50
1 ⵉⵊⵊ ⵏ ⵓⵥⴻⵀⵀⴻⴷ ⵏ ⴰⵙⴰⴼ. ⴰⵔⴻⴱⴱⵉ ⵅ ⵎⴰⵔⵔⴰ ⵉⵔⴻⴱⴱⵉⵜⴻⵏ, ⵙⵉⴷⵉ ⵉⵙⵙⴰⵡⴰⵍ. ⵏⴻⵜⵜⴰ ⵉⵜⵜⵍⴰⵖⴰ ⵉ ⵜⴻⵎⵎⵓⵔⵜ ⵥⵉ ⵎⴰⵏⵉ ⴷⴷ-ⵜⴻⵏⵇⴰⵔ ⵜⴼⵓⵛⵜ ⵖⴰⵔⴻⵙ ⴰⵍ ⵎⴰⵏⵉ ⵜⴻⵖⵍⵉ.
2 ⵣⵉ ⵚⵉⵀⵢⵓⵏ, ⴰⵥⵔⵉ ⵉⴽⴻⵎⵎⵍⴻⵏ,
ⵉⵜⵜⴱⴰⵏ ⴰⵔⴻⴱⴱⵉ ⵉⵜⵜⵉⵙⵙⵉⵇ.
3 ⴰⵔⴻⴱⴱⵉ ⵏⵏⴻⵖ ⴰⴷ ⴷⴷ-ⵢⴰⵙ, ⵡⴰⵔ ⵉⵙⵙⴻⵖⴷ ⵛⴰ.
ⵜⵉⵎⴻⵙⵙⵉ ⵥⵥⴰⵜⴻⵙ ⴰⴷ ⵜⴻⵛⵛ,
ⵜⴰⵃⴰⵔⵢⴰⴹⵜ ⵉ ⴷ ⴰⵙ ⴷⴷ-ⵉⵜⵜⴻⵏⵏⴹⴻⵏ ⴰⴷ ⵜⵚⵓⴹ ⴰⵟⵟⴰⵙ.
4 ⵏⴻⵜⵜⴰ ⴰⴷ ⵉⵍⴰⵖⴰ ⵉ ⵉⵊⴻⵏⵡⴰⵏ ⵙⴻⵏⵏⴻⵊ,
ⵓ ⵉ ⵜⴻⵎⵎⵓⵔⵜ ⵃⵉⵎⴰ ⴰⴷ ⵉⵃⴽⴻⵎ ⵅ ⵍⴳⴻⵏⵙ ⵏⵏⴻⵙ:
5 “ⵙⵎⵓⵏⴻⵎ-ⴷⴷ ⵖⴰⵔⵉ ⵉⵎⵜⵉⵇⵇⴰⵏ ⵉⵏⵓ,
ⵉⵏⵏⵉ ⴽⵉⴷⵉ ⵉⵜⵜⴻⴳⴳⴻⵏ ⵍⵄⴰⵀⴷ ⵙ ⵜⵖⴰⵔⵚⵜ.”
6 ⵉⵊⴻⵏⵡⴰⵏ ⵜⵜⴱⴰⵔⵔⵃⴻⵏ ⵜⴰⵙⴻⴳⴷⴰ ⵏⵏⴻⵙ,
ⵎⴰⵖⴰⵔ ⴰⵔⴻⴱⴱⵉ ⵙⵉⵎⴰⵏⵜ ⵏⵏⴻⵙ ⴰⵇⴰ-ⵜ ⴷ ⵍⵇⴰⴹⵉ. ⵙⵉⵍⴰⵀ. □
7 “ⵙⴻⵍ, ⴰ ⵍⴳⴻⵏⵙ ⵉⵏⵓ, ⵓ ⵏⴻⵛⵛ ⴰⴷ ⵙⵙⵉⵡⵍⴻⵖ, ⵉⵙⵔⴰⵉⵍ,
ⵏⴻⵛⵛ ⴰⴷ ⵛⴻⵀⴷⴻⵖ ⴹⵉⴷⴷ ⵏⵏⴻⴽ: ⴰⵇⴰ ⵏⴻⵛⵛ, ⴰⵔⴻⴱⴱⵉ, ⴷ ⴰⵔⴻⴱⴱⵉ ⵏⵏⴻⴽ!
8 ⵡⴰⵔ ⵉⴵⵉ ⵅ ⵜⵖⴰⵔⵚⴰ ⵏⵏⴻⴽ ⴰⴷ ⵛⴻⴽ ⵡⴻⴱⴱⵅⴻⵖ,
ⵎⴰⵖⴰⵔ ⵜⵉⵖⴰⵔⵚⴰ ⵏⵏⴻⴽ ⴰⵇⴰ ⴰⵜⴻⵏⵜ ⵍⴻⴱⴷⴰ ⵥⵥⴰⵜⵉ.
9 ⵡⴰⵔ ⴽⴻⵙⵙⵉⵖ ⵛⴰ ⴰⵢⴻⵏⴷⵓⵥ ⵥⵉ ⵜⴰⴷⴷⴰⵔⵜ ⵏⵏⴻⴽ,
ⵓⵍⴰ ⴷ ⵉⵖⴰⵢⴹⴻⵏ ⵥⵉ ⵜⴻⵇⵡⵉⵔⵉⵏ ⵏⵏⴻⴽ.
10 ⵎⴰⵖⴰⵔ ⵎⴰⵔⵔⴰ ⵉⵎⵓⴷⴷⴰⵔ ⵏ ⵡⴻⵥⵖⴰⵔ ⴰⵇⴰ ⵉⵏⵓ,
ⵍⵎⴰⵍ ⵅ ⵡⴰⵍⴻⴼ ⵉⴷⵓⵔⴰⵔ. □
11 ⵏⴻⵛⵛ ⵙⵙⵏⴻⵖ ⵎⴰⵔⵔⴰ ⵉⵊⴹⴰⴹ ⵏ ⵉⴷⵓⵔⴰⵔ,
ⵎⵓⵎⵎⵓ ⵏ ⵢⴻⵢⵢⴰⵔ, ⴰⵇⴰ-ⵜ ⵉⵏⵓ.
12 ⵎⵍⵉ ⵜⵓⵖⴰ ⴷⴰⵢⵉ ⵍⴰⵥ, ⵎⴰ ⵡⴰⵔ ⴷ ⴰⵛ ⵜ ⵇⵇⴰⵔⴻⵖ,
ⵎⴰⵖⴰⵔ ⵉⵏⵓ ⴷⴷⵓⵏⴻⵛⵜ ⴷ ⵓⵄⴻⵎⵎⴰⵔ ⵏⵏⴻⵙ. ■
13 ⵎⴰ ⴰⴷ ⵛⵛⴻⵖ ⵅⴻⵏⵏⵉ ⴰⵢⵙⵓⵎ ⵏ ⵉⴼⵓⵏⴰⵙⴻⵏ,
ⵏⵉⵖ ⵉⴷⴰⵎⵎⴻⵏ ⵏ ⵉⵖⴰⵢⴹⴻⵏ?
14 ⴰⵡⵉ-ⴷⴷ ⵉ ⴰⵔⴻⴱⴱⵉ ⵜⴰⵖⴰⵔⵚⵜ ⵏ ⵓⵇⴰⴷⵉ,
ⵓ ⴽⴻⵎⵎⴻⵍ ⵍⵡⵓⵄⵓⴷ ⵏⵏⴻⴽ ⵉ ⵓⵎⵄⵓⴵⵉ ⵅ ⴽⵓⵍⵛⵉ. ■
15 ⵍⴰⵖⴰ ⴰⵢⵉ-ⴷⴷ ⴷⴻⴳ ⵡⴰⵙⵙ ⵏ ⵍⴻⵃⵚⴰⵔⴻⵜ,
ⵅⴻⵏⵏⵉ ⴰⴷ ⵛⴻⴽ ⵙⵙⵏⴻⵊⵎⴻⵖ ⵓⵛⴰ ⵛⴻⴽ ⴰⴷ ⴰⵢⵉ ⵜⴻⴳⴳⴻⴷ ⵛⵛⴰⵏ.”
16 ⵎⴰⵛⴰ ⵉ ⵓⵄⴻⴼⴼⴰⵏ ⵉⵇⵇⴰⵔ ⴰⵔⴻⴱⴱⵉ:
“ⵎⴰⵢⴻⵎⵎⵉ ⵜⴱⴰⵔⵔⵃⴻⴷ ⵜⵉⵡⴻⵚⵚⴰ ⵉⵏⵓ,
ⵓ ⵜⴻⴳⴳⵉⴷ ⵍⵄⴰⵀⴷ ⵉⵏⵓ ⴷⴻⴳ ⵓⵇⴻⵎⵎⵓⵎ ⵏⵏⴻⴽ,
17 ⵓⵎⵉ ⵜⵛⴰⵔⵔⵀⴻⴷ ⵜⵜⴰⵔⴱⵉⵢⵢⴻⵜ ⵉⵏⵓ,
ⵓ ⵜⴻⵏⴹⴰⵔⴻⴷ ⴰⵡⴰⵍⴻⵏ ⵉⵏⵓ ⴰⵡⴰⵔⵏⵉ ⴰⵛ.
18 ⵎⴰⵍⴰ ⵜⴻⵥⵔⵉⴹ ⵉⵊⵊ ⵏ ⵓⵅⴻⵡⵡⴰⵏ, ⴰⵎⵎⵓ ⵉ ⵜⴻⴳⴳⵓⵔⴻⴷ ⴰⴽⵉⴷⴻⵙ,
ⵓ ⵜᵉⵜⵜⵚⵓⵔⵉⴷ ⴰⴽ-ⴷ ⵢⴻⵏⵏⵉ ⵉⵥⴻⵏⵏⴰⵏ.
19 ⴰⵇⴻⵎⵎⵓⵎ ⵏⵏⴻⴽ ⵜᵉⵜⵜⴰⵔⵔⵉⴷ ⵉ-ⵜ ⵉ ⵍⵖⴰⵔ,
ⵉⵍⴻⵙ ⵏⵏⴻⴽ ⵉⵜⵜⵅⴰⵔⵔⴻⵚ ⴷⴻⴳ ⵡⴻⵛⵎⴰⵜ.
20 ⵜⴻⵜⵜⵖⵉⵎⵉⴷ ⴷⵉⵏⵏⵉ ⵜⴻⵙⵙⴰⵡⴰⵍⴻⴷ ⵅ ⵓⵎⴰⵛ,
ⵜⴻⵙⵙⴻⴼⴷⴰⵃⴻⴹ ⵥⵉ ⵎⵎⵉⵙ ⵏ ⵢⴻⵎⵎⴰⵙ.
21 ⴰⵢⴰ ⵜᵉⵜⵜⴻⴳⴳⴻⴷ ⵓ ⵏⴻⵛⵛ ⵙⵙⴻⵖⴷⵉⵖ.
ⵜⵜⵖⵉⵍ ⴰⵛ, ⴰⵇⴰ ⴰⵢⵉ ⴰⵎ ⵛⴻⴽ.
ⵏⴻⵛⵛ ⴰⴷ ⵛⴻⴽ ⵡⴻⴱⴱⵅⴻⵖ ⵓ ⴰⴷ ⵙⵙⴰⵔⵙⴻⵖ ⴷⴷⵏⵓⴱ ⵏⵏⴻⴽ ⵥⵥⴰⵜ ⵉ ⵜⵉⵟⵟⴰⵡⵉⵏ ⵏⵏⴻⴽ.
22 ⴼⵀⴻⵎ ⴰⵢⴰ ⵅⴻⵏⵏⵉ, ⴰ ⵛⴻⴽ ⵉ ⵉⵜⵜⵓⵏ ⴰⵔⴻⴱⴱⵉ,
ⵃⵉⵎⴰ ⵡⴰⵔ ⵛⴻⴽ ⵜⵎⴻⵥⵥⵇⴻⵖ ⴰⵎ ⵡⴰⵔ ⴷⵉⵏ ⵉⵜⵜⵉⵍⵉ ⵓⴼⴻⴽⴽⵉ.”
23 ⵡⴻⵏⵏⵉ ⴷⴷ-ⵉⵜⵜⴰⵡⵢⴻⵏ ⵜⴰⵖⴰⵔⵚⵜ ⵏ ⵓⵇⴰⴷⵉ, ⵉⵜⵜⴻⴳⴳ ⴰⵢⵉ ⵛⵛⴰⵏ,
ⵓ ⵉⵙⵙⴻⵡⵊⴰⴷ ⴰⴱⵔⵉⴷ ⵃⵉⵎⴰ ⴰⴷ ⴰⵙ ⵙⵙⴻⵛⵏⴻⵖ ⴰⵙⴻⵏⵊⴻⵎ ⵏ ⴰⵔⴻⴱⴱⵉ.