1 ⴰⵅⴻⵎⵎⵉ ⵏ ⴷⴰⵡⵓⴷ.

ⵜⴰⵥⴰⴵⵉⵜ ⵓⵎⵉ ⵜ ⵜⵓⵖⴰ ⴷⴻⴳ ⵢⴻⴼⵔⵉ.

2 ⵙ ⵜⵎⵉⵊⵊⴰ ⵉⵏⵓ ⵙⵖⵓⵢⵢⴻⵖ ⵖⴰⵔ ⵙⵉⴷⵉ,

ⵙ ⵜⵎⵉⵊⵊⴰ ⵉⵏⵓ ⵃⴻⵛⵛⵎⴻⵖ ⵙⵉⴷⵉ.

3 ⵏⴻⵛⵛ ⵜⵜⵥⴻⴵⴰⵄⴻⵖ ⵉⴼⴻⵇⵇⵓⵚⴻⵏ ⵉⵏⵓ ⵥⵥⴰⵜ ⵉ ⵡⵓⴷⴻⵎ ⵏⵏⴻⵙ,

ⵙⵙⴰⵔⴳⴱⴻⵖ ⴰⵙ ⵍⴻⵃⵚⴰⵔⴻⵜ ⵉⵏⵓ ⵥⵥⴰⵜ ⵉ ⵡⵓⴷⴻⵎ ⵏⵏⴻⵙ.

4 ⵎⴰⵍⴰ ⴱⵓⵃⴱⴻⵍ ⵉⵏⵓ ⵉⴷⵇⴻⵍ ⵅⴰⴼⵉ ⴰⵟⵟⴰⵙ, ⵛⴻⴽ ⵜⴻⵙⵙⵏⴻⴷ ⴰⵎⴻⵙⵔⵓⵇ ⵉⵏⵓ.

ⵏⵉⵜⵏⵉ ⵙⵙⵏⵓⴼⴼⴰⵔⴻⵏ ⴰⵢⵉ ⵉⵊⵊ ⵏ ⵍⴼⴻⵅ ⴷⴻⴳ ⵡⴻⴱⵔⵉⴷ ⵏⵏⵉ ⴷⵉ ⴳⴳⵓⵔ ⴰⴷ ⵓⵢⵓⵔⴻⵖ. ^■  

5 ⵙⵡⴻⴹ ⵖⴰⵔ ⵓⴼⵓⵙⵉ, ⵓ ⵅⵥⴰⵔ, ⵡⴰⵔ ⴷⵉⵏ ⵜⵓⵖⵉ ⵃⴻⴷ ⵉ ⴷ ⴰⵢⵉ ⵖⴰ ⵉⵡⵛⴻⵏ ⵜⴰⵢⵏⵉⵜ,

ⵉⵜⵜⵡⴰⴽⴽⴻⵙ ⴰⵢⵉ ⵇⴰⵄ ⵎⴰⵏⵉ ⵉ ⵖⴰ ⴰⵔⴻⵡⵍⴻⵖ,

ⵡⴰⵔ ⴷⵉⵏ ⵜⵓⵖⵉ ⵓⵍⴰ ⴷ ⵉⵊⵊ ⵉ ⵖⴰ ⵉⵙⵙⴻⵇⵙⴰⵏ ⵅ ⵍⴻⵄⵎⴰⵔ ⵉⵏⵓ.

6 ⵏⴻⵛⵛ ⵙⵖⵓⵢⵢⵓⵖ-ⴷⴷ ⵖⴰⵔⴻⴽ, ⴰ ⵙⵉⴷⵉ. ⵇⵇⴰⵔⴻⵖ:

“ⵛⴻⴽ ⴷ ⴰⵎⵛⴰⵏ ⵉⵏⵓ ⵏ ⵜⴰⵔⴻⵡⵍⴰ,

ⵜⴰⵙⵖⴰⵔⵜ ⵉⵏⵓ ⴷⵉ ⵜⴻⵎⵎⵓⵔⵜ ⵏ ⵢⵉⵏⵏⵉ ⵉⴷⴷⴰⵔⴻⵏ.^■  

7 ⵃⴹⴰ ⵅ ⵓⵖⵓⵢⵢⵉ ⵉⵏⵓ, ⵎⴰⵖⴰⵔ ⴼⵏⵉⵖ ⵇⴰⵄ.

ⴼⴻⴽⴽ ⴰⵢⵉ ⵥⴻⴳ ⵉⵏⵏⵉ ⴷ ⴰⵢⵉ ⵉⴹⴻⴼⴼⴰⵔⴻⵏ,

ⵎⴰⵖⴰⵔ ⵏⵉⵜⵏⵉ ⵊⴻⵀⴷⴻⵏ ⵅⴰⴼⵉ. ^■  

8 ⵙⵓⴼⴼⴻⵖ ⵍⴻⵄⵎⴰⵔ ⵉⵏⵓ ⵥⵉ ⵍⴻⵃⴱⴻⵙ ⵎⴰⵃⴻⵏⴷ ⴰⴷ ⵇⴰⴷⵉⵖ ⵉⵙⴻⵎ ⵏⵏⴻⴽ.

ⵉⵎⵙⴻⴳⴳⴰⴷⴻⵏ ⴰⴷ ⴰⵢⵉ ⴷⴷ-ⵏⵏⴹⴻⵏ,

ⵎⴰⵖⴰⵔ ⵛⴻⴽ ⵜᵉⵜⵜⴻⴳⴳⴻⴷ ⴷⴰⵢⵉ ⵙ ⵜⵛⵓⵏⵉ.”