ⴰⵃⴻⵟⵟⵓ ⴹⵉⴷⴷ ⵉ ⵜⴻⵙⵖⵓⵏⵉⵏ ⵜⵉⵄⴻⴼⴼⴰⵏⵉⵏ ⴰⴽ-ⴷ ⵉⵡⴷⴰⵏ
6
1 ⵎⵎⵉ ⵉⵏⵓ, ⵎⴰⵍⴰ ⵜⴷⴻⵡⵍⴻⴷ ⴷ ⴰⵎⴰⵔⵀⵓⵏ ⵉ ⵓⵎⵇⴰⵔⵔⴻⴱ ⵏⵏⴻⴽ, ⵜⴻⵡⵛⵉⴷ ⵜⵉⵛⵜⵉ ⵏⵏⴻⴽ ⵏ ⵓⴼⵓⵙ ⵉ ⵢⵉⵊⵊ ⵏ ⵓⴱⴰⵔⵔⴰⵏⵉ,
2 ⵎⴰⵍⴰ ⵜⴷⴻⵡⵍⴻⴷ ⵜⴻⵇⵇⵏⴻⴷ ⵥⴻⴳ ⵡⴰⵡⴰⵍⴻⵏ ⵏ ⵓⵇⴻⵎⵎⵓⵎ ⵏⵏⴻⴽ,
ⵜᵉⵜⵜⵡⴰⵃⴻⴱⴱⵙⴻⴷ ⵥⴻⴳ ⵡⴰⵡⴰⵍⴻⵏ ⵏ ⵓⵇⴻⵎⵎⵓⵎ ⵏⵏⴻⴽ,
3 ⵅⴻⵏⵏⵉ ⴻⴳⴳ ⵜⴰ, ⵎⵎⵉ ⵉⵏⵓ, ⵓ ⵙⴻⵏⵊⴻⵎ ⵉⵅⴻⴼ ⵏⵏⴻⴽ ⵥⴻⴳ ⵓⴼⵓⵙ ⵏ ⵓⵎⵇⴰⵔⵔⴻⴱ ⵏⵏⴻⴽ:
ⵓⵢⵓⵔ, ⴱⴻⵏⴷⴻⵇ ⵅⴰⵙ ⵓ ⵥⴻⵢⵢⴰⵔ ⵅ ⵡⴻⵏⵏⵉ ⵛⴻⴽ ⵢⵓⴷⵙⴻⵏ.
4 ⵡⴰⵔ ⵜⵜⵉⵛ ⵛⴰ ⵉⴹⴻⵚ ⵉ ⵜⵉⵟⵟⴰⵡⵉⵏ ⵏⵏⴻⴽ,
ⵓⵍⴰ ⴷ ⴰⵏⵓⴷⴻⵎ ⵉ ⵡⴰⴱⵍⵉⵡⴻⵏ ⵏⵏⴻⴽ. ■
5 ⵙⴻⵏⵊⴻⵎ ⵉⵅⴻⴼ ⵏⵏⴻⴽ ⵥⴻⴳ ⵓⴼⵓⵙ ⵏⵏⴻⵙ ⴰⵎ ⵜⵖⴻⵢⴹⴻⵜ ⵏ ⵡⴻⵖⵥⴰⵔ,
ⴰⵎ ⵢⵉⵊⵊ ⵏ ⵡⴻⵊⴹⵉⴹ ⵥⴻⴳ ⵓⴼⵓⵙ ⵏ ⵓⵏⴻⴳⵎⴰⵔ.
6 ⵓⵢⵓⵔ ⵖⴰⵔ ⵜⴽⴻⴹⴼⴻⵜ, ⵛⴻⴽ, ⴰ ⴰⵎⴻⵄⴳⵓⵥ ,
ⵅⵥⴰⵔ ⵎⴰⵎⵎⴻⵛ ⵜⵓⵢⵓⵔ ⵏⴻⵜⵜⴰⵜ ⵓ ⴷⵡⴻⵍ ⴷ ⴰⵎⵉⵖⵉⵙ.
7 ⵡⴰⵅⵅⴰ ⵏⴻⵜⵜⴰⵜ ⵡⴰⵔ ⵖⴰⵔⴻⵙ ⴱⵓ ⵓⵎⴳⴻⵡⵡⴻⴷ,
ⵏⵉⵖ ⴰⵡⴻⵇⵇⴰⴼ ⵏⵉⵖ ⵍⵃⴰⴽⴻⵎ,
8 ⵡⴰⵅⵅⴰ ⴰⵎⴻⵏⵏⵉ ⵏⴻⵜⵜⴰⵜ ⵜⴻⵙⵙⴻⵡⵊⴻⴷ ⴰⵖⵔⵓⵎ ⵏⵏⴻⵙ ⴷⴻⴳ ⵓⵏⴻⴱⴷⵓ,
ⵜⴻⵢⵔⵓ ⵎⴰⵛⵛⴰ ⵏⵏⴻⵙ ⴷⵉ ⵍⵡⴻⵇⵜ ⵏ ⵜⵎⴻⵢⵔⴰ.
9 ⴰⵍ ⵎⴻⵍⵎⵉ ⵉ ⵖⴰ ⵜⴻⵇⵇⵉⵎⴻⴷ ⵜⴻⵥⵥⵍⴻⴷ, ⵛⴻⴽ, ⴰ ⴰⵎⴻⵄⴳⵓⵥ?
ⵎⴻⵍⵎⵉ ⵉ ⵖⴰ ⵜⴻⴽⴽⴰⵔⴻⴷ ⵥⴻⴳ ⵉⴹⴻⵙ ⵏⵏⴻⴽ? ■
10 ⴰⵔⵏⵉ ⵛⵡⴰⵢⵜ ⵏ ⵢⵉⴹⴻⵙ, ⴰⵔⵏⵉ ⵛⵡⴰⵢⵜ ⵏ ⵓⵡⴰⵔⵔⴻⵛ,
ⴰⵔⵏⵉ ⵛⵡⴰⵢⵜ ⵏ ⵓⴱⵓⵥⵥⴻⵍ ⵙ ⵉⴼⴰⵙⵙⴻⵏ ⵉⵎⵓⵏⴻⵏ,
11 ⴰⵇⴰ ⴷⴰ ⴰⴷ ⵅⴰⴽ ⴷⴷ-ⵉⵡⴹⴰ ⵥⵥⴻⵍⴹ ⴰⵎ ⵉⵊⵊ ⵏ ⵓⵅⴻⵡⵡⴰⵏ,
ⵍⴻⵖⴱⴻⵏ ⵏⵏⴻⴽ ⴰⵎ ⵢⵉⵊⵊ ⵏ ⵡⴻⵔⵢⴰⵥ ⵖⴰⵔ ⵉⴵⴰ ⵍⴻⵙⵏⴰⵃ.
12 ⴱⵏⴰⴷⴻⵎ ⵉ ⵡⴰⵔ ⵉⵙⴻⴽⴽⵡⵉⵏ, ⴰⵔⵢⴰⵥ ⵏ ⵍⵖⴻⵛⵛ,
ⵉⴳⴳⵓⵔ ⵙ ⵉⵊⵊ ⵏ ⵓⵇⴻⵎⵎⵓⵎ ⵉⵛⵛⵓⵔⴻⵏ ⵙ ⵎⵉⵏ ⵉⵄⴻⵡⵊⴻⵏ.
13 ⵉⵖⴻⵎⵎⴻⵥ ⵙ ⵜⵉⵟⵟⴰⵡⵉⵏ ⵏⵏⴻⵙ,
ⵉⵙⵙⴰⵡⴰⵍ ⵙ ⵉⴹⴰⵔⴻⵏ ⵏⵏⴻⵙ,
ⵉⵜⵜⵛⴻⵢⵢⴰⵔ ⵙ ⵉⴹⴻⵡⴹⴰⵏ ⵏⵏⴻⵙ.
14 ⵓⵍ ⵏⵏⴻⵙ ⵉⵛⵛⵓⵔ ⵙ ⵍⴻⵅⴷⴰⵄⴰⵜ,
ⵉⵏⴻⴽⴽⵡⴰ ⵍⴻⴱⴷⴰ ⵍⵖⴰⵔ, ⵉⵜⵜⵙⴻⴱⴱⴰⴱ ⵉⵎⴻⵏⵖⵉⵢⵢⴻⵏ.
15 ⵙ ⵓⵢⴻⵏⵏⵉ ⴷⴻⵖⵢⴰ ⴰⴷ ⴷⴷ-ⵢⴰⵙ ⵓⴹⴻⵢⵢⴻⵄ ⵏⵏⴻⵙ,
ⴷⴻⴳ ⵉⵛⵜ ⵏ ⵜⴻⵛⵜⵉ ⴰⴷ ⵉⵜⵜⵡⴰⵔⵥ ⴰⵎ ⵡⴰⵔ ⴷⵉⵏ ⵉⵜⵜⵉⵍⵉ ⵓⴳⴻⵏⴼⵓ.
16 ⵙⴻⵜⵜⴰ ⵏ ⵜⵎⴻⵙⵍⴰⵢⵉⵏ-ⴰ ⵉⵛⴰⵔⵔⴻⵀ ⵉ-ⵜⴻⵏⵜ ⵙⵉⴷⵉ,
ⵡⴰⵀ ⵙⴻⴱⵄⴰ ⴰⵇⴰ ⴰⵜⴻⵏⵜ ⴷ ⵏⵏⵄⵉ ⵉ ⵍⴻⵄⵎⴰⵔ ⵏⵏⴻⵙ:
17 ⵜⵉⵟⵟⴰⵡⵉⵏ ⵏ ⵏⵏⴼⴰⵅⴻⵜ, ⵉⵊⵊ ⵏ ⵢⵉⵍⴻⵙ ⵉⵙⵙⵅⴰⵔⵔⵉⵇⴻⵏ,
ⵓⵍⴰ ⴷ ⵉⴼⴰⵙⵙⴻⵏ ⵉⵙⵙⴰⵥⵥⴰⵍⴻⵏ ⵉⴷⴰⵎⵎⴻⵏ ⵉⵎⴻⵥⴷⴰⴳⴻⵏ, ■
18 ⵓⵍ ⵉⵏⴻⴽⴽⵡⴰⵏ ⵜⵉⵎⴻⵄⵎⴰⵞ ⵉⵖⴻⵛⵛⴻⵏ,
ⵉⴹⴰⵔⴻⵏ ⵏⵏⵉ ⵉⵜⵜⵇⴻⴵⵉⵇⴻⵏ ⵎⴰⵃⴻⵏⴷ ⴰⴷ ⴰⵥⵥⵍⴻⵏ ⵖⴰⵔ ⵎⵉⵏ ⵉⴵⴰⵏ ⴷ ⴰⵄⴻⴼⴼⴰⵏ, ■
19 ⴰⵛⴻⵀⵀⴰⴷ ⴱⵓ-ⵉⵅⴰⵔⵔⵉⵇⴻⵏ ⵏⵏⵉ ⴷⴷ-ⵉⴷⴻⴵⵇⴻⵏ ⵉ ⵉⵅⴰⵔⵔⵉⵇⴻⵏ,
ⵓⵍⴰ ⵡⴻⵏⵏⵉ ⵉⵜⵜⵙⴻⴱⴱⴰⴱⴻⵏ ⵉⵎⴻⵏⵖⵉⵢⵢⴻⵏ ⵊⴰⵔ ⵜⴰⵡⵎⴰⵜ.
20 ⴰ ⵎⵎⵉ, ⵃⴹⴰ ⵜⴰⵡⵚⴻⵢⵢⴻⵜ ⵏ ⴱⴰⴱⴰⵛ,
ⵓ ⵡⴰⵔ ⵎⴻⵏⴹⴰⵔ ⵜⴰⵖⵓⵔⵉ ⵏ ⵢⴻⵎⵎⴰⵛ. ■
21 ⵇⵇⴻⵏ ⵉ-ⵜⴻⵏⵜ ⵍⴻⴱⴷⴰ ⵅ ⵡⵓⵍ ⵏⵏⴻⴽ,
ⵛⴻⴷⴷ ⵉ-ⵜⴻⵏⵜ ⵖⴰⵔ ⵢⵉⵔⵉ ⵏⵏⴻⴽ. ■
22 ⵎⴰⵍⴰ ⵜⴻⴳⴳⵓⵔⴻⴷ ⴷⴻⴳ ⵡⴻⴱⵔⵉⴷ, ⴰⵢⴰ ⴰⴷ ⵛⴻⴽ ⵉⴳⴻⵡⵡⴻⴷ,
ⵎⴰⵍⴰ ⵜⴻⵥⵥⵔⴻⴷ, ⴰⵢⴰ ⴰⴷ ⵛⴻⴽ ⵉⵃⴹⴰ,
ⵎⴰⵍⴰ ⵜⴼⴰⵇⴻⴷ ⴰⵇⴰ ⵎⴰⵏ ⴰⵢⴰ ⴰⴷ ⴽⵉⴷⴻⴽ ⵉⵙⵙⵉⵡⴻⵍ. ■
23 ⵎⵉⵏⵥⵉ ⵜⴰⵡⵚⴻⵢⵢⴻⵜ ⴷ ⵍⴻⴼⵏⴰⵔ ⴷ ⵜⵖⵓⵔⵉ ⴷ ⵜⴼⴰⵡⵜ,
ⵉⵡⴻⴱⴱⴰⵅ ⵏ ⵜⵜⴰⵔⴱⵉⵢⵢⴻⵜ ⴰⵇⴰ ⴰⵜⴻⵏ ⴷ ⴰⴱⵔⵉⴷ ⵏ ⵜⵓⴷⴰⵔⵜ ■
24 ⵏⵏⵉ ⵛⴻⴽ ⵉ ⵖⴰ ⵉⵃⴹⴰⵏ ⵥⵉ ⵜⴻⵎⵖⴰⵔⵜ ⵜⴰⵄⴻⴼⴼⴰⵏⵜ,
ⵥⵉ ⵍⴻⵀⵔⵓⴷ ⵉⵥⴻⵡⵡⵇⴻⵏ ⵏ ⵢⵉⵍⴻⵙ ⵏ ⵜⴻⵎⵖⴰⵔⵜ ⵥⵉ ⴱⴰⵔⵔⴰ. ■
25 ⵡⴰⵔ ⵄⴻⵛⵛⴻⵇ ⵛⴰ ⴰⵥⵔⵉ ⵏⵏⴻⵙ ⴷⴻⴳ ⵡⵓⵍ ⵏⵏⴻⴽ,
ⵃⴹⴰ ⵡⴰⵔ ⵛⴻⴽ ⵜⴻⵃⵚⵉⵔ ⵙ ⵡⴰⴱⵍⵉⵡⴻⵏ ⵏⵏⴻⵙ,
26 ⵎⵉⵏⵥⵉ ⵥⵉ ⵙⵙⵉⴱⴱⴻⵜ ⵏ ⵉⵛⵜ ⵏ ⵜⴻⵎⵖⴰⵔⵜ ⵏ ⴼⴰⵔⵇ-ⵛⵛⵖⴻⵍ,
ⴱⵏⴰⴷⴻⵎ ⵉⵥⴻⵎⵎⴰⵔ ⴰⴷ ⵉⴽⵙⵉ ⵎⵖⵉⵔ ⵉⵛⵜ ⵏ ⵜⵅⴻⴱⴱⴰⵥⵜ ⵏ ⵡⴻⵖⵔⵓⵎ,
ⵡⴰⵀ ⵜⴰⵎⵖⴰⵔⵜ ⵏ ⵉⵊⵊ ⵏ ⵡⴻⵔⵢⴰⵥ ⵏⵏⴻⵖⵏⵉ ⴰⵇⴰ ⵜⴰⵔⴻⵥⵥⵓ ⵍⴻⵄⵎⴰⵔ ⵉⵖⵍⴰⵏ.
27 ⵎⴰ ⵉⵥⴻⵎⵎⴰⵔ ⵃⴻⴷ ⴰⴷ ⵢⴰⵔⴱⵓ ⵜⵉⵎⴻⵙⵙⵉ ⴷⴻⴳ ⵡⴻⵃⵙⵉⵏ ⵏ ⵡⴰⵔⵔⵓⴹ ⵏⵏⴻⵙ,
ⴱⵍⴰ ⵎⴰ ⴰⴷ ⵢⴰⵔⵖ ⵡⴰⵔⵔⵓⴹ ⵏⵏⴻⵙ? □
28 ⵎⴰ ⵉⵥⴻⵎⵎⴰⵔ ⵃⴻⴷ ⴰⴷ ⵢⵓⵢⵓⵔ ⵅ ⵍⴻⴼⵃⴻⵎ ⵉⵜⵜⴻⵃⴷⵓⴷⵓⵇⴻⵏ,
ⴱⵍⴰ ⵎⴰ ⴰⴷ ⵛⴻⵎⴹⴻⵏ ⵉⴹⴰⵔⴻⵏ ⵏⵏⴻⵙ?
29 ⴰⵎⵎⵓ ⵓⵍⴰ ⴷ ⵡⴻⵏⵏⵉ ⵉ ⵖⴰ ⵢⴰⴷⴼⴻⵏ ⵖⴰⵔ ⵜⴻⵎⵖⴰⵔⵜ ⵏ ⵓⵎⵇⴰⵔⵔⴻⴱ ⵏⵏⴻⵙ,
ⵡⴰⵀ ⴽⵓⵍ ⵉⵊⵊⴻⵏ ⵡⴻⵏⵏⵉ ⵜⵜ ⵉ ⵖⴰ ⵉⵀⴰⴷⴰⵏ, ⵡⴰⵔ ⵉⵜⵜⵡⵉⵃⵙⵉⴱ ⴷ ⴰⵎⴻⵥⴷⴰⴳ.
30 ⴰⵛⴻⴼⴼⴰⵔ ⵡⴰⵔ ⵜ ⵜⵜⴻⵊⵊⵉⵏ ⵎⴰⵍⴰ ⵢⵓⵛⴰⵔ,
ⵃⵉⵎⴰ ⴰⴷ ⵉⵙⵙⵢⵉⵡⴻⵏ ⵍⴻⵄⵎⴰⵔ ⵏⵏⴻⵙ ⵎⴰⵍⴰ ⴷⴰⵢⴻⵙ ⵍⴰⵥ.
31 ⵎⴰⵛⴰ ⵎⴰⵍⴰ ⵉⵜⵜⵡⴰⴼ, ⴰⵎⵎⵓ ⵅⴰⵙ ⵉ ⵖⴰ ⵉⵅⴻⴵⴻⵚ ⵙⴻⴱⵄⴰ ⵏ ⵜⵙⴻⵇⵇⴰⵔ.
ⵉⵜⵜⵅⴻⵚⵚⴰ ⴰⵙ ⴰⴷ ⵉⵡⵛ ⵎⴰⵔⵔⴰ ⵎⵉⵏ ⵖⴰⵔⴻⵙ ⴷⵉ ⵜⴰⴷⴷⴰⵔⵜ.■
32 ⵎⴰⵛⴰ ⵡⴻⵏⵏⵉ ⵉⵜⵜⴻⴳⴳⴻⵏ ⵥⵥⵉⵏⴰ ⴰⴽ-ⴷ ⵉⵛⵜ ⵏ ⵜⴻⵎⵖⴰⵔⵜ, ⵡⴰⵔ ⵖⴰⵔⴻⵙ ⴱⵓ ⵡⵓⵍ ⵉⵎⵜⴻⵏ.
ⵡⴻⵏⵏⵉ ⵉⵜⵜⴻⴳⴳⴻⵏ ⴰⵢⴰ, ⵉⵜⵜⴹⴰⵔⵔⴰ ⵍⴻⵄⵎⴰⵔ ⵏⵏⴻⵙ.
33 ⴷⵔⵓⵛⵜ ⴷ ⵍⴻⴼⴹⵉⵃⴻⵜ ⴰⴷ ⵜⴻⵏ ⵢⴰⴼ,
ⵍⴻⵃⵢⴰ ⵏⵏⴻⵙ ⵡⴰⵔ ⵉⵎⴻⵃⵃⵉ ⵛⴰ.
34 ⵎⴰⵖⴰⵔ ⵜⵓⵙⵎⵉ ⵜᵉⵜⵜⴰⵡⵉ-ⴷⴷ ⴰⵙⵄⴰⵔ ⵏ ⵡⴻⵔⵢⴰⵥ,
ⵏⴻⵜⵜⴰ ⵡⴰⵔ ⵉⵜⵜⴻⵙⵙⴻⵏ ⴰⵃⵉⵏⵏⵉ ⴷⴻⴳ ⵡⴰⵙⵙ ⵏ ⵡⴻⵏⵜⴰⵇⴻⵎ.
35 ⵡⴰⵔ ⵉⵃⴻⵙⵙⴻⴱ ⴷⴷⴻⵢⵢⴻⵜ ⵉ ⵡⴻⵚⵍⴻⵃ, ⵡⴰⵔ ⵜⵜ ⵉⵇⴻⴱⴱⴻⵍ,
ⴰⴷ ⵢⵓⴳⵉ ⵡⴰⵅⵅⴰ ⵜⴻⵙⵙⴻⵎⵖⴰⵔⵉⴷ ⴷⵉ ⵜⴻⵔⵥⴻⴼⵜ ⵄⴰⴷ ⵙ ⵡⴰⵟⵟⴰⵙ.