54
1 ⵉ ⵓⵎⴻⵇⵇⵔⴰⵏ ⵏ ⵉⵎⴻⵖⵏⴰⵊⴻⵏ. ⴰⴽ-ⴷ ⵓⵥⴻⵏⵥⵓⵏ. ⴰⵅⴻⵎⵎⵉ ⵏ ⴷⴰⵡⵓⴷ. 2 ⵍⴰⵎⵉ ⴷⴷ-ⵓⵙⵉⵏ ⵉⵥⵉⴼⴼⵉⵢⵢⴻⵏ, ⵏⵏⴰⵏ ⴰⵙ ⵉ ⵛⴰⵡⵓⵍ:
“ⵎⴰ ⵡⴰⵔ ⵉⵙⵙⵏⵓⴼⴼⴰⵔ ⴷⴰⵡⵓⴷ ⵉⵅⴻⴼ ⵏⵏⴻⵙ ⵖⴰⵔⵏⴻⵖ?” ■
3 ⵙⴻⵏⵊⴻⵎ ⴰⵢⵉ, ⴰ ⴰⵔⴻⴱⴱⵉ, ⵙ ⵢⵉⵙⴻⵎ ⵏⵏⴻⴽ,
ⴰⵖ ⴰⵢⵉ ⵜⴰⵙⵖⴰⵔⵜ ⵙ ⵜⵥⴻⵎⵎⴰⵔ ⵏⵏⴻⴽ ⵉⵊⴻⵀⴷⴻⵏ.
4 ⴰ ⴰⵔⴻⴱⴱⵉ, ⵙⴻⵍ ⵉ ⵜⵥⴰⴵⵉⵜ ⵉⵏⵓ,
ⵙⵃⴻⵙⵙ ⵉ ⵡⴰⵡⴰⵍⴻⵏ ⵏ ⵓⵇⴻⵎⵎⵓⵎ ⵉⵏⵓ.
5 ⵎⴰⵖⴰⵔ ⵉⴱⴰⵔⵔⴰⵏⵉⵢⵢⴻⵏ ⴽⴽⴰⵔⴻⵏ ⴰⴽⵉⴷⵉ,
ⴰⵢⵜ ⵏ ⴱⵓ-ⵍⴻⵅⵛⵓⵏⴻⵜ ⴰⵔⴻⵥⵥⵓⵏ ⴰⴷ ⴰⵢⵉ ⵏⵖⴻⵏ.
ⵡⴰⵔ ⵜⵜⴻⴳⴳⴻⵏ ⵛⴰ ⴰⵔⴻⴱⴱⵉ ⵥⵥⴰⵜ ⵉ ⵜⵉⵟⵟⴰⵡⵉⵏ ⵏⵙⴻⵏ. ⵙⵉⵍⴰⵀ. □
6 ⵅⵥⴰⵔ, ⴰⵔⴻⴱⴱⵉ ⴷ ⴰⵎⵄⴰⵡⴻⵏ ⵉⵏⵓ.
ⵙⵉⴷⵉ ⵉⵏⵓ ⴰⵇⴰ-ⵜ ⵊⴰⵔ ⵢⴻⵏⵏⵉ ⴷ ⴰⵢⵉ ⵉⵙⴻⵏⵏⴷⴻⵏ.
7 ⵏⴻⵜⵜⴰ ⴰⴷ ⵉⵅⴻⴵⴻⵚ ⵍⵖⴰⵔ ⵉ ⵢⴻⵏⵏⵉ ⴷ ⴰⵢⵉ ⵉⵃⴻⵚⵚⴰⵔⴻⵏ.
ⵇⴹⴰ ⵅⴰⵙⴻⵏ ⴷⵉ ⵍⴰⵎⴰⵏ ⵏⵏⴻⴽ.
8 ⵙ ⵍⵅⴰⴹⴰⵔ ⴰⴷ ⴰⵛ ⴷⴷ-ⴰⵡⵢⴻⵖ ⵜⵉⵖⴰⵔⵚⴰ,
ⴰⴷ ⵇⴰⴷⵉⵖ ⵉⵙⴻⵎ ⵏⵏⴻⴽ, ⴰ ⵙⵉⴷⵉ,
ⵎⴰⵖⴰⵔ ⵏⴻⵜⵜⴰ ⴷ ⴰⵚⴻⴱⵃⴰⵏ.
9 ⵎⴰⵖⴰⵔ ⵏⴻⵜⵜⴰ ⵉⵙⵙⴻⵏⵊⴻⵎ ⴰⵢⵉ ⵥⵉ ⵎⴰⵔⵔⴰ ⵍⴻⵃⵚⴰⵔⴻⵜ,
ⵓⵛⴰ ⵢⴰⵔⵔⴰ ⴰⵢⵉ-ⴷⴷ ⴰⴷ ⵅⴻⵥⵥⴰⵔⴻⵖ ⵅ ⵍⵄⴻⴷⵢⴰⵏ ⵉⵏⵓ ⵙⵡⴰⴷⴷⴰⵢ.