1 ⵉ ⵓⵎⴻⵇⵇⵔⴰⵏ ⵏ ⵉⵎⴻⵖⵏⴰⵊⴻⵏ. ‘ⵡⴰⵔ ⵜ ⵜⵜⴰⵔⴻⴷⴷⴻⴵ!’ ⵏ ⴷⴰⵡⵓⴷ.

ⵜⵉⵔⴰ ⵉⵏⴻⵇⵛⴻⵏ. ⵓⵎⵉ ⵢⴰⵔⵡⴻⵍ ⵥⵉ ⵛⴰⵡⵓⵍ ⴷⴻⴳ ⵉⴼⵔⵉ. ^■  

2 ⵃⵉⵏⵏ ⵅⴰⴼⵉ, ⴰ ⴰⵔⴻⴱⴱⵉ, ⵃⵉⵏⵏ ⵅⴰⴼⵉ, ⵎⴰⵖⴰⵔ ⵍⴻⵄⵎⴰⵔ ⵉⵏⵓ ⵢⴰⵔⵡⴻⵍ-ⴷⴷ ⵖⴰⵔⴻⴽ.

ⵏⴻⵛⵛ ⴰⵔⴻⵡⵍⴻⵖ ⴷⵉ ⵜⵉⵍⵉ ⵏ ⵡⴰⴼⵔⵉⵡⴻⵏ ⵏⵏⴻⴽ, ⵖⴰⵔⴻⵙ ⴰⵍ ⵖⴰ ⵄⴷⵓⵏⵜ ⵍⵎⵓⵚⵉⴱⴰⵜ.

3 ⵏⴻⵛⵛ ⴰⴷ ⵍⴰⵖⵉⵖ ⵖⴰⵔ ⴰⵔⴻⴱⴱⵉ, ⴰⵎⵄⵓⴵⵉ ⵅ ⴽⵓⵍⵛⵉ,

ⵖⴰⵔ ⴰⵔⴻⴱⴱⵉ ⵡⴻⵏⵏⵉ ⴷ ⴰⵢⵉ ⵖⴰ ⵉⵏⴻⴷⵀⴻⵏ ⵖⴰⵔ ⵓⵏⴻⴳⴳⴰⵔ ⵉⵚⴻⴱⵃⴻⵏ.

4 ⵏⴻⵜⵜⴰ ⴰⴷ ⴷⴷ-ⵉⵙⵙⴻⴽⴽ ⴰⵙⴻⵏⵊⴻⵎ ⵉⵏⵓ ⵥⴻⴳ ⵓⵊⴻⵏⵏⴰ,

ⴰⴷ ⵉⵙⵙⴱⴻⵀⴷⴻⵍ ⵡⴻⵏⵏⵉ ⴷ ⴰⵢⵉ ⴷⴷ-ⵉⴹⴻⴼⴼⴰⵔⴻⵏ. ⵙⵉⵍⴰⵀ.

ⴰⵔⴻⴱⴱⵉ ⴰⴷ ⵉⵙⵙⴻⴽⴽ ⵜⴰⵎⴻⵅⵙⵉⵡⵜ ⵏⵏⴻⵙ ⵉⵛⴻⵡⵡⴰⵔⴻⵏ ⴷ ⵍⴰⵎⴰⵏ ⵏⵏⴻⵙ.

5 ⵍⴻⵄⵎⴰⵔ ⵉⵏⵓ ⴰⵇⴰ-ⵜ ⵊⴰⵔ ⵉⵢⵔⴰⴷⴻⵏ,

ⵥⵥⵍⴻⵖ ⵊⴰⵔ ⵜⴰⵔⵡⴰ ⵏ ⴱⵏⴰⴷⴻⵎ, ⵉⵏⵏⵉ ⵉⴵⴰⵏ ⴰⵎ ⵉⵚⴻⴼⴹⴰⵡⴻⵏ ⵢⴰⵔⴻⵇⵇⴻⵏ.

ⵜⵉⵖⵎⴰⵙ ⵏⵙⴻⵏ ⴰⵎ ⵍⴰⵏⵙⴰⵜ ⴷ ⴼⵍⵉⵜⵛⴰⵜ ⵏ ⵍⵇⴻⵡⵙ,

ⵉⵍⴻⵙ ⵏⵙⴻⵏ ⴰⵎ ⵉⵊⵊ ⵏ ⵙⵙⵉⴼ ⵉⵇⴹⴻⵄ.

6 ⴰ ⴰⵔⴻⴱⴱⵉ, ⵙⴳⴻⵄⵄⴻⴷ ⵉⵅⴻⴼ ⵏⵏⴻⴽ ⵜⵉⵡⴰ ⵉ ⵉⵊⴻⵏⵡⴰⵏ,

ⴰⵔⵔ ⴰⵄⵓⴵⵉ ⵏⵏⴻⴽ ⵙⴻⵏⵏⴻⵊ ⵉ ⵎⴰⵔⵔⴰ ⵜⴰⵎⵎⵓⵔⵜ, ^■  

7 ⵏⵉⵜⵏⵉ ⴳⴳⵉⵏ ⵜⵔⴰⵛⵛⴰ ⵉ ⵉⵚⵓⵔⴰⴼ ⵉⵏⵓ,

ⵍⴻⵄⵎⴰⵔ ⵉⵏⵓ ⵜⵓⵖⴰ ⵉⵖⵏⴻⵙ.

ⵏⵉⵜⵏⵉ ⵖⵥⵉⵏ ⴰⵢⵉ ⴰⵃⴼⵓⵔ,

ⵎⴰⵛⴰ ⵡⴹⴰⵏ ⴷⴰⵢⴻⵙ ⵙⵉⵎⴰⵏⵜ ⵏⵙⴻⵏ. ⵙⵉⵍⴰⵀ. ^■  

8 ⴰ ⴰⵔⴻⴱⴱⵉ, ⵓⵍ ⵉⵏⵓ ⵢⴰⵔⴻⴽⴽⴻⵏ, ⵓⵍ ⵉⵏⵓ ⵢⴰⵔⴻⴽⴽⴻⵏ.

ⴰⵇⴰ ⵏⴻⵛⵛ ⴰⴷ ⵖⴻⵏⵏⵊⴻⵖ ⴰⴷ ⵥⴻⵀⵀⴷⴻⵖ. ^■  

9 ⴼⴰⵇ, ⴰⵄⵓⴵⵉ ⵉⵏⵓ! ⴼⴰⵇ, ⵍⵀⴰⵔⴱⴰ ⴷ ⵍⴳⴰⵎⴱⵔⵉ!

ⵏⴻⵛⵛ ⵜⵜⴻⵅⵙⴻⵖ ⴰⴷ ⵙⵙⴼⴰⵇⴻⵖ ⵜⴰⴼⴰⵡⵜ ⵏ ⵍⴻⴼⵊⴰⵔ.

10 ⵏⴻⵛⵛ ⴰⴷ ⵛⴻⴽ ⵇⴰⴷⵉⵖ ⵊⴰⵔ ⵍⴻⴳⵏⵓⵙ, ⴰ ⵙⵉⴷⵉ ⵉⵏⵓ,

ⴰⴷ ⵥⴻⵀⵀⴷⴻⵖ ⵊⴰⵔ ⵛⵛⵓⵄⵓⴱ ⵉ ⵛⴻⴽ. ^■  

11 ⵎⴰⵖⴰⵔ ⵜⴰⵎⴻⵅⵙⵉⵡⵜ ⵏⵏⴻⴽ ⵉⵛⴻⵡⵡⴰⵔⴻⵏ ⵜᵉⵜⵜⴰⴽⴽⵡⴰⴹ ⴰⵍ ⵉⵊⴻⵏⵡⴰⵏ,

ⵍⴰⵎⴰⵏ ⵏⵏⴻⴽ ⴰⵍ ⵉⵙⴻⵢⵏⵓⵜⴻⵏ. ^■  

12 ⴰ ⴰⵔⴻⴱⴱⵉ, ⵙⴳⴻⵄⵄⴻⴷ ⵉⵅⴻⴼ ⵏⵏⴻⴽ ⵜⵉⵡⴰ ⵉ ⵉⵊⴻⵏⵡⴰⵏ,

ⴰⵔⵔ ⴰⵄⵓⴵⵉ ⵏⵏⴻⴽ ⵙⴻⵏⵏⴻⵊ ⵉ ⵎⴰⵔⵔⴰ ⵜⴰⵎⵎⵓⵔⵜ.