1 ⵉⵥⵍⵉ ⵏ ⵓⴳⴻⵄⵄⴻⴷ.

ⵏⴻⵛⵛ ⵙⵙⴳⴻⵄⵄⴷⴻⵖ ⵜⵉⵟⵟⴰⵡⵉⵏ ⵉⵏⵓ ⵖⴰⵔ ⵉⴷⵓⵔⴰⵔ,

ⵎⴰⵏⵉⵙ ⴷⴷ ⵖⴰ ⵜⴰⵙ ⵜⵡⵉⵥⴰ ⵉⵏⵓ?

2 ⵜⵡⵉⵥⴰ ⵉⵏⵓ ⵥⵉ ⵙⵉⴷⵉ,

ⵡⴻⵏⵏⵉ ⵉⴳⴳⵉⵏ ⴰⵊⴻⵏⵏⴰ ⴷ ⵜⴻⵎⵎⵓⵔⵜ.

3 ⵏⴻⵜⵜⴰ ⵡⴰⵔ ⵉⵜⵜⴻⵊⵊⵉ ⴰⴹⴰⵔ ⵏⵏⴻⴽ ⴰⴷ ⵉⴼⴰⵔⵖ,

ⵡⴻⵏⵏⵉ ⵛⴻⴽ ⵉⵃⴻⵟⵟⴰⵏ ⵡⴰⵔ ⵉⵜⵜⵏⵓⴷⵓⵎ.

4 ⵅⵥⴰⵔ, ⵡⴻⵏⵏⵉ ⵉⵃⴻⵟⵟⴰⵏ ⵉⵙⵔⴰⵉⵍ ⵡⴰⵔ ⵉⵜⵜⵏⵓⴷⵓⵎ ⵓ ⵡⴰⵔ ⵉⵜⵜⴻⵟⵟⴻⵚ.

5 ⵙⵉⴷⵉ ⴷ ⴰⵎⴻⵃⴹⴰⵢ ⵏⵏⴻⴽ,

ⵙⵉⴷⵉ ⴷ ⵜⵉⵍⵉ ⵏⵏⴻⴽ ⵖⴰⵔ ⵓⴼⵓⵙ ⴰⴼⵓⵙⵉ ⵏⵏⴻⴽ.

6 ⴷⴻⴳ ⵡⴰⵙⵙ ⵜⴰⴼⵓⵛⵜ ⵡⴰⵔ ⵛⴻⴽ ⵜⴻⵛⵛⵉⵜ ⵛⴰ,

ⵓⵍⴰ ⴷ ⵜⴰⵥⵉⵔⵉ ⵙ ⴵⵉⵍⴻⵜ.

7 ⵙⵉⴷⵉ ⴰⴷ ⵛⴻⴽ ⵉⵃⴹⴰ ⵥⵉ ⵎⴰⵔⵔⴰ ⵍⵖⴰⵔ,

ⵏⴻⵜⵜⴰ ⴰⴷ ⵉⵃⴹⴰ ⵍⴻⵄⵎⴰⵔ ⵏⵏⴻⴽ. ^□  

8 ⵙⵉⴷⵉ ⴰⴷ ⵉⵃⴹⴰ ⵓⴼⴼⵓⵖ ⵏⵏⴻⴽ ⴷ ⵡⴰⴷⴰⴼ ⵏⵏⴻⴽ,

ⵥⵉ ⵍⴻⵅⵅⵓ ⴰⵍ ⵉ ⵍⴻⴱⴷⴰ.