ⵜⵉⵖⵉⵜ ⴰⴷ ⵉⵃⴹⴰ ⵜⴰⵎⴻⵎⵎⵉⵜ
2
1 ⵎⵎⵉ ⵉⵏⵓ, ⵎⴰⵍⴰ ⵜⵇⴻⴱⵍⴻⴷ ⴰⵡⴰⵍⴻⵏ ⵉⵏⵓ ⵓ ⵜⴻⵃⴹⵉⴷ ⵜⵉⵡⴻⵚⵚⴰ ⵉⵏⵓ ⵖⴰⵔⴻⴽ,
2 ⵎⴰⵃⴻⵏⴷ ⴰⵎⴻⵥⵥⵓⵖ ⵏⵏⴻⴽ ⴰⴷ ⵉⵡⵛ ⵜⴰⵢⵏⵉⵜ ⵉ ⵜⵉⵖⵉⵜ,
ⵓⵍ ⵏⵏⴻⴽ ⴰⴷ ⵉⵎⴻⵢⵢⴻⵍ ⵖⴰⵔ ⵍⴻⴼⵀⴰⵎⴻⵜ,
3 ⵡⴰⵀ ⵎⴰⵍⴰ ⵜᵉⵜⵜⵍⴰⵖⵉⴷ-ⴷⴷ ⵅ ⵍⴻⵄⵇⴻⵍ,
ⴰⴷ ⵜⴻⵙⵙⵅⴻⴷⵎⴻⴷ ⵜⵎⵉⵊⵊⴰ ⵏⵏⴻⴽ ⵎⴰⵃⴻⵏⴷ ⴰⴷ ⵜⴰⴼⴻⴷ ⵍⴻⴼⵀⴰⵎⴻⵜ,
4 ⵎⴰⵍⴰ ⵜⴰⵔⴻⵥⵥⵓⴷ ⵅⴰⵙ ⴰⵎ ⵜⴰⵔⴻⵥⵥⵓⴷ ⵅ ⵏⵏⵓⵇⴰⵔⵜ,
ⵎⴰⵍⴰ ⵅⴰⵙ ⵜⴰⵔⴻⵥⵥⵓⴷ ⴰⵎ ⵅ ⵜⵅⵓⴱⴰⵢ ⵉⵏⵏⵓⴼⴼⴰⵔⴻⵏ, □ ■
5 ⵅⴻⵏⵏⵉ ⴰⴷ ⵜⴼⴻⵀⵎⴻⴷ ⵉ ⵜⵉⴳⴳⵯⵓⴷⵉ ⵏ ⵙⵉⴷⵉ,
ⵓ ⴰⴷ ⵜⴰⴼⴻⴷ ⵜⵓⵙⵙⵏⴰ ⵏ ⴰⵔⴻⴱⴱⵉ.
6 ⵎⴰⵖⴰⵔ ⵙⵉⴷⵉ ⵉⵜⵜⵉⵛ ⵜⵉⵖⵉⵜ,
ⵥⴻⴳ ⵓⵇⴻⵎⵎⵓⵎ ⵏⵏⴻⵙ ⵜᵉⵜⵜⴻⴼⴼⴻⵖ-ⴷⴷ ⵜⵓⵙⵙⵏⴰ ⴷ ⵍⴻⴼⵀⴰⵎⴻⵜ. ■
7 ⵉ ⵢⴻⵏⵏⵉ ⵉⴳⴳⵓⵔⴻⵏ ⵏⵉⵛⴰⵏ ⵉⵙⵙⴻⵡⵊⴻⴷ ⴰⵙⴻⵏ ⵜⵡⵉⵥⴰ,
ⵉ ⵢⴻⵏⵏⵉ ⵉⴳⴳⵓⵔⴻⵏ ⴷⵉ ⵍⴻⴽⵎⴰⵔⴻⵜ ⵉⵙⵙⴻⵡⵊⴻⴷ ⴰⵙⴻⵏ ⴰⴷⵓⵔⵔⵉ,
8 ⵃⵉⵎⴰ ⴰⴷ ⵇⵇⵉⵎⴻⵏ ⵜⵜᵉⵟⵟⴼⴻⵏ ⴷⴻⴳ ⵉⵎⴻⵙⵔⴰⵇ ⵏ ⵍⵃⴻⵇⵇ,
ⵓ ⵏⴻⵜⵜⴰ ⴰⴷ ⵉⵙⵙⴰⵔ ⴰⴱⵔⵉⴷ ⵏ ⵉⵎⴻⴷⴷⵓⴽⴽⴰⵍ ⵏⵏⴻⵙ ⵉⵎⵜⵉⵇⵇⴰⵏ.
9 ⵅⴻⵏⵏⵉ ⴰⴷ ⵜⴼⴻⵀⵎⴻⴷ ⵜⴰⵙⴻⴳⴷⴰ ⴷ ⵍⵃⴻⵇⵇ,
ⵓⵍⴰ ⴷ ⵍⴻⵚⴼⴰⵢⴻⵜ,
ⴽⵓⵍ ⵍⴰⵜⴰⵔ ⵉⵚⴻⴱⵃⴻⵏ.
10 ⵎⴰⵖⴰⵔ ⵜⵉⵖⵉⵜ ⴰⴷ ⵜⴰⴷⴻⴼ ⵖⴰⵔ ⵡⵓⵍ ⵏⵏⴻⴽ,
ⵓ ⵜⵓⵙⵙⵏⴰ ⴰⴷ ⵜⴰⵔⴹⴰ ⵅ ⵍⴻⵄⵎⴰⵔ ⵏⵏⴻⴽ.
11 ⴰⵃⴰⴷⵓⵔ ⴰⴷ ⵅⴰⴽ ⵉⵃⴹⴰ,
ⵍⴻⴼⵀⴰⵎⴻⵜ ⴰⴷ ⵅⴰⴽ ⵜⴻⵙⵙⴰⵔ,
12 ... ⵎⴰⵃⴻⵏⴷ ⴰⴷ ⵛⴻⴽ ⵜⴼⴻⴽⴽ ⵥⴻⴳ ⵡⴻⴱⵔⵉⴷ ⵏ ⵓⵄⴻⴼⴼⴰⵏ,
ⵥⴻⴳ ⵡⴻⵔⵢⴰⵥ ⵏⵏⵉ ⵉⵇⴻⴵⴱⴻⵏ ⴰⵡⴰⵍ ⵏⵏⴻⵙ.
13 ⵥⴻⴳ ⵉⵏⵏⵉ ⵉⵙⴻⵎⵃⴻⵏ ⴷⴻⴳ ⵉⵎⴻⵙⵔⴰⵇ ⵉⵙⴻⴳⴳⵎⴻⵏ,
ⵎⴰⵃⴻⵏⴷ ⴰⴷ ⵓⵢⵓⵔⴻⵏ ⵉⴱⵔⵉⴷⴻⵏ ⵏ ⵜⴰⴵⴻⵙⵜ,
14 ⵉⵏⵏⵉ ⵉⴼⴰⵔⵔⵃⴻⵏ ⵎⴰⵃⴻⵏⴷ ⴰⴷ ⴳⴳⴻⵏ ⵍⵖⴰⵔ,
ⵓ ⵙⵙⵍⵉⵡⵍⵉⵡⴻⵏ ⵅ ⵍⴻⵅⴷⴰⵄⴰⵜ ⵏ ⵍⵖⴰⵔ,
15 ⵏ ⵢⵉⵏⵏⵉ ⵉⴵⴰⵏ ⵉⵎⴻⵙⵔⴰⵇ ⵏⵙⴻⵏ ⴼⴰⵔⵖⴻⵏ,
ⴷ ⵢⵉⵏⵏⵉ ⵉⵎⴻⵢⵢⵍⴻⵏ ⵙⵙⴰ ⴷ ⵙⵙⴰ ⴷⵉ ⵍⴰⵜⴰⵔⴰⵜ ⵏ ⵢⵉⵅⴻⴼ ⵏⵙⴻⵏ.
16 ... ⵎⴰⵃⴻⵏⴷ ⴰⴷ ⵛⴻⴽ ⵜⴼⴻⴽⴽ ⵥⵉ ⵜⴻⵎⵖⴰⵔⵜ ⵜⴱⴰⵔⵔⴰⵏⴻⵛⵜ,
ⵥⵉ ⵜⴻⵎⵖⴰⵔⵜ ⵥⵉ ⴱⴰⵔⵔⴰ ⵉ ⵉⵜⵜⵖⴰⵔⵔⴰⵏ ⵙ ⵡⴰⵡⴰⵍⴻⵏ ⵏⵏⴻⵙ, ■
17 ⵜⴻⵏⵏⵉ ⵉⵙⴻⵎⵃⴻⵏ ⴷⴻⴳ ⵓⵎⴻⴷⴷⵓⴽⴽⴻⵍ ⵏ ⵜⴻⵎⵥⵉ ⵏⵏⴻⵙ,
ⵓ ⵜᵉⵜⵜⵓ ⵍⵄⴰⵀⴷ ⵏ ⴰⵔⴻⴱⴱⵉ ⵏⵏⴻⵙ.
18 ⵎⵉⵏⵥⵉ ⵜⵀⴻⴽⴽⵡⴰ ⵖⴰⵔ ⵍⵎⴻⵡⵜ ⵊⵎⵉⵄ ⴰⴽ-ⴷ ⵜⴰⴷⴷⴰⵔⵜ ⵏⵏⴻⵙ,
ⵓ ⵍⴰⵜⴰⵔⴰⵜ ⵏⵏⴻⵙ ⵀⴻⴽⴽⵡⴰⵏⵜ ⵖⴰⵔ ⵍⴻⵅⵢⴰⵍⴰⵜ ⵏ ⵉⵎⴻⵜⵜⴰⵏ.
19 ⵎⴰⵔⵔⴰ ⵉⵏⵏⵉ ⵖⴰⵔⴻⵙ ⵖⴰ ⵢⴰⴷⴼⴻⵏ, ⵡⴰⵔ ⴷⴷ-ⵉⵜⵜⵄⵉⵇⵇⵉⴱⴻⵏ ⵄⴻⵎⵎⴰⵔⵚ,
ⵡⴰⵔ ⵜⵜⴰⴽⴽⵡⴰⴹⴻⵏ ⵄⴻⵎⵎⴰⵔⵚ ⵖⴰⵔ ⵉⵎⴻⵙⵔⴰⵇ ⵏ ⵜⵓⴷⴰⵔⵜ.
20 ... ⵃⵉⵎⴰ ⴰⴷ ⵜⵓⵢⵓⵔⴻⴷ ⴰⴱⵔⵉⴷ ⵏ ⵉⵚⴻⴱⵃⴰⵏⴻⵏ,
ⵓ ⴰⴷ ⵜᵉⵟⵟⴼⴻⴷ ⴷⴻⴳ ⵉⵎⴻⵙⵔⴰⵇ ⵏ ⵉⵎⵙⴻⴳⴳⴰⴷⴻⵏ,
21 ⵎⴰⵖⴰⵔ ⵉⵏⵏⵉ ⵉⴳⴳⵓⵔⴻⵏ ⵏⵉⵛⴰⵏ ⴰⴷ ⵥⴻⴷⵖⴻⵏ ⴷⵉ ⵜⴻⵎⵎⵓⵔⵜ,
ⵓ ⵉⵏⵏⵉ ⵉⴳⴳⵓⵔⴻⵏ ⵙ ⵍⴻⴽⵎⴰⵔⴻⵜ ⴰⴷ ⴷⴰⵢⴻⵙ ⵇⵇⵉⵎⴻⵏ. ■
22 ⵉⵄⴻⴼⴼⴰⵏⴻⵏ ⴰⴷ ⵜⵜⵡⴰⵇⴻⴹⵄⴻⵏ ⵥⵉ ⵜⴻⵎⵎⵓⵔⵜ,
ⵉⵖⴻⴷⴷⴰⵔⴻⵏ ⴰⴷ ⵥⵥⴰⵢⴻⵙ ⵜⵜⵡⴰⵇⴻⵍⵄⴻⵏ. ■