77
1 ⵉ ⵓⵎⴻⵇⵇⵔⴰⵏ ⵏ ⵉⵎⴻⵖⵏⴰⵊⴻⵏ. ⵙⴰⴷⵓ ⵓⴼⵓⵙ ⵏ ⵢⴰⴷⵓⵜⵓⵏ. ⴰⵥⴻⵀⵀⴻⴷ ⵏ ⴰⵙⴰⴼ.
2 ⵏⴻⵛⵛ ⵙⵙⴳⴻⵄⵄⴷⴻⵖ ⵜⵎⵉⵊⵊⴰ ⵉⵏⵓ ⵖⴰⵔ ⴰⵔⴻⴱⴱⵉ ⵓⵛⴰ ⵍⴰⵖⵉⵖ,
ⵙⵙⴳⴻⵄⵄⴷⴻⵖ ⵜⵎⵉⵊⵊⴰ ⵉⵏⵓ ⵖⴰⵔ ⴰⵔⴻⴱⴱⵉ,
ⵏⴻⵜⵜⴰ ⴰⴷ ⴰⵢⵉ ⵉⵙⴻⵍ.
3 ⴷⴻⴳ ⵡⴰⵙⵙ ⵏ ⵍⴻⵃⵚⴰⵔⴻⵜ ⵉⵏⵓ ⴰⵔⵥⵓⵖ ⵙⵉⴷⵉ ⵉⵏⵓ.
ⵙ ⴵⵉⵍⴻⵜ ⵙⵙⵡⵉⵥⵥⴹⴻⵖ ⴰⴼⵓⵙ ⵉⵏⵓ ⴱⵍⴰ ⵎⴰ ⴰⴷ ⴰⵙ ⴰⵔⵅⵓⵖ,
ⵍⴻⵄⵎⴰⵔ ⵉⵏⵓ ⵢⵓⴳⵉ ⴰⴷ ⵉⵜⵜⵡⴰⵄⴻⵥⵥⴰ.
4 ⵓⵎⵉ ⵜⵓⵖⴰ ⵜⵜⵉⴷⴰⵔⴻⵖ ⴰⵔⴻⴱⴱⵉ, ⵅⴻⵏⵏⵉ ⵜⵜⵥⴻⵀⵀⴰⵔⴻⵖ, ⵜⵜⵅⴻⵎⵎⴰⵎⴻⵖ,
ⵅⴻⵏⵏⵉ ⵢⴰⵔⵅⵓ ⴱⵓⵃⴱⴻⵍ ⵉⵏⵓ. ⵙⵉⵍⴰⵀ.
5 ⵛⴻⴽ ⵜⴰⵔⵔⴻⴷ ⵜⵉⵟⵟⴰⵡⵉⵏ ⵉⵏⵓ ⴰⴷ ⵇⵇⵉⵎⴻⵏⵜ ⴼⴰⵇⴻⵏⵜ,
ⵏⵀⴻⵡⵍⴻⵖ, ⵡⴰⵔ ⵙⵙⵉⵡⵍⴻⵖ.
6 ⵏⴻⵛⵛ ⵜⵜⵅⴻⵎⵎⴰⵎⴻⵖ ⴷⴻⴳ ⵡⵓⵙⵙⴰⵏ ⵏ ⵡⴻⵛⵃⴰⵍ ⵓⵢⴰ,
ⴷⴻⴳ ⵉⵙⴻⴳⴳⵯⵓⵙⴰ ⵏ ⵉⴽⵓⴷⴻⵏ ⵉⵄⴷⵓⵏ ⴰⵟⵟⴰⵙ ⵥⴻⴳ ⵡⴰⵎⵉ.
7 ⵏⴻⵛⵛ ⵜⵜⵉⴷⴰⵔⴻⵖ ⴷⴻⴳ ⵓⵥⴻⵏⵥⵓⵏ ⵉⵏⵓ ⵙ ⴵⵉⵍⴻⵜ,
ⵅⵎⵉ ⵜⵜⵅⴻⵎⵎⴰⵎⴻⵖ ⴷⴻⴳ ⵡⵓⵍ ⵉⵏⵓ ⵓ ⴱⵓⵃⴱⴻⵍ ⵉⵏⵓ ⵢⴰⵔⴻⵥⵥⵓ:
8 ⵎⴰ ⴰⴷ ⴰⵏⴻⵖ ⵉⵏⴹⴰⵔ ⵙⵉⴷⵉ ⵉⵏⵓ ⵉ ⵍⴻⴱⴷⴰ,
ⵓ ⵡⴰⵔ ⵅⴰⴼⵉ ⵉⵜⵜⵃⵉⵏⵏⵉ ⵄⴰⴷ?
9 ⵎⴰ ⵜⴱⴻⴷⴷ ⵜⵎⴻⵅⵙⵉⵡⵜ ⵏⵏⴻⵙ ⵉⵛⴻⵡⵡⴰⵔⴻⵏ ⵉ ⵍⴻⴱⴷⴰ?
ⵎⴰ ⵉⵜⵜⵡⴰⴱⴹⴻⵍ ⵍⵡⴰⵄⴷ ⵥⵉ ⵊⵊⵉⵍ ⴰⵍ ⵊⵊⵉⵍ?
10 ⵎⴰ ⵉⵜⵜⵓ ⴰⵔⴻⴱⴱⵉ ⴰⵃⵉⵏⵏⵉ ⵏⵏⴻⵙ?
ⵎⴰ ⴷⴻⴳ ⵡⴻⵖⴹⴰⴱ ⵏⵏⴻⵙ ⵉⴱⴻⵍⵍⴻⵄ ⴰⵔⵔⴻⵃⵎⴻⵜ ⵏⵏⴻⵙ?” ⵙⵉⵍⴰⵀ.
11 ⵏⵏⵉⵖ: “ⵡⴰ ⴷ ⵍⴻⵄⴷⴰⴱ ⵉⵏⵓ,
ⴰⵇⴰ ⴷ ⵉⵙⴻⴳⴳⵯⵓⵙⴰ ⵥⴻⴳ ⵓⴼⵓⵙ ⵏ ⵓⵎⵄⵓⴵⵉ ⵅ ⴽⵓⵍⵛⵉ.”
12 ⵏⴻⵛⵛ ⴰⴷ ⵉⴷⴰⵔⴻⵖ ⵜⵉⵎⴻⴳⴳⴰ ⵏ ⵙⵉⴷⵉ,
ⴰⴷ ⵄⴻⵇⵍⴻⵖ ⵅ ⵍⵎⵓⵄⵊⵉⵥⴰⵜ ⵏⵏⴻⴽ ⵏ ⵥⵉⵛ.
13 ⵏⴻⵛⵛ ⴰⴷ ⵅⴻⵎⵎⴰⵎⴻⵖ ⴷⵉ ⵎⴰⵔⵔⴰ ⵍⴻⵅⴷⴰⵢⴻⵎ ⵏⵏⴻⴽ,
ⴰⴷ ⵙⵙⵉⵡⵍⴻⵖ ⵅ ⵎⴰⵔⵔⴰ ⵎⵉⵏ ⵜⴻⴳⴳⵉⴷ.
14 ⴰ ⴰⵔⴻⴱⴱⵉ, ⴰⴱⵔⵉⴷ ⵏⵏⴻⴽ ⴰⵇⴰ ⴷⵉ ⵜⵇⴻⴷⴷⴰⵙⵜ ⵉ ⵢⴻⴵⴰ!
ⵎⴰⵏ ⵡⴻⵏ ⵉ ⵢⴻⴵⴰⵏ ⴷ ⴰⵔⴻⴱⴱⵉ ⴰⵎⴻⵇⵇⵔⴰⵏ ⴰⵎ ⴰⵔⴻⴱⴱⵉ?
15 ⵛⴻⴽ ⴷ ⴰⵔⴻⴱⴱⵉ ⵡⴻⵏⵏⵉ ⵉⵜⵜⴻⴳⴳⴻⵏ ⵍⵎⵓⵄⵊⵉⵥⴰⵜ,
ⵛⴻⴽ ⵜⴻⵙⵙⴻⵛⵏⴻⴷ ⵜⵉⵥⴻⵎⵎⴰⵔ ⵏⵏⴻⴽ ⵊⴰⵔ ⵍⴻⴳⵏⵓⵙ. ■
16 ⵛⴻⴽ ⵜⴻⴼⴷⵉⴷ ⵍⴳⴻⵏⵙ ⵏⵏⴻⴽ ⵙ ⵓⵖⵉⵍ ⵏⵏⴻⴽ,
ⵜⴰⵔⵡⴰ ⵏ ⵢⴰⵄⵇⵓⴱ ⴷ ⵢⵓⵙⵓⴼ. ⵙⵉⵍⴰⵀ.
17 ⴰⵎⴰⵏ ⵥⵔⵉⵏ ⵛⴻⴽ, ⴰ ⴰⵔⴻⴱⴱⵉ, ⴰⵎⴰⵏ ⵥⵔⵉⵏ ⵛⴻⴽ ⵓⵛⴰ ⴰⵔⵊⵉⵊⴻⵏ,
ⵡⴰⵀ ⴰⵎⴰⵏ ⵢⵓⵥⵖⴻⵏ ⵏⵏⵀⴻⵡⵍⴻⵏ. ■
18 ⵉⵙⴻⵢⵏⵓⵜⴻⵏ ⵉⴷⴻⵇⵇⵍⴻⵏ ⴼⴰⵔⵔⵖⴻⵏ-ⴷⴷ ⴰⵎⴰⵏ ⵏⵙⴻⵏ,
ⵉⵙⴻⵢⵏⵓⵜⴻⵏ ⵢⵓⵄⵍⴰⵏ ⵙⵙⴳⴻⵄⵄⴷⴻⵏ ⵜⵎⵉⵊⵊⴰ ⵏⵙⴻⵏ,
ⵓ ⴼⵍⵉⵜⵛⴰⵜ ⵏ ⵍⵇⴻⵡⵙ ⵏⵏⴻⴽ ⴹⵡⵉⵏⵜ ⴷⴰ ⴷ ⴷⵉⵀⴰ. □ ■
19 ⵉⵜⵜⴻⵏⵏⴻⴹ ⵍⵃⴻⵙⵙ ⵏ ⵡⴰⵊⵊⴰⵊ ⵏⵏⴻⴽ,
ⴰⵙⵙⴰⵎⴻⵏ ⴳⴳⵉⵏ ⵜⴰⴼⴰⵡⵜ ⵅ ⴷⴷⵓⵏⴻⵛⵜ,
ⵜⴰⵎⵎⵓⵔⵜ ⵜⴻⵏⵀⴻⵥⵥ ⵜⴰⵔⵊⵉⵊ.
20 ⴰⴱⵔⵉⴷ ⵏⵏⴻⴽ ⵉⵛⵓⵇⵇ ⴷⵉ ⵍⴻⴱⵃⴰⵔ,
ⴰⵎⴻⵙⵔⴰⵇ ⵏⵏⴻⴽ ⴷⴻⴳ ⵡⴰⵎⴰⵏ ⵉⵎⴻⵇⵇⵔⴰⵏⴻⵏ,
ⵡⴰⵔ ⴱⵉⵏⴻⵏ ⵄⴰⴷ ⵉⵚⵓⵔⴰⴼ ⵏ ⵉⴹⴰⵔⴻⵏ ⵏⵏⴻⴽ.
21 ⵛⴻⴽ ⵜⵏⴻⴷⵀⴻⴷ ⵍⴳⴻⵏⵙ ⵏⵏⴻⴽ ⴰⵎ ⵉⵛⵜ ⵏ ⵜⵃⵉⵎⴰⵔⵜ ⵏ ⵡⵓⴵⵉ,
ⵙ ⵓⴼⵓⵙ ⵏ ⵎⵓⵙⴰ ⴷ ⵀⴰⵔⵓⵏ. ■