1 ⴰⵥⴻⵀⵀⴻⴷ ⵏ ⴰⵙⴰⴼ.

ⴰⵔⴻⴱⴱⵉ ⵉⴱⴻⴷⴷ ⴷⴻⴳ ⵡⴻⴳⵔⴰⵡ ⵏ ⴰⵔⴻⴱⴱⵉ.

ⵏⴻⵜⵜⴰ ⵉⵃⴻⴽⴽⴻⵎ ⵙ ⵍⵃⴻⵇⵇ ⴷⵉ ⵍⵡⴻⵙⵜ ⵏ ⵉⵔⴻⴱⴱⵉⵜⴻⵏ.

2 ⵎⴻⵛⵃⴰⵍ ⵉ ⵖⴰ ⵜⴻⴽⴽⴻⵎ ⵜⵃⴻⴽⴽⵎⴻⵎ ⵙ ⵍⵖⴻⵛⵛ,

ⴰⴷ ⵜⴻⵙⵙⴳⴻⵄⵄⴷⴻⵎ ⵓⴷⴻⵎ ⵏ ⵉⵄⴻⴼⴼⴰⵏⴻⵏ? ⵙⵉⵍⴰⵀ.

3 ⵃⴻⴽⵎⴻⵎ ⵙ ⵍⵃⴻⵇⵇ ⵅ ⵓⵎⴰⵔⵅⵓ ⵓ ⵅ ⵓⵢⵓⵊⵉⵍ,

ⴰⵖⴻⵎ ⵜⴰⵙⵖⴰⵔⵜ ⵉ ⵡⴻⵏⵏⵉ ⵉⵜⵜⵡⴰⵃⴻⵚⵚⴰⵔⴻⵏ ⵓ ⵉ ⵓⵎⴻⵥⵍⵓⴹ.

4 ⴼⴻⴽⴽⴻⵎ ⴰⵎⴰⵔⵅⵓ ⴷ ⵓⵎⴻⵥⵍⵓⴹ,

ⴼⴻⴽⴽ ⵉ-ⵜ ⵥⴻⴳ ⵓⴼⵓⵙ ⵏ ⵉⵄⴻⴼⴼⴰⵏⴻⵏ. ^■  

5 ⵏⵉⵜⵏⵉ ⵡⴰⵔ ⵜⵜⴻⵙⵙⵏⴻⵏ ⵓ ⵡⴰⵔ ⴼⴻⵀⵀⵎⴻⵏ,

ⴳⴳⵓⵔⴻⵏ ⵜⵜⴻⵏⵏⴹⴻⵏ ⴷⵉ ⵜⴰⴵⴻⵙⵜ,

ⵎⴰⵔⵔⴰ ⴷⵙⵓⵙⴰ ⵏ ⵜⴻⵎⵎⵓⵔⵜ ⵜⵜⴻⵏⵀⴻⵥⵥⴰⵏ.

6 ⵏⴻⵛⵛ ⵏⵏⵉⵖ: “ⴽⴻⵏⵏⵉⵡ ⴷ ⵉⵔⴻⴱⴱⵉⵜⴻⵏ,

ⴽⴻⵏⵏⵉⵡ ⵎⴰⵔⵔⴰ ⴷ ⵉⵃⴻⵏⵊⵉⵔⴻⵏ ⵏ ⵓⵎⵄⵓⴵⵉ ⵅ ⴽⵓⵍⵛⵉ!”

7 ⵄⴰⴷ ⴰⴷ ⵜⴻⵎⵜⴻⵎ ⴰⵎ ⴽⵓⵍ ⴱⵏⴰⴷⴻⵎ,

ⴰⴷ ⵜⴻⵡⴹⴰⵎ ⴰⵎ ⴽⵓⵍ ⵉⵊⵊⴻⵏ ⵥⵉ ⵍⵃⵓⴽⴽⴰⵎ.

8 ⴽⴽⴰⵔ, ⴰ ⴰⵔⴻⴱⴱⵉ, ⵃⴽⴻⵎ ⵅ ⵜⴻⵎⵎⵓⵔⵜ,

ⵎⵉⵏⵥⵉ ⵛⴻⴽ ⴰⴷ ⵜᵉⵟⵟⴼⴻⴷ ⵜⴰⵙⵖⴰⵔⵜ ⵏⵏⴻⴽ ⵥⵉ ⵎⴰⵔⵔⴰ ⵍⴻⴳⵏⵓⵙ. ^■