1 ⵉ ⵓⵎⴻⵇⵇⵔⴰⵏ ⵏ ⵉⵎⴻⵖⵏⴰⵊⴻⵏ. ⵙ ⵜⴻⵖⵏⵉⵏⵜ ⵏ ‘ⵜⵍⵉⵍⵍⵉⵛⵉⵏ’. ⵛⵛⵀⴰⴷⴻⵜ ⵏ ⴰⵙⴰⴼ. ⴰⵥⴻⵀⵀⴻⴷ. ^□  

2 ⵙⴻⵍ, ⴰ ⴰⵎⴻⴽⵙⴰⵡ ⵏ ⵉⵙⵔⴰⵉⵍ,

ⵛⴻⴽ ⴷ ⵡⴻⵏⵏⵉ ⵢⴰⵔⴻⴽⴽⵡⴻⵙⴻⵏ ⵢⵓⵙⵓⴼ ⴰⵎ ⵡⵓⴵⵉ,

ⵛⴻⴽ ⴷ ⵡⴻⵏⵏⵉ ⵉⵜⵜⵖⵉⵎⴰⵏ ⵅ ⵉⴽⵉⵔⵓⴱⴻⵏ, ⴱⴰⵏ-ⴷⴷ ⴷⵉ ⵜⵉⵙⵙⵉⵇⵜ! ^□  

3 ⵙⴻⴽⴽⴰⵔ ⵊⵊⴻⵀⴷ ⵏⵏⴻⴽ ⵥⵥⴰⵜ ⵉ ⵡⵓⴷⴻⵎ ⵏ ⵉⴼⵔⴰⵢⵉⵎ ⴷ ⴱⵉⵏⵢⴰⵎⵉⵏ ⴷ ⵎⴰⵏⴰⵙⵙⴰ,

ⴰⵙ-ⴷⴷ ⵃⵉⵎⴰ ⴰⴷ ⴰⵏⴻⵖ ⵜⴼⴻⴽⴽⴻⴷ.

4 ⴰ ⴰⵔⴻⴱⴱⵉ, ⴰⵔⵔ ⴰⵏⴻⵖ-ⴷⴷ ⵓ ⴻⵊⵊ ⵓⴷⴻⵎ ⵏⵏⴻⴽ ⴰⴷ ⵢⴰⵔⵖ,

ⵅⴻⵏⵏⵉ ⴰⴷ ⵏⴻⵜⵜⵡⴰⴼⴻⴽⴽ. ^■  

5 ⴰ ⵙⵉⴷⵉ, ⴰⵔⴻⴱⴱⵉ ⵏ ⵍⵄⴻⵙⴽⴰⵔⴰⵜ,

ⵎⴻⵛⵃⴰⵍ ⵉ ⵖⴰ ⵜⴻⴽⴽⴻⴷ ⵜᵉⵜⵜⵅⴻⵢⵢⴰⵇⴻⴷ ⵥⵉ ⵜⵥⴰⴵⵉⵜ ⵏ ⵍⴳⴻⵏⵙ ⵏⵏⴻⴽ?

6 ⵛⴻⴽ ⵜⴻⵙⵙⴻⵛⵛⴻⴷ ⵜⴻⵏ ⵙ ⵡⴻⵖⵔⵓⵎ ⵏ ⵉⵎⴻⵟⵟⴰⵡⴻⵏ,

ⵜⴰⵔⵔⵉⴷ ⵜⴻⵏ ⴰⴷ ⵙⵡⴻⵏ ⵉⵎⴻⵟⵟⴰⵡⴻⵏ ⵙ ⵉⵊⵊ ⵏ ⵍⵎⵉⵊⴰⵍ ⵉⵜⵜⵡⴰⴳⴳⴻⵏ.

7 ⵛⴻⴽ ⵜⴻⴳⴳⵉⴷ ⴰⵏⴻⵖ ⴷ ⵉⵛⵜ ⵏ ⵜⵛⴰⵎⵎⴰ ⵏ ⵉⵎⵛⵓⴱⴱⴻⵛⴻⵏ ⵉ ⵊⵊⵉⵔⴰⵏ ⵏⵏⴻⵖ,

ⵍⵄⴻⴷⵢⴰⵏ ⵏⵏⴻⵖ ⵙⵜⴻⵀⵥⴰⵥⴻⵏ ⵊⴰⵔ ⴰⵙⴻⵏ. ^■  

8 ⵙⴱⴻⴷⴷ ⴰⵏⴻⵖ, ⴰ ⴰⵔⴻⴱⴱⵉ ⵏ ⵍⵄⴻⵙⴽⴰⵔⴰⵜ,

ⴻⵊⵊ ⵓⴷⴻⵎ ⵏⵏⴻⴽ ⴰⴷ ⵢⴰⵔⵖ,

ⵅⴻⵏⵏⵉ ⴰⴷ ⵏⴻⵜⵜⵡⴰⴼⴻⴽⴽ.

9 ⵛⴻⴽ ⵜⵇⴻⵍⵄⴻⴷ ⵉⵛⵜ ⵏ ⵜⵥⴰⵢⴰⵔⵜ ⵥⵉ ⵎⵉⵚⵔⴰ,

ⵜⵓⵥⵥⵍⴻⴷ ⵅ ⵍⴻⴳⵏⵓⵙ, ⵓⵛⴰ ⵜⴻⵥⵥⵓⴷ-ⵉ-ⵜⵜ ⴷⵉⵏ.

10 ⵛⴻⴽ ⵜⴻⵙⵙⵡⴻⵊⴷⴻⴷ ⴰⵙ ⴰⵎⵛⴰⵏ ⵓ ⵜⴰⵔⵔⵉⴷ ⵜⵜ-ⵉ-ⴷⴷ ⴰⴷ ⵜⴻⵡⵡⴻⵜ ⵉⵥⴻⵡⵔⴰⵏ,

ⵜⵄⴻⵎⵎⴰⵔ ⵜⵥⴰⵢⴰⵔⵜ ⵎⴰⵔⵔⴰ ⵜⴰⵎⵎⵓⵔⵜ.

11 ⵜⵜⵡⴰⵙⵙⴷⵓⵔⵢⴻⵏ ⵉⴷⵓⵔⴰⵔ ⵙ ⵜⵉⵍⵉ ⵏⵏⴻⵙ,

ⵜⵉⵛⴻⵊⵊⵓⵔⴰ ⵏ ⵜⴻⵏⴳⴻⵍⵜ ⵏ ⴰⵔⴻⴱⴱⵉ ⵙ ⵍⴻⴼⵔⵓⵄ ⵏⵏⴻⵙ.

12 ⵜⴻⴳⴳⴰ ⵜⵉⵙⴻⴹⵡⵉⵏ ⵏⵏⴻⵙ ⴰⴷ ⴰⵡⴹⴻⵏⵜ ⴰⵍ ⵍⴻⴱⵃⴰⵔ,

ⵉⴼⴻⵜⵡⴰⵏ ⵏⵏⴻⵙ ⵉⵥⵉⵢⵥⴰⵡⴻⵏ ⴰⵍ ⵉⵖⵥⴰⵔ ⵏ ⵍⴼⵓⵔⴰⵟ.

13 ⵎⴰⵢⴻⵎⵎⵉ ⵜⵖⴻⴹⵍⴻⴹ ⵉⵖⴻⴱⵔⴰⵡⴻⵏ ⵏⵏⴻⵙ,

ⴰⵍⴰⵎⵉ ⵎⴰⵔⵔⴰ ⵉⵏⵏⵉ ⴷⴷ-ⵉⵜⵜⴻⴽⴽⴻⵏ ⵅ ⵡⴻⴱⵔⵉⴷ ⵍⴻⵇⵇⴹⴻⵏ ⵜⵜ?

14 ⵉⵍⴻⴼ ⵥⴻⴳ ⵡⴻⵥⵖⴰⵔ ⵉⵇⵍⴻⴱ ⵜⴰⵥⴰⵢⴰⵔⵜ,

ⵎⵓⵎⵎⵓ ⵏ ⵢⴻⵢⵢⴰⵔ ⴰⵇⴰ ⵉⵀⴷⴰ ⵉ-ⵜⵜ. ^□  

15 ⴰ ⴰⵔⴻⴱⴱⵉ ⵏ ⵍⵄⴻⵙⴽⴰⵔⴰⵜ, ⴷⵡⴻⵍ-ⴷⴷ ⵖⴰⵔⵏⴻⵖ,

ⵙⵉⵊⵊ-ⴷⴷ ⵥⴻⴳ ⵓⵊⴻⵏⵏⴰ, ⵓ ⵅⵥⴰⵔ, ⴰⵔⵥⴻⴼ ⵜⴰⵥⴰⵢⴰⵔⵜ-ⴰ

16 ⵓ ⵜⵜⵀⵉⵍⵍⴰ ⴷⵉ ⵜⵥⴰⵢⴰⵔⵜ ⵜⴻⵏⵏⵉ ⵉⵥⵥⵓ ⵓⴼⵓⵙ ⵏⵏⴻⴽ ⴰⴼⵓⵙⵉ,

ⴷⵉ ⵜⵎⴻⵎⵎⵉⵜ ⵏⵏⵉ ⵜⴻⵙⵙⵊⴻⵀⴷⴻⴷ ⵉ ⵢⵉⵅⴻⴼ ⵏⵏⴻⴽ.

17 ⴰⵇⴰ ⵜᵉⵜⵜⵡⴰⵙⵙⴻⵛⵎⴻⴹ ⵙ ⵜⵎⴻⵙⵙⵉ, ⵜᵉⵜⵜⵡⴰⵇⴹⴻⵄ.

ⵣⴻⴳ ⵓⵙⴻⴳⴳⵯⴻⴷ ⵏ ⵡⵓⴷⴻⵎ ⵏⵏⴻⴽ ⴰⴷ ⵡⴻⴷⴷⴰⵔⴻⵏ.

18 ⴻⵊⵊ ⴰⴼⵓⵙ ⵏⵏⴻⴽ ⴰⴷ ⵢⵉⵍⵉ ⴰⴽ-ⴷ ⵡⴻⵔⵢⴰⵥ ⵏ ⵓⴼⵓⵙ ⵏⵏⴻⴽ ⴰⴼⵓⵙⵉ,

ⴰⴽ-ⴷ ⵎⵎⵉⵙ ⵏ ⴱⵏⴰⴷⴻⵎ ⵡⴻⵏⵏⵉ ⵜⴻⵙⵙⵊⴻⵀⴷⴻⴷ ⵉ ⵢⵉⵅⴻⴼ ⵏⵏⴻⴽ.

19 ⵅⴻⵏⵏⵉ ⵡⴰⵔ ⵅⴰⴽ ⵏⵃⴻⵢⵢⴻⴷ ⵛⴰ.

ⴻⵊⵊ ⴰⵏⴻⵖ ⴰⴷ ⵏⴻⴷⴷⴰⵔ, ⵅⴻⵏⵏⵉ ⴰⴷ ⵏⵍⴰⵖⴰ ⵅ ⵢⵉⵙⴻⵎ ⵏⵏⴻⴽ.

20 ⴰ ⵙⵉⴷⵉ, ⴰⵔⴻⴱⴱⵉ ⵏ ⵍⵄⴻⵙⴽⴰⵔⴰⵜ, ⵙⴱⴻⴷⴷ ⴰⵏⴻⵖ-ⴷⴷ,

ⴻⵊⵊ ⵓⴷⴻⵎ ⵏⵏⴻⴽ ⴰⴷ ⵢⴰⵔⵖ,

ⵅⴻⵏⵏⵉ ⴰⴷ ⵏⴻⵜⵜⵡⴰⴼⴻⴽⴽ.