1 ⵉ ⵓⵎⴻⵇⵇⵔⴰⵏ ⵏ ⵉⵎⴻⵖⵏⴰⵊⴻⵏ. ⴰⵥⴻⵀⵀⴻⴷ ⵏ ⴷⴰⵡⵓⴷ.

2 ⴰⵍⴰⵎⵉ ⵉ ⵖⴰⵔⴻⵙ ⴷⴷ-ⵢⵓⵙⴰ ⵓⵏⴰⴱⵉ ⵏⴰⵜⴰⵏ,

ⴰⵡⴰⵔⵏⵉ ⵍⴰⵎⵉ ⵢⵓⴷⴻⴼ ⴷⴰⵡⵓⴷ ⵅ ⴱⴰⵜⵛⴰⴱⴰⵄⴰ. ^□  ■  

3 ⵃⵉⵏⵏ ⵅⴰⴼⵉ, ⴰ ⴰⵔⴻⴱⴱⵉ, ⵄⵍⴰⵃⵙⴰⴱ ⵜⴰⵎⴻⵅⵙⵉⵡⵜ ⵏⵏⴻⴽ ⵉⵛⴻⵡⵡⴰⵔⴻⵏ.

ⵎⵙⴻⵃ ⵉⵅⴻⵟⵟⴰⵏ ⵉⵏⵓ ⵄⵍⴰⵃⵙⴰⴱ ⴰⴼⴻⵢⵢⴻⴹ ⵏ ⴰⵔⵔⴻⵃⵎⴻⵜ ⵏⵏⴻⴽ.

4 ⵙⵙⵉⵔⴷ ⵍⵎⵓⵄⵚⵉⵢⵢⴻⵜ ⵉⵏⵓ ⵥⵥⴰⵢⵉ ⵎⴰⵔⵔⴰ,

ⵙⵉⵥⴷⴻⴳ ⴰⵢⵉ ⵥⵉ ⴷⴷⴻⵏⴱ ⵉⵏⵓ,

5 ⵎⴰⵖⴰⵔ ⵏⴻⵛⵛ ⵙⵙⵏⴻⵖ ⵉⵅⴻⵟⵟⴰⵏ ⵉⵏⵓ,

ⴷⴷⴻⵏⴱ ⵉⵏⵓ ⵍⴻⴱⴷⴰ ⵉⴱⴻⴷⴷ ⴰⵢⵉ-ⴷⴷ ⵖⴰⵔ ⵜⵉⵟⵟⴰⵡⵉⵏ. ^□  

6 ⴰⴽⵉⴷⴻⴽ ⵡⴰⵀⴰ ⵉ ⵅⴹⵉⵖ,

ⴳⴳⵉⵖ ⵎⵉⵏ ⵉⴵⴰⵏ ⴷ ⴰⵄⴻⴼⴼⴰⵏ ⵊⴰⵔ ⵜⵉⵟⵟⴰⵡⵉⵏ ⵏⵏⴻⴽ,

ⴰⵍⴰⵎⵉ ⵛⴻⴽ ⵜⵙⴻⴳⴳⴷⴻⴷ ⴷⴻⴳ ⵡⴰⵡⴰⵍⴻⵏ ⵏⵏⴻⴽ,

ⵜⴻⵚⴼⵉⴷ ⴷⵉ ⵍⴻⵃⴽⴰⵎⴰⵜ ⵏⵏⴻⴽ.

7 ⵅⵥⴰⵔ, ⵜⵜⵡⴰⵅⴻⵍⵇⴻⵖ-ⴷⴷ ⴷⵉ ⴷⴷⵏⵓⴱ,

ⴷⵉ ⴷⴷⵏⵓⴱ ⵜⴻⴽⵙⵉ ⴰⵢⵉ ⵢⴻⵎⵎⴰ.

8 ⵅⵥⴰⵔ, ⵛⴻⴽ ⵜᵉⵜⵜⴻⵅⵙⴻⴷ ⵜⵉⴷⴻⵜⵜ ⴷⵉ ⴷⴰⵅⴻⵍ,

ⴷⵉ ⵜⵏⵓⴼⴼⵔⴰ ⵜⴻⵙⵙⵛⴰⵏⴻⴷ ⴰⵢⵉ ⵜⵉⵖⵉⵜ.

9 ⴽⵙⵉ ⵅⴰⴼⵉ ⴷⴷⵏⵓⴱ ⵙ ⵜⵄⴻⵍⴵⴻⵜ, ⵅⴻⵏⵏⵉ ⴰⴷ ⴷⴻⵡⵍⴻⵖ ⵇⵇⵓⵔⴻⵖ,

ⵙⵉⵔⴷ ⴰⵢⵉ, ⵅⴻⵏⵏⵉ ⴰⴷ ⴷⴻⵡⵍⴻⵖ ⴷ ⴰⵛⴻⵎⵍⴰⵍ ⵅ ⵡⴻⴷⴼⴻⵍ. ^■  

10 ⴰⵔⵔ ⴰⵢⵉ ⴰⴷ ⵙⵍⴻⵖ ⴰⵔⵛⵓⵇ ⴷ ⵍⴻⴼⵔⴰⵃⴻⵜ,

ⵃⵉⵎⴰ ⵉⵅⵙⴰⵏ ⵏⵏⵉ ⵉ ⵜⵍⴻⴱⵥⴻⴷ ⵛⴻⴽ,

ⴰⴷ ⴰⵔⵊⵉⵊⴻⵏ ⵥⵉ ⵍⴻⴼⵔⴰⵃⴻⵜ.

11 ⵙⵏⵓⴼⴼⴰⵔ ⴷⴷⵏⵓⴱ ⵉⵏⵓ ⵥⵥⴰⵜ ⵉ ⵡⵓⴷⴻⵎ ⵏⵏⴻⴽ,

ⵎⵙⴻⵃ ⵉ ⵎⴰⵔⵔⴰ ⵍⵎⵓⵄⵚⵉⵢⵢⴻⵜ ⵉⵏⵓ.

12 ⵅⵍⴻⵇ-ⴷⴷ ⴷⴰⵢⵉ ⵓⵍ ⵉⵥⴷⵉⴳ, ⴰ ⴰⵔⴻⴱⴱⵉ,

ⵊⴻⴷⴷⴻⴷ ⴷⵉ ⴷⴰⵅⴻⵍ ⵉⵏⵓ ⵉⵊⵊ ⵏ ⴰⵔⵔⵓⵃ ⵉⵎⴻⵜⵏⴻⵏ.

13 ⵡⴰⵔ ⴷ ⴰⵢⵉ ⵏⴻⵟⵟⴰⵔ ⵥⴻⴳ ⵡⵓⴷⴻⵎ ⵏⵏⴻⴽ,

ⵡⴰⵔ ⵥⵥⴰⵢⵉ ⵜⵜⴻⴽⴽⴻⵙ ⴰⵔⵔⵓⵃ ⵉⵇⴻⴷⴷⵙⴻⵏ ⵏⵏⴻⴽ.

14 ⴻⵡⵛ ⴰⵢⵉ ⵄⴰⵡⴻⴷ ⵍⴻⴼⵔⴰⵃⴻⵜ ⵏ ⵓⵙⴻⵏⵊⴻⵎ ⵏⵏⴻⴽ,

ⵓⵍⴰ ⴷ ⵉⵊⵊ ⵏ ⴱⵓⵃⴱⴻⵍ ⵉⵇⴻⴷⴷⴻⵏ ⵉ ⴽⵉⴷⵉ ⵖⴰ ⵉⴱⴻⴷⴷⴻⵏ.

15 ⵅⴻⵏⵏⵉ ⴰⴷ ⵙⵙⵖⴰⵔⴻⵖ ⵉⴱⵔⵉⴷⴻⵏ ⵏⵏⴻⴽ ⵉ ⵢⴻⵏⵏⵉ ⵅⴰⴽ ⵉⵄⴻⴷⴷⴰⵏ,

ⵓ ⴳⴳⵓⵔ ⴰⴷ ⵖⴰⵔⴻⴽ ⴷⴷ-ⵄⴻⵇⴱⴻⵏ ⵉⵎⴻⴷⵏⴰⴱ.

16 ⵙⴻⵏⵊⴻⵎ ⴰⵢⵉ ⵥⴻⴳ ⵓⵎⴰⵔⵡⴰⵙ ⵏ ⵉⴷⴰⵎⵎⴻⵏ, ⴰ ⴰⵔⴻⴱⴱⵉ, ⴰⵔⴻⴱⴱⵉ ⵏ ⵓⵙⴻⵏⵊⴻⵎ ⵉⵏⵓ,

ⵅⴻⵏⵏⵉ ⴰⴷ ⵉⵙⵍⴻⵡⵍⵉⵡ ⵉⵍⴻⵙ ⵉⵏⵓ ⵅ ⵜⵙⴻⴳⴷⴰ ⵏⵏⴻⴽ.

17 ⴰⵔⵥⴻⵎ ⴰⵢⵉ ⵉⵢⴻⵏⵛⵉⵛⴻⵏ ⵉⵏⵓ, ⴰ ⵙⵉⴷⵉ ⵉⵏⵓ,

ⵅⴻⵏⵏⵉ ⴰⴷ ⵉⴱⴰⵔⵔⴻⵃ ⵓⵇⴻⵎⵎⵓⵎ ⵉⵏⵓ ⵙ ⵛⵛⴰⵏ ⵏⵏⴻⴽ,

18 ⵎⴰⵖⴰⵔ ⵡⴰⵔ ⴷ ⴰⴽ ⵜⴻⵛⵇⵉ ⵜⵖⴰⵔⵚⵜ, ⵉⵍⵉ ⵡⵛⵉⵖ ⴰⵛ ⵜⵜ,

ⵜⴰⵖⴰⵔⵚⵜ ⵏ ⵡⴻⵛⵎⴰⴹ ⵡⴰⵔ ⴷ ⴰⵛ ⴷⴷ-ⵜᵉⵜⵜⵉⵙ ⵅ ⵍⵅⴰⴹⴰⵔ.

19 ⵜⵉⵖⴰⵔⵚⴰ ⵏ ⴰⵔⴻⴱⴱⵉ ⴰⵇⴰ ⴰⵜⴻⵏⵜ ⴷ ⵉⵊⵊ ⵏ ⴱⵓⵃⴱⴻⵍ ⵢⴰⵔⴻⵥ,

ⵉⵊⵊ ⵏ ⵡⵓⵍ ⵉⴷⴷⴻⵥ ⵡⴰⵔ ⵜ ⵜⴻⵙⵙⴻⵃⵇⴰⵔⵉⴷ, ⴰ ⴰⵔⴻⴱⴱⵉ!

20 ⴻⴳⴳ ⵍⵅⴰⵔ ⵉ ⵚⵉⵀⵢⵓⵏ ⵄⵍⴰⵃⵙⴰⴱ ⴰⵔⴹⴰ ⵏⵏⴻⴽ,

ⴱⵏⴰ ⵍⴻⵃⵢⵓⴹ ⵏ ⵓⵔⵛⴰⵍⵉⵎ!

21 ⵅⴻⵏⵏⵉ ⴰⴷ ⵜⴰⵔⴹⵉⴷ ⴷⵉ ⵜⵖⴰⵔⵚⴰ ⵏ ⵍⵎⵓⵄⵚⵉⵢⵢⴻⵜ,

ⴷⵉ ⵜⵖⴰⵔⵚⵜ ⵏ ⵡⴻⵛⵎⴰⴹ ⵉⴽⴻⵎⵎⵍⴻⵏ.

ⵅⴻⵏⵏⵉ ⴰⴷ ⵇⴻⴷⴷⵎⴻⵏ ⵉⵢⴻⵏⴷⵓⵥⴻⵏ ⵅ ⵓⵄⴰⵍⵟⴰⵔ ⵏⵏⴻⴽ, ⵅ ⵍⵎⴻⴷⴱⴻⵃ ⵏⵏⴻⴽ ⵏ ⵡⴻⵛⵎⴰⴹ.