1 ⵏ ⴷⴰⵡⵓⴷ.

ⴰⴷ ⵛⴻⴽ ⵇⴰⴷⵉⵖ ⵙ ⵎⴰⵔⵔⴰ ⵓⵍ ⵉⵏⵓ,

ⴰⴷ ⵛⴻⴽ ⵥⴻⵀⵀⴷⴻⵖ ⵥⵥⴰⵜ ⵉ ⵉⵔⴻⴱⴱⵉⵜⴻⵏ.

2 ⴰⴷ ⴰⴹⴰⵔⴻⵖ ⵖⴰⵔ ⵣⵥⴰⵡⴻⵛⵜ ⵏⵏⴻⴽ ⵜⴰⵎⴻⵇⵇⵔⴰⵏⵜ ⵉⵇⴻⴷⴷⵙⴻⵏ,

ⴰⴷ ⵇⴰⴷⵉⵖ ⵉⵙⴻⵎ ⵏⵏⴻⴽ ⵅ ⵜⵎⴻⵅⵙⵉⵡⵜ ⵏⵏⴻⴽ ⵉⵛⴻⵡⵡⴰⵔⴻⵏ ⵓ ⵅ ⵍⴰⵎⴰⵏ ⵏⵏⴻⴽ,

ⵎⴰⵖⴰⵔ ⵛⴻⴽ ⵜⴻⵙⵙⴻⵎⵖⴰⵔⴻⴷ ⴰⵡⴰⵍ ⵏⵏⴻⴽ ⵅ ⵎⴰⵔⵔⴰ ⵉⵙⴻⵎ ⵏⵏⴻⴽ.

3 ⴷⴻⴳ ⵡⴰⵙⵙ ⵍⴰⵎⵉ ⵅⴰⴽ ⴷⴷ-ⵍⴰⵖⵉⵖ, ⵜⴰⵔⵔⵉⴷ-ⴷⴷ ⵅⴰⴼⵉ,

ⵛⴻⴽ ⵜⴻⵡⵛⵉⴷ ⵊⵊⴻⵀⴷ ⵉ ⵍⴻⵄⵎⴰⵔ ⵉⵏⵓ.

4 ⵎⴰⵔⵔⴰ ⵉⵊⴻⴵⵉⴷⴻⵏ ⵏ ⵜⴻⵎⵎⵓⵔⵜ ⴰⴷ ⵛⴻⴽ ⵇⴰⴷⴰⵏ, ⴰ ⵙⵉⴷⵉ,

ⵅⵎⵉ ⵜⵜⴻⵙⵍⴰⵏ ⴰⵡⴰⵍⴻⵏ ⵥⴻⴳ ⵓⵇⴻⵎⵎⵓⵎ ⵏⵏⴻⴽ.

5 ⴰⴷ ⵖⴻⵏⵏⵊⴻⵏ ⵅ ⵉⴱⵔⵉⴷⴻⵏ ⵏ ⵙⵉⴷⵉ,

ⵎⴰⵖⴰⵔ ⴰⵄⵓⴵⵉ ⵏ ⵙⵉⴷⵉ ⴷ ⴰⵎⴻⵇⵇⵔⴰⵏ.

6 ⵎⴰⵖⴰⵔ ⵡⴰⵅⵅⴰ ⵉⵜⵜⵡⴰⵙⵙⵓⵄⵍⴰ ⵙⵉⴷⵉ ⴰⵟⵟⴰⵙ,

ⵄⴰⴷ ⵉⵅⴻⵥⵥⴰⵔ-ⴷⴷ ⵖⴰⵔ ⵓⵎⵡⴰⴹⴻⵄ,

ⵎⴰⵛⴰ ⴱⵓ-ⵏⵏⴼⴰⵅⴻⵜ ⵉⵙⵙⴻⵏ ⵉ-ⵜ ⵥⵉ ⵍⴰⴳⴳⵯⴰⵊ. ^■  

7 ⵎⴰⵍⴰ ⵓⵢⵓⵔⴻⵖ ⴷⵉ ⵍⵡⴻⵙⵜ ⵏ ⵍⴻⵃⵚⴰⵔⴻⵜ, ⴰⴷ ⴰⵢⵉ ⴷⴷ-ⵜᵉⵜⵜⴰⵔⵔⴻⴷ ⵖⴰⵔ ⵜⵓⴷⴰⵔⵜ.

ⵛⴻⴽ ⵜⴻⵙⵙⵡⵉⵥⵥⴹⴻⴷ ⴰⴼⵓⵙ ⵏⵏⴻⴽ ⴹⵉⴷⴷ ⵉ ⵡⴻⵖⴹⴰⴱ ⵏ ⵍⵄⴻⴷⵢⴰⵏ ⵉⵏⵓ,

ⴰⴼⵓⵙ ⵏⵏⴻⴽ ⴰⴼⵓⵙⵉ ⵉⵙⵙⴻⵏⵊⴻⵎ ⴰⵢⵉ.

8 ⵙⵉⴷⵉ ⴰⴷ ⵜ ⵉⴽⴻⵎⵎⴻⵍ ⵉ ⵏⴻⵛⵛ.

ⴰ ⵙⵉⴷⵉ, ⵜⴰⵎⴻⵅⵙⵉⵡⵜ ⵏⵏⴻⴽ ⵉⵛⴻⵡⵡⴰⵔⴻⵏ ⴰⵇⴰ-ⵜⵜ ⵉ ⵍⴻⴱⴷⴰ,

ⵍⴻⴼⵄⴰⵢⴻⵍ ⵏ ⵉⴼⴰⵙⵙⴻⵏ ⵏⵏⴻⴽ ⵡⴰⵔ ⵜⴻⵏ ⵜⴰⵔⴻⵅⵅⵓⴷ.