1 ⴰⵥⴻⵀⵀⴻⴷ ⵏ ⴷⴰⵡⵓⴷ.

ⵏⴻⵛⵛ ⴰⴷ ⵖⴻⵏⵏⵊⴻⵖ ⵅ ⵜⵎⴻⵅⵙⵉⵡⵜ ⵉⵛⴻⵡⵡⴰⵔⴻⵏ ⴷ ⵍⵃⴻⵇⵇ,

ⴰⴷ ⵥⴻⵀⵀⴷⴻⵖ ⵉ ⵛⴻⴽ, ⴰ ⵙⵉⴷⵉ!

2 ⵏⴻⵛⵛ ⴰⴷ ⴳⴳⴻⵖ ⵙ ⵍⴻⵄⵇⴻⵍ ⵄⵍⴰⵃⵙⴰⴱ ⵉⵊⵊ ⵏ ⵡⴻⴱⵔⵉⴷ ⵉⴽⴻⵎⵎⵍⴻⵏ.

ⵎⴻⵍⵎⵉ ⵖⴰⵔⵉ ⵉ ⴷⴷ ⵖⴰ ⵜⴰⵙⴻⴷ?

ⵏⴻⵛⵛ ⴰⴷ ⵓⵢⵓⵔⴻⵖ ⴷⵉ ⵍⵡⴻⵙⵜ ⵏ ⵜⴰⴷⴷⴰⵔⵜ ⵉⵏⵓ ⵙ ⵡⵓⵍ ⵏⵉⵛⴰⵏ,

3 ⵏⴻⵛⵛ ⵡⴰⵔ ⵏⴻⵟⵟⴰⵔⴻⵖ ⵜⵉⵟⵟⴰⵡⵉⵏ ⵉⵏⵓ ⴷⵉ ⵎⵉⵏ ⵉⴼⴻⴹⵃⴻⵏ.

ⵏⴻⵛⵛ ⵛⴰⵔⵔⵀⴻⵖ ⵎⵉⵏ ⵜⵜⴻⴳⴳⴻⵏ ⵉⵏⵏⵉ ⵅⴰⴽ ⵉⵃⴻⵢⵢⴷⴻⵏ

ⵎⴰⵏ ⴰⵢⴰ ⵡⴰⵔ ⴷ ⴰⵢⵉ ⵉⵍⴻⵚⵚⴻⵇ.

4 ⵓⵍ ⵉⵜⵜⴻⴼⵔⵉⵖⴻⵏ ⵉⵜⵜⵅⴻⵚⵚⴰ ⴰⴷ ⵅⴰⴼⵉ ⵢⴰⴳⴳⵯⴻⵊ,

ⵡⴰⵔ ⵅⵙⴻⵖ ⴰⴷ ⵙⵙⵏⴻⵖ ⵎⵉⵏ ⵡⴰⵔ ⵉⵃⵍⵉⵏ.

5 ⵡⴻⵏⵏⵉ ⵉⵛⴻⵇⵇⴼⴻⵏ ⴷⴻⴳ ⵓⵎⵇⴰⵔⵔⴻⴱ ⵏⵏⴻⵙ ⵙ ⵜⵏⵓⴼⴼⵔⴰ, ⴰⴷ ⵜ ⵜⴻⵃⵃⵉⵖ.

ⵡⴻⵏⵏⵉ ⵉⵜⵜⴽⴻⴱⴱⴰⵔⴻⵏ ⵙ ⵜⵉⵟⵟⴰⵡⵉⵏ ⵏⵏⴻⵙ ⴷ ⵡⴻⵏⵏⵉ ⵉⵜⵜⵄⴻⴼⴼⴰⵔⴻⵏ ⵙ ⵡⵓⵍ ⵏⵏⴻⵙ,

ⵡⴰⵔ ⵜ ⴽⴻⵙⵙⵉⵖ.

6 ⵜⵉⵟⵟⴰⵡⵉⵏ ⵉⵏⵓ ⴰⵔⴻⵥⵥⵓⵏⵜ ⵅ ⵉⵎⵜⵉⵇⵇⴰⵏ ⴷⵉ ⵜⴻⵎⵎⵓⵔⵜ, ⵃⵉⵎⴰ ⵏⵉⵜⵏⵉ ⴰⴷ ⵖⴰⵔⵉ ⵇⵇⵉⵎⴻⵏ.

ⵡⴻⵏⵏⵉ ⵉⴳⴳⵓⵔⴻⵏ ⴷⴻⴳ ⵉⵊⵊ ⵏ ⵡⴻⴱⵔⵉⴷ ⵉⴽⴻⵎⵎⵍⴻⵏ, ⴰⴷ ⴰⵢⵉ ⵉⵙⴻⵅⵅⴰⵔ.

7 ⵡⴻⵏⵏⵉ ⵉⵜⵜⴻⴳⴳⴻⵏ ⵍⵖⴻⵛⵛ, ⵡⴰⵔ ⵉⵜⵜⵖⵉⵎⵉ ⴷⵉ ⵜⴰⴷⴷⴰⵔⵜ ⵉⵏⵓ,

ⵓⵍⴰ ⴷ ⴱⵓ-ⵉⵅⴰⵔⵔⵉⵇⴻⵏ ⵡⴰⵔ ⵉⵜⵜⵡⴰⴹⵎⴻⵏ ⵥⵥⴰⵜ ⵉ ⵜⵉⵟⵟⴰⵡⵉⵏ ⵉⵏⵓ.

8 ⴽⵓⵍ ⵚⵚⴱⴻⵃ ⴰⴷ ⵜⴻⵃⵃⵉⵖ ⵎⴰⵔⵔⴰ ⵉⵄⴻⴼⴼⴰⵏⴻⵏ ⵥⵉ ⵜⴻⵎⵎⵓⵔⵜ,

ⵃⵉⵎⴰ ⴰⵎⵎⵓ ⵉ ⵖⴰ ⵎⵃⵉⵖ ⵎⴰⵔⵔⴰ ⵉⵏⵏⵉ ⵉⵜⵜⴻⴳⴳⴻⵏ ⵍⵎⵓⵄⵚⵉⵢⵢⴻⵜ ⵥⵉ ⵜⴻⵏⴷⵉⵏⵜ ⵏ ⵙⵉⴷⵉ.