55
1 ⵉ ⵓⵎⴻⵇⵇⵔⴰⵏ ⵏ ⵉⵎⴻⵖⵏⴰⵊⴻⵏ. ⴰⴽ-ⴷ ⵓⵥⴻⵏⵥⵓⵏ. ⴰⵅⴻⵎⵎⵉ ⵏ ⴷⴰⵡⵓⴷ.
2 ⴰ ⴰⵔⴻⴱⴱⵉ, ⵙⴻⵍ ⵉ ⵜⵥⴰⴵⵉⵜ ⵉⵏⵓ,
ⵡⴰⵔ ⵙⵙⵏⵓⴼⴼⴰⵔⴰ ⵛⴰ ⵉⵅⴻⴼ ⵏⵏⴻⴽ ⵥⵥⴰⵜ ⵉ ⵓⵥⴰⵡⴻⴳ ⵉⵏⵓ.
3 ⵃⴹⴰ ⴰⵢⵉ ⵓ ⴰⵔⵔ-ⴷⴷ ⵅⴰⴼⵉ.
ⵏⴻⵛⵛ ⵜⵜⵔⴰⵃⴻⵖ ⵜⵜⴰⵙⴻⵖ-ⴷⴷ ⵖⴰⵔ ⵥⵥⴰⵜ ⴷ ⴹⴻⴼⴼⴰⵔ ⴰⵎ ⵜⵜⵛⴻⵜⵛⵉⵖ ⵓ ⵙⵙⵖⵓⵏⴼⵉⵖ.
4 ⵣⵉ ⵙⵙⵉⴱⴱⴻⵜ ⵏ ⵍⵃⴻⵙⵙ ⵏ ⵍⴻⵄⴷⵓ, ⵥⴻⴳ ⵓⵀⵓⴷⴷⵉ ⵏ ⵉⵄⴻⴼⴼⴰⵏⴻⵏ,
ⵎⴰⵖⴰⵔ ⵏⵉⵜⵏⵉ ⵀⴻⵊⵎⴻⵏ-ⴷⴷ ⵅⴰⴼⵉ ⵙ ⵍⵎⵓⵄⵚⵉⵢⵢⴻⵜ
ⵓ ⴹⴻⴼⴼⴰⵔⴻⵏ ⴰⵢⵉ ⵙ ⵓⵅⴻⵢⵢⴻⵇ.
5 ⵓⵍ ⵉⵏⵓ ⵉⵜⵜⴻⵇⵇⴻⵙ ⴰⵢⵉ ⴷⴰⵅⴻⵍ,
ⵉⵏⴻⵅⵍⵉⵄⴻⵏ ⵏ ⵍⵎⴻⵡⵜ ⵡⴹⴰⵏ-ⴷⴷ ⵅⴰⴼⵉ.
6 ⵜⵉⴳⴳⵯⵓⴷⵉ ⴷ ⵜⴰⵔⵊⵉⵊⵉⵜ ⵟⵟⴼⴻⵏⵜ ⴰⵢⵉ,
ⵓⵍⴰ ⴷ ⴰⵔⵊⴻⴼ ⵉⵃⵚⴰⵔ ⴰⵢⵉ.
7 ⵏⴻⵛⵛ ⵏⵏⵉⵖ: “ⵎⵍⵉ ⴷ ⴰⵢⵉ ⵡⵛⵉⵏ ⴰⴼⵔⵉⵡⴻⵏ ⴰⵎ ⵜⴻⴷⴱⵉⵔⵜ,
ⵅⴻⵏⵏⵉ ⵉⵍⵉ ⴹⵡⵉⵖ, ⴰⴷ ⵥⴻⴷⵖⴻⵖ ⴷⵉ ⵛⴰ ⵏ ⵡⴻⵎⵛⴰⵏ.”
8 ⵅⵥⴰⵔ, ⴰⴷ ⴰⵔⴻⵡⵍⴻⵖ ⵖⴰⵔ ⵍⴰⴳⴳⵯⴰⵊ ⵇⴰⵄ,
ⴰⴷ ⵙⵙⴻⵏⵙⴻⵖ ⴷⵉ ⵍⴻⵅⵍⴰ. ⵙⵉⵍⴰⵀ.
9 ⴰⴷ ⴷⴻⵖⵢⴻⵖ ⵃⵉⵎⴰ ⴰⴷ ⵜⵜⵡⴰⴼⴻⴽⴽⴻⵖ ⵥⴻⴳ ⵓⵙⴻⵎⵎⵉⴹ, ⵥⵉ ⵜⵃⴰⵔⵢⴰⴹⵜ.
10 ⵚⴰⵔⴹ ⵉ-ⵜⴻⵏ, ⴰ ⵙⵉⴷⵉ ⵉⵏⵓ, ⵙⴻⴱⴹⴰ ⵉⵍⴻⵙ ⵏⵙⴻⵏ,
ⵎⵉⵏⵥⵉ ⵜⵜⵡⴰⵍⵉⵖ ⵍⵄⵓⵏⴼ ⴷ ⵓⵎⴻⵏⵖⵉ ⴷⵉ ⵜⴻⵏⴷⵉⵏⵜ.
11 ⴰⵙⵙ ⴷ ⴵⵉⵍⴻⵜ ⴳⴳⵓⵔⴻⵏ ⴷⴻⴳ ⵡⴻⵏⵏⴻⴹ ⵏⵏⴻⵙ ⵅ ⵍⴻⵃⵢⵓⴹ,
ⵓ ⵖⴰⵔ ⴷⴰⵅⴻⵍ ⵏⵏⴻⵙ ⴰⵇⴰ ⴷⵉⵏ ⵍⴻⵖⴱⴻⵏ ⴷ ⵜⴰⵎⴰⵔⴰ.
12 ⵍⵖⴰⵔ ⴰⵇⴰ-ⵜ ⴷⴰⵅⴻⵍ ⵏⵏⴻⵙ,
ⴰⵥⵥⴰⵢ ⵏⵏⴻⵙ ⵡⴰⵔ ⵥⵥⴰⵢⴻⵙ ⵉⵜⵜⵃⴻⵢⵢⵉⴷ ⵛⴰ ⴷⴷⴻⴵ ⴷ ⵡⴻⵛⵎⴰⵜ.
13 ⵎⴰⵖⴰⵔ ⵡⴰⵔ ⵉⴵⵉ ⴷ ⵍⴻⵄⴷⵓ ⵡⴻⵏⵏⵉ ⴷ ⴰⵢⵉ ⵉⵙⵙⴻⵃⵇⴰⵔⴰⵏ,
ⵎⵉⵏⵥⵉ ⴰⵢⴰ ⵥⴻⵎⵎⴰⵔⴻⵖ ⴰⴷ ⵜ ⴽⵙⵉⵖ.
ⵡⴰⵔ ⵉⴵⵉ ⵓⵍⴰ ⴷ ⵡⴻⵏⵏⵉ ⴷ ⴰⵢⵉ ⵉⵛⴰⵔⵔⵀⴻⵏ ⴷ ⵡⴻⵏⵏⵉ ⵉⵙⵙⴻⵎⵖⴰⵔⴻⵏ ⵉⵅⴻⴼ ⵏⵏⴻⵙ ⵙ ⵡⴰⵡⴰⵍ ⵅⴰⴼⵉ,
ⵎⵉⵏⵥⵉ ⵥⵥⴰⵢⴻⵙ ⵥⴻⵎⵎⴰⵔⴻⵖ ⴰⴷ ⵏⵏⵓⴼⴼⴰⵔⴻⵖ!
14 ⵎⴰⵛⴰ ⴰⵇⴰ ⴷ ⵛⴻⴽ, ⴰ ⴱⵏⴰⴷⴻⵎ, ⵛⴻⴽ ⴷ ⴰⵇⵔⵉⵏ ⵉⵏⵓ,
ⴰⵎⴻⴷⴷⵓⴽⴽⴻⵍ ⵉⵏⵓ ⴷ ⵓⵎⵇⴰⵔⵔⴻⴱ ⵉⵏⵓ!
15 ⵏⴻⵛⵛⵉⵏ, ⵉⵏⵏⵉ ⵉⴳⴳⵓⵔⴻⵏ ⴰⴽ-ⴷ ⵡⴰⵢⴰⵡⵢⴰ ⴷⵉ ⵜⵜⵉⵇⵇⴻⵜ,
ⵏⴻⴳⴳⵓⵔ ⵖⴰⵔ ⵜⴰⴷⴷⴰⵔⵜ ⵏ ⴰⵔⴻⴱⴱⵉ ⴷⴻⴳ ⵓⵀⵉⵎⵓⵔ.
16 ⴰⴷ ⵅⴰⵙⴻⵏ ⵜⴻⵡⴹⴰ ⵍⵎⴻⵡⵜ ⴰⵍⴰⵎⵉ ⴷⴷ-ⵀⵡⴰⵏ ⴰⵎ ⴷⴷⴰⵔⴻⵏ ⴷⵉ ⵍⴰⵅⴰⵔⵜ,
ⵎⴰⵖⴰⵔ ⴰⵇⴰ ⴷⵉⵏ ⵍⵖⴰⵔ ⴷⵉ ⵜⵓⴷⵔⵉⵏ ⵏⵙⴻⵏ, ⴷⴻⴳ ⵡⵓⵍⴰⵡⴻⵏ ⵏⵙⴻⵏ. □
17 ⵏⴻⵛⵛ, ⵡⴰⵀ ⵏⴻⵛⵛ ⴰⴷ ⵍⴰⵖⵉⵖ ⵅ ⴰⵔⴻⴱⴱⵉ,
ⵙⵉⴷⵉ ⴰⴷ ⴰⵢⵉ ⵉⵙⵙⴻⵏⵊⴻⵎ.
18 ⵖⴰⵔ ⵜⵎⴻⴷⴷⵉⵜ ⵓ ⵖⴰⵔ ⵜⵓⴼⴼⵓⵜ ⵓ ⵙ ⵓⵥⵉⵍ ⴰⴷ ⵛⴻⵜⵛⵉⵖ, ⴰⴷ ⵙⵙⵖⵓⵏⴼⴻⵖ,
ⵓ ⵏⴻⵜⵜⴰ ⴰⴷ ⵉⵙⴻⵍ ⵉ ⵜⵎⵉⵊⵊⴰ ⵉⵏⵓ.
19 ⵏⴻⵜⵜⴰ ⵉⴼⴷⵉ ⵍⴻⵄⵎⴰⵔ ⵉⵏⵓ ⴷⵉ ⵍⴻⵀⵏⴰ ⵥⴻⴳ ⵉⵏⵏⵉ ⵅⴰⴼⵉ ⵉⵀⴻⵊⵎⴻⵏ,
ⵎⵉⵏⵥⵉ ⵜⵓⵖⴰ ⴰⵜⴻⵏ ⴷⴻⴳ ⵡⴰⵟⵟⴰⵙ ⴹⵉⴷⴷ ⵉⵏⵓ. □
20 ⴰⵔⴻⴱⴱⵉ ⴰⴷ ⵉⵙⴻⵍ, ⴰⴷ ⵜⴻⵏ ⴷⴷ-ⵉⵙⵙⴻⵀⵡⴰ.
ⵏⴻⵜⵜⴰ ⵉⵜⵜⵖⵉⵎⴰ ⵥⴻⴳ ⵡⴻⵛⵃⴰⵍ ⵓⵢⴰ. ⵙⵉⵍⴰⵀ.
ⴰⵇⴰ ⵏⵉⵜⵏⵉ ⵡⴰⵔ ⵜⵜⴱⴻⴷⴷⵉⵍⴻⵏ,
ⵡⴰⵔ ⵜⵜⴻⴳⴳⵯⴻⴷⴻⵏ ⵛⴰ ⴰⵔⴻⴱⴱⵉ.
21 ⵏⴻⵜⵜⴰ ⵉⵏⴻⵟⵟⴰⵔ ⴰⴼⵓⵙ ⴷⴻⴳ ⵉⵏⵏⵉ ⴰⴽ-ⴷ ⵡⵉ ⵉⴳⴳⴰ ⵍⴻⵀⵏⴰ,
ⵏⴻⵜⵜⴰ ⵉⵙⵙⴰⵔⵓⵚⵚⵓⴹ ⵍⵄⴰⵀⴷ ⵏⵏⴻⵙ.
22 ⴰⵇⴻⵎⵎⵓⵎ ⵏⵏⴻⵙ ⵢⴰⵔⴹⴻⴱ ⵃⵙⴻⵏ ⵥⵉ ⵜⵔⵓⵙⵙⵉ,
ⵎⴰⵛⴰ ⴷⴻⴳ ⵡⵓⵍ ⵏⵏⴻⵙ ⵉⵜⵜⵓⵔⵊⴰ ⴰⵎⴻⵏⵖⵉ.
ⴰⵡⴰⵍⴻⵏ ⵏⵏⴻⵙ ⴷ ⵉⵍⴻⵇⵇⴰⵖⴻⵏ ⵅ ⵥⵥⴻⵛⵜ,
ⵎⴰⵛⴰ ⴰⵇⴰ ⴰⵜⴻⵏ ⴰⵎ ⵍⴻⵙⵢⵓⴼ ⵜⵜⵡⴰⵊⴻⴱⴷⴻⵏ.
23 ⵏⴹⴰⵔ ⴰⵎⵏⵓⵙ ⵏⵏⴻⴽ ⵅ ⵙⵉⴷⵉ ⵓ ⵏⴻⵜⵜⴰ ⴰⴷ ⴷⴰⵢⴻⴽ ⵉⵜⵜⵀⵉⵍⵍⴰ.
ⵄⴻⵎⵎⴰⵔⵚ ⵡⴰⵔ ⵉⵜⵜⴻⵊⵊⵉ ⴰⵎⵙⴻⴳⴳⴻⴷ ⴰⴷ ⵉⴼⴰⵔⵖ.
24 ⵛⴻⴽ ⵎⴰⵛⴰ, ⴰ ⴰⵔⴻⴱⴱⵉ, ⴰⴷ ⵜⴻⵏ ⵜⴻⵙⵙⴻⵀⵡⵉⴷ ⴷⴻⴳ ⵡⴰⵏⵓ ⵏ ⵓⵀⴻⵍⵍⴻⴽ.
ⵉⵔⵢⴰⵥⴻⵏ ⵏ ⵉⴷⴰⵎⵎⴻⵏ ⴷ ⵍⵖⴻⵛⵛ ⵡⴰⵔ ⵜⵜⴽⴻⵎⵎⵍⴻⵏ ⴰⵥⵢⴻⵏ ⵏ ⵡⵓⵙⵙⴰⵏ ⵏⵙⴻⵏ.
ⵎⴰⵛⴰ ⵏⴻⵛⵛ ⵜⵜⴻⵛⵍⴻⵖ ⵅⴰⴽ.