76
1 ⵉ ⵓⵎⴻⵇⵇⵔⴰⵏ ⵏ ⵉⵎⴻⵖⵏⴰⵊⴻⵏ. ⴰⴽ-ⴷ ⵓⵥⴻⵏⵥⵓⵏ. ⴰⵥⴻⵀⵀⴻⴷ ⵏ ⴰⵙⴰⴼ, ⵉⵥⵍⵉ.
2 ⴰⵔⴻⴱⴱⵉ ⵉⵜⵜⵡⴰⵙⵙⴻⵏ ⴷⵉ ⵢⴰⵀⵓⴷⴰ,
ⵉⵙⴻⵎ ⵏⵏⴻⵙ ⴷ ⴰⵎⴻⵇⵇⵔⴰⵏ ⴷⵉ ⵉⵙⵔⴰⵉⵍ.
3 ⴰⵄⵓⵛⵛⵉ ⵏⵏⴻⵙ ⴰⵇⴰ-ⵜ ⴷⵉ ⵛⴰⵍⵉⵎ,
ⵜⴰⵥⴻⴷⴷⵉⵖⵜ ⵏⵏⴻⵙ ⴷⵉ ⵚⵉⵀⵢⵓⵏ.
4 ⴷⵉⵏⵏⵉ ⵢⴰⵔⵥⴰ ⴼⵍⵉⵜⵛⴰⵜ ⵢⴰⵔⴻⵇⵇⴻⵏ ⵏ ⵍⵇⴻⵡⵙ,
ⵜⴰⵙⴻⴷⴷⴰⵔⵜ ⵏ ⵓⵙⴻⵍⵇⵉ ⴷ ⵙⵙⵉⴼ ⵓⵍⴰ ⴷ ⴰⵎⴻⵏⵖⵉ. ⵙⵉⵍⴰⵀ.
5 ⵜⴻⵙⵙⴰⴳⴳⵯⴰⴷⴻⴷ ⵓ ⵜⵊⴻⵀⴷⴻⴷ ⵉ ⵜⴻⴵⵉⴷ
ⵅ ⵉⴷⵓⵔⴰⵔ ⵏⵏⵉ ⵉⵎⵎⴻⵥⵔⴻⵏ ⴷⵉ ⵜⴽⴻⵛⵛⴰⴹⵜ.
6 ⵉⵏⵏⵉ ⵉⵊⴻⵀⴷⴻⵏ ⴷⴻⴳ ⵡⵓⵍ ⵜⵜⵡⴰⴽⴻⵛⵛⴹⴻⵏ.
ⵏⵉⵜⵏⵉ ⵏⵏⵓⴷⵎⴻⵏ, ⵟⵟⵚⴻⵏ,
ⵓⵍⴰ ⴷ ⵉⵊⵊ ⵥⴻⴳ ⵉⵔⵢⴰⵥⴻⵏ ⵉⵎⴻⵃⴹⴻⵏ ⵡⴰⵔ ⵉⵥⴻⵎⵎⴰⵔ ⴰⴷ ⵉⵎⵎⵄⴰⵍⴰ.
7 ⵙ ⵓⵡⴻⴷⴷⴻⴱ ⵏⵏⴻⴽ, ⴰ ⴰⵔⴻⴱⴱⵉ ⵏ ⵢⴰⵄⵇⵓⴱ,
ⵉⵖⴰⵔⵇ ⵓⴽⴰⵔⵔⵓ ⴷ ⵓⵢⵉⵙ ⴷⴻⴳ ⵢⵉⴹⴻⵙ.
8 ⵛⴻⴽ, ⵡⴰⵀ ⵛⴻⴽ ⵜⴻⵙⵙⴰⴳⴳⵯⴰⴷⴻⴷ,
ⵡⵉ ⵉⵥⴻⵎⵎⴰⵔⴻⵏ ⴰⴷ ⵉⵇⵇⵉⵎ ⵉⴱⴻⴷⴷ ⵥⵥⴰⵜ ⵉ ⵡⵓⴷⴻⵎ ⵏⵏⴻⴽ,
ⵅⵎⵉ ⴷⴷ ⵖⴰ ⵉⴽⴽⴰⵔ ⵡⴻⵖⴹⴰⴱ ⵏⵏⴻⴽ?
9 ⵣⴻⴳ ⵓⵊⴻⵏⵏⴰ ⵜⴻⴳⴳⵉⴷ ⴰⴷ ⵉⵜⵜⵡⴰⵙⴻⵍ ⵍⵃⵓⴽⵎ.
ⵜⴻⵟⵟⴻⴼ ⵜⴻⴳⴳⵯⵓⴷⵉ ⵜⴰⵎⵎⵓⵔⵜ ⵓⵛⴰ ⵜⴻⵙⵙⴻⵖⴷ,
10 ⵓⵎⵉ ⵉⴽⴽⴰⵔ ⴰⵔⴻⴱⴱⵉ ⵎⴰⵃⴻⵏⴷ ⴰⴷ ⵉⵛⴰⵔⵔⴻⵄ,
ⵃⵉⵎⴰ ⴰⴷ ⵉⴼⴻⴽⴽ ⵎⴰⵔⵔⴰ ⵉⵎⵀⵉⵏⴻⵏ ⵏ ⵜⴻⵎⵎⵓⵔⵜ. ⵙⵉⵍⴰⵀ.
11 ⵎⴰⵖⴰⵔ ⴰⴼⵓⴳⴻⵎ ⵏ ⵉⵡⴷⴰⵏ ⴰⴷ ⵛⴻⴽ ⵉⵇⴰⴷⴰ,
ⵎⵉⵏ ⵉⵇⵇⵉⵎⴻⵏ ⵏ ⵡⴻⵙⵄⴰⵔ ⴰⴷ ⵜ ⵜⵎⴻⵏⵄⴻⴷ.
12 ⵡⵛⴻⵎ ⵍⵡⵓⵄⵓⴷ ⵓ ⴳⴳⴻⵎ ⵥⵥⴰⵢⵙⴻⵏ ⵥⵥⴰⵜ ⵉ ⵙⵉⴷⵉ, ⴰⵔⴻⴱⴱⵉ ⵏⵡⴻⵎ.
ⴻⵊⵊ ⵎⴰⵔⵔⴰ ⵉⵏⵏⵉ ⴷ ⴰⵙ ⴷⴷ-ⵉⵏⵏⴹⴻⵏ
ⴷ ⴰⵡⵢⴻⵏ ⵚⵚⴷⴰⵇⵉ ⵉ ⵡⴻⵏⵏⵉ ⵉⵜⵜⵅⴻⵚⵚⴰ ⴰⴷ ⵥⵥⴰⵢⴻⵙ ⴳⴳⵯⴻⴷⴻⵏ,
13 ⵡⴻⵏⵏⵉ ⵉⵜⵜⴻⴽⴽⵙⴻⵏ ⵉ ⵍⵃⵓⴽⴽⴰⵎ ⴱⵓⵃⴱⴻⵍⴰⵜ ⵏⵙⴻⵏ,
ⵡⴻⵏⵏⵉ ⵥⵥⴰⵢⴻⵙ ⵜⵜⴻⴳⴳⵯⴷⴻⵏ ⵉⵊⴻⴵⵉⴷⴻⵏ ⵏ ⵜⴻⵎⵎⵓⵔⵜ.