1 ⴰⵥⴻⵀⵀⴻⴷ, ⵉⵥⵍⵉ ⵏ ⴰⵢⵜ ⵏ ⵇⵓⵔⴰⵃ.

ⴷⵙⴰⵙ ⵏⵏⴻⵙ ⴰⵇⴰ-ⵜ ⵅ ⵉⴷⵓⵔⴰⵔ ⵉⵇⴻⴷⴷⵙⴻⵏ.

2 ⵙⵉⴷⵉ ⵉⵜⵜⴻⵅⵙ ⵜⵉⵡⵡⵓⵔⴰ ⵏ ⵚⵉⵀⵢⵓⵏ ⴰⵟⵟⴰⵙ,

ⵅ ⵎⴰⵔⵔⴰ ⵜⵉⵥⴻⴷⴷⵖⵉⵏ ⵏ ⵢⴰⵄⵇⵓⴱ.

3 ⵜⵉⵎⴻⵙⵍⴰⵢⵉⵏ ⵢⵓⵄⵍⴰⵏ ⵇⵇⴰⵔⴻⵏ ⵅⴰⵎ,

ⴰ ⵜⴰⵏⴷⵉⵏⵜ ⵏ ⴰⵔⴻⴱⴱⵉ. ⵙⵉⵍⴰⵀ.

4 ⵏⴻⵛⵛ ⴰⴷ ⴱⴰⵔⵔⵃⴻⵖ ⵔⴰⵀⴰⴱ ⴷ ⴱⴰⴱⵉⵍ ⵖⴰⵔ ⵢⴻⵏⵏⵉ ⵉ ⴷ ⴰⵢⵉ ⵉⵙⵙⵏⴻⵏ.

ⵅⵥⴰⵔ, ⴰⴼⵉⵍⵉⵙⵟⵉⵏⵉ ⴷ ⵓⵚⵓⵔⵉ ⴰⴽ-ⴷ ⵓⴽⵓⵛⵉ ... ‘ⵡⴰⵏⵉⵜⴰ ⵉⵜⵜⵡⴰⵅⴻⵍⵇⴻⴷ-ⴷⴷ ⴷⵉⵏ!’

5 ⵎⴰⵛⴰ ⵅ ⵚⵉⵀⵢⵓⵏ ⴰⴷ ⵉⵏⵉⵏ: ‘ⵉⵏⴰ ⵎⴰⵔⵔⴰ ⵜⵜⵡⴰⵅⴻⵍⵇⴻⵏ-ⴷⴷ ⴷⴰⵢⴻⵙ!’,

ⴰⵎⵄⵓⴵⵉ ⵅ ⴽⵓⵍⵛⵉ ⴰⴷ ⵜⵜ ⵉⵙⵙⴻⵎⵜⴻⵏ.

6 ⵙⵉⴷⵉ ⴰⴷ ⵉⵥⴻⵎⵎⴻⵎ ⴷⵉ ⵍⵉⵙⵜⴰ ⵏ ⵍⴻⴳⵏⵓⵙ:

‘ⵡⴰⵏⵉⵜⴰ ⵉⵅⵍⴻⵇ-ⴷⴷ ⴷⵉⵏ’. ⵙⵉⵍⴰⵀ.

7 ⵏⵉⵜⵏⵉ ⵜⵜⵖⴻⵏⵏⴰⵊⴻⵏ ⴰⵎ ⵛⴻⵟⵟⵃⴻⵏ:

‘ⵜⴰⵍⴰⵡⵉⵏ ⵉⵏⵓ ⵎⴰⵔⵔⴰ ⴷⴰⵢⴻⵎ!’