1 ⵉⵥⵍⵉ ⵏ ⵓⴳⴻⵄⵄⴻⴷ.

ⵏⴻⵛⵛ ⵙⵙⴳⴻⵄⵄⴷⴻⵖ ⵜⵉⵟⵟⴰⵡⵉⵏ ⵉⵏⵓ ⵖⴰⵔⴻⴽ,

ⵛⴻⴽ ⵉ ⵉⵇⵇⵉⵎⴻⵏ ⵅ ⵍⴽⵓⵔⵙⵉ ⴷⴻⴳ ⵓⵊⴻⵏⵏⴰ. ^■  

2 ⵅⵥⴰⵔ, ⴰⵎ ⵜⵉⵟⵟⴰⵡⵉⵏ ⵏ ⵉⵙⴻⵎⵖⴰⵏ ⵖⴰⵔ ⵓⴼⵓⵙ ⵏ ⴱⴰⴱ ⵏⵙⴻⵏ,

ⴰⵎ ⵜⵉⵟⵟⴰⵡⵉⵏ ⵏ ⵜⴻⵙⵎⴻⵖⵜ ⵖⴰⵔ ⵓⴼⵓⵙ ⵏ ⵍⴰⵍⵍⴰⵙ,

ⴰⵎⵎⵓ ⵉ ⵅⴻⵥⵥⴰⵔⴻⵏⵜ ⵜⵉⵟⵟⴰⵡⵉⵏ ⵏⵏⴻⵖ ⵖⴰⵔ ⵙⵉⴷⵉ, ⴰⵔⴻⴱⴱⵉ ⵏⵏⴻⵖ,

ⴰⵍ ⵅⴰⵏⴻⵖ ⵉ ⵖⴰ ⵉⵃⵉⵏⵏ.

3 ⵃⵉⵏⵏ ⵅⴰⵏⴻⵖ, ⴰ ⵙⵉⴷⵉ, ⵃⵉⵏⵏ ⵅⴰⵏⴻⵖ,

ⵎⴰⵖⴰⵔ ⵢⵓⵥⴰ ⵖⴰⵔⵏⴻⵖ ⵓⵙⴻⵃⵇⴰⵔ.

4 ⵍⴻⵄⵎⴰⵔ ⵏⵏⴻⵖ ⵢⵓⵥⴰ ⵖⴰⵔⴻⵙ ⴰⵟⵟⴰⵙ ⵥⴻⴳ ⵓⵙⵜⴻⵀⵥⵉ ⵏ ⴰⵢⵜ ⴱⵓ-ⵏⵏⴼⴰⵅⴻⵜ,

ⵓⵍⴰ ⵥⴻⴳ ⵓⵙⴻⵃⵇⴰⵔ ⵏ ⵉⵖⴻⴱⴱⴰⵏⴻⵏ.