1 ⵉⵥⵍⵉ ⵏ ⵓⴳⴻⵄⵄⴻⴷ, ⵏ ⴷⴰⵡⵓⴷ.

ⵏⴻⵛⵛ ⴼⴰⵔⵔⵃⴻⵖ ⵓⵎⵉ ⴷ ⴰⵢⵉ ⵏⵏⴰⵏ:

“ⵏⴻⵛⵛⵉⵏ ⴰⴷ ⵏⴰⴷⴻⴼ ⵖⴰⵔ ⵜⴰⴷⴷⴰⵔⵜ ⵏ ⵙⵉⴷⵉ.

2 ⵉⴹⴰⵔⴻⵏ ⵏⵏⴻⵖ ⴱⴻⴷⴷⴻⵏ-ⴷⴷ ⵖⴰⵔ ⵜⴻⵡⵡⵓⵔⴰ ⵏⵏⴻⴽ, ⴰ ⵓⵔⵛⴰⵍⵉⵎ!”

3 ⵓⵔⵛⴰⵍⵉⵎ ⵜᵉⵜⵜⵡⴰⴱⵏⴰ ⴰⵎ ⵉⵛⵜ ⵏ ⵜⴻⵏⴷⵉⵏⵜ ⵏⵏⵉ ⵉⵜⵜⵡⴰⵛⴻⴱⴱⴰⵔⴻⵏ ⵎⵍⵉⵃ ⴰⴽ-ⴷ ⵢⵉⵅⴻⴼ ⵏⵏⴻⵙ.

4 ⵖⴰⵔ ⴷⵉⵏⵏⵉ ⵜⵜⴳⴻⵄⵄⴰⴷⴻⵏⵜ ⵜⵇⴻⴱⴱⴰⵍ, ⵜⵉⵇⴻⴱⴱⴰⵍ ⵏ ⵙⵉⴷⵉ,

ⵖⴰⵔ ⵛⵛⵀⴰⴷⴻⵜ ⵏ ⵉⵙⵔⴰⵉⵍ, ⵃⵉⵎⴰ ⴰⴷ ⵇⴰⴷⴰⵏ ⵉⵙⴻⵎ ⵏ ⵙⵉⴷⵉ.

5 ⵎⴰⵖⴰⵔ ⴷⵉⵏⵏⵉ ⴱⴻⴷⴷⴻⵏ ⵍⴻⴽⵔⴰⵙⵉ ⵏ ⵍⵃⵓⴽⵎ,

ⵍⴻⴽⵔⴰⵙⵉ ⵏ ⵜⴰⴷⴷⴰⵔⵜ ⵏ ⴷⴰⵡⵓⴷ.

6 ⵜⵜⴰⵔⴻⵎ ⵉ ⵍⴻⵀⵏⴰ ⵏ ⵓⵔⵛⴰⵍⵉⵎ:

“ⴰⵇⴰ ⴰⴷ ⴼⴻⵍⵃⴻⵏ ⵉⵏⵏⵉ ⵛⴻⵎ ⵉⵜⵜⴻⵅⵙⴻⵏ,

7 ⵃⵉⵎⴰ ⴰⴷ ⴷⵉⵏ ⵢⵉⵍⵉ ⵍⴻⵀⵏⴰ ⵖⴰⵔ ⵍⵃⵉⴹ ⵏ ⵥⵥⴰⵜ ⵏⵏⴻⴽ,

ⵓⵍⴰ ⴷ ⵍⵀⵓⴷⵏⴻⵜ ⴷⵉ ⵍⴻⵇⵚⵓⵔ ⵏⵏⴻⴽ.”

8 ⴷⵉ ⵟⵟⵡⴻⵄ ⵏ ⴰⵢⵜⵎⴰ ⴷ ⵉⵎⴻⴷⴷⵓⴽⴽⴰⵍ ⵉⵏⵓ ⴰⴷ ⵉⵏⵉⵖ:

“ⴰⴷ ⴷⴰⵢⴻⵎ ⵢⵉⵍⵉ ⵍⴻⵀⵏⴰ!”

9 ⴷⵉ ⵟⵟⵡⴻⵄ ⵏ ⵜⴰⴷⴷⴰⵔⵜ ⵏ ⵙⵉⴷⵉ, ⴰⵔⴻⴱⴱⵉ ⵏⵏⴻⵖ,

ⴰⴷ ⴰⵛ ⴰⵔⵥⵓⵖ ⵅ ⵎⵉⵏ ⵉⵛⵏⴰⵏ.