1 ⵉ ⵓⵎⴻⵇⵇⵔⴰⵏ ⵏ ⵉⵎⴻⵖⵏⴰⵊⴻⵏ. ⴰⴽ-ⴷ ⵓⵥⴻⵏⵥⵓⵏ. ⴰⵥⴻⵀⵀⴻⴷ. ⵉⵥⵍⵉ.

2 ⴰⴷ ⵅⴰⵏⴻⵖ ⵉⵃⵉⵏⵏ ⴰⵔⴻⴱⴱⵉ.

ⵏⴻⵜⵜⴰ ⵉⵜⵜⴻⵊⵊⴰ ⵓⴷⴻⵎ ⵏⵏⴻⵙ ⴰⴷ ⵅⴰⵏⴻⵖ ⵉⵡⵛ ⵜⴰⴼⴰⵡⵜ. ⵙⵉⵍⴰⵀ. ^■  

3 ⵎⴰⵃⴻⵏⴷ ⴰⴷ ⵙⵙⵏⴻⵏ ⴰⴱⵔⵉⴷ ⵏⵏⴻⴽ ⵅ ⵜⴻⵎⵎⵓⵔⵜ,

ⴰⴷ ⵙⵙⵏⴻⵏ ⴰⵙⴻⵏⵊⴻⵎ ⵏⵏⴻⴽ ⵊⴰⵔ ⵎⴰⵔⵔⴰ ⵍⴻⴳⵏⵓⵙ.

4 ⵍⴻⴳⵏⵓⵙ ⴰⴷ ⵛⴻⴽ ⵇⴰⴷⴰⵏ, ⴰ ⴰⵔⴻⴱⴱⵉ,

ⵎⴰⵔⵔⴰ ⵍⴻⴳⵏⵓⵙ ⴰⴷ ⵛⴻⴽ ⵇⴰⴷⴰⵏ.

5 ⵍⴻⴳⵏⵓⵙ ⴰⴷ ⴼⴰⵔⵃⴻⵏ, ⴰⴷ ⵙⵍⵉⵡⴻⵍⵡⴻⵏ,

ⵎⴰⵖⴰⵔ ⵛⴻⴽ ⴰⴷ ⵜⵃⴻⴽⵎⴻⴷ ⵅ ⵍⴻⴳⵏⵓⵙ ⵏⵉⵛⴰⵏ,

ⵛⴻⴽ ⴰⴷ ⵜⴻⵙⵙⵓⵢⵓⵔⴻⴷ ⵛⵛⵓⵄⵓⴱ ⵅ ⵜⴻⵎⵎⵓⵔⵜ. ⵙⵉⵍⴰⵀ.

6 ⵍⴻⴳⵏⵓⵙ ⴰⴷ ⵛⴻⴽ ⵇⴰⴷⴰⵏ, ⴰ ⴰⵔⴻⴱⴱⵉ,

ⵎⴰⵔⵔⴰ ⵍⴻⴳⵏⵓⵙ ⴰⴷ ⵛⴻⴽ ⵇⴰⴷⴰⵏ.

7 ⵜⴰⵎⵎⵓⵔⵜ ⵜᵉⵜⵜⵉⵛ ⵍⵖⵉⴵⴻⵜ ⵏⵏⴻⵙ.

ⴰⵔⴻⴱⴱⵉ, ⴰⵔⴻⴱⴱⵉ ⵏⵏⴻⵖ, ⴰⴷ ⴰⵏⴻⵖ ⵉⴱⴰⵔⴻⴽ.

8 ⴰⵔⴻⴱⴱⵉ ⴰⴷ ⴰⵏⴻⵖ ⵉⴱⴰⵔⴻⴽ,

ⵓ ⵎⴰⵔⵔⴰ ⵜⵉⵏⴻⴳⴳⵓⵔⴰ ⵏ ⵜⴻⵎⵎⵓⵔⵜ ⴰⴷ ⵥⵥⴰⵢⴻⵙ ⴳⴳⵯⴻⴷⴻⵏⵜ.