1 ⴰⵥⴻⵀⵀⴻⴷ ⵏ ⴷⴰⵡⵓⴷ.

ⴰ ⵙⵉⴷⵉ, ⵏⴻⵛⵛ ⵜⵜⵍⴰⵖⵉⵖ ⵖⴰⵔⴻⴽ, ⴷⴻⵖⵢⴰⵜ ⵖⴰⵔⵉ,

ⵙⴻⵍ ⵖⴰⵔ ⵜⵎⵉⵊⵊⴰ ⵉⵏⵓ ⵅⵎⵉ ⴷⴷ ⵅⴰⴽ ⵉ ⵖⴰ ⵜⵜⵍⴰⵖⵉⵖ.

2 ⵉⵍⵉ ⴰⴷ ⵜⴱⴻⴷⴷ ⵜⵥⴰⴵⵉⵜ ⵉⵏⵓ ⴰⵎ ⵍⴻⴱⵅⵓⵔ ⵉⵜⵜⴼⵓⵃⴻⵏ ⵥⵥⴰⵜ ⵉ ⵡⵓⴷⴻⵎ ⵏⵏⴻⴽ,

ⵓⵍⴰ ⴷ ⴰⵙⴳⴻⵄⵄⴻⴷ ⵏ ⵉⴼⴰⵙⵙⴻⵏ ⵉⵏⵓ ⴰⵎ ⵜⴻⵡⵀⵉⴱⵜ ⵏ ⵜⵎⴻⴷⴷⵉⵜ. ^■  

3 ⴰ ⵙⵉⴷⵉ, ⴻⴳⴳ ⵉⵊⵊ ⵏ ⵓⵄⴻⵙⵙⴰⵙ ⵖⴰⵔ ⵓⵇⴻⵎⵎⵓⵎ ⵉⵏⵓ,

ⵃⴹⴰ ⵜⴰⵡⵡⴰⵔⵜ ⵏ ⵉⵢⴻⵏⵛⵉⵛⴻⵏ ⵉⵏⵓ.

4 ⴻⴳⴳ ⴰⵇⴰ ⵓⵍ ⵉⵏⵓ ⵡⴰⵔ ⵉⵜⵜⵏⴻⵊⴱⵉⴷ ⵖⴰⵔ ⵉⵛⵜ ⵏ ⵜⵎⴻⵙⵍⴰⵛⵜ ⴷ ⵜⴰⵄⴻⴼⴼⴰⵏⵜ,

ⵎⴰⵃⴻⵏⴷ ⴰⴷ ⴳⴳⴻⵖ ⵜⵉⵎⴻⴳⴳⴰ ⵙ ⵍⵖⴻⵛⵛ ⴰⴽ-ⴷ ⵉⵔⵢⴰⵥⴻⵏ ⵏⵏⵉ ⵉⵜⵜⴻⴳⴳⴻⵏ ⵍⵎⵓⵄⵚⵉⵢⵢⴻⵜ,

ⴻⴳⴳ ⴰⵇⴰ ⵏⴻⵛⵛ ⵡⴰⵔ ⵜⵜᵉⵜⵜⴻⵖ ⵥⵉ ⵜⴰⵥⵢⵓⴹⵉ ⵏⵙⴻⵏ.

5 ⴻⵊⵊ ⴰⵎⵙⴻⴳⴳⴻⴷ ⴰⴷ ⴰⵢⵉ ⵉⵡⵡⴻⵜ, ⵎⴰⵖⴰⵔ ⴰⵢⴰ ⴷ ⵜⴰⵎⴻⵅⵙⵉⵡⵜ ⵉⵛⴻⵡⵡⴰⵔⴻⵏ,

ⵎⴰⵍⴰ ⵏⴻⵜⵜⴰ ⵉⵜⵜⵙⴻⴳⴳⴻⴷ ⴰⵢⵉ, ⴰⵢⴰ ⴷ ⵥⵥⴻⵛⵜ ⵅ ⵓⵥⴻⴵⵉⴼ ⵉⵏⵓ,

ⴰⴷ ⵜⵜ ⵉⵇⴱⴻⵍ ⵓⵥⴻⴵⵉⴼ ⵉⵏⵓ,

ⵎⴰⵖⴰⵔ ⴰⵎⵎⵓ ⵜⴰⵥⴰⴵⵉⵜ ⵉⵏⵓ ⵄⴰⴷ ⴹⵉⴷⴷ ⵉ ⵜⵎⴻⴳⴳⴰ ⵏⵙⴻⵏ ⵉⵄⴻⴼⴼⵏⴻⵏ. ^□  

6 ⵍⵇⵓⴹⴰⵜ ⵏⵙⴻⵏ ⵎⵎⴻⵏⴹⴰⵔⴻⵏ ⵙⵡⴰⴷⴷⴰⵢ ⵅ ⵓⵖⴻⵥⴷⵉⵙ ⵏ ⵊⵊⴰⵔⴼ,

ⴰⵇⴰ ⵙⵍⵉⵏ ⴱⴻⵍⵍⵉ ⴰⵡⴰⵍⴻⵏ ⵉⵏⵓ ⵉⴹⴰⵔⴼⴻⵏ.

7 ⴰⵅⵎⵉ ⵜᵉⵜⵜⵡⴰⵛⴰⵔⵔⴻⵥ ⵓ ⵜⴻⵏⵏⵓⵔⵥⴻⵎ ⵜⴻⵎⵎⵓⵔⵜ,

ⴰⵎⵎⵓ ⵉ ⵜⵜⵡⴰⵥⴻⴵⵄⴻⵏ ⵉⵅⵙⴰⵏ ⵏⵏⴻⵖ ⵖⴰⵔ ⵓⵇⴻⵎⵎⵓⵎ ⵏ ⵍⴰⵅⴰⵔⵜ. ^■  

8 ⵎⴰⵛⴰ ⵜⵉⵟⵟⴰⵡⵉⵏ ⵉⵏⵓ ⵅⴻⵥⵥⴰⵔⴻⵏⵜ-ⵉ-ⴷⴷ ⵖⴰⵔⴻⴽ, ⴰ ⵙⵉⴷⵉ, ⵙⵉⴷⵉ ⵉⵏⵓ,

ⵏⴻⵛⵛ ⵜⵜⴻⵛⵍⴻⵖ ⵅⴰⴽ, ⵡⴰⵔ ⵜⵜⴻⵊⵊⵉ ⵍⴻⵄⵎⴰⵔ ⵉⵏⵓ ⴷ ⴰⵄⴰⵔⵢⴰⵏ.

9 ⵙⵉⴳⴳⵯⴻⵊ ⴰⵢⵉ ⵉ ⵡⴻⵎⵏⴰⵄ ⵏ ⵍⴼⴻⵅ ⵉ ⴷ ⴰⵢⵉ ⵏⴻⴷⵢⴻⵏ,

ⵥⵉ ⵜⵅⴻⵛⴼⵉⵏ ⵏ ⵢⵉⵏⵏⵉ ⵉⵜⵜⴻⴳⴳⴻⵏ ⵍⵎⵓⵄⵚⵉⵢⵢⴻⵜ.

10 ⵉⵍⵉ ⵉⵄⴻⴼⴼⴰⵏⴻⵏ ⴰⴷ ⵡⴹⴰⵏ ⵎⴰⵔⵔⴰ ⴷⵉ ⵜⵔⴰⵛⵛⴰⵡⵉⵏ ⵏⵙⴻⵏ,

ⵎⵉⵏ ⵖⴰ ⴽⴽⴻⵖ ⵄⴻⴷⴷⵓⵖ.