1 ⵉⵥⵍⵉ. ⴰⵥⴻⵀⵀⴻⴷ ⵏ ⴷⴰⵡⵓⴷ.

2 ⴰ ⴰⵔⴻⴱⴱⵉ, ⵓⵍ ⵉⵏⵓ ⵉⵄⴻⵡⵡⴻⵍ,

ⴰⴷ ⵖⴻⵏⵏⵊⴻⵖ ⴰⴷ ⵥⴻⵀⵀⴷⴻⵖ, ⵡⴰⵀ ⵓⵍⴰ ⴷ ⴰⵄⵓⴵⵉ ⵉⵏⵓ.

3 ⴼⴰⵇ, ⵍⵀⴰⵔⴱⴰ ⴷ ⵍⴳⴰⵎⴱⵔⵉ!

ⵏⴻⵛⵛ ⵅⵙⴻⵖ ⴰⴷ ⵙⵙⴼⴰⵇⴻⵖ ⵜⴰⴼⴰⵡⵜ ⵏ ⵍⴻⴼⵊⴰⵔ.

4 ⵏⴻⵛⵛ ⴰⴷ ⵛⴻⴽ ⵇⴰⴷⵉⵖ ⵊⴰⵔ ⵍⴻⴳⵏⵓⵙ, ⴰ ⵙⵉⴷⵉ,

ⴰⴷ ⴰⴽ ⵥⴻⵀⵀⴷⴻⵖ ⵊⴰⵔ ⵛⵛⵓⵄⵓⴱ.

5 ⵎⴰⵖⴰⵔ ⵜⴰⵎⴻⵅⵙⵉⵡⵜ ⵏⵏⴻⴽ ⵉⵛⴻⵡⵡⴰⵔⴻⵏ ⵜᵉⵜⵜⴰⴽⴽⵡⴰⴹ ⵜⵉⵡⴰ ⵉ ⵉⵊⴻⵏⵡⴰⵏ,

ⵍⴰⵎⴰⵏ ⵏⵏⴻⴽ ⵖⴰⵔⴻⵙ ⴰⵍ ⵉⵙⴻⵢⵏⵓⵜⴻⵏ. ^■  

6 ⴰ ⴰⵔⴻⴱⴱⵉ, ⵙⴳⴻⵄⵄⴻⴷ ⵉⵅⴻⴼ ⵏⵏⴻⴽ ⵜⵉⵡⴰ ⵉ ⵉⵊⴻⵏⵡⴰⵏ,

ⴰⵔⵔ ⴰⵄⵓⴵⵉ ⵏⵏⴻⴽ ⵅ ⵎⴰⵔⵔⴰ ⵜⴰⵎⵎⵓⵔⵜ,

7 ⵃⵉⵎⴰ ⵉⵎⵄⵉⵥⵥⴻⵏ ⵏⵏⴻⴽ ⴰⴷ ⵜⵜⵡⴰⵏⴻⵊⵎⴻⵏ,

ⴰⵡⵉ ⴰⵙⴻⵏⵊⴻⵎ ⵙ ⵓⴼⵓⵙ ⴰⴼⵓⵙⵉ ⵏⵏⴻⴽ ⵓ ⴰⵔⵔ-ⴷⴷ ⵅⴰⵏⴻⵖ ⴰⵡⴰⵍ.

8 ⴰⵔⴻⴱⴱⵉ ⵜⵓⵖⴰ ⵉⵙⵙⴰⵡⴰⵍ ⴷⵉ ⵣⵥⴰⵡⴻⵛⵜ ⵏⵏⴻⵙ ⵉⵇⴻⴷⴷⵙⴻⵏ,

ⵙ ⵓⵢⴻⵏⵏⵉ ⵉ ⵖⴰ ⵏⴻⴳⵥⴻⵖ ⵙ ⵍⴻⴼⵔⴰⵃⴻⵜ.

ⵏⴻⵛⵛ ⴰⴷ ⴱⴹⵉⵖ ⵛⴰⴽⵉⵎ,

ⴰⴷ ⵄⴻⴱⴱⴰⵔⴻⵖ ⵜⴰⵢⵙⴰⵔⵜ ⵏ ⵙⵓⴽⴽⵓⵜ.

9 ⵊⵉⵍⵄⴰⴷ ⵉⵏⵓ, ⵎⴰⵏⴰⵙⵙⴰ ⵉⵏⵓ,

ⵉⴼⵔⴰⵢⵉⵎ ⴷ ⴰⵙⴻⵍⵇⵉ ⵉⵊⴻⵀⴷⴻⵏ ⵏ ⵓⵥⴻⴵⵉⴼ ⵉⵏⵓ,

ⵢⴰⵀⵓⴷⴰ ⴷ ⴰⵎⴳⴻⵡⵡⴻⴷ ⵉⵏⵓ.

10 ⵎⴰⵛⴰ ⵎⵓ’ⴰⴱ ⴷ ⵙⵙⴰⵔⵉⵊ ⵉⵏⵓ ⵏ ⵓⵙⵉⵔⴷ,

ⵅ ⵉⴷⵓⵎ ⴰⴷ ⵏⴹⴰⵔⴻⵖ ⵜⵉⵙⵉⵍⴰ ⵉⵏⵓ,

ⵅ ⵜⴻⵎⵎⵓⵔⵜ ⵏ ⴼⵉⵍⵉⵛⵉⵜ ⴰⴷ ⴷⴷⵓⵇⵇⵥⴻⵖ ⵙ ⵓⵙⵍⵉⵡⵍⴻⵡ.

11 ⵡⵉ ⴷ ⴰⵢⵉ ⵖⴰ ⵉⵏⴻⴷⵀⴻⵏ ⴷⵉ ⵜⴻⵏⴷⵉⵏⵜ ⵉⴼⴰⵔⵢⴻⵏ ⵙ ⵉⵖⴻⴱⵔⴰⵡⴻⵏ?

ⵡⵉ ⴷ ⴰⵢⵉ ⵖⴰ ⵉⴳⴻⵡⵡⴷⴻⵏ ⵖⴰⵔ ⵉⴷⵓⵎ?

12 ⵎⴰ ⵡⴰⵔ ⴷ ⴰⵏⴻⵖ ⵜⴻⵏⴹⴰⵔⴻⴷ, ⴰ ⴰⵔⴻⴱⴱⵉ,

ⵓ ⴰⴽ-ⴷ ⵍⵄⴻⵙⴽⴰⵔⴰⵜ ⵏⵏⴻⵖ ⵎⴰ ⵥⴻⵄⵎⴰ ⵡⴰⵔ ⴷⴷ-ⵜⴻⴼⴼⵉⵖⴻⴷ ⵄⴰⴷ ⴰⴽⵉⴷⵙⴻⵏ, ⴰ ⴰⵔⴻⴱⴱⵉ? ^■  

13 ⴻⵡⵛ ⴰⵏⴻⵖ ⴰⴼⵓⵙ ⵃⵉⵎⴰ ⴰⴷ ⴰⵏⴻⵖ ⵜⴻⵙⵙⵏⴻⵊⵎⴻⴷ ⵥⵉ ⵍⴻⵃⵚⴰⵔⴻⵜ,

ⵎⴰⵖⴰⵔ ⴰⵙⴻⵏⵊⴻⵎ ⵙ ⵓⴼⵓⵙ ⵏ ⵢⵉⵊⵊ ⵏ ⴱⵏⴰⴷⴻⵎ ⴰⵇⴰ ⵉⴱⴹⴻⵍ.

14 ⴰⴽ-ⴷ ⴰⵔⴻⴱⴱⵉ ⴰⴷ ⵏⴻⴳⴳ ⵙ ⵡⴻⵎⵃⴰⴹ,

ⵓ ⵏⴻⵜⵜⴰ ⴰⴷ ⵉⵄⴼⴻⵙ ⵅ ⵢⴻⵏⵏⵉ ⴷ ⴰⵏⴻⵖ ⵉⵃⴻⵚⵚⴰⵔⴻⵏ.