵛⵉⵛⴻⵏ ⵉⵏⵓ ⵊⴻⴱⴱⴻⴷ-ⴷⴷ ⵜⵉⵎⴻⵙⵍⴰⵢⵉⵏ ⵉⵙⴻⴳⴳⴷⴻⵏ,
7 ⵎⴰⵖⴰⵔ ⴰⵏⴻⵖ ⵉⵏⵓ ⴰⴷ ⵢⵉⵏⵉ ⵜⵉⴷⴻⵜⵜ ⵙ ⵏⵏⴻⵢⵢⴻⵜ,
ⵍⵀⴰⵔⴷ ⵉⵄⴻⴼⴼⵏⴻⵏ ⴰⵇⴰ-ⵜ ⴷ ⵏⵏⵄⵉ ⵉ ⵉⵢⴻⵏⵛⵉⵛⴻⵏ ⵉⵏⵓ.
8 ⵎⴰⵔⵔⴰ ⴰⵡⴰⵍⴻⵏ ⵏ ⵓⵇⴻⵎⵎⵓⵎ ⵉⵏⵓ ⵜⵜⴻⴼⴼⵖⴻⵏ-ⴷⴷ ⵥⵉ ⵜⵙⴻⴳⴷⴰ,
ⵡⴰⵔ ⴷⴰⵢⵙⴻⵏ ⵓⵍⴰ ⴷ ⵉⵛⵜ ⵏ ⵍⵃⴰⵊⵊⴻⵜ ⵉⵅⵏⵓⵏⵏⴻⵙⴻⵏ ⵏⵉⵖ ⵉⴼⴰⵔⵖⴻⵏ.
9 ⴰⵇⴰ ⴰⵜⴻⵏ ⵎⴰⵔⵔⴰ ⵚⴼⴰⵏ ⵉ ⵡⴻⵏⵏⵉ ⴷⵉ ⵜⴻⴵⴰ ⵍⴻⴼⵀⴰⵎⴻⵜ,
ⵓⵍⴰ ⵙ ⵍⴻⵇⵢⴰⵙ ⵉ ⵢⴻⵏⵏⵉ ⵉⵅⵙⴻⵏ ⴰⴷ ⴰⴼⴻⵏ ⵜⵓⵙⵙⵏⴰ.
10 ⴽⵙⵉⵎ ⵜⵜⴰⵔⴱⵉⵢⵢⴻⵜ ⵉⵏⵓ, ⵡⴰⵔ ⵉⴵⵉ ⵏⵏⵓⵇⴰⵔⵜ,
ⵓⵍⴰ ⵜⵓⵙⵙⵏⴰ ⴽⵜⴰⵔ ⵅ ⵡⵓⵔⴻⵖ ⵉⵇⵇⵓⵔⴻⵏ,
11 ⵎⴰⵖⴰⵔ ⵜⵉⵖⵉⵜ ⵃⵙⴻⵏ ⵥⵉ ⵍⵎⴰⵔⵊⴰⵏ,
ⵎⴰⵔⵔⴰ ⵎⵉⵏ ⴷⵉ ⵉⵥⴻⵎⵎⴰⵔ ⴱⵏⴰⴷⴻⵎ ⴰⴷ ⵉⵎⴻⵥⵔⵉ,
ⵡⴰⵔ ⵉⵥⴻⵎⵎⴰⵔ ⴰⴷ ⴷⴰⵢⴻⵙ ⵢⴰⵔⵡⴻⵙ. ■
12 ⵏⴻⵛⵛ, ⵜⵉⵖⵉⵜ, ⵥⴻⴷⴷⵖⴻⵖ ⵖⴰⵔ ⵡⴻⴼⵜⴰⵏ,
ⵜⵜⴰⴼⴻⵖ ⵜⵓⵙⵙⵏⴰ ⵙ ⵓⵃⴰⴷⵓⵔ.
13 ⵜⵉⴳⴳⵯⵓⴷⵉ ⵏ ⵙⵉⴷⵉ ⴷ ⴰⵛⵔⴰⵀ ⵏ ⵍⵖⴰⵔ ⴷ ⵏⵏⴼⴰⵅⴻⵜ ⴷ ⵜⵛⴻⵏⵏⴰⵄⵜ ⴷ ⵓⵎⴻⵙⵔⵓⵇ ⴰⵄⴻⴼⴼⴰⵏ,
ⵏⴻⵛⵛ ⵛⴰⵔⵔⵀⴻⵖ ⵓⵍⴰ ⴷ ⴰⵇⴻⵎⵎⵓⵎ ⵉⵛⵛⵓⵔ ⵙ ⵍⴻⵅⴷⴰⵄⴰⵜ.
14 ⵖⴰⵔⵉ ⴰⵛⴰⵡⴰⵔ ⴷ ⵜⵡⵉⵥⴰ,
ⵏⴻⵛⵛ ⴷ ⵍⴻⴼⵀⴰⵎⴻⵜ, ⵖⴰⵔⵉ ⵊⵊⴻⵀⴷ.
15 ⵣⵥⴰⵢⵉ ⵃⴻⴽⴽⵎⴻⵏ ⵉⵊⴻⴵⵉⴷⴻⵏ,
ⵥⵥⴰⵢⵉ ⵜⵜⴰⵔⴻⵢⵙⴻⵏ ⴰⵢⵜ ⵏ ⵊⵊⴻⵀⴷ ⵙ ⵜⵙⴻⴳⴷⴰ.
16 ⵣⵥⴰⵢⵉ ⵃⴻⴽⴽⵎⴻⵏ ⵍⵃⵓⴽⴽⴰⵎ ⴷ ⵜⴰⵔⵡⴰ ⵏ ⵜⴰⵚⵉⵍⴻⵜ,
ⵎⴰⵔⵔⴰ ⵍⵇⵓⴹⴰⵜ ⵏ ⵜⴻⵎⵎⵓⵔⵜ.
17 ⵏⴻⵛⵛ ⵜⵜⴻⵅⵙⴻⵖ ⵎⴰⵔⵔⴰ ⵉⵏⵏⵉ ⴷ ⴰⵢⵉ ⵉⵜⵜⴻⵅⵙⴻⵏ,
ⴷ ⵢⴻⵏⵏⵉ ⵅⴰⴼⵉ ⵢⴰⵔⴻⵥⵥⵓⵏ ⵥⵉⵛ, ⴰⴷ ⴰⵢⵉ ⴰⴼⴻⵏ.
18 ⴰⴳⵍⴰ ⴷ ⵛⵛⴰⵏ ⴰⵇⴰ ⴰⵜⴻⵏ ⵖⴰⵔⵉ,
ⴰⴳⵍⴰ ⵉⵇⵇⵉⵎⴻⵏ ⴷ ⵜⵙⴻⴳⴷⴰ. ■
19 ⴼⵔⵓⵜⴰ ⵉⵏⵓ ⵜⴻⵛⵏⴰ ⵅ ⵡⵓⵔⴻⵖ ⵉⵜⵜⵉⵙⵙⵉⵇⴻⵏ ⵓ ⵅ ⵡⵓⵔⴻⵖ ⴰⵥⴷⴰⴷ,
ⵍⵖⵉⴵⴻⵜ ⵉⵏⵓ ⵜⴻⵄⴷⵓ ⵏⵏⵓⵇⴰⵔⵜ ⵉⵇⵇⵓⵔⴻⵏ.■
20 ⵏⴻⵛⵛ ⴳⴳⵓⵔⴻⵖ ⵅ ⵓⵎⴻⵙⵔⵓⵇ ⵏ ⵜⵙⴻⴳⴷⴰ,
ⴷⵉ ⵍⵡⴻⵙⵜ ⵏ ⵉⵎⴻⵙⵔⴰⵇ ⵏ ⵍⵃⴻⵇⵇ,
21 ⵃⵉⵎⴰ ⴰⴷ ⴰⵔⵔⴻⵖ ⵉⵏⵏⵉ ⴷ ⴰⵢⵉ ⵉⵜⵜⴻⵅⵙⴻⵏ ⴰⴷ ⵟⵟⴼⴻⵏ ⵉⵛⵜ ⵏ ⵜⴻⵙⵖⴰⵔⵜ ⴷ ⵍⵡⴰⵔⵜ,
ⵏⴻⵛⵛ ⴰⴷ ⵛⵛⵓⵔⴻⵖ ⵉⵅⵅⴰⵎⴻⵏ ⵏ ⵜⵅⵓⴱⴰⵢ ⵏⵙⴻⵏ.
22 ⵙⵉⴷⵉ ⵉⴳⴳⴰ ⴰⵢⵉ ⴰⵎ ⵓⵎⴻⵥⵡⴰⵔⵓ ⵏ ⵡⴻⴱⵔⵉⴷ ⵏⵏⴻⵙ,
ⵄⴰⴷ ⵖⴰⵔ ⵓⵎⴻⵥⵡⴰⵔⵓ ⵏ ⵜⵎⴻⴳⴳⴰ ⵏⵏⴻⵙ ⴷⴻⴳ ⵡⴻⵛⵃⴰⵍ ⵓⵢⴰ.
23 ⵣⵉ ⵍⴻⴱⴷⴰ ⵉⵜⵜⵡⴰⵥⴻⴵⴻⵄ ⵅⴰⴼⵉ ⵊⵊⴻⵀⴷ, ⵥⴻⴳ ⵓⵎⴻⵥⵡⴰⵔⵓ,
ⵥⵉ ⵍⵡⴻⵇⵜ ⵏⵏⵉ ⴷⵉ ⵉⵜⵜⵡⴰⴳⴳ ⴷⵙⴰⵙ ⵏ ⵜⴻⵎⵎⵓⵔⵜ, ■
24 ⵓⵎⵉ ⵡⴰⵔ ⴷⵉⵏ ⵜⵓⵖⵉ ⵄⴰⴷ ⴰⵎⴰⵏ ⵢⵓⴵⵖⴻⵏ, ⵏⴻⵛⵛ ⵜⵜⵡⴰⵅⴻⵍⵇⴻⵖ-ⴷⴷ,
ⵓⵎⵉ ⵡⴰⵔ ⴷⵉⵏ ⵜⵓⵖⵉ ⵄⴰⴷ ⵍⵄⵓⵏⵚⴰⵔⴰⵜ ⵛⵛⵓⵔⴻⵏⵜ ⵙ ⵡⴰⵎⴰⵏ.
25 ⵇⴱⴻⵍ ⵎⴰ ⴰⴷ ⵜⵜⵡⴰⴳⴳⴻⵏ ⵉⴷⵓⵔⴰⵔ,
ⵇⴱⴻⵍ ⵎⴰ ⴰⴷ ⵉⵍⵉⵏⵜ ⵜⴻⵡⵔⵉⵔⵉⵏ, ⵜⵓⵖⴰ ⵅⴻⵍⵇⴻⵖ-ⴷⴷ ⵏⴻⵛⵛ.
26 ⵏⴻⵜⵜⴰ ⵜⵓⵖⴰ ⵄⴰⴷ ⵡⴰⵔ ⴷⴷ-ⵉⵅⵍⵉⵇ ⵜⴰⵎⵎⵓⵔⵜ ⴷ ⵉⵢⵢⴰⵔⴻⵏ,
ⵓⵍⴰ ⴷ ⵜⴰⵎⴻⵥⵡⴰⵔⵓⵜ ⵏ ⵜⵄⴻⵊⵊⴰⵊⵜ ⵏ ⴷⴷⵓⵏⴻⵛⵜ.
27 ⵓⵎⵉ ⵏⴻⵜⵜⴰ ⵉⴳⴳⴰ ⵉⵊⴻⵏⵡⴰⵏ, ⵜⵓⵖⴰ ⴰⵢⵉ ⴷⵉⵏ,
ⵓⵎⵉ ⵏⴻⵜⵜⴰ ⵢⴰⵔⵛⴻⵎ ⵉⵛⵜ ⵏ ⵜⵇⵓⵔⴰⵔⴻⵛⵜ ⵅ ⵡⵓⴷⴻⵎ ⵏ ⵡⴰⵎⴰⵏ ⵢⵓⴵⵖⴻⵏ. ■
28 ⵓⵎⵉ ⵏⴻⵜⵜⴰ ⵉⴳⴳⴰ ⵉⵙⴻⵢⵏⵓⵜⴻⵏ ⵙⴻⵏⵏⴻⵊ,
ⵓⵎⵉ ⵜⵜⵡⴰⵊⴻⵀⴷⴻⵏⵜ ⵍⵄⵓⵏⵚⴰⵔⴰⵜ ⵏ ⵡⴰⵎⴰⵏ ⵢⵓⴵⵖⴻⵏ, ■
29 ⵓⵎⵉ ⵏⴻⵜⵜⴰ ⵉⴳⴳⴰ ⵉ ⵍⴻⴱⵃⴰⵔ ⴰⵢⵎⵉⵔ ⵏⵏⴻⵙ,
ⵎⴰⵃⴻⵏⴷ ⴰⵎⴰⵏ ⵡⴰⵔ ⴷⴷ-ⵄⴻⴷⴷⵓⵏ ⵍⵓⵎⵓⵔ ⵏⵏⴻⵙ,
ⵓⵎⵉ ⵏⴻⵜⵜⴰ ⵉⵄⴱⴰⵔ ⴷⵙⵓⵙⴰ ⵏ ⵜⴻⵎⵎⵓⵔⵜ, ■
30 ⵜⵓⵖⴰ ⴰⵢⵉ ⴷ ⴰⵎⵓⴷⵔⵓⵙ ⵉⵄⵉⵥⵥⴻⵏ ⵖⴰⵔ ⵓⵖⴻⵥⴷⵉⵙ ⵏⵏⴻⵙ.
ⵏⴻⵛⵛ ⵜⵓⵖⴰ ⴰⵢⵉ ⵎⴰⵔⵔⴰ ⴷ ⵜⴰⵔⵔⵉⵜ ⵏ ⵎⴻⵥⵔⵉ ⴰⵙⵙ ⵅ ⵡⴰⵙⵙ,
ⵜⵜⵉⵔⴰⵔⴻⵖ ⵥⵥⴰⵜ ⵉ ⵡⵓⴷⴻⵎ ⵏⵏⴻⵙ ⵍⴻⴱⴷⴰ, ■
31 ⵜⵜⵉⵔⴰⵔⴻⵖ ⴷⵉ ⵎⴰⵔⵔⴰ ⵜⴰⵎⵎⵓⵔⵜ ⵏⵏⴻⵙ,
ⴰⵎ ⵜⵓⵖⴰ ⵜⴰⵔⵔⵉⵜ ⵏ ⵎⴻⵥⵔⵉ ⵉⵏⵓ ⴰⴽ-ⴷ ⵜⴰⵔⵡⴰ ⵏ ⴱⵏⴰⴷⴻⵎ.
32 ⵅⴻⵏⵏⵉ ⵍⴻⵅⵅⵓ, ⴰ ⵉⵃⴻⵏⵊⵉⵔⴻⵏ ⵉⵏⵓ, ⵙⵍⴻⵎ-ⴷⴷ ⵖⴰⵔⵉ!
ⵙⵙⴻⵄⴷ ⵏ ⵢⵉⵏⵏⵉ ⵉⵃⴻⵟⵟⴰⵏ ⵉⴱⵔⵉⴷⴻⵏ ⵉⵏⵓ. ■
33 ⵙⵍⴻⵎ ⵖⴰⵔ ⵜⵜⴰⵔⴱⵉⵢⵢⴻⵜ ⵓ ⴷⴻⵡⵍⴻⵎ ⴷ ⵉⵎⵉⵖⵉⵙⴻⵏ,
ⵡⴰⵔ ⵏⴻⵟⵟⴰⵔⴻⵎ ⵜⴰⵔⴱⵉⵢⵢⴻⵜ.
34 ⵙⵙⴻⵄⴷ ⵏ ⴱⵏⴰⴷⴻⵎ ⵏⵏⵉ ⵖⴰⵔⵉ ⵉⵙⵍⴰⵏ,
ⵡⴻⵏⵏⵉ ⵉⵟⵟⴼⴻⵏ ⴰⵛⴱⴰⵔ ⵖⴰⵔ ⵜⴻⵡⵡⵓⵔⴰ ⵉⵏⵓ ⵥⴻⴳ ⵡⴰⵙⵙ ⴰⵍ ⵡⴰⵙⵙ,
ⵉⵃⴻⵜⵜⴰ ⵅ ⵜⵖⴻⵎⵎⴰⵔ ⵏ ⵜⴻⵡⵡⵓⵔⴰ ⵉⵏⵓ,
35 ⵎⴰⵖⴰⵔ ⵡⴻⵏⵏⵉ ⴷ ⴰⵢⵉ ⵢⵓⴼⵉⵏ, ⵢⵓⴼⴰ ⵜⵓⴷⴰⵔⵜ,
ⵓ ⴰⴷ ⵉⵟⵟⴻⴼ ⴰⵔⴹⴰ ⵏ ⵙⵉⴷⵉ. ■
36 ⵡⴻⵏⵏⵉ ⵉ ⴷ ⴰⵢⵉ ⵉⵅⴹⴰⵏ, ⵉⵢⴻⵥⵥⴻⵎ ⵍⴻⵄⵎⴰⵔ ⵏⵏⴻⵙ,
ⵎⴰⵔⵔⴰ ⵉⵏⵏⵉ ⴷ ⴰⵢⵉ ⵉⵛⴰⵔⵔⵀⴻⵏ, ⵜⵜⴻⵅⵙⴻⵏ ⵍⵎⴻⵡⵜ.