64
1 ⵉ ⵓⵎⴻⵇⵇⵔⴰⵏ ⵏ ⵉⵎⴻⵖⵏⴰⵊⴻⵏ. ⴰⵥⴻⵀⵀⴻⴷ ⵏ ⴷⴰⵡⵓⴷ. 2 ⵙⴻⵍ, ⴰ ⴰⵔⴻⴱⴱⵉ, ⵉ ⵜⵎⵉⵊⵊⴰ ⵉⵏⵓ ⵅⵎⵉ ⵜⵜⵛⴻⵜⵛⵉⵖ,
ⵃⴹⴰ ⵜⵓⴷⴰⵔⵜ ⵉⵏⵓ ⵥⴻⴳ ⵓⵙⵉⴳⴳⵯⴻⴷ ⵏ ⵍⴻⵄⴷⵓ.
3 ⵙⴷⵓⵔⵔⵉ ⴰⵢⵉ ⵥⵉ ⵜⵎⴻⵄⵎⵓⵞ ⵏ ⵉⵄⴻⴼⴼⴰⵏⴻⵏ,
ⵥⵉ ⵍⵖⴰⵛⵉ ⵏ ⵢⵉⵏⵏⵉ ⵉⵜⵜⴻⴳⴳⴻⵏ ⵍⵎⵓⵄⵚⵉⵢⵢⴻⵜ,
4 ⵉⵏⵏⵉ ⵉⵙⵙⴻⵇⴹⴰⵄⴻⵏ ⵉⵍⴻⵙ ⵏⵙⴻⵏ ⴰⵎⴻⵛⵏⴰⵡ ⵙⵙⵉⴼ,
ⵇⴰⵔⵔⵚⴻⵏ ⴰⵡⴰⵍ ⵢⴰⵔⴻⵥⴳⴻⵏ ⴰⵎ ⴼⵍⵉⵜⵛⴰ ⵏ ⵍⵇⴻⵡⵙ ⵏⵙⴻⵏ,
5 ⵃⵉⵎⴰ ⴰⴷ ⵡⵜⴻⵏ ⵙ ⵍⵇⴻⵡⵙ ⵅ ⵡⴻⵏⵏⵉ ⵉⴽⴻⵎⵎⵍⴻⵏ ⵥⴻⴳ ⵉⵎⵓⵛⴰⵏ ⵉⵏⵓⴼⴼⴰⵔⴻⵏ.
ⴷⴻⵖⵢⴰ ⴰⴷ ⵅⴰⵙ ⵏⴻⵢⵢⵛⴻⵏ, ⵉⵡⴰ ⵡⴰⵔ ⴷⵉⵏ ⵎⵉⵏⵥⵉ ⵉ ⵖⴰ ⴳⴳⵯⴻⴷⴻⵏ.
6 ⵏⵉⵜⵏⵉ ⵃⴻⵥⵥⵎⴻⵏ ⵎⴰⵃⴻⵏⴷ ⴰⴷ ⴳⴳⴻⵏ ⵎⵉⵏ ⵡⴰⵔ ⵉⵃⵍⵉⵏ,
ⵙⵙⴰⵡⴰⵍⴻⵏ ⵙ ⵜⵏⵓⴼⴼⵔⴰ ⵎⴰⵃⴻⵏⴷ ⴰⴷ ⵏⴻⴷⵢⴻⵏ ⵍⴻⴼⵅⵓⵅ,
ⵇⵇⴰⵔⴻⵏ: “ⵡⵉ ⵜⴻⵏ ⵉ ⵖⴰ ⵉⵥⴰⵔⴻⵏ!”
7 ⵏⵉⵜⵏⵉ ⵜⵜⵅⴰⵔⵔⵚⴻⵏ ⴷⵉ ⵎⴰⵔⵔⴰ ⵎⵉⵏ ⵉⴵⴰⵏ ⴷ ⴰⵄⴻⴼⴼⴰⵏ: “ⴰⵇⴰ ⵏⴻⵡⵊⴻⴷ, ⵉⵛⵜ ⵏ ⵜⵎⴻⵄⵎⵓⵞ ⵏ ⵜⴻⵃⵔⴰⵢⵎⴻⵛⵜ!”
ⴰⵇⴰ ⵎⵉⵏ ⵉⴵⴰⵏ ⴷⴰⵅⴻⵍ ⴷⴻⴳ ⵡⴻⵔⵢⴰⵥ ⵓ ⴷⴻⴳ ⵡⵓⵍ ⵏⵏⴻⵙ ⴰⵇⴰ ⵢⵓⴵⴻⵖ.
8 ⴰⵔⴻⴱⴱⵉ ⴰⴷ ⵜⴻⵏ ⵉⵡⵡⴻⵜ ⵙ ⴼⵍⵉⵜⵛⴰ ⵏ ⵍⵇⴻⵡⵙ,
ⴷⴻⵖⵢⴰ ⴰⴷ ⴱⴰⵏⴻⵏ ⵊⵊⵔⴰⵢⴻⵃ ⵏⵙⴻⵏ.
9 ⵉⵍⴻⵙ ⵏⵙⴻⵏ ⴰⴷ ⵜⴻⵏ ⵢⴰⵔⵔ ⴰⴷ ⵏⵇⴰⵔⴹⴻⵏ ⴷⴻⴳ ⵉⵅⴻⴼ ⵏⵙⴻⵏ,
ⴽⵓⵍ ⵉⵊⵊ, ⵥⴻⴳ ⵉⵏⵏⵉ ⵜⴻⵏ ⵉⵜⵜⵡⴰⵍⴰⵏ, ⴰⴷ ⵢⴰⵔⵡⴻⵍ.
10 ⵅⴻⵏⵏⵉ ⴰⴷ ⴳⴳⵯⴻⴷⴻⵏ ⵎⴰⵔⵔⴰ ⵉⵡⴷⴰⵏ ⵓⵛⴰ ⴰⴷ ⴱⴰⵔⵔⵃⴻⵏ ⵜⵉⵎⴻⴳⴳⴰ ⵏ ⴰⵔⴻⴱⴱⵉ,
ⵓⵛⴰ ⴰⴷ ⵅⵥⴰⵔⴻⵏ ⵎⵍⵉⵃ ⴷⵉ ⵎⵉⵏ ⴷⴷ ⵉⵜⵜⴻⴳⴳ.
11 ⴰⵎⵙⴻⴳⴳⴻⴷ ⴰⴷ ⵉⴼⴰⵔⵃ ⵙ ⵙⵉⴷⵉ ⵓ ⴰⴷ ⵅⴰⵙ ⵉⵜⵛⴻⵍ,
ⵎⴰⵔⵔⴰ ⵉⵏⵏⵉ ⵓⵎⵉ ⵉⵙⴻⴳⴳⴻⴷ ⵡⵓⵍ ⴰⴷ ⴼⴰⵔⵃⴻⵏ.