1 ⵙⵉⴷⵉ ⵉⵃⴻⴽⴽⴻⵎ, ⵏⴻⵜⵜⴰ ⵢⴰⵔⴹ ⵙ ⵍⵄⴰⴹⴰⵎⴰ,

ⵙⵉⴷⵉ ⵢⴰⵔⴹ ⵙ ⵊⵊⴻⵀⴷ ⴰⵎ ⵙ ⵢⵉⵊⵊ ⵏ ⵓⵃⴻⵥⵥⴰⵎ.

ⵡⴰⵀ, ⴷⴷⵓⵏⴻⵛⵜ ⵜⴱⴻⴷⴷ ⵜⴻⵎⵜⴻⵏ,

ⵡⴰⵔ ⵜᵉⵜⵜⴻⵏⵀⴻⵥⵥⵉ ⵛⴰ.

2 ⵍⴽⵓⵔⵙⵉ ⵉⴳⴻⵍⵍⴷⴻⵏ ⵏⵏⴻⴽ ⵉⵎⵜⴻⵏ ⵥⵉ ⵎⴻⵛⵃⴰⵍ ⵓⵢⴰ,

ⵛⴻⴽ ⵜⴻⴵⵉⴷ ⵥⵉ ⵍⴻⴱⴷⴰ.

3 ⵉⵖⴻⵥⵔⴰⵏ ⵙⵙⴳⴻⵄⵄⴷⴻⵏ, ⴰ ⵙⵉⴷⵉ, ⵉⵖⴻⵥⵔⴰⵏ ⵙⵙⴳⴻⵄⵄⴷⴻⵏ ⵜⵎⵉⵊⵊⴰ ⵏⵙⴻⵏ.

ⵉⵖⴻⵥⵔⴰⵏ ⴰⴷ ⵙⵙⴳⴻⵄⵄⴷⴻⵏ ⵥⵥⵀⵉⵔ ⵏⵙⴻⵏ.

4 ⵙⵉⴷⵉ ⴷⵉ ⵍⵓⵄⵍⴰ ⵉⵊⵀⴻⴷ ⵅ ⵥⵥⵀⵉⵔ ⵏ ⵡⴰⵟⵟⴰⵙ ⵏ ⵡⴰⵎⴰⵏ ⵉⵊⴻⵀⴷⴻⵏ,

ⵓ ⵅ ⵓⵀⴰⵊⵉ ⵏ ⵍⴻⴱⵃⴰⵔ.

5 ⵛⵛⵀⴰⴷⴰⵜ ⵏⵏⴻⴽ ⴰⵇⴰ ⴷⴰⵢⵙⴻⵏⵜ ⵍⴰⵎⴰⵏ.

ⵜⴰⵇⴻⴷⴷⴰⵙⵜ ⵜⴻⴽⴽⴰⵔ ⴰⵙ-ⴷⴷ ⵉ ⵜⴰⴷⴷⴰⵔⵜ ⵏⵏⴻⴽ, ⴰ ⵙⵉⴷⵉ,

ⵖⴰⵔⴻⵙ ⴰⵍ ⵎⴰⵔⵔⴰ ⵓⵙⵙⴰⵏ.