1 ⴰⵥⴻⵀⵀⵉⴷ.

ⵖⴻⵏⵏⵊⴻⵎ ⵉ ⵙⵉⴷⵉ ⵉⵊⵊ ⵏ ⵢⴻⵥⵍⵉ ⵏ ⵊⴷⵉⴷ, ⵎⴰⵖⴰⵔ ⵏⴻⵜⵜⴰ ⵉⴳⴳⴰ ⵍⵎⵓⵄⵊⵉⵥⴰⵜ.

ⴰⴼⵓⵙ ⵏⵏⴻⵙ ⴰⴼⵓⵙⵉ ⴷ ⵓⵖⵉⵍ ⵏⵏⴻⵙ ⵉⵇⴻⴷⴷⵙⴻⵏ ⵙⵙⵏⴻⵊⵎⴻⵏ ⵜ.

2 ⵙⵉⴷⵉ ⵉⵙⵙⵛⴻⵏ ⴰⵙⴻⵏⵊⴻⵎ ⵏⵏⴻⵙ,

ⵉⵙⵙⴰⵔⴳⴻⴱ ⵜⴰⵙⴻⴳⴷⴰ ⵏⵏⴻⵙ ⵥⵥⴰⵜ ⵉ ⵜⵉⵟⵟⴰⵡⵉⵏ ⵏ ⵍⴻⴳⵏⵓⵙ.

3 ⵏⴻⵜⵜⴰ ⵉⵄⵇⴻⵍ ⵅ ⵜⵎⴻⵅⵙⵉⵡⵜ ⵏⵏⴻⵙ ⵉⵛⴻⵡⵡⴰⵔⴻⵏ,

ⵅ ⵍⴰⵎⴰⵏ ⵏⵏⴻⵙ ⵉ ⵜⴰⴷⴷⴰⵔⵜ ⵏ ⵉⵙⵔⴰⵉⵍ.

ⵎⴰⵔⵔⴰ ⵜⵉⵏⴻⴳⴳⵓⵔⴰ ⵏ ⵜⴻⵎⵎⵓⵔⵜ ⵥⵔⵉⵏⵜ ⴰⵙⴻⵏⵊⴻⵎ ⵙ ⵓⴼⵓⵙ ⵏ ⵏ ⴰⵔⴻⴱⴱⵉ ⵏⵏⴻⵖ.

4 ⵙⵍⵉⵡⴻⵍⵡⴻⵎ ⵥⵥⴰⵜ ⵉ ⵙⵉⴷⵉ, ⵎⴰⵔⵔⴰ ⵜⴰⵎⵎⵓⵔⵜ,

ⵙⵖⵓⵢⵢⴻⵎ, ⵙⵍⵉⵡⴻⵍⵡⴻⵎ, ⵥⴻⵀⵀⴷⴻⵎ.

5 ⵣⴻⵀⵀⴷⴻⵎ ⵉ ⵙⵉⴷⵉ ⵙ ⵍⴳⴰⵎⴱⵔⵉ,

ⵙ ⵍⴳⴰⵎⴱⵔⵉ ⵓ ⵙ ⵜⵎⵉⵊⵊⴰ ⵏ ⵢⴻⵥⵍⵉ,

6 ⵙ ⵍⵖⴰⵢⵟⴰⵜ ⴷ ⵍⵃⴻⵙⵙ ⵏ ⵓⵚⵓⴹⵉ ⴷⴻⴳ ⵓⵢⵉⵛⵛ ⵏ ⵉⵛⴰⵔⵔⵉ.

ⵙⵍⵉⵡⴻⵍⵡⴻⵎ ⵥⵥⴰⵜ ⵉ ⵡⵓⴷⴻⵎ ⵏ ⵓⵊⴻⴵⵉⴷ, ⵙⵉⴷⵉ.

7 ⴻⵊⵊ ⴰⴷ ⵉⵥⵀⴰⵔ ⵍⴻⴱⵃⴰⵔ ⴷ ⵎⴰⵔⵔⴰ ⴰⵄⴻⵎⵎⴰⵔ ⵏⵏⴻⵙ,

ⴷⴷⵓⵏⵉⵜ ⴷ ⵢⴻⵏⵏⵉ ⴷⴰⵢⴻⵙ ⵉⵥⴻⴷⴷⵖⴻⵏ.

8 ⴻⵊⵊ ⵉⵖⴻⵥⵔⴰⵏ ⴰⴷ ⵡⵜⴻⵏ ⵛⴰⵎⵅⴰ ⵙ ⵉⴼⴰⵙⵙⴻⵏ,

ⵉⴷⵓⵔⴰⵔ ⴰⴷ ⵙⵙⵍⵉⵡⵍⴻⵡⴻⵏ ⵊⵎⵉⵄ

9 ⵥⵥⴰⵜ ⵉ ⵡⵓⴷⴻⵎ ⵏ ⵙⵉⴷⵉ,

ⵎⴰⵖⴰⵔ ⵏⴻⵜⵜⴰ ⴰⴷ ⴷⴷ-ⵢⴰⵙ ⵃⵉⵎⴰ ⴰⴷ ⵉⵃⴽⴻⵎ ⵜⴰⵎⵎⵓⵔⵜ.

ⵏⴻⵜⵜⴰ ⴰⴷ ⵉⵃⴽⴻⵎ ⵜⴰⵎⵎⵓⵔⵜ ⵙ ⵜⵙⴻⴳⴷⴰ,

ⵍⴻⴳⵏⵓⵙ ⵙ ⵍⵃⴻⵇⵇ.