1 ⵀⴰⵍⵍⵉⵍⵓ-ⵢⴰⵀ. ⴰ ⵍⴻⵄⵎⴰⵔ ⵉⵏⵓ, ⵚⴻⴱⴱⴻⵃ ⵉ ⵙⵉⴷⵉ.

2 ⵏⴻⵛⵛ ⴰⴷ ⵚⴻⴱⴱⵃⴻⵖ ⵉ ⵙⵉⴷⵉ ⵎⵉⵏ ⵖⴰ ⴽⴽⴻⵖ ⴷⴷⴰⵔⴻⵖ,

ⴰⴷ ⵥⴻⵀⵀⴷⴻⵖ ⵉ ⴰⵔⴻⴱⴱⵉ ⵉⵏⵓ ⵎⵉⵏ ⴷⴰ ⵖⴰ ⴽⴽⴻⵖ ⵄⴰⴷ. ^□  

3 ⵡⴰⵔ ⵜⵜⵛⴰⵍ ⵅ ⵜⴰⵔⵡⴰ ⵏ ⵜⴰⵚⵉⵍⴻⵜ, ⵅ ⵎⵎⵉⵙ ⵏ ⴱⵏⴰⴷⴻⵎ,

ⵡⴻⵏⵏⵉ ⵓⵎⵉ ⵡⴰⵔ ⵖⴰⵔ ⵉⴵⵉ ⴱⵓ ⵓⵙⴻⵏⵊⴻⵎ. ^■  

4 ⵉⴼⴼⴻⵖ ⴱⵓⵃⴱⴻⵍ ⵏⵏⴻⵙ, ⵉⴷⵡⴻⵍ ⵖⴰⵔ ⵜⴻⵎⵎⵓⵔⵜ.

ⴷⴻⴳ ⵡⴰⵙⵙ ⵏⵏⵉ ⵙⵉⵎⴰⵏⵜ ⵏⵏⴻⵙ ⴰⴷ ⵇⴹⴰⵏ ⵉⵏⵡⴰⵢⴻⵏ ⵏⵏⴻⵙ.

5 ⵙⵙⴻⵄⴷ ⵏ ⵡⴻⵏⵏⵉ ⵖⴰⵔ ⵉⴵⴰ ⴰⵔⴻⴱⴱⵉ ⵏ ⵢⴰⵄⵇⵓⴱ ⴷ ⴰⵎⵄⴰⵡⴻⵏ,

ⵡⴻⵏⵏⵉ ⵉⵜⵜⵔⴰⵊⴰⵏ ⵙⵉⴷⵉ, ⴰⵔⴻⴱⴱⵉ ⵏⵏⴻⵙ,

6 ⵡⴻⵏⵏⵉ ⵉⴳⴳⵉⵏ ⵉⵊⴻⵏⵡⴰⵏ ⴷ ⵜⴻⵎⵎⵓⵔⵜ, ⵍⴻⴱⵃⴰⵔ ⴷ ⵎⴰⵔⵔⴰ ⵎⵉⵏ ⴷⴰⵢⴻⵙ,

ⵡⴻⵏⵏⵉ ⴷⴰⵢⴻⵙ ⵍⴰⵎⴰⵏ ⵉ ⵍⴻⴱⴷⴰ, ^□  

7 ⵡⴻⵏⵏⵉ ⵉⵜⵜⴰⵖⴻⵏ ⵜⴰⵙⵖⴰⵔⵜ ⵉ ⵢⴻⵏⵏⵉ ⵉⵜⵜⵡⴰⵃⴻⵚⵚⴰⵔⴻⵏ,

ⵡⴻⵏⵏⵉ ⵉⵜⵜⵉⵛⴻⵏ ⴰⵖⵔⵓⵎ ⵉ ⵢⴻⵏⵏⵉ ⵉⴵⵓⵥⴻⵏ.

ⵙⵉⴷⵉ ⵢⴰⵔⴻⵅⵅⵓ ⵉ ⵉⵎⴻⵃⴱⴰⵙ.

8 ⵙⵉⴷⵉ ⵢⴰⵔⴻⵥⵥⴻⵎ ⵉ ⵉⴷⴰⵔⵖⴰⵍⴻⵏ ⵜⵉⵟⵟⴰⵡⵉⵏ,

ⵉⵙⵙⴱⴻⴷⴷⴰ ⵉⵏⵏⵉ ⵉⴳⴳⵓⵔⴻⵏ ⵉⵜⵜⴻⵇⵡⵉⵙⴻⵏ,

ⵙⵉⴷⵉ ⵉⵜⵜⴻⵅⵙ ⵉⵎⵙⴻⴳⴳⴰⴷⴻⵏ. ^■  

9 ⵙⵉⴷⵉ ⵉⵃⴻⵟⵟⴰ ⵉⴱⴰⵔⵔⴰⵏⵉⵢⵢⴻⵏ,

ⵉⵜⵜⵉⵛ ⴰⴼⵓⵙ ⵉ ⵓⵢⵓⵊⵉⵍ ⴷ ⵜⵉⵊⵊⴰⵍ,

ⵎⴰⵛⴰ ⴰⴱⵔⵉⴷ ⵏ ⵉⵄⴻⴼⴼⴰⵏⴻⵏ ⴰⴷ ⵜ ⵉⵙⵙⴼⴰⵔⵖ.

10 ⵙⵉⴷⵉ ⴰⴷ ⵉⵃⴽⴻⵎ ⵉ ⵍⴻⴱⴷⴰ,

ⴰⵔⴻⴱⴱⵉ ⵏⵏⴻⴽ, ⴰ ⵚⵉⵀⵢⵓⵏ, ⵉⵃⴻⴽⴽⴻⵎ ⵥⵉ ⵊⵊⵉⵍ ⴰⵍ ⵊⵊⵉⵍ. ⵀⴰⵍⵍⵉⵍⵓ-ⵢⴰⵀ. ^■