58
1 ⵉ ⵓⵎⴻⵇⵇⵔⴰⵏ ⵏ ⵉⵎⴻⵖⵏⴰⵊⴻⵏ. ‘ⵡⴰⵔ ⵜ ⵜⵜⴰⵔⴻⴷⴷⴻⴵ!’ ⵏ ⴷⴰⵡⵓⴷ. ⵜⵉⵔⴰ ⵉⵏⴻⵇⵛⴻⵏ.
2 ⵎⴰ ⵜⴻⵙⵙⴰⵡⴰⵍⴻⵎ ⵙ ⵜⵉⴷⴻⵜⵜ ⵜⴰⵙⴻⴳⴷⴰ ⴷⴻⴳ ⵓⵙⴻⵖⴷⵉ?
ⵎⴰ ⵜⵃⴻⴽⴽⵎⴻⵎ ⵜⴰⵔⵡⴰ ⵏ ⴱⵏⴰⴷⴻⵎ ⵙ ⵍⵃⴻⵇⵇ?
3 ⵍⵍⴰ, ⵎⴰⵛⴰ ⴷⴻⴳ ⵡⵓⵍ ⵏⵡⴻⵎ ⵜᵉⵜⵜⴻⴳⴳⴻⵎ ⵍⵖⴻⵛⵛ,
ⵅ ⵜⴻⵎⵎⵓⵔⵜ ⵜⵡⴻⵥⵥⵏⴻⵎ ⵍⵄⵓⵏⴼ ⵏ ⵉⴼⴰⵙⵙⴻⵏ ⵏⵡⴻⵎ.
4 ⵣⴻⴳ ⵡⴰⵎⵉ ⴵⴰⵏ ⴷⵉ ⵍⴻⵎⵍⴰⵡⴻⵜ ⴼⴼⵖⴻⵏ ⵉⵄⴻⴼⴼⴰⵏⴻⵏ ⵥⴻⴳ ⵡⴻⴱⵔⵉⴷ,
ⵥⴻⴳ ⵓⵄⴻⴷⴷⵉⵙ ⵏ ⵢⴻⵎⵎⴰⵜⵙⴻⵏ ⵡⴻⴷⴷⴰⵔⴻⵏ ⴰⵢⵜ ⵏ ⴱⵓ-ⵉⵅⴰⵔⵔⵉⵇⴻⵏ.
5 ⴰⵇⴰ ⴷⴰⵢⵙⴻⵏ ⵙⵙⴻⵎ ⴰⵎ ⵙⴻⵎⵎ ⵏ ⵓⴼⵉⵖⴰⵔ.
ⵏⵉⵜⵏⵉ ⴰⵎⴻⵛⵏⴰⵡ ⵉⵛⵜ ⵏ ⵜⵍⴻⴼⵙⴰ ⵜⴰⴷⴻⵀⵛⵓⵔⵜ ⵜⴻⵏⵏⵉ ⵉⵇⵇⵏⴻⵏ ⴰⵎⴻⵥⵥⵓⵖ ⵏⵏⴻⵙ, ■
6 ⵜⴻⵏⵏⵉ ⵡⴰⵔ ⵉⵜⵜⴻⵙⵍⵉⵏ ⵖⴰⵔ ⵜⵎⵉⵊⵊⴰ ⵏ ⵉⵄⴻⵥⵥⴰⵎⴻⵏ,
ⵓⵍⴰ ⵖⴰⵔ ⵜⵎⵉⵊⵊⴰ ⵏ ⵓⵙⴻⵃⵃⴰⵔ ⵏⵏⵉ ⵉⵜⵜⵃⴰⴽⴰⵏ ⴰⵟⵟⴰⵙ ⴷⵉ ⵜⵙⴻⵃⵃⴰⵔⵜ.
7 ⴰ ⴰⵔⴻⴱⴱⵉ, ⴰⵔⵥ ⴰⵙⴻⵏ ⵜⵉⵖⵎⴰⵙ ⴷⴻⴳ ⵓⵇⴻⵎⵎⵓⵎ ⵏⵙⴻⵏ,
ⴰⵔⵥ ⵜⵉⵖⵎⴰⵙ ⵏ ⵜⴻⵖⵎⴰⵔⵜ ⵏ ⵉⵢⵔⴰⴷⴻⵏ ⵉⵎⴻⵥⵢⴰⵏⴻⵏ, ⴰ ⵙⵉⴷⵉ!
8 ⴻⵊⵊ ⵉ-ⵜⴻⵏ ⴰⴷ ⴼⴻⵙⵢⴻⵏ, ⴰⵍⴰⵎⵉ ⴰⴷ ⴼⴼⵖⴻⵏ ⴰⵎ ⵡⴰⵎⴰⵏ.
ⵎⴰⵍⴰ ⵉⵎⴻⵃⵃⴻⴹ ⵍⵇⴻⵡⵙ ⵙ ⴼⵍⵉⵜⵛⴰⵜ ⵏⵏⴻⵙ, ⴻⵊⵊ ⵉ-ⵜⴻⵏ ⵡⴰⵔ ⵇⴹⵉⵄⴻⵏ.
9 ⴻⵊⵊ ⵉ-ⵜ ⴰⴷ ⵉⴼⵏⴰ ⴰⵎ ⵓⴱⵓⵛⵛⴻⵍ ⵉⵔⵉⵥⵥⴻⵏ.
ⴻⵊⵊ ⵉ-ⵜⴻⵏ ⵡⴰⵔ ⵥⴰⵔⵔⴻⵏ ⵜⴼⵓⵛⵜ, ⴰⵎⴻⵛⵏⴰⵡ ⵡⴻⵟⵟⵓ ⵏ ⵓⵄⴻⴷⴷⵉⵙ ⵏ ⵜⵎⴻⵟⵟⵓⵜ. □
10 ⵇⴱⴻⵍ ⵉ ⵖⴰ ⴰⵛⴰⵏⵜ ⵎⴰⵔⵎⵉⵜⴰⵜ ⵏⵡⴻⵎ ⴰⴽ-ⴷ ⵍⴻⵃⵎⵓ ⵏ ⵛⴱⴰⵔⵇ ⴰⴽ-ⴷ ⵉⵙⴻⵏⵏⴰⵏⴻⵏ,
ⴰⴷ ⴷⴰⵢⴻⵙ ⵉⵚⵓⴹ ⴰⵍⴰⵎⵉ ⴰⴷ ⵢⴰⵥⵥⴻⵍ ⵅ ⵡⴻⵢⵙⵓⵎ ⴷ ⴰⵥⵉⵥⴰ ⵏⵉⵖ ⵅ ⵡⴻⵢⵙⵓⵎ ⵉⵜⵜⴻⵃⴷⵓⴷⵓⵇⴻⵏ.
11 ⴰⵎⵙⴻⴳⴳⴻⴷ ⴰⴷ ⵉⴼⴰⵔⵃ ⵅⵎⵉ ⵉ ⵖⴰ ⵉⵥⴰⵔ ⴰⵏⵜⴰⵇⴻⵎ.
ⵏⴻⵜⵜⴰ ⴰⴷ ⵉⵙⵙⵉⵔⴷ ⵉⴹⴰⵔⴻⵏ ⵏⵏⴻⵙ ⴷⴻⴳ ⵉⴷⴰⵎⵎⴻⵏ ⵏ ⵉⵄⴻⴼⴼⴰⵏⴻⵏ.
12 ⴰⴷ ⵢⵉⵏⵉ ⴱⵏⴰⴷⴻⵎ: “ⵅⴻⵏⵏⵉ ⴰⵇⴰ ⴷⵉⵏ ⵍⵖⵉⴵⴻⵜ ⵉ ⵓⵎⵙⴻⴳⴳⴻⴷ,
ⴰⵇⴰ ⴷⵉⵏ ⵉⵊⵊ ⵏ ⴰⵔⴻⴱⴱⵉ ⵏⵏⵉ ⵉⵃⴻⴽⴽⵎⴻⵏ ⴷⵉ ⵜⴻⵎⵎⵓⵔⵜ.”