74
1 ⴰⵅⴻⵎⵎⵉ ⵏ ⴰⵙⴰⴼ. ⵎⴰⵢⴻⵎⵎⵉ, ⴰ ⴰⵔⴻⴱⴱⵉ, ⵜⴻⵏⴹⴰⵔⴻⴷ ⵉ ⵍⴻⴱⴷⴰ?
ⵎⴰⵢⴻⵎⵎⵉ ⵉ ⵖⴰ ⵢⴰⵔⵖ ⵡⴻⵖⴹⴰⴱ ⵏⵏⴻⴽ ⵅ ⵡⵓⴵⵉ ⵏ ⴷⴷⵎⴰⵏⵉ ⵏ ⵜⴰⵔⴻⵡⵙⴰ ⵏⵏⴻⴽ?
2 ⵅⴻⵎⵎⴻⵎ ⴷⵉ ⵜⵎⴻⵙⵎⵓⵏⵜ ⵏⵏⴻⴽ ⵏⵏⵉ ⵜⵓⵖⴰ ⵜⴽⴻⵙⴱⴻⴷ ⵥⴻⴳ ⵡⴻⵛⵃⴰⵍ ⵓⵢⴰ,
ⵜⴰⵇⴱⵉⵞ ⵏ ⵜⴻⵙⵖⴰⵔⵜ ⵏ ⵍⵡⴰⵔⵜ ⵏⵏⴻⴽ ⵜⴻⵏⵏⵉ ⵜⴻⴼⴷⵉⴷ,
ⴰⴷⵔⴰⵔ ⵏ ⵚⵉⵀⵢⵓⵏ ⵡⴻⵏⵏⵉ ⵅ ⵜⵓⵖⴰ ⵜⵥⴻⴷⴷⵖⴻⴷ.
3 ⵙⴳⴻⵄⵄⴻⴷ ⵉⵚⵓⵔⴰⴼ ⵏⵏⴻⴽ ⵖⴰⵔ ⵎⵉⵏ ⵢⴰⵔⴻⴷⴷⴵⴻⵏ ⵉ ⵍⴻⴱⴷⴰ,
ⵍⴻⵄⴷⵓ ⵢⴰⵔⵔⴰ ⵎⴰⵔⵔⴰ ⴷⵉ ⵣⵥⴰⵡⴻⵛⵜ ⵉⵇⴻⴷⴷⵙⴻⵏ ⴷ ⵍⵅⴰⵔⴱⴻⵜ.
4 ⵉⵏⵏⵉ ⵜⵓⵖⴰ ⵛⴻⴽ ⵉⵃⴻⵚⵚⴰⵔⴻⵏ ⵙⵙⴱⵓⵄⵔⵓⵜⴻⵏ ⴷⵉ ⵍⵡⴻⵙⵜ ⵏ ⵉⵎⵓⵛⴰⵏ ⵏⵏⴻⴽ ⵏ ⵓⵎⵙⴰⴳⴰⵔ,
ⵙⵙⴱⴻⴷⴷⴰⵏ ⵍⴻⵄⵍⴰⵎⴰⵜ ⵏⵙⴻⵏ ⴷ ⵍⴻⵄⵍⴰⵎⴰⵜ.
5 ⴰⵇⴰ ⵏⴻⵜⵜⴰ ⵉⴷⵡⴻⵍ ⵉⵜⵜⵡⴰⵙⵙⴻⵏ ⴰⵎ ⵡⴻⵔⵢⴰⵥ ⵉⵙⵙⴳⴻⵄⵄⴻⴷ ⵛⵛⵡⴰⵇⴰⵔ ⴷⵉ ⵛⴱⴰⵔⵇ ⵉⵇⵇⵏⴻⵏ,
6 ⵓ ⵅⴻⵏⵏⵉ ⴰⵔⵥⵉⵏ ⵎⴰⵔⵔⴰ ⵉⵏⵇⴰⵛⴻⵏ
ⵊⵎⵉⵄ ⵙ ⵛⵛⴰⵇⵓⵔ ⴷ ⵉⴼⴹⵉⵙⴻⵏ.
7 ⵏⵉⵜⵏⵉ ⵇⵇⴻⴷⴻⵏ ⵜⵉⵎⴻⵙⵙⵉ ⵉ ⵜⵥⴰⵡⵉⵢⵢⵉⵏ ⵏⵏⴻⴽ ⵉⵇⴻⴷⴷⵙⴻⵏ,
ⴰⵇⴰ ⵄⴰⵔⵔⴰⵏ ⵜⴰⵥⴻⴷⴷⵉⵖⵜ ⵏ ⵢⵉⵙⴻⵎ ⵏⵏⴻⴽ ⴰⵍ ⵜⴰⵎⵎⵓⵔⵜ. ■
8 ⵏⵉⵜⵏⵉ ⵏⵏⴰⵏ ⴷⴻⴳ ⵡⵓⵍ ⵏⵙⴻⵏ: “ⴻⵊⵊ ⴰⵏⴻⵖ ⴰⴷ ⵜⴻⵏⵜ ⵏⴰⵔⴻⴷⴷⴻⴵ ⵎⴰⵔⵔⴰ!”
ⴰⵎⵎⵓ ⵉ ⵙⵙⴰⵔⵖⴻⵏ ⵎⴰⵔⵔⴰ ⵉⵎⵓⵛⴰⵏ ⵏ ⵓⵎⵙⴰⴳⴰⵔ ⵏ ⴰⵔⴻⴱⴱⵉ ⴷⵉ ⵜⴻⵎⵎⵓⵔⵜ.
9 ⵍⴻⵄⵍⴰⵎⴰⵜ ⵏⵏⴻⵖ ⵡⴰⵔ ⵜⴻⵏⵜ ⵏⴻⵜⵜⵡⵉⵍⵉ ⵄⴰⴷ,
ⵡⴰⵔ ⴷⵉⵏ ⵓⵍⴰ ⴷ ⵉⵊⵊ ⵏ ⵓⵏⴰⴱⵉ ⵄⴰⴷ,
ⵓⵛⴰ ⵓⵍⴰ ⴷ ⵉⵊⵊ ⵊⴰⵔ ⴰⵏⴻⵖ ⵉⵙⵙⴻⵏ ⴰⵍ ⵎⴻⵍⵎⵉ ⵄⴰⴷ.
10 ⴰⵍ ⵎⴻⵍⵎⵉ, ⴰ ⴰⵔⴻⴱⴱⵉ, ⴰⴷ ⵥⵥⴰⵢⴻⴽ ⵉⵙⵜⴻⵀⵥⴰ ⵡⴻⵏⵏⵉ ⵉⵃⴻⵚⵚⴰⵔⴻⵏ?
ⵎⴰ ⴰⴷ ⵉⵛⴻⵇⵇⴻⴼ ⵍⴻⵄⴷⵓ ⵉ ⵍⴻⴱⴷⴰ ⴷⴻⴳ ⵢⵉⵙⴻⵎ ⵏⵏⴻⴽ?
11 ⵎⴰⵢⴻⵎⵎⵉ ⵉ ⵜᵉⵜⵜⴻⴳⴳⴻⴷ ⴰⴷ ⴷⴰⵢⵏⴻⵖ ⵉⵙⵎⴻⵃ ⴰⴼⵓⵙ ⵏⵏⴻⴽ, ⴰⴼⵓⵙ ⵏⵏⴻⴽ ⴰⴼⵓⵙⵉ?
ⵙⵓⴼⴼⵓⵖ ⵉ-ⵜ ⵥⴻⴳ ⵡⴻⵃⵙⵉⵏ ⵏ ⵓⴱⴰⵔⵜⴻⵙⵙⵓ ⵏⵏⴻⴽ,
ⵇⴹⴰ ⵅⴰⵙⴻⵏ. □
12 ⵣⴻⴳ ⵡⴻⵛⵃⴰⵍ ⵓⵢⴰ ⴰⵇⴰ ⴰⵔⴻⴱⴱⵉ ⴷ ⴰⵊⴻⴵⵉⴷ ⵉⵏⵓ.
ⵏⴻⵜⵜⴰ ⴷ ⵡⴻⵏⵏⵉ ⵉ ⴷⴷ-ⵉⵜⵜⴰⵡⵢⴻⵏ ⵉⵙⴻⵏⵊⴰⵎⴻⵏ ⴷⵉ ⵍⵡⴻⵙⵜ ⵏ ⵜⴻⵎⵎⵓⵔⵜ.
13 ⵙ ⵜⵥⴻⵎⵎⴰⵔ ⵏⵏⴻⴽ ⵜⴼⴻⵜⵇⴻⴷ ⵍⴻⴱⵃⴰⵔ,
ⵉⵥⴻⴵⵉⴼⴻⵏ ⵏ ⵍⵀⴰⵢⵛⴰⵜ ⵜⴻⴷⴷⵥⴻⴷ ⵉ-ⵜⴻⵏ ⵅ ⵡⴰⵎⴰⵏ. ■
14 ⵛⴻⴽ ⵜⵍⴻⴱⵥⴻⴷ ⵉⵥⴻⴵⵉⴼⴻⵏ ⵏ ‘ⵍⵉ$ⵉⵢⴰⵜⴰⵏ’,
ⵜⴻⵡⵛⵉⴷ ⵉ-ⵜ ⴷ ⵎⴰⵛⵛⴰ ⵉ ⵍⴻⵡⵃⵓⵛ ⵏ ⵍⴻⵅⵍⴰ. □
15 ⵛⴻⴽ ⵜⴰⵔⵔⵉⴷ ⵍⵄⵓⵏⵚⴰⵔ ⴷ ⵜⴻⵖⵥⴰⵔⵜ ⴰⴷ ⴷⴷⵓⵇⵇⵥⴻⵏ,
ⵛⴻⴽ ⵜⴻⵙⵙⵉⵥⵖⴻⴷ ⵉⵖⴻⵥⵔⴰⵏ ⵉⵜⵜⴰⵥⵥⵍⴻⵏ ⴱⵍⴰ ⵇⴻⵟⵟⵓ. ■
16 ⴰⵙⵙ ⵏⵏⴻⴽ, ⵏⵏⴻⴽ ⵓⵍⴰ ⴷ ⴵⵉⵍⴻⵜ,
ⵛⴻⴽ ⵜⴻⴳⴳⵉⴷ ⴷⵉⵏ ⵜⴰⴼⴰⵡⵜ ⴷ ⵜⴼⵓⵛⵜ. ■
17 ⵛⴻⴽ ⵜⴻⵙⵙⵎⴻⵜⵏⴻⴷ ⵎⴰⵔⵔⴰ ⵉⵢⵎⵉⵔⴻⵏ ⵏ ⵜⴻⵎⵎⵓⵔⵜ,
ⴰⵏⴻⴱⴷⵓ ⴷ ⵜⴳⴻⵔⵙⵜ ⴰⵇⴰ ⵜⴻⴳⴳⵉⴷ ⴰⵙⴻⵏ ⵜⵉⴼⵔⴰⵙ ⵏⵙⴻⵏ.
18 ⵄⵇⴻⵍ ⵅ ⵎⴰⵏ ⴰⵢⴰ: ⵍⴻⵄⴷⵓ ⵉⵙⵙⴻⵃⵇⴰⵔ ⵙⵉⴷⵉ,
ⵉⵊⵊ ⵏ ⵍⴳⴻⵏⵙ ⴰⴱⵓⵀⴰⵍⵉ ⵉⵛⴻⵇⵇⴻⴼ ⴷⴻⴳ ⵢⵉⵙⴻⵎ ⵏⵏⴻⴽ.
19 ⵡⴰⵔ ⵜⵜⵉⵛ ⵍⴻⵄⵎⴰⵔ ⵏ ⵜⴻⵊⵍⵉⵍⵍⴻⵃⵜ ⵏⵏⴻⴽ ⵉ ⵍⴻⵡⵃⵓⵛ,
ⵡⴰⵔ ⵜᵉⵜⵜⵓ ⵉ ⵍⴻⴱⴷⴰ ⵜⵓⴷⴰⵔⵜ ⵏ ⵍⵎⵓⵙⴰⴽⵉⵏ ⵏⵏⴻⴽ.
20 ⵅⵥⴰⵔ ⵖⴰⵔ ⵍⵄⴰⵀⴷ ⵏⵏⴻⴽ,
ⵎⴰⵖⴰⵔ ⴷⴻⴳ ⵉⵎⵓⵛⴰⵏ ⵏ ⵟⵟⵍⴰⵎ ⴷⵉ ⵜⴻⵎⵎⵓⵔⵜ ⴰⵇⴰ ⴷⴰⵢⵙⴻⵏ ⵜⵓⴷⵔⵉⵏ ⵄⴻⵎⵎⴰⵔⴻⵏⵜ ⵙ ⵍⵄⵓⵏⴼ.
21 ⵡⴰⵔ ⵜⵜⴻⵊⵊⵉ ⵡⴻⵏⵏⵉ ⵉⵜⵜⵡⴰⵃⴻⵚⵚⴰⵔⴻⵏ ⴰⴷ ⴷⴷ-ⵉⵄⵇⴻⴱ ⵙ ⵓⵙⴻⴹⵃⵉ,
ⴻⵊⵊ ⵍⵎⴻⵙⴽⵉⵏ ⴷ ⵓⵎⴻⵥⵍⴰⴹ ⴰⴷ ⵚⴻⴱⴱⵃⴻⵏ ⵉⵙⴻⵎ ⵏⵏⴻⴽ.
22 ⴽⴽⴰⵔ ⴱⴻⴷⴷ, ⴰ ⴰⵔⴻⴱⴱⵉ, ⴱⴻⵍⵍⴻⵄ ⴷⴷⴻⵄⵡⴻⵜ ⵏⵏⴻⴽ,
ⵅⴻⵎⵎ ⵎⴰⵎⵎⴻⵛ ⵛⴻⴽ ⵉⵙⵙⴻⵃⵇⴰⵔⵔⴰⵏ ⵉⴱⵓⵀⴰⵍⵉⵢⵢⴻⵏ ⴰⵙⵙ ⵉⵎⵓⵏ.
23 ⵡⴰⵔ ⵜⵜᵉⵜⵜⵓ ⵛⴰ ⴰⵖⵓⵢⵢⵉ ⵏ ⵉⵖⵔⵉⵎⴻⵏ ⵏⵏⴻⴽ,
ⴰⵙⴱⵓⵄⴰⵔ ⵏ ⵢⵉⵏⵏⵉ ⵉ ⵅⴰⴽ ⵉⵖⴻⵡⵡⵖⴻⵏ
ⵉⵜⵜⴳⴻⵄⵄⴰⴷ ⵖⴰⵔ ⵓⵊⴻⵏⵏⴰ ⴱⵍⴰ ⴰⵇⴻⵟⵟⵓ.