ⴰⵔⵛⴰⵎ ⵏ ⵡⴻⵔⵢⴰⵥ ⵡⴻⵏⵏⵉ ⵉⵊⵊⵉⵏ ⴰⴷ ⵉⵖⴻⴽⴽⵯⵉ ⵉⵅⴻⴼ ⵏⵏⴻⵙ
7
1 ⵎⵎⵉ ⵉⵏⵓ, ⵃⴹⴰ ⴰⵡⴰⵍⴻⵏ ⵉⵏⵓ, ⵅⴻⵎⵎⴻⵍ ⵜⵉⵡⴻⵚⵚⴰ ⵉⵏⵓ ⵖⴰⵔⴻⴽ.
2 ⵃⴹⴰ ⵜⵉⵡⴻⵚⵚⴰ ⵉⵏⵓ ⵓ ⵛⴻⴽ ⴰⴷ ⵜⴻⵇⵇⵉⵎⴻⴷ ⵜⴻⴷⴷⴰⵔⴻⴷ,
ⵃⴹⴰ ⵜⴰⵖⵓⵔⵉ ⵉⵏⵓ ⴰⵎ ⵎⵓⵎⵎⵓ ⵏ ⵜⵉⵟⵟ ⵏⵏⴻⴽ. ■
3 ⵇⵇⴻⵏ ⵉ-ⵜⴻⵏⵜ ⵖⴰⵔ ⵉⴹⴻⵡⴹⴰⵏ ⵏⵏⴻⴽ,
ⴰⵔⵉ ⵜⴻⵏⵜ ⵅ ⵜⴻⵍⵡⵉⵃⵜ ⵏ ⵡⵓⵍ ⵏⵏⴻⴽ. ■
4 ⵉⵏⵉ ⵉ ⵜⵉⵖⵉⵜ: ‘ⵛⴻⵎ ⴷ ⵓⵞⵎⴰ!’,
ⵓ ⵙⴻⵎⵎⴰ ⵍⴻⴼⵀⴰⵎⴻⵜ: ‘ⴰⵎⴻⴷⴷⵓⴽⴽⴻⵍ ⵉⵏⵓ!’,
5 ⵎⴰⵃⴻⵏⴷ ⵏⵉⵜⴻⵏⵜⵉ ⴰⴷ ⵛⴻⴽ ⵃⴹⴰⵏ ⵥⵉ ⵜⴻⵎⵖⴰⵔⵜ ⵜⴰⴱⴰⵔⵔⴰⵏⴻⵛⵜ,
ⵥⵉ ⵜⴻⵎⵖⴰⵔⵜ ⵥⵉ ⴱⴰⵔⵔⴰ ⵉ ⵛⴻⴽ ⵉⵜⵜⵖⴰⵔⵔⴰⵏ ⵙ ⵡⴰⵡⴰⵍⴻⵏ ⵏⵏⴻⵙ. ■
6 ⵎⴰⵖⴰⵔ ⵥⵉ ⵍⴽⴰⵥⵉ ⵏ ⵜⴰⴷⴷⴰⵔⵜ ⵉⵏⵓ,
ⵊⴰⵔ ⵛⵛⴻⴱⴱⴰⵛ ⵏ ⵍⴽⴰⵥⵉ ⵙⴻⵡⴹⴻⵖ ⵖⴰⵔ ⵡⴰⴷⴷⴰⵢ,
7 ⵙⴻⵡⴹⴻⵖ ⵖⴰⵔ ⵉⵃⴰⴼⵉⵢⵢⴻⵏ ⵉⵏⵏⵉ ⵡⴰⵔ ⵉⵜⵜⵃⵉⴽⵉⵏ,
ⵊⴰⵔ ⵉⵃⵔⴰⵎⴻⵏ ⵃⴻⴽⴽⴰⵔⴻⵖ ⵉⵊⵊ ⵏ ⵓⵃⵓⴷⵔⵉ ⵙ ⵡⵓⵍ ⵡⴰⵔ ⵉⵎⵜⴻⵏ.
8 ⵏⴻⵜⵜⴰ ⵉⵥⵡⴰ ⴰⴱⵔⵉⴷ ⵖⴰⵔ ⵜⴻⵖⵎⴰⵔⵜ ⵏⵏⴻⵙ,
ⵓ ⵉⵟⵟⴻⴼ ⴰⴱⵔⵉⴷ ⵖⴰⵔ ⵜⴰⴷⴷⴰⵔⵜ ⵏⵏⴻⵙ.
9 ⵖⴰⵔ ⵜⴱⴰⵎⴱⴰⵙⵜ, ⵖⴰⵔ ⵜⵎⴻⴷⴷⵉⵜ ⵏ ⵡⴰⵙⵙ,
ⴷⵉ ⵍⴰⴵⴰⵖ ⵏ ⴵⵉⵍⴻⵜ ⴷ ⵜⵓⴱⴱⴰⵔⵛⴻⵏⵜ,
10 ⵅⵥⴰⵔ, ⴰⵇⴰ ⵉⵛⵜ ⵏ ⵜⴻⵎⵖⴰⵔⵜ ⵜⵓⵙⴰ-ⴷⴷ ⵉ ⵓⵎⵙⴰⴳⴰⵔ ⴰⴽⵉⴷⴻⵙ,
ⴷⴻⴳ ⵡⴰⵔⵔⵓⴹ ⵏ ⵜⴻⵎⵖⴰⵔⵜ ⵏ ⴼⴰⵔⵇ-ⵛⵛⵖⴻⵍ ⵓ ⵙ ⵜⴻⵃⵔⴰⵢⵎⴻⵛⵜ ⵏ ⵡⵓⵍ.
11 ⵏⴻⵜⵜⴰⵜ ⵜⴻⵅⵜⵉⵅ ⵓ ⵜⵖⴻⵡⵡⴻⵖ,
ⵉⴹⴰⵔⴻⵏ ⵏⵏⴻⵙ ⵡⴰⵔ ⵇⵇⵉⵎⴻⵏ ⵄⴰⴷ ⴷⵉ ⵜⴰⴷⴷⴰⵔⵜ. ■
12 ⵉⵛⵜ ⵏ ⵜⵡⴰⵍⴰ ⴷⵉ ⴱⴰⵔⵔⴰ, ⵅⴻⵏⵏⵉ ⵄⴰⵡⴻⴷ ⴷⴻⴳ ⵉⵥⵓⵔⴰⵢ,
ⵖⴰⵔ ⵎⴰⵔⵔⴰ ⵜⵉⵖⴻⵎⵎⴰⵔ ⵏ ⵉⴱⵔⵉⴷⴻⵏ ⵜᵉⵜⵜⵃⴰⵎⴰ.
13 ⵏⴻⵜⵜⴰⵜ ⵜᵉⵟⵟⴻⴼ ⵉ-ⵜ ⵓ ⵜⴻⵙⵙⵓⴷⴻⵎ ⵉ-ⵜ,
ⵜⴻⵇⵊⴰⵔ ⵓⴷⴻⵎ ⵏⵏⴻⵙ, ⵜⴻⵏⵏⴰ ⴰⵙ:
14 “ⵜⵓⵖⴰ ⵅⴰⴼⵉ ⵎⴰⵃⴻⵏⴷ ⴰⴷ ⵡⵛⴻⵖ ⵜⵉⵡⵀⵉⴱⵉⵏ ⵏ ⵍⴻⵀⵏⴰ.
ⴰⵙⵙ-ⴰ ⵙⵙⵇⴻⴼⵍⴻⵖ ⵍⵡⵓⵄⵓⴷ ⵉⵏⵓ.
15 ⵙ ⵓⵢⴻⵏⵏⵉ ⵉ ⴷⴷ-ⴼⴼⵖⴻⵖ ⵎⴰⵃⴻⵏⴷ ⴰⴷ ⵛⴻⴽ ⵎⵎⵙⴰⴳⴰⵔⴻⵖ,
ⵎⴰⵃⴻⵏⴷ ⴰⴷ ⵅⴰⴽ ⴰⵔⵥⵓⵖ ⵓ ⴰⵎⵎⵓ ⵉ ⵛⴻⴽ ⵓⴼⵉⵖ.
16 ⵏⴻⵛⵛ ⵙⵙⵓⵖ ⵎⴰⵍⵜⴰⵜ ⵅ ⵇⴰⵎⴰ ⵉⵏⵓ,
ⵙ ⵍⵉⵥⴰⵔⴰⵜ ⵉⵥⴻⵡⵡⵇⴻⵏ ⵉⵎⵓⴷⴻⵏ ⵙ ⵍⴻⵇⵜⴻⵏ ⴰⵥⴷⴰⴷ ⵥⵉ ⵎⵉⵚⵔⴰ.
17 ⵏⴻⵛⵛ ⵔⵓⵛⵛⴻⵖ ⵜⴰⵙⵙⵓⵜ ⵉⵏⵓ
ⵙ ⵎⵉⵔⵔⵓ ⴷ ⵡⴻⵛⴼⵉⵍ ⴷ ⵍⵇⴰⵔⴼⴰ. ■
18 ⴰⵙ-ⴷⴷ, ⴻⵊⵊ ⴰⵏⴻⵖ ⴰⴷ ⵏⴻⵊⵊⵉⵡⴻⵏ ⵜⵉⵎⴻⵅⵙⴰ ⴰⵍ ⵜⵓⴼⴼⵓⵜ,
ⴻⵊⵊ ⴰⵏⴻⵖ ⴰⴷ ⵏⴰⵔⵔ ⵎⴻⵥⵔⵉ ⵉ ⵜⴰⵢⵔⵉ.
19 ⵎⴰⵖⴰⵔ ⴰⵔⵢⴰⵥ ⵡⴰⵔ ⵉⴵⵉ ⴷⵉ ⵜⴰⴷⴷⴰⵔⵜ,
ⵏⴻⵜⵜⴰ ⵉⵙⴰⴼⴰⵔ ⵉⴳⴳⵯⴻⵊ ⴰⵟⵟⴰⵙ.
20 ⵉⴽⵙⵉ ⵉⵛⵜ ⵏ ⵜⴽⴻⵎⵎⵓⵙⵜ ⵏ ⵜⵎⴻⵏⵢⴰⵜ ⵏ ⵏⵏⵓⵇⴰⵔⵜ ⴰⴽⵉⴷⴻⵙ,
ⴰⴷ ⵢⴰⵔⴻⴳⴳⵯⴻⵃ ⵖⴰⵔ ⵡⴰⵙⵙ ⵏ ⵜⵥⵉⵔⵉ ⵉⵇⴻⴼⵍⴻⵏ.”
21 ⴰⵎⵎⵓ ⵉ ⵜ ⵜᵉⵟⵟⴻⴼ ⵙ ⵡⴰⵟⵟⴰⵙ ⵏ ⵍⵀⴰⵔⴷ ⵏⵏⴻⵙ,
ⵜⴻⵖⵡⴰ ⵉ-ⵜ ⵙ ⵍⴻⵀⵔⵓⴷ ⵏⵏⴻⵙ ⵉⵥⴻⵡⵡⵇⴻⵏ ⵏ ⵉⵢⴻⵏⵛⵉⵛⴻⵏ ⵏⵏⴻⵙ.
22 ⴷⴻⵖⵢⴰ ⵢⴻⵜⵜⴰ ⵢⴰⵔⴷⴻⴼ ⵉ-ⵜⵜ, ⴰⵎ ⵉⵊⵊ ⵏ ⵓⴼⵓⵏⴰⵙ ⵉⴳⴳⵓⵔⴻⵏ ⵖⴰⵔ ⵍⴳⵓⵔⵏⴻⵜ,
ⴰⵎ ⵉⵛⵜ ⵏ ⵙⵙⵏⴻⵙⵍⴻⵜ ⵅ ⵉⴹⴰⵔⴻⵏ ⵉⴳⴳⵓⵔⴻⵏ ⵖⴰⵔ ⵓⵎⴰⵔⵔⴻⵜ ⵏ ⵓⴱⵓⵀⴰⵍⵉ,
23 ⴰⵍⴰⵎⵉ ⴷⴷ ⴰⵙ ⵜⵛⴰⵔⵔⴻⴳ ⴼⵍⵉⵜⵛⴰ ⵜⵙⴰ,
ⴰⵎ ⵢⵉⵊⵊ ⵏ ⵡⴻⵊⴹⵉⴹ ⵉⴹⵡⵉⵏ ⴷⴻⴳ ⵉⵊⵊ ⵏ ⵡⴻⵏⴷⴰⵢ,
ⵓ ⵡⴰⵔ ⵉⵙⵙⵉⵏ ⴰⵇⴰ ⵡⴰⵏⵉⵜⴰ ⵉⵜⵜⵡⴰⴳⴳ ⴹⵉⴷⴷ ⵉ ⵜⵓⴷⴰⵔⵜ ⵏⵏⴻⵙ. ■
24 ⵅⴻⵏⵏⵉ ⵍⴻⵅⵅⵓ, ⴰ ⵉⵃⴻⵏⵊⵉⵔⴻⵏ, ⵙⵍⴻⵎ-ⴷⴷ ⵖⴰⵔⵉ,
ⵓ ⵙⵍⴻⵎ ⵖⴰⵔ ⵡⴰⵡⴰⵍⴻⵏ ⵏ ⵓⵇⴻⵎⵎⵓⵎ ⵉⵏⵓ.
25 ⴻⵊⵊ ⵓⵍ ⵏⵏⴻⴽ ⵡⴰⵔ ⵉⵜⵜⵡⴻⴷⴷⵉⵔ ⴷⴻⴳ ⵉⴱⵔⵉⴷⴻⵏ ⵏⵏⴻⵙ,
ⵡⴰⵔ ⵜⵜⵎⴻⵢⵢⵉⵍ ⵖⴰⵔ ⵉⵎⴻⵙⵔⴰⵇ ⵏⵏⴻⵙ.
26 ⵎⴰⵖⴰⵔ ⴷⴻⴳ ⵡⴰⵟⵟⴰⵙ ⵉⵜⵜⵡⴰⵢⴻⵥⵎⴻⵏ ⵉⵏⵏⵉ ⵜⴻⵖⴹⴻⵔ,
ⵉⵎⵖⴰⵔ ⵡⴰⵟⵟⴰⵙ ⵍⵄⴰⴷⴰⴷ ⵏ ⵎⴰⵔⵔⴰ ⵉⵏⵏⵉ ⵜⴻⵏⵖⴰ.
27 ⵜⴰⴷⴷⴰⵔⵜ ⵏⵏⴻⵙ ⵜⴻⵛⵛⵓⵔ ⵙ ⵉⴱⵔⵉⴷⴻⵏ ⵖⴰⵔ ⵍⴰⵅⴰⵔⵜ,
ⵉⵏⵏⵉ ⵉⵀⴻⴽⴽⵡⴰⵏ ⵖⴰⵔ ⵉⵅⵅⴰⵎⴻⵏ ⵏ ⴷⴰⵅⴻⵍ ⵏ ⵍⵎⴻⵡⵜ. ■