53
1 ⵉ ⵓⵎⴻⵇⵇⵔⴰⵏ ⵏ ⵉⵎⴻⵖⵏⴰⵊⴻⵏ. ⵙ ⵜⴻⵖⵏⵉⵏⵜ ⵏ ‘ⵉⵥⵍⵉ ⵏ ⵡⴻⵛⴹⴰⵏ’. ⴰⵅⴻⵎⵎⵉ ⵏ ⴷⴰⵡⵓⴷ.
2 ⴰⴱⵓⵀⴰⵍⵉ ⵉⵏⵏⴰ ⴷⴻⴳ ⵡⵓⵍ ⵏⵏⴻⵙ: “ⵡⴰⵔ ⴷⵉⵏ ⴱⵓ ⴰⵔⴻⴱⴱⵉ!”
ⵏⵉⵜⵏⵉ ⵜⵜⴰⵔⴻⴷⴷⴵⴻⵏ, ⵜⵜⴻⴳⴳⴻⵏ ⵍⵖⴻⵛⵛ,
ⵡⴰⵔ ⴷⵉⵏ ⵓⵍⴰ ⴷ ⵉⵊⵊ ⵉⵜⵜⴻⴳⴳ ⵎⵉⵏ ⵉⵛⵏⴰⵏ. ■
3 ⴰⵔⴻⴱⴱⵉ ⵉⵅⴻⵥⵥⴰⵔ-ⴷⴷ ⵥⴻⴳ ⵓⵊⴻⵏⵏⴰ ⵖⴰⵔ ⵜⴰⵔⵡⴰ ⵏ ⴱⵏⴰⴷⴻⵎ,
ⵃⵉⵎⴰ ⴰⴷ ⵉⵥⴰⵔ ⵎⴰ ⴷⵉⵏ ⵃⴻⴷ ⵖⴰⵔⴻⵙ ⵍⴻⴼⵀⴰⵎⴻⵜ,
ⵉⵊⵊⴻⵏ ⵉ ⵢⴰⵔⴻⵥⵥⵓⵏ ⴰⵔⴻⴱⴱⵉ. ■
4 ⵎⴰⵔⵔⴰ ⴼⴼⵖⴻⵏ ⵥⴻⴳ ⵡⴻⴱⵔⵉⴷ,
ⴰⵇⴰ-ⵜⴻⵏ ⵊⵎⵉⵄ ⴷⴻⵡⵍⴻⵏ ⴷ ⵉⵄⴻⴼⴼⴰⵏⴻⵏ,
ⵡⴰⵔ ⴷⵉⵏ ⵓⵍⴰ ⴷ ⵉⵊⵊ ⵉⵜⵜⴻⴳⴳ ⵍⵅⴰⵔ,
ⵓⵍⴰ ⴷ ⵉⵊⵊ.
5 ⵉⵏⵏⵉ ⵉⵜⵜⴻⴳⴳⴻⵏ ⵍⵎⵓⵄⵚⵉⵢⵢⴻⵜ ⵎⴰ ⵡⴰⵔ ⵖⴰⵔⵙⴻⵏ ⵜⵓⵙⵙⵏⴰ,
ⵉⵏⵏⵉ ⵉⵜⵜᵉⵜⵜⴻⵏ ⵍⴳⴻⵏⵙ ⵉⵏⵓ ⴰⵅⵎⵉ ⵜⵜᵉⵜⵜⴻⵏ ⴰⵖⵔⵓⵎ?
ⵏⵉⵜⵏⵉ ⵡⴰⵔ ⵜⵜⵍⴰⵖⴰⵏ ⵅ ⴰⵔⴻⴱⴱⵉ.
6 ⴰⵇⴰ ⴷⵉⵏ ⵉ ⵅⴰⵙⴻⵏ ⵜⴻⵡⴹⴰ ⵜⵉⴳⴳⵯⵓⴷⵉ ⵉⵎⵖⴰⵔⴻⵏ,
ⵓⵎⵉ ⵡⴰⵔ ⴷⵉⵏ ⵎⵉⵏ ⵥⵉ ⵉ ⵖⴰ ⴳⴳⵯⴻⴷⴻⵏ,
ⵎⴰⵖⴰⵔ ⴰⵔⴻⴱⴱⵉ ⵉⵟⴰⵔⵔⴻⵛ ⵉⵅⵙⴰⵏ ⵏ ⵢⵉⵏⵏⵉ ⵅⴰⴽ ⵉⵀⴻⵊⵊⵎⴻⵏ.
ⵛⴻⴽ ⵜⴻⵙⵙⴱⴻⵀⴷⵍⴻⴷ ⵉ-ⵜⴻⵏ, ⵎⵉⵏⵥⵉ ⴰⵔⴻⴱⴱⵉ ⵉⵏⴹⴰⵔ ⵉ-ⵜⴻⵏ.
7 ⴰⵀ, ⴰⵇⴰ ⴰⵙⴻⵏⵊⴻⵎ ⵏ ⵉⵙⵔⴰⵉⵍ ⴰⴷ ⴷⴷ-ⵢⴰⵙ ⵥⵉ ⵚⵉⵀⵢⵓⵏ!
ⵅⵎⵉ ⴷⴷ ⵖⴰ ⵉⵙⵙⴻⵄⵇⴻⴱ ⴰⵔⴻⴱⴱⵉ ⵉⵎⴻⵃⴱⴰⵙ ⵏ ⵍⴳⴻⵏⵙ ⵏⵏⴻⴽ,
ⴰⴷ ⵢⴰⵔⵛⴻⵇ ⵢⴰⵄⵇⵓⴱ,
ⴰⴷ ⵉⴼⴰⵔⵃ ⵉⵙⵔⴰⵉⵍ.