1 ⵉ ⵓⵎⴻⵇⵇⵔⴰⵏ ⵏ ⵉⵎⴻⵖⵏⴰⵊⴻⵏ. ⴰⵅⴻⵎⵎⵉ ⵏ ⴷⴰⵡⵓⴷ.

2 ⵍⴰⵎⵉ ⴷⴷ-ⵢⵓⵙⴰ ⴷⵓⵡⴰⵄ, ⵥⵉ ⵉⴷⵓⵎ,

ⵉⵅⴻⴱⴱⴰⵔ ⵛⴰⵡⵓⵍ, ⵉⵏⵏⴰ ⴰⵙ:

“ⴰⵇⴰ ⴷⴰⵡⵓⴷ ⵢⵓⵙⴰ-ⴷⴷ ⵖⴰⵔ ⵜⴰⴷⴷⴰⵔⵜ ⵏ ⴰⵅⵉⵎⴰⵍⵉⴽ.” ^■  

3 ⵎⴰⵎⵎⴻⵛ ⵜⴼⴻⵢⵢⵛⴻⴷ ⵥⵉ ⵜⵄⴻⴼⴼⴰⵏⵜ, ⴰ ⵊⵊⵉⵀⴻⵍ?

ⵜⴰⵎⴻⵅⵙⵉⵡⵜ ⵉⵛⴻⵡⵡⴰⵔⴻⵏ ⵏ ⴰⵔⴻⴱⴱⵉ ⵜᵉⵜⵜⴻⴽⴽ ⴰⵙⵙ ⵉⵎⵓⵏ.

4 ⵉⵍⴻⵙ ⵏⵏⴻⴽ ⵉⵜⵜⵅⴰⵔⵔⴻⵚ ⴷⵉ ⵍⵖⴰⵔ,

ⴰⵎⴻⵛⵏⴰⵡ ⵉⵊⵊ ⵏ ⵍⵎⵓⵙ ⵉⵇⴻⴹⵄⴻⵏ ⵉ ⵓⵃⴻⴼⴼⵉ ⵉⵙⵙⵓⴼⴼⵓⵖ ⴰⵛⵎⴰⵜ.

5 ⵛⴻⴽ ⵜⵜⴻⵅⵙⴻⴷ ⵜⴰⵄⴻⴼⴼⴰⵏⵜ ⴰⵟⵟⴰⵙ ⵅ ⵜⵚⴻⴱⵃⴰⵏⵜ,

ⵍⵀⴰⵔⴷ ⵙ ⵉⵅⴰⵔⵔⵉⵇⴻⵏ ⴽⵜⴰⵔ ⴰⵟⵟⴰⵙ ⵅ ⵍⵀⴰⵔⴷ ⵏ ⵜⵙⴻⴳⴷⴰ. ⵙⵉⵍⴰⵀ.

6 ⵛⴻⴽ ⵜᵉⵜⵜⴻⵅⵙⴻⴷ ⴰⵡⴰⵍⴻⵏ ⵉⵀⴻⵍⵍⴽⴻⵏ,

ⵓⵍⴰ ⴷ ⵉⵍⴻⵙ ⵉⵛⵛⵓⵔ ⵙ ⵡⴻⵛⵎⴰⵜ.

7 ⵎⴰⵛⴰ ⴰⵔⴻⴱⴱⵉ ⴰⴷ ⵛⴻⴽ ⵢⴰⵔⴻⴷⴷⴻⴵ ⵉ ⵍⴻⴱⴷⴰ,

ⵏⴻⵜⵜⴰ ⴰⴷ ⵛⴻⴽ ⵉⵟⵟⴻⴼ, ⴰⴷ ⵛⴻⴽ ⵉⴽⴽⴻⵙ ⵥⵉ ⵜⵥⴻⴷⴷⵉⵖⵜ.

ⵏⴻⵜⵜⴰ ⴰⴷ ⵛⴻⴽ ⵉⵇⵍⴻⵄ ⵥⴻⴳ ⵉⵥⴻⵡⵔⴰⵏ ⵏⵏⴻⴽ ⵥⵉ ⵜⴻⵎⵎⵓⵔⵜ ⵏ ⵢⵉⵏⵏⵉ ⵉⴷⴷⴰⵔⴻⵏ. ⵙⵉⵍⴰⵀ.

8 ⵉⵎⵙⴻⴳⴳⴰⴷⴻⵏ ⴰⴷ ⵜ ⵥⴰⵔⴻⵏ ⴰⴷ ⴳⴳⵯⴻⴷⴻⵏ.

ⴰⴷ ⵅⴰⵙ ⴹⴻⵃⵛⴻⵏ, ⴰⴷ ⵉⵏⵉⵏ:

9 “ⵅⵥⴰⵔ ⴰⵔⵢⴰⵥ ⵉⵊⴻⵀⴷⴻⵏ ⵡⴻⵏⵏⵉ ⵓⵎⵉ ⵡⴰⵔ ⵉⴳⴳⵉ ⴰⵔⴻⴱⴱⵉ ⵊⵊⴻⵀⴷ ⵏⵏⴻⵙ,

ⵎⴰⵛⴰ ⵜⵓⵖⴰ ⵉⵜⵜⵛⴻⵍ ⵅ ⵡⴰⴳⵍⴰ ⵏⵏⴻⵙ ⴰⵎⴻⵇⵇⵔⴰⵏ.

ⵜⵓⵖⴰ ⵉⴷⵡⴻⵍ ⵉⵊⵀⴻⴷ ⵙ ⵍⵖⴰⵔ ⵏⵏⴻⵙ.”

10 ⵏⴻⵛⵛ ⴰⴷ ⵉⵍⵉⵖ ⴰⵎⴻⵛⵏⴰⵡ ⵉⵛⵜ ⵏ ⵜⵥⵉⵜⵓⵏⵜ ⵜⴰⵥⴻⵢⵥⴰⵡⵜ ⴷⵉ ⵜⴰⴷⴷⴰⵔⵜ ⵏ ⴰⵔⴻⴱⴱⵉ.

ⵏⴻⵛⵛ ⵜⵜⵉⵇⵇⴻⵖ ⴷⵉ ⵜⵎⴻⵅⵙⵉⵡⵜ ⵉⵛⴻⵡⵡⴰⵔⴻⵏ ⵏ ⴰⵔⴻⴱⴱⵉ ⵉ ⵍⴻⴱⴷⴰ ⵇⴰⵄ.

11 ⵏⴻⵛⵛ ⴰⴷ ⵛⴻⴽ ⵇⴰⴷⵉⵖ ⵉ ⵍⴻⴱⴷⴰ ⵇⴰⵄ,

ⵎⴰⵖⴰⵔ ⵛⴻⴽ ⵜⴻⴳⴳⵉⴷ ⵜ.

ⴰⴷ ⵙⵙⵉⵜⵉⵎⴻⵖ ⴷⴻⴳ ⵢⵉⵙⴻⵎ ⵏⵏⴻⴽ,

ⵎⴰⵖⴰⵔ ⵏⴻⵜⵜⴰ ⴷ ⴰⵚⴻⴱⵃⴰⵏ ⵉ ⵉⵎⵜⵉⵇⵇⴰⵏ ⵏⵏⴻⴽ.