1 ⵉⵥⵍⵉ ⵏ ⵓⴳⴻⵄⵄⴻⴷ. ⵏ ⴷⴰⵡⵓⴷ.

ⵎⵍⵉ ⵙⵉⴷⵉ ⵡⴰⵔ ⴽⵉⴷⵏⴻⵖ ⵉⴱⴻⴷⴷ ... !

ⵉⵏⵉ ⵜ ⵅⴻⵏⵏⵉ ⴰⵎⵎⵓ, ⴰ ⵉⵙⵔⴰⵉⵍ,

2 ⵎⵍⵉ ⵙⵉⴷⵉ ⵡⴰⵔ ⴽⵉⴷⵏⴻⵖ ⵉⴱⴻⴷⴷ,

ⵓⵎⵉ ⴰⴽⵉⴷⵏⴻⵖ ⴷⴷ-ⴽⴽⴰⵔⴻⵏ ⵉⵡⴷⴰⵏ,

3 ⵉⵍⵉ ⵙⴰⵔⴹⴻⵏ ⴰⵏⴻⵖ ⴰⵎ ⵏⴻⴷⴷⴰⵔ,

ⵓⵎⵉ ⵢⴰⵔⵖⴰ ⵓⵅⴻⵢⵢⴻⵇ ⵏⵙⴻⵏ ⵅⴰⵏⴻⵖ.

4 ⵉⵍⵉ ⴰⵎⴰⵏ ⴼⴻⵢⵢⴹⴻⵏ-ⴷⴷ ⵅⴰⵏⴻⵖ,

ⵉⵍⵉ ⵉⵛⵜ ⵏ ⵍⵃⴻⵎⵍⴻⵜ ⵜⴻⴽⴽⴰ ⵅ ⵍⴻⵄⵎⴰⵔ ⵏⵏⴻⵖ,

5 ⵉⵍⵉ ⴰⵎⴰⵏ ⵉⵃⴰⵊⴻⵏ ⴽⴽⵉⵏ ⵅ ⵍⴻⵄⵎⴰⵔ ⵏⵏⴻⵖ.

6 ⴰⴷ ⵉⵜⵜⵡⴰⴱⴰⵔⴻⴽ ⵙⵉⴷⵉ,

ⵡⴻⵏⵏⵉ ⵡⴰⵔ ⴷⴷ ⴰⵏⴻⵖ ⵉⵜⵜⴻⵊⵊⵉⵏ ⴷ ⵜⴰⴽⴻⵛⵛⴰⴹⵜ ⵉ ⵜⴻⵖⵎⴰⵙ ⵏⵙⴻⵏ.

7 ⵍⴻⵄⵎⴰⵔ ⵏⵏⴻⵖ ⵢⴰⵔⵡⴻⵍ ⴰⵎ ⵡⴻⵊⴹⵉⴹ ⵥⵉ ⵍⴼⴻⵅ ⵏ ⵓⵏⴻⴳⵎⴰⵔ.

ⵍⴼⴻⵅ ⵢⴰⵔⴻⵥ ⵓ ⵏⴻⵛⵛⵉⵏ ⵏⴻⵏⴼⴻⴽⴽ. ^■  

8 ⵜⵡⵉⵥⴰ ⵏⵏⴻⵖ ⵜⴱⴻⴷⴷ ⴷⴻⴳ ⵢⵉⵙⴻⵎ ⵏ ⵙⵉⴷⵉ,

ⵡⴻⵏⵏⵉ ⵉⴳⴳⵉⵏ ⵉⵊⴻⵏⵡⴰⵏ ⴷ ⵜⴻⵎⵎⵓⵔⵜ. ^■