1 ⵎⵎⵉ ⵉⵏⵓ, ⴻⵡⵛ ⵜⴰⵢⵏⵉⵜ ⵉ ⵜⵉⵖⵉⵜ ⵉⵏⵓ,

ⴻⵡⵛ ⴰⵎⴻⵥⵥⵓⵖ ⵉ ⵍⴻⴼⵀⴰⵎⴻⵜ ⵉⵏⵓ,

2 ⵎⴰⵃⴻⵏⴷ ⴰⴷ ⵜⴻⵡⵛⴻⴷ ⵃⴰⴹⵓⵔ,

ⵓ ⵉⵢⴻⵏⵛⵉⵛⴻⵏ ⵏⵏⴻⴽ ⴰⴷ ⵃⴹⴰⵏ ⵅ ⵜⵓⵙⵙⵏⴰ.

3 ⵎⵉⵏⵥⵉ ⵉⵢⴻⵏⵛⵉⵛⴻⵏ ⵏ ⵜⴻⵎⵖⴰⵔⵜ ⵜⴰⴱⴰⵔⵔⴰⵏⵉⵜ ⵜⵜⵓⴷⵓⵎⴻⵏ ⵙ ⵜⴰⵎⵎⴻⵏⵜ ⵏ ⵜⴻⵖⵔⴰⵚⵜ ,

ⴰⵏⴻⵖ ⵏⵏⴻⵙ ⴷ ⴰⵍⴻⵇⵇⴰⵖ ⵅ ⵥⵥⴻⵛⵜ, ^■  

4 ⵎⴰⵛⴰ ⵖⴰⵔ ⵓⵏⴻⴳⴳⴰⵔ ⴰⵇⴰ-ⵜⵜ ⴷ ⵜⴰⵎⴻⵔⵥⴰⴳⵜ ⴰⵎ ⵛⵛⵉⵃ,

ⵜⴻⵇⴹⴻⵄ ⴰⵎ ⵉⵊⵊ ⵏ ⵙⵙⵉⴼ ⵙ ⵜⵏⴰⵢⴻⵏ ⵏ ⵡⵓⴷⵎⴰⵡⴻⵏ.

5 ⵉⴹⴰⵔⴻⵏ ⵏⵏⴻⵙ ⵜⵜⴰⵡⵢⴻⵏ ⵖⴰⵔ ⵍⵎⴻⵡⵜ

ⵓ ⵉⵚⵓⵔⴰⴼ ⵏⵏⴻⵙ ⵏⴻⴷⴷⵀⴻⵏ ⵖⴰⵔ ⵍⴰⵅⴰⵔⵜ. ^■  

6 ⴰⵍⴰⵎⵉ ⵡⴰⵔ ⵜᵉⵟⵟⵉⴼⴻⴷ ⵄⴻⵎⵎⴰⵔⵚ ⴰⴱⵔⵉⴷ ⵏ ⵜⵓⴷⴰⵔⵜ,

ⴳⴳⵓⵔⴻⵏ ⵉⵚⵓⵔⴰⴼ ⵏⵏⴻⵙ ⵙⵙⴰ ⴷ ⵙⵙⴰ ⴱⵍⴰ ⵎⴰ ⵜⴻⵙⵙⵏⴻⴷ ⵛⴻⴽ.

7 ⵅⴻⵏⵏⵉ ⵍⴻⵅⵅⵓ, ⴰ ⵉⵃⴻⵏⵊⵉⵔⴻⵏ, ⵙⵍⴻⵎ-ⴷⴷ ⵖⴰⵔⵉ,

ⵡⴰⵔ ⵜⵃⴻⵢⵢⴰⴷⴻⵎ ⵛⴰ ⵅ ⵡⴰⵡⴰⵍⴻⵏ ⵏ ⵓⵇⴻⵎⵎⵓⵎ ⵉⵏⵓ.

8 ⵙⵉⴳⴳⵯⴻⵊ ⴰⴱⵔⵉⴷ ⵏⵏⴻⴽ ⵅⴰⵙ,

ⵡⴰⵔ ⵜⵜⴰⴷⴻⵙ ⵜⴰⵡⵡⴰⵔⵜ ⵏ ⵜⴰⴷⴷⴰⵔⵜ ⵏⵏⴻⵙ,

9 ⵃⵉⵎⴰ ⵡⴰⵔ ⵜᵉⵜⵜⵉⵛⴻⴷ ⵛⵛⴰⵏ ⵏⵏⴻⴽ ⵉ ⵉⵏⵏⴻⵖⵏⵉ,

ⵉⵙⴻⴳⴳⵯⵓⵙⴰ ⵏⵏⴻⴽ ⵉ ⵡⴻⵏⵏⵉ ⵉⵜⵜⴻⵇⵙⵉⵃⴻⵏ ⴰⵟⵟⴰⵙ, ^■  

10 ⵃⵉⵎⴰ ⵉⴱⴰⵔⵔⴰⵏⵉⵢⵢⴻⵏ ⵡⴰⵔ ⵜⵜⵊⴰⵡⴰⵏⴻⵏ ⴷⴻⴳ ⵡⴰⴳⵍⴰ ⵏⵏⴻⴽ,

ⵓ ⵎⴰⵔⵔⴰ ⵍⵖⵉⴵⴻⵜ ⵏ ⵓⵎⴰⵔⵔⴻⵜ ⵏⵏⴻⴽ ⵡⴰⵔ ⴷⴷ-ⵜᵉⵜⵜⵉⵙ ⴷⵉ ⵜⴰⴷⴷⴰⵔⵜ ⵏ ⵡⴻⵏⵏⵉ ⵡⴰⵔ ⵉⵜⵜⵡⵉⵙⵙⵏⴻⵏ

11 ⵓ ⴰⴷ ⵜⵥⴻⵀⵀⴰⵔⴻⴷ ⵖⴰⵔ ⵓⵏⴻⴳⴳⴰⵔ,

ⵅⵎⵉ ⵉ ⵖⴰ ⵜᵉⵜⵜⵡⴰⵛⵛ ⴰⵔⵔⵉⵎⴻⵜ ⵏⵏⴻⴽ ⴷ ⵡⴻⵢⵙⵓⵎ ⵏⵏⴻⴽ,

12 ⴰⴷ ⵜⵉⵏⵉⴷ: “ⵎⴰⵎⵎⴻⵛ ⴳⴳⵉⵖ ⵏⴻⵛⵛ ⵛⴰⵔⵀⴻⵖ ⵜⵜⴰⵔⴱⵉⵢⵢⴻⵜ,

ⵎⴰⵎⵎⴻⵛ ⵉⵏⴹⴰⵔ ⵓⵍ ⵉⵏⵓ ⴰⵡⴻⴱⴱⴻⵅ?

13 ⵎⴰⵎⵎⴻⵛ ⵡⴰⵔ ⵙⵍⵉⵖ ⵖⴰⵔ ⵜⵎⵉⵊⵊⴰ ⵏ ⵡⴻⵏⵏⵉ ⴷ ⴰⵢⵉ ⵉⴷⴰⵔⵔⴱⴻⵏ,

ⵡⴰⵔ ⵡⵛⵉⵖ ⴰⵎⴻⵥⵥⵓⵖ ⵉⵏⵓ ⵉ ⵉⵎⵙⴻⵍⵎⴰⴷⴻⵏ ⵉⵏⵓ?

14 ⵄⵍⴰⵃⴰⵍ ⵜⵓⵖⴰ ⵓⴼⵉⵖ ⵉⵅⴻⴼ ⵉⵏⵓ ⴷⵉ ⵄⵍⴰⵎ ⴽⵓⵍ ⵍⵖⴰⵔ,

ⴷⵉ ⵍⵡⴻⵙⵜ ⵏ ⵡⴻⴳⵔⴰⵡ ⵏ ⵍⴳⴻⵏⵙ ⵓ ⵏ ⵜⵎⴻⵙⵎⵓⵏⵜ!”

15 ⵙⵓⵡ ⴰⵎⴰⵏ ⵥⴻⴳ ⵡⴰⵏⵓ ⵏⵏⴻⴽ,

ⵓⵍⴰ ⴷ ⴰⵎⴰⵏ ⵉⵙⵙⵉⵥⵥⵍⴻⵏ ⵥⵉ ⵍⴰⴵⴰⵖ ⵏ ⵍⵄⵓⵏⵚⴰⵔ ⵏⵏⴻⴽ.

16 ⵉⵍⵉ ⴰⴷ ⵙⵙⴻⴼⵢⴻⵏ ⵡⴰⵎⴰⵏ ⵏ ⵍⵄⵓⵏⵚⴰⵔ ⵏⵏⴻⴽ ⴱⴰⵔⵔⴰ,

ⴰⵎ ⵜⴰⵍⴰⵡⵉⵏ ⵅ ⵡⴰⵥⵥⴰⵢⴻⵏ.

17 ⴻⵊⵊ ⵉ-ⵜⴻⵏ ⴰⴷ ⵉⵍⵉⵏ ⵉ ⵛⴻⴽ ⵡⴻⵃⵃⴷⴻⴽ,

ⵡⴰⵔ ⵉⴵⵉ ⵉ ⵉⴱⴰⵔⵔⴰⵏⵉⵢⵢⴻⵏ ⵉ ⴷⵉⵏ ⵥⵥⴰⵜⴻⴽ.

18 ⴰⴷ ⵉⵜⵜⵡⴰⴱⴰⵔⴻⴽ ⵍⵄⵓⵏⵚⴰⵔ ⵏⵏⴻⴽ,

ⴼⴰⵔⵃ ⵉ ⵜⴻⵎⵖⴰⵔⵜ ⵥⴻⴳ ⵡⵓⵙⵙⴰⵏ ⵏ ⵜⴻⵎⵥⵉ ⵏⵏⴻⴽ.

19 ⵜⵓⴷⴰⴷⵜ ⵉⵄⵉⵥⵥⴻⵏ ⵓⵍⴰ ⴷ ⵜⵉⵖⴻⵢⴷⴻⵜ ⵏ ⵡⴻⵥⵖⴰⵔ ⵉⵛⴻⵡⵡⴰⵔⴻⵏ ⵏⴻⵜⵜⴰⵜ!

ⴻⵊⵊ ⵉⴱⴱⴰⵛ ⵏⵏⴻⵙ ⴰⴷ ⵛⴻⴽ ⵙⵙⵢⵉⵡⵢⴻⵏ ⴷⵉ ⵎⴰⵔⵔⴰ ⵓⵙⵙⴰⵏ,

ⵙⴻⵍⵍⴻⵎ ⵉⵅⴻⴼ ⵏⵏⴻⴽ ⵍⴻⴱⴷⴰ ⵖⴰⵔ ⵜⴰⵢⵔⵉ ⵏⵏⴻⵙ!

20 ⵎⴰⵢⴻⵎⵎⵉ, ⴰ ⵎⵎⵉ ⵉⵏⵓ, ⵎⴰ ⴳⴳⵓⵔ ⴰⴷ ⵛⴻⴽ ⵜⴻⵖⵡⴰ ⵜⴻⵎⵖⴰⵔⵜ ⵜⴰⴱⴰⵔⵔⴰⵏⴻⵛⵜ,

ⴰⴷ ⵜⴷⴰⵔⵔⵄⴻⴷ ⵉ ⵡⴻⵃⵙⵉⵏ ⵏ ⵜⴻⵎⵖⴰⵔⵜ ⵡⴰⵔ ⵜⴻⵙⵙⵉⵏⴻⴷ?

21 ⵎⴰⵖⴰⵔ ⵉⴱⵔⵉⴷⴻⵏ ⵏ ⴱⵏⴰⴷⴻⵎ ⴰⵇⴰ ⴰⵜⴻⵏ ⴷⵉⵏ ⵥⵥⴰⵜ ⵉ ⵜⵉⵟⵟⴰⵡⵉⵏ ⵏ ⵙⵉⴷⵉ,

ⵏⴻⵜⵜⴰ ⵢⴰⵔⵥⵓ ⴷⵉ ⵎⴰⵔⵔⴰ ⵉⵎⴻⵙⵔⴰⵇ ⵏⵏⴻⵙ. ^■  

22 ⵍⵎⵓⵄⵙⵉⵢⵢⴻⵜ ⵏ ⵢⵉⵅⴻⴼ ⵏⵏⴻⵙ ⴰⴷ ⵜⵃⴻⴱⴱⴻⵙ ⴰⵄⴻⴼⴼⴰⵏ,

ⵙ ⵉⵙⴻⵖⵡⴰⵏ ⵏ ⴷⴷⵏⵓⴱ ⵏⵏⴻⵙ ⴰⴷ ⵉⵜⵜⵡⴰⵛⴻⴷⴷ.

23 ⵏⴻⵜⵜⴰ ⴰⴷ ⵉⵎⵎⴻⵜ ⵓⵎⵉ ⵡⴰⵔ ⴷⵉⵏ ⵜⵓⵖⵉ ⵜⵜⴰⵔⴱⵉⵢⵢⴻⵜ,

ⴰⴷ ⵉⵡⴻⴷⴷⴰⵔ ⵙ ⵜⵓⴱⴱⵓⵀⴻⵍⵢⴰ ⵏⵏⴻⵙ ⵜⴰⵎⴻⵇⵇⵔⴰⵏⵜ.