49
1 ⵉ ⵓⵎⴻⵇⵇⵔⴰⵏ ⵏ ⵉⵎⴻⵖⵏⴰⵊⴻⵏ. ⵣⴻⴳ ⴰⵢⵜ ⵏ ⵇⵓⵔⴰⵃ. ⴰⵥⴻⵀⵀⴻⴷ. 2 ⵙⵍⴻⵎ ⵉ ⵓⵢⴰ, ⵎⴰⵔⵔⴰ ⵍⴻⴳⵏⵓⵙ,
ⵙⵃⴻⵙⵙⴻⵎ ⵎⴰⵔⵔⴰ, ⴰ ⵉⵎⴻⵥⴷⴰⵖ ⵏ ⵜⴻⵎⵎⵓⵔⵜ,
3 ⴰⵎ ⵜⴰⵔⵡⴰ ⵏ ⴰⴷⴰⵎ, ⴰⵎ ⵜⴰⵔⵡⴰ ⵏ ⵉⵊⵊ ⵏ ⵡⴻⵔⵢⴰⵥ,
ⴰⵢⵜⴱⴰⴱ ⵏ ⵡⴰⴳⵍⴰ ⴷ ⵉⵎⴻⵥⵍⴰⴹ ⵊⵎⵉⵄ ⴰⴽ-ⴷ ⵡⴰⵢⴰⵡⵢⴰ!
4 ⴰⵇⴻⵎⵎⵓⵎ ⵉⵏⵓ ⵉⵙⵙⴰⵡⴰⵍ ⵜⵉⵖⵉⵜ,
ⵉⵅⴰⵔⵔⵉⵚⴻⵏ ⵏ ⵡⵓⵍ ⵉⵏⵓ ⵛⵛⵓⵔⴻⵏ ⵙ ⵍⴻⴼⵀⴰⵎⴻⵜ.
5 ⵏⴻⵛⵛ ⴰⴷ ⵡⵛⴻⵖ ⴰⵎⴻⵥⵥⵓⵖ ⵉⵏⵓ ⵉ ⵡⴰⵡⴰⵍ ⵉⵡⴻⵥⵏⴻⵏ,
ⴰⴷ ⵙⵙⴰⵔⴳⴱⴻⵖ ⵜⵃⴰⵊⵉⵜ ⵉⵏⵓ ⵏ ⵜⵡⴰⴼⵉⵜ ⵖⴰⵔ ⵜⵉⵔⴰⵔⵜ ⵏ ⵍⴳⴰⵎⴱⵔⵉ. ■
6 ⵎⴰⵢⴻⵎⵎⵉ ⵉ ⵖⴰ ⴳⴳⵯⴻⴷⴻⵖ ⴷⴻⴳ ⵡⵓⵙⵙⴰⵏ ⵉⵄⴻⴼⴼⴰⵏⴻⵏ,
ⵅⵎⵉ ⴷⴷ ⴰⵢⵉ ⵜᵉⵜⵜⴻⵏⵏⴻⴹ ⵍⵎⵓⵄⵚⵉⵢⵢⴻⵜ ⵏ ⵢⵉⵏⵏⵉ ⴷ ⴰⵢⵉ ⴷⴷ-ⵉⴹⴻⴼⴼⴰⵔⴻⵏ ⴷⵉ ⵜⵉⵔⵉ ⵉⵏⵓ. □
7 ⴰⵇⴰ ⴷⵉⵏ ⵉⵏⵏⵉ ⵉⵜⵜⵛⴰⵍⴻⵏ ⵅ ⵍⴻⴽⵙⵉⴱⴻⵜ ⵏⵙⴻⵏ,
ⵓ ⵜⵜⴼⴻⵢⵢⵛⴻⵏ ⵙ ⵡⴰⴳⵍⴰ ⵏⵙⴻⵏ ⴰⵎⴻⵇⵇⵔⴰⵏ,
8 ⵎⴰⵛⴰ ⵓⵍⴰ ⴷ ⵉⵊⵊ ⵏ ⵜⴰⵡⵎⴰⵜ ⵡⴰⵔ ⵉⵥⴻⵎⵎⴰⵔ ⴰⴷ ⵉⴼⴷⵉ ⵉⵊⵊ ⵏ ⵡⴻⵔⵢⴰⵥ,
ⵡⴰⵔ ⵉⵥⴻⵎⵎⴰⵔ ⴰⴷ ⵉⵅⴻⴵⴻⵚ ⵜⵜⴰⵎⴰⵏ ⵏ ⵡⴻⵚⵍⴰⵃ ⵏ ⵢⵉⵅⴻⴼ ⵏⵏⴻⵙ ⵉ ⴰⵔⴻⴱⴱⵉ. □
9 ⵍⴻⴼⴷⵉⵢⵢⴻⵜ ⵏ ⵍⴻⵄⵎⴰⵔ ⵏⵙⴻⵏ ⵜⵉⵖⵍⴰ ⴰⵟⵟⴰⵙ,
ⵡⴰⵔ ⴷⴷ-ⵜᵉⵜⵜⵉⵙ ⵉ ⵍⴻⴱⴷⴰ,
10 ⵃⵉⵎⴰ ⵏⴻⵜⵜⴰ ⴰⴷ ⵉⴷⴷⴰⵔ ⵉ ⵍⴻⴱⴷⴰ,
ⵄⴻⵎⵎⴰⵔⵚ ⵡⴰⵔ ⵉⵥⴰⵔⵔ ⴰⵏⴹⴻⵍ.
11 ⵎⴰⵖⴰⵔ ⵉⵜⵜⵡⴰⵍⴰ ⵉⵎⵉⵖⵉⵙⴻⵏ ⵎⵎⵓⵜⴻⵏ,
ⵎⴰⵛⴰ ⴰⴱⵓⵀⴰⵍⵉ ⴷ ⵓⵇⴻⴼⴼⵓⵃ ⴰⴷ ⵜⵜⵡⴰⵇⴻⵙⵙⴻⵏ ⵙ ⵜⵏⴰⵢⴻⵏ,
ⴰⴷ ⵊⵊⴻⵏ ⵍⴻⴽⵙⵉⴱⴻⵜ ⵏⵙⴻⵏ ⵉ ⵉⵏⵏⴻⵖⵏⵉ ⴰⵡⴰⵔⵏⵉ ⴰⵙⴻⵏ.
12 ⴰⵅⴰⵔⵔⴻⵚ ⵏ ⵡⵓⵍ ⵏⵙⴻⵏ ⴰⵇⴰ ⵜⵓⴷⵔⵉⵏ ⵏⵙⴻⵏ ⴰⴷ ⵇⵇⵉⵎⴻⵏⵜ ⵉ ⵍⴻⴱⴷⴰ,
ⵜⵉⵥⴻⴷⴷⵉⵖⵉⵏ ⵏⵙⴻⵏ ⵥⵉ ⵊⵊⵉⵍ ⴰⵍ ⵊⵊⵉⵍ.
ⵡⴰⵅⵅⴰ ⵓⵍⴰ ⴷ ⵜⵉⵎⵎⵓⵔⴰ ⴳⴳⵉⵏ ⴰⵙⴻⵏⵜ ⵉⵙⵎⴰⵡⴻⵏ ⵏⵙⴻⵏ.
13 ⴱⵏⴰⴷⴻⵎ ⵙ ⵎⴰⵔⵔⴰ ⵛⵛⴰⵏ ⵏⵏⴻⵙ, ⵡⴰⵔ ⵉⵜⵜⵖⵉⵎⵉ ⵛⴰ,
ⵏⴻⵜⵜⴰ ⵢⴰⵔⵡⴻⵙ ⴷⵉ ⵍⵎⴰⵍ ⵏⵏⵉ ⵢⴻⴳⴳⵓⵔⴻⵏ ⵖⴰⵔ ⵇⴻⵟⵟⵓ.
14 ⵡⴰ ⴷ ⴰⴱⵔⵉⴷ ⵉ ⵖⴰⵔⵙⴻⵏ, ⵎⵉⵏ ⵅⴻⴼ ⵜⵜⵙⴻⵏⵏⴰⴷⴻⵏ,
ⵓⵛⴰ ⵉⵏⵏⵉ ⵜⴻⵏ ⵉⴹⴻⴼⴼⴰⵔⴻⵏ ⴰⴷ ⵊⵊⵉⵡⵏⴻⵏ ⵙ ⵓⵇⴻⵎⵎⵓⵎ ⵏⵙⴻⵏ. ⵙⵉⵍⴰⵀ. □
15 ⴰⵎ ⵡⵓⴵⵉ ⵙⵙⴰⵔⴻⵢⵢⵃⴻⵏ ⵏⵉⵜⵏⵉ ⵉⵅⴻⴼ ⵏⵙⴻⵏ ⴷⵉ ⵍⴰⵅⴰⵔⵜ,
ⵍⵎⴻⵡⵜ ⴰⴷ ⵜⴻⵏ ⵜⴰⵔⵡⴻⵙ.
ⵉⵎⵙⴻⴳⴳⴰⴷⴻⵏ ⴰⴷ ⵅⴰⵙⴻⵏ ⵃⴻⴽⵎⴻⵏ ⵅ ⵚⵚⴱⴻⵃ,
ⵓⵛⴰ ⴰⴷⴷⵓⴷ ⵏⵙⴻⵏ ⴰⴷ ⵉⴷⵡⴻⵍ ⵉ ⵍⵖⴻⵛⵛ ⴷⵉ ⵍⴰⵅⴰⵔⵜ,
ⵜⵜⵡⴰⵙⵙⵓⴼⴼⵖⴻⵏ ⵏⵉⵜⵏⵉ ⵥⵉ ⵜⵥⴻⴷⴷⵉⵖⵜ ⵏⵏⴻⵙ. □
16 ⵎⴰⵛⴰ ⴰⵔⴻⴱⴱⵉ ⴰⴷ ⵉⴼⴷⵉ ⵍⴻⵄⵎⴰⵔ ⵉⵏⵓ ⵥⴻⴳ ⵓⴼⵓⵙ ⵏ ⵍⴰⵅⴰⵔⵜ,
ⵎⴰⵖⴰⵔ ⵏⴻⵜⵜⴰ ⴰⴷ ⴰⵢⵉ ⵢⴰⵡⵉ ⴰⴽⵉⵙ. ⵙⵉⵍⴰⵀ. □
17 ⵡⴰⵔ ⵜⵜⴻⴳⴳⵯⴻⴷ ⵛⴰ ⵎⴰⵍⴰ ⵛⴰ ⵏ ⵡⴻⵔⵢⴰⵥ ⵉⴷⵡⴻⵍ ⴷ ⴱⵓ-ⵡⴰⴳⵍⴰ,
ⵎⴰⵍⴰ ⴰⵛⵓⵡⵡⴰⵔ ⵏ ⵜⴰⴷⴷⴰⵔⵜ ⵏⵏⴻⵙ ⵢⴰⵔⵏⵉ,
18 ⵎⴰⵖⴰⵔ ⴷⵉ ⵍⵎⴻⵡⵜ ⵏⵏⴻⵙ ⵡⴰⵔ ⴰⴽⵉⴷⴻⵙ ⵉⴽⴻⵙⵙⵉ ⵛⴰ ⵎⴰⵔⵔⴰ ⴰⵢⴰ,
ⴰⵛⵓⵡⵡⴰⵔ ⵏⵏⴻⵙ ⵡⴰⵔ ⵉⵀⴻⴽⴽⵡⵉ ⴰⴽⵉⴷⴻⵙ ⴰⵡⴰⵔⵏⵉ ⴰⵙ.
19 ⵡⴰⵅⵅⴰ ⵉⵜⵜⵡⴰⴱⴰⵔⴻⴽ ⵍⴻⵄⵎⴰⵔ ⵏⵏⴻⵙ ⴷⵉ ⵜⵓⴷⴰⵔⵜ ⵏⵏⴻⵙ,
ⵡⴰⵅⵅⴰ ⵏⵉⵜⵏⵉ ⴰⴷ ⵛⴻⴽ ⵙⵙⴻⵎⵖⴰⵔⴻⵏ ⵎⴰⵖⴰⵔ ⵜⴻⴳⴳⵉⴷ ⵎⵉⵏ ⵉⵚⴻⴱⵃⴻⵏ ⵉ ⵢⵉⵅⴻⴼ ⵏⵏⴻⴽ,
20 ⴰⵇⴰ ⴰⴷ ⴷⴷ-ⵢⴰⵡⴻⴹ ⵍⴻⵄⵎⴰⵔ ⵏⵏⴻⵙ ⵖⴰⵔ ⵊⵊⵉⵍ ⵏ ⵍⴻⵊⴷⵓⴷ ⵏⵏⴻⵙ,
ⵏⵏⵉ ⵡⴰⵔ ⵥⴰⵔⵔⴻⵏ ⵜⴰⴼⴰⵡⵜ ⵉ ⵍⴻⴱⴷⴰ.
21 ⴱⵏⴰⴷⴻⵎ ⵙ ⵜⴻⵛⵔⵉⵎⵜ, ⵎⴰⵛⴰ ⵡⴰⵔ ⵉⴼⴻⵀⵀⴻⵎ,
ⵏⴻⵜⵜⴰ ⴰⵎ ⵍⴻⴱⵀⵉⵎⴻⵜ ⵉⴼⴻⵏⵏⴰⵏ.