100
1 ⵉⵥⵍⵉ ⵏ ⵓⵇⴰⴷⵉ. ⴻⵊⵊ ⴰⴷ ⵜⴻⵙⵖⵓⵢⵢ ⵎⴰⵔⵔⴰ ⵜⴻⵎⵎⵓⵔⵜ ⵙ ⵍⴻⴼⵔⴰⵃⴻⵜ ⵥⵥⴰⵜ ⵉ ⵙⵉⴷⵉ.
2 ⵙⴻⵅⵅⴰⵔⴻⵎ ⵉ ⵙⵉⴷⵉ ⵙ ⵍⴻⴼⵔⴰⵃⴻⵜ,
ⴰⵙⴻⵎ-ⴷⴷ ⵥⵥⴰⵜ ⵉ ⵡⵓⴷⴻⵎ ⵏⵏⴻⵙ ⵙ ⵓⵙⵍⵉⵡⵍⴻⵡ.
3 ⵙⵏⴻⵎ, ⴰⵇⴰ ⵙⵉⴷⵉ ⴷ ⴰⵔⴻⴱⴱⵉ ⵉ ⵢⴻⴵⴰ.
ⵏⴻⵜⵜⴰ ⵉⵅⵍⴻⵇ ⴰⵏⴻⵖ-ⴷⴷ ⵓ ⵏⴻⵛⵛⵉⵏ ⵏⵏⴻⵙ ⵉ ⵏⴻⴵⴰ,
ⵍⴳⴻⵏⵙ ⵏⵏⴻⵙ ⴷ ⵡⵓⴵⵉ ⵏ ⵜⴰⵔⴻⵡⵙⴰ ⵏⵏⴻⵙ. ■
4 ⴰⴷⴼⴻⵎ ⵜⵉⵡⵡⵓⵔⴰ ⵏⵏⴻⵙ ⵙ ⵓⵇⴰⴷⵉ,
ⵍⴻⵎⵔⴰⵃⴰⵜ ⵏⵏⴻⵙ ⵙ ⵉⵥⵍⴰⵏ ⵏ ⵓⵚⴻⴱⴱⴻⵃ,
ⵇⴰⴷⴰⵎ ⵜ, ⴱⴰⵔⴽⴻⵎ ⵉⵙⴻⵎ ⵏⵏⴻⵙ.
5 ⵎⴰⵖⴰⵔ ⵙⵉⴷⵉ ⴷ ⴰⵚⴻⴱⵃⴰⵏ,
ⵜⴰⵎⴻⵅⵙⵉⵡⵜ ⵏⵏⴻⵙ ⵉⵛⴻⵡⵡⴰⵔⴻⵏ ⵜᵉⵜⵜⵖⵉⵎⴰ ⵉ ⵍⴻⴱⴷⴰ,
ⵍⴰⵎⴰⵏ ⵏⵏⴻⵙ ⵥⵉ ⵊⵊⵉⵍ ⴰⵍ ⵊⵊⵉⵍ.