ⵜⵉⵖⵉⵜ ⴷⵉ ⵜⵓⴷⴰⵔⵜ ⵏ ⴽⵓⵍ ⴰⵙⵙ
3
1 ⵎⵎⵉ ⵉⵏⵓ, ⵡⴰⵔ ⵜⵜᵉⵜⵜⵓ ⵜⴰⵖⵓⵔⵉ ⵉⵏⵓ ⵏ ⵛⵛⴰⵔⵉⵄⴰ, ⴻⵊⵊ ⵓⵍ ⵏⵏⴻⴽ ⴰⴷ ⵉⵃⴹⴰ ⵜⵉⵡⴻⵚⵚⴰ ⵉⵏⵓ.
2 ⵎⴰⵖⴰⵔ ⵏⵉⵜⴻⵏⵜⵉ ⴰⴷ ⴰⵛ ⴷⴷ-ⴰⵡⵢⴻⵏ ⴰⵟⵟⴰⵙ ⵏ ⵡⵓⵙⵙⴰⵏ,
ⵓⵍⴰ ⴷ ⵉⵙⴻⴳⴳⵯⵓⵙⴰ ⵏ ⵜⵓⴷⴰⵔⵜ ⴷ ⵍⴻⵀⵏⴰ. ■
3 ⵜⴰⵎⴻⵅⵙⵉⵡⵜ ⵉⵛⴻⵡⵡⴰⵔⴻⵏ ⴷ ⵍⴰⵎⴰⵏ ⵡⴰⵔ ⵜⴻⵏ ⵜⴻⵊⵊⵉⴷ ⴰⴷ ⵥⵥⴰⵢⴻⴽ ⴼⴼⵖⴻⵏ.
ⵇⵇⴻⵏ ⵉ-ⵜⴻⵏ ⵖⴰⵔ ⵢⵉⵔⵉ ⵏⵏⴻⴽ, ⴰⵔⵉ ⵜⴻⵏ ⵅ ⵜⴻⵍⵡⵉⵃⵜ ⵏ ⵡⵓⵍ ⵏⵏⴻⴽ ■
4 ⵓ ⴰⴼ ⴰⵍⴹⴰ ⵓ ⵙⵛⴻⵏ ⵍⴻⴼⵀⴰⵎⴻⵜ ⵉⵚⴻⴱⵃⴻⵏ,
ⴷⵉ ⵜⵉⵟⵟⴰⵡⵉⵏ ⵏ ⴰⵔⴻⴱⴱⵉ ⵓ ⵏ ⴱⵏⴰⴷⴻⵎ.
5 ⵜⵉⵇⵇ ⴷⵉ ⵙⵉⴷⵉ ⵙ ⵡⵓⵍ ⵏⵏⴻⴽ ⴽⵓⵍⵛⵉ,
ⵡⴰⵔ ⵜⵜⵛⴰⵍⴰ ⵅ ⵍⴻⴼⵀⴰⵎⴻⵜ ⵏ ⵢⵉⵅⴻⴼ ⵏⵏⴻⴽ.
6 ⵙⵙⴻⵏ ⵉ-ⵜ ⴷⵉ ⵎⴰⵔⵔⴰ ⵉⴱⵔⵉⴷⴻⵏ ⵏⵏⴻⴽ,
ⵅⴻⵏⵏⵉ ⵏⴻⵜⵜⴰ ⴰⴷ ⵉⵙⴻⴳⴳⴻⵎ ⵉⵎⴻⵙⵔⴰⵇ ⵏⵏⴻⴽ. ■
7 ⵡⴰⵔ ⵜⵜⴻⴳⴳ ⵉⵅⴻⴼ ⵏⵏⴻⴽ ⴷ ⴰⵎⵉⵖⵉⵙ.
ⴳⴳⵯⴻⴷ ⵙⵉⴷⵉ ⵓ ⴱⴻⵄⵄⴻⴷ ⵅ ⵎⵉⵏ ⵉⴵⴰⵏ ⴷ ⴰⵄⴻⴼⴼⴰⵏ. ■
8 ⴰⵢⴰ ⴰⴷ ⵢⵉⵍⵉ ⴷ ⴰⴳⴻⵏⴼⵓ ⵉ ⵉⵥⴻⵡⵔⴰⵏ ⵏ ⵜⵓⴷⴰⵔⵜ ⵏⵏⴻⴽ,
ⴷ ⵜⵉⵙⵙⵉ ⵉ ⵉⵅⵙⴰⵏ ⵏⵏⴻⴽ.
9 ⵡⴻⵇⵇⴰⵔ ⵙⵉⴷⵉ ⵙ ⵡⴰⴳⵍⴰ ⵏⵏⴻⴽ,
ⵙ ⵜⵎⴻⵥⵡⴰⵔⵓⵜ ⵏ ⵎⴰⵔⵔⴰ ⵚⵚⴰⴱⴻⵜ ⵏⵏⴻⴽ. ■
10 ⵅⴻⵏⵏⵉ ⴰⴷ ⵜⵜⵡⴰⵛⵛⵓⵔⴻⵏ ⵍⴻⵀⵔⵉⵜ ⵏⵏⴻⴽ ⵙ ⵓⴼⴻⵢⵢⴻⴹ,
ⵜⵉⵙⵉⵔⵉⵏ ⵏ ⵓⴹⵉⵍ ⴰⴷ ⵙⵙⴻⴼⵢⴻⵏⵜ ⵙ ⴱⵉⵏⵓ ⵏ ⵊⴷⵉⴷ. ■
11 ⵎⵎⵉ ⵉⵏⵓ, ⵡⴰⵔ ⵏⴻⵟⵟⴰⵔ ⵜⵜⴰⵔⴱⵉⵢⵢⴻⵜ ⵏ ⵙⵉⴷⵉ,
ⵡⴰⵔ ⵜⵜⴰⵔⵔⴰ ⴰⵄⵔⵓⵔ ⵅ ⵓⵡⴻⴱⴱⴻⵅ ⵏⵏⴻⵙ, ■
12 ⵎⴰⵖⴰⵔ ⵡⴻⵏⵏⵉ ⵉⵙⵙⵄⵉⵥⵥⴰ ⵙⵉⴷⵉ ⴰⴷ ⵜ ⵉⵄⴰⵇⴻⴱ ⵄⴰⵡⴻⴷ,
ⴰⵎ ⵉⵜⵜⴻⴳⴳ ⴱⴰⴱⴰⵙ ⴰⴽ-ⴷ ⵎⵎⵉⵙ ⵡⴻⵏⵏⵉ ⵅ ⵢⴰⵔⴹⴰ. ■
13 ⵙⵙⴻⵄⴷ ⵏ ⴱⵏⴰⴷⴻⵎ ⵏⵏⵉ ⵉⵜⵜⴰⴼⴻⵏ ⵜⵉⵎⴻⵙⵙⵏⴰ,
ⵓⵍⴰ ⴷ ⴱⵏⴰⴷⴻⵎ ⵏⵏⵉ ⵉⵜⵜⴽⴻⵙⵙⴰⴱⴻⵏ ⵍⴻⴼⵀⴰⵎⴻⵜ,
14 ⵎⴰⵖⴰⵔ ⵜⴰⵙⴻⴱⴱⴰⴱⵜ ⵏⵏⴻⵙ ⵜⴻⵃⵍⴰ ⵅ ⵜⵙⴻⴱⴱⴰⴱⵜ ⴷⵉ ⵏⵏⵓⵇⴰⵔⵜ,
ⵓ ⵍⵖⵉⴵⴻⵜ ⵏⵏⴻⵙ ⵜⴻⵃⵍⴰ ⵅ ⵡⵓⵔⴻⵖ ⵉⵜⵜⵉⵙⵙⵉⵇⴻⵏ, ■
15 ⵏⴻⵜⵜⴰⵜ ⵜⵉⵖⵍⴰ ⵅ ⵍⵎⴰⵔⵊⴰⵏ,
ⵓ ⵎⴰⵔⵔⴰ ⵎⵉⵏ ⴷⵉ ⵜⵥⴻⵎⵎⴰⵔⴻⴷ ⴰⴷ ⵜⴻⵎⵎⴻⵥⵔⴻⴷ,
ⵡⴰⵔ ⵉⵥⴻⵎⵎⴰⵔ ⴰⴽⵉⴷⴻⵙ ⵉⵎⵎⵇⵓⴷⴷⴰ. ■
16 ⵜⵓⵥⵥⴻⴳⴳⴰⵔⵜ ⵏ ⵡⵓⵙⵙⴰⵏ ⵖⴰⵔⴻⵙ ⴷⴻⴳ ⵓⴼⵓⵙ ⵏⵏⴻⵙ,
ⴰⴳⵍⴰ ⴷ ⵛⵛⴰⵏ ⴰⵇⴰ ⴰⵜⴻⵏ ⵅ ⵓⵥⴻⵍⵎⴰⴹ ⵏⵏⴻⵙ,
17 ⵉⴱⵔⵉⴷⴻⵏ ⵏⵏⴻⵙ ⴷ ⵉⴱⵔⵉⴷⴻⵏ ⵏ ⵍⴻⴹⵔⴰⴼⴻⵜ,
ⵓ ⵎⴰⵔⵔⴰ ⵉⵎⴻⵙⵔⴰⵇ ⵏⵏⴻⵙ ⴰⵇⴰ ⴰⵜⴻⵏ ⴷ ⵍⴻⵀⵏⴰ.
18 ⵏⴻⵜⵜⴰⵜ ⴷ ⵜⴰⵛⴻⵊⵊⴰⵔⵜ ⵏ ⵜⵓⴷⴰⵔⵜ ⵉ ⵢⴻⵏⵏⵉ ⵖⴰⵔⴻⵙ ⵉⵍⴻⵙⵇⴻⵏ,
ⴽⵓⵍ ⵉⵊⵊⴻⵏ ⵡⴻⵏⵏⵉ ⴷⴰⵢⴻⵙ ⵉⵜⵜⴻⵟⵟⴼⴻⵏ, ⴰⴷ ⵢⵉⵍⵉ ⴷ ⴰⵎⴻⵙⵄⵓⴷ. □
19 ⵙⵉⴷⵉ ⵉⴳⴳⴰ ⴷⵙⴰⵙ ⵏ ⵜⴻⵎⵎⵓⵔⵜ ⵙ ⵜⵉⵖⵉⵜ ⵏⵏⴻⵙ,
ⵙ ⵍⴻⴼⵀⴰⵎⴻⵜ ⵏⵏⴻⵙ ⵉⴳⴳⴰ ⵉⵊⴻⵏⵡⴰⵏ.
20 ⵣⵉ ⵜⵓⵙⵙⵏⴰ ⵏⵏⴻⵙ ⴷⴷⵓⵇⵇⵥⴻⵏ-ⴷⴷ ⴰⵎⴰⵏ ⵢⵓⴵⵖⴻⵏ,
ⵜⵜⵏⴻⵛⵏⵉⵛⴻⵏ-ⴷⴷ ⵉⵙⴻⵢⵏⵓⵜⴻⵏ ⵏⵏⴷⴰ. ■
21 ⵎⵎⵉ ⵉⵏⵓ, ⵡⴰⵔ ⵜⴻⵏⵜ ⵜⴻⵊⵊⵉⴷ ⴰⴷ ⴼⴼⵖⴻⵏⵜ ⵥⵉ ⵜⵉⵟⵟⴰⵡⵉⵏ ⵏⵏⴻⴽ,
ⵃⴹⴰ ⴰⴼⵜⴰⵏ ⴷ ⵓⵃⴰⴹⵓⵔ, □
22 ⵎⴰⵖⴰⵔ ⴰⴷ ⵉⵍⵉⵏ ⴷ ⵜⵓⴷⴰⵔⵜ ⵉ ⵍⴻⵄⵎⴰⵔ ⵏⵏⴻⴽ,
ⵓⵍⴰ ⴷ ⴰⵔⴹⴰ ⵉ ⵢⵉⵔⵉ ⵏⵏⴻⴽ.
23 ⵅⴻⵏⵏⵉ ⴰⴷ ⵜⵓⵢⵓⵔⴻⴷ ⴰⴱⵔⵉⴷ ⵏⵏⴻⴽ ⴷⵉ ⵍⴰⵎⴰⵏ,
ⵓ ⵡⴰⵔ ⵜᵉⵜⵜⵏⴻⵇⵔⵉⴹⴻⴷ ⴷⴻⴳ ⵓⴹⴰⵔ ⵏⵏⴻⴽ. ■
24 ⵎⴰⵍⴰ ⵜⵔⵓⵃⴻⴷ ⴰⴷ ⵜⴻⵥⵥⵍⴻⴷ, ⵡⴰⵔ ⴳⴳⵓⵔ ⴰⴷ ⵜⴻⵏⵅⴻⵍⵄⴻⴷ,
ⵓ ⵅⵎⵉ ⵉ ⵖⴰ ⵜⴻⵥⵥⵍⴻⴷ, ⴳⴳⵓⵔ ⴰⴷ ⵢⵉⵥⵉⴷ ⵢⵉⴹⴻⵙ ⵏⵏⴻⴽ. ■
25 ⵡⴰⵔ ⵜⵜⴻⴳⴳⵯⴻⴷ ⵥⴻⴳ ⵓⵏⴻⵅⵍⵉⵄ ⵏ ⴷⴻⵖⵢⴰ,
ⵓⵍⴰ ⵥⴻⴳ ⵡⴰⵔⴻⵢⵢⴻⴱ ⵙ ⵓⴼⵓⵙ ⵏ ⵉⵄⴻⴼⴼⴰⵏⴻⵏ ⵅⵎⵉ ⴷⴷ ⵖⴰ ⵢⴰⵙ. ■
26 ⵎⴰⵖⴰⵔ ⵙⵉⴷⵉ ⴰⴷ ⴰⵛ ⵢⵉⵍⵉ ⴷ ⴰⵙⴻⵏⵏⴻⴷ ⵏⵏⴻⴽ,
ⵏⴻⵜⵜⴰ ⴰⴷ ⵉⵃⴹⴰ ⴰⴼⵓⵙ ⵏⵏⴻⴽ ⵥⵉ ⵜⵙⴰⵔⵔⵉⴼⵜ.
27 ⵡⴰⵔ ⵇⴻⵟⵟⴻⵄ ⵍⵅⴰⵔ ⵅ ⴱⴰⴱ ⵏⵏⴻⵙ,
ⵎⴰⵍⴰ ⴰⵇⴰ-ⵜ ⴷⴻⴳ ⵓⴼⵓⵙ ⵏⵏⴻⴽ ⵎⴰⵃⴻⵏⴷ ⴰⴷ ⵜ ⵜⴻⴳⴳⴻⴷ.
28 ⵡⴰⵔ ⵇⵇⴰⵔ ⵉ ⵓⵎⵇⴰⵔⵔⴻⴱ ⵏⵏⴻⴽ:
‘ⵔⵓⵃ ⵓⵛⴰ ⵄⵇⴻⴱ-ⴷⴷ, ⵜⵉⵡⴻⵛⵛⴰ ⴰⴷ ⴰⵛ-ⵜⵜ ⵡⵛⴻⵖ!’,
ⵎⴰⵍⴰ ⵜⴰⵎⴻⵙⵍⴰⵛⵜ ⴰⵇⴰ-ⵜⵜ ⴰⴽⵉⴷⴻⴽ.
29 ⵡⴰⵔ ⵏⴻⴽⴽⵡⵉ ⵍⵖⴰⵔ ⴰⴽ-ⴷ ⵓⵎⵇⴰⵔⵔⴻⴱ ⵏⵏⴻⴽ,
ⵓⵎⵉ ⴰⴽⵉⴷⴻⴽ ⵉⵥⴻⴷⴷⴻⵖ ⴷⵉ ⵍⴰⵎⴰⵏ.
30 ⵡⴰⵔ ⵜⴻⵎⵛⵓⴱⴱⵓⵛ ⴰⴽ-ⴷ ⵉⵊⵊ ⵏ ⴱⵏⴰⴷⴻⵎ ⴱⵍⴰ ⵙⵙⵉⴱⴱⴻⵜ,
ⵎⴰⵍⴰ ⵏⴻⵜⵜⴰ ⵡⴰⵔ ⴷ ⴰⵛ ⵉⴳⴳⵉ ⵍⵖⴰⵔ.
31 ⵡⴰⵔ ⵜⵜⴰⵙⴻⵎ ⵥⴻⴳ ⵉⵊⵊ ⵏ ⴱⵓ-ⵍⴻⵅⵛⵓⵏⴻⵜ,
ⵃⴹⴰ ⵎⴰⵃⴻⵏⴷ ⵡⴰⵔ ⵜᵉⵜⵜⵉⵅⴹⴰⵔⴻⴷ ⵓⵍⴰ ⴷ ⵉⵊⵊ ⵥⵉ ⵎⴰⵔⵔⴰ ⵉⴱⵔⵉⴷⴻⵏ ⵏⵏⴻⵙ. ■
32 ⵎⴰⵖⴰⵔ ⵡⴻⵏⵏⵉ ⵉⵜⵜⴻⴼⴼⵖⴻⵏ ⵥⴻⴳ ⵡⴻⴱⵔⵉⴷ, ⴰⵇⴰ-ⵜ ⴷ ⵏⵏⵄⵉ ⵉ ⵙⵉⴷⵉ,
ⵎⴰⵛⴰ ⵏⴻⵜⵜⴰ ⵉⵜⵜⴻⴳⴳ ⵍⴰⵎⴰⵏ ⵏⵏⴻⵙ ⴷⴻⴳ ⵉⵏⵏⵉ ⵉⴳⴳⵓⵔⴻⵏ ⵏⵉⵛⴰⵏ. ■
33 ⵏⵏⴻⵄⵍⴻⵜ ⵏ ⵙⵉⴷⵉ ⴰⵇⴰ-ⵜⵜ ⵅ ⵜⴰⴷⴷⴰⵔⵜ ⵏ ⵓⵄⴻⴼⴼⴰⵏ,
ⵎⴰⵛⴰ ⵜⴰⵥⴻⴷⴷⵉⵖⵜ ⵏ ⵉⵎⵙⴻⴳⴳⴰⴷⴻⵏ ⴰⴷ ⵜⵜ ⵉⴱⴰⵔⴻⴽ. ■
34 ⵎⴰⵍⴰ ⴷ ⵉⵎⴻⵙⵜⴻⵀⵥⴰⵢⴻⵏ, ⴰⴷ ⵥⵥⴰⵢⵙⴻⵏ ⵉⵙⵙⵜⴻⵀⵥⴰ ⵏⴻⵜⵜⴰ,
ⵎⴰⵛⴰ ⵎⴰⵍⴰ ⴷ ⵉⵏⵏⵉ ⵉⵜⵜⵡⴰⵃⵚⴰⵔⴻⵏ, ⴰⴷ ⴰⵙⴻⵏ ⵉⵙⵛⴻⵏ ⴰⵔⴹⴰ ⵏⵏⴻⵙ. ■
35 ⵉⵎⵉⵖⵉⵙⴻⵏ ⴰⴷ ⵡⴰⵔⵜⴻⵏ ⵛⵛⴰⵏ,
ⵎⴰⵛⴰ ⵉⴱⵓⵀⴰⵍⵉⵢⵢⴻⵏ ⴰⴷ ⵙⵙⴰⵔⴱⵓⵏ ⵍⴻⴼⴹⵉⵃⴻⵜ ⵅ ⵢⵉⵅⴻⴼ ⵏⵙⴻⵏ.