70
1 ⵉ ⵓⵎⴻⵇⵇⵔⴰⵏ ⵏ ⵉⵎⴻⵖⵏⴰⵊⴻⵏ. ⵏ ⴷⴰⵡⵓⴷ. ⵉ ⵍⵉⴷⴰⵔⴻⵜ. 2 ⴰ ⴰⵔⴻⴱⴱⵉ, ⴷⴻⵖⵢⴰⵜ ⵃⵉⵎⴰ ⴰⴷ ⴰⵢⵉ ⵜⴻⵙⵙⵏⴻⵊⵎⴻⴷ,
ⴰ ⵙⵉⴷⵉ, ⵃⵉⵎⴰ ⴰⴷ ⴰⵢⵉ ⵜⵄⴰⵡⵏⴻⴷ. ■
3 ⴻⵊⵊ ⵉⵏⵏⵉ ⵢⴰⵔⴻⵥⵥⵓⵏ ⵍⴻⵄⵎⴰⵔ ⵉⵏⵓ
ⴰⴷ ⵜⵜⵡⴰⵅⴰⵔⴻⵡⴹⴻⵏ ⵓ ⴰⴷ ⵙⵙⵏⵓⴼⴼⴰⵔⴻⵏ ⵉⵅⴻⴼ ⵏⵙⴻⵏ,
ⴻⵊⵊ ⵉⵏⵏⵉ ⵢⴰⵔⴻⵟⵟⴰⵏ ⵅ ⵍⵖⴰⵔ ⵉ ⴷⴰⵢⵉ ⵉⵍⴻⵇⵇⴼⴻⵏ,
ⴰⴷ ⴷⴻⵡⵍⴻⵏ ⵖⴰⵔ ⴹⴻⴼⴼⴰⵔ ⵓ ⴰⴷ ⵜⵜⵡⴰⵙⴱⴻⵀⴷⵍⴻⵏ. ■
4 ⴻⵊⵊ ⵉ-ⵜⴻⵏ ⴰⴷ ⵟⵟⴼⴻⵏ ⵍⵎⵓⵏⴻⵜ ⵉ ⵉⵙⵙⴷⴰⵀⴻⴵⴻⵏ ⴰⵍⴰⵎⵉ ⵉ ⵖⴰ ⵜⵜⵡⴰⵙⴱⴻⵀⴷⵍⴻⵏ,
ⵉⵏⵏⵉ ⴷⵉⵏ ⵉⵇⵇⴰⵔⴻⵏ: “ⵀⴰ, ⵀⴰ!”
5 ⴻⵊⵊ ⵎⴰⵔⵔⴰ ⵉⵏⵏⵉ ⵅⴰⴽ ⵢⴰⵔⴻⵥⵥⵓⵏ, ⴰⴷ ⴰⵔⵛⵇⴻⵏ, ⴰⴷ ⴼⴰⵔⵃⴻⵏ ⴷⴰⵢⴻⴽ.
ⴻⵊⵊ ⵉⵏⵏⵉ ⵉⵜⵜⴻⵅⵙⴻⵏ ⴰⵙⴻⵏⵊⴻⵎ ⵏⵏⴻⴽ ⴰⴷ ⵉⵏⵉⵏ ⵍⴻⴱⴷⴰ:
“ⴰⵔⴻⴱⴱⵉ ⴷ ⴰⵎⴻⵇⵇⵔⴰⵏ!”
6 ⵏⴻⵛⵛ ⴷⵉ ⵍⴻⵖⴱⴻⵏ ⵓ ⵥⴻⵍⴹⴻⵖ, ⴰ ⴰⵔⴻⴱⴱⵉ, ⴷⴻⵖⵢⴰⵜ ⵖⴰⵔⵉ.
ⵛⴻⴽ ⴷ ⵜⵡⵉⵥⴰ ⵉⵏⵓ ⴷ ⴰⵎⵙⴻⵏⵊⴻⵎ ⵉⵏⵓ, ⴰ ⵙⵉⴷⵉ,
ⵡⴰⵔ ⵜⵜⵄⴻⵟⵟⴰⵍ ⵛⴰ!