1 ⵉⵥⵍⵉ, ⴰⵥⴻⵀⵀⴻⴷ ⵥⴻⴳ ⴰⵢⵜ ⵇⵓⵔⴰⵃ.

2 ⵙⵉⴷⵉ ⴷ ⴰⵎⴻⵇⵇⵔⴰⵏ, ⵉⵜⵜⴻⵙⴷⵉⵀⴰⴵⴰ ⴰⴷ ⵉⵜⵜⵡⴰⵙⵙⴻⵎⵖⴰⵔ ⴰⵟⵟⴰⵙ,

ⴷⵉ ⵜⴻⵏⴷⵉⵏⵜ ⵏ ⴰⵔⴻⴱⴱⵉ ⵏⵏⴻⵖ, ⵅ ⵡⴻⴷⵔⴰⵔ ⵏⵏⴻⵙ ⵉⵇⴻⴷⴷⵙⴻⵏ.

3 ⵍⵓⵄⵍⴰ ⵏⵏⴻⵙ ⴷ ⵍⴻⵎⵍⴰⵃⴻⵜ, ⴰⵇⴰ ⴰⴷⵔⴰⵔ ⵏ ⵚⵉⵀⵢⵓⵏ ⴷ ⵍⴻⴼⵔⴰⵃⴻⵜ ⵉ ⵎⴰⵔⵔⴰ ⵜⴰⵎⵎⵓⵔⵜ,

ⵖⴰⵔ ⵓⵖⴻⵥⴷⵉⵙ ⵏ ⵛⵛⴰⵎⴰⵍ ⵏ ⵜⴻⵏⴷⵉⵏⵜ ⵏ ⵓⵊⴻⴵⵉⴷ ⴷ ⴰⵎⴻⵇⵇⵔⴰⵏ. ^■  

4 ⴰⵔⴻⴱⴱⵉ ⴰⵇⴰ-ⵜ ⴷⵉ ⵍⴻⵇⵚⵓⵔ ⵏⵏⴻⵙ,

ⵏⴻⵜⵜⴰ ⵉⵜⵜⵡⴰⵙⵙⴻⵏ ⴰⵎ ⵉⵊⵊ ⵏ ⵍⴱⵓⵔⵊ ⵢⵓⵄⵍⴰⵏ.

5 ⵎⴰⵖⴰⵔ ⵅⵥⴰⵔ, ⵉⵊⴻⴵⵉⴷⴻⵏ ⵎⵓⵏⴻⵏ,

ⴰⵇⴰ ⴼⴼⵖⴻⵏ ⵊⵎⵉⵄ.

6 ⵍⴰⵎⵉ ⵜ ⵥⵔⵉⵏ, ⵜⴱⴻⵀⵜⴻⵏ,

ⴰⵇⴰ ⵏⵏⵊⴻⵔⴼⴰⵏ ⵓⵛⴰ ⴰⵔⴻⵡⵍⴻⵏ ⴷⴻⵖⵢⴰ.

7 ⴷⵉⵏⵏⵉ ⵜᵉⵟⵟⴻⴼ ⵉ-ⵜⴻⵏ ⵜⴰⵔⵊⵉⵊⵉⵜ,

ⴰⵎ ⵍⴻⵃⵔⵉⵇ ⵏ ⵉⵛⵜ ⵏ ⵜⴻⵎⵖⴰⵔⵜ ⵜᵉⵜⵜⴰⵔⵓ.

8 ⵙ ⵓⵙⴻⵎⵎⵉⴹ ⵥⵉ ⵛⵛⴰⵔⵇ ⵜᵉⵜⵜⴰⵔⴻⵥⵥⵉⴷ ⵉⵖⴰⵔⵔⵓⴱⴰ ⵏ ⵜⴰⵔⵛⵉⵛ.

9 ⴰⵎ ⵎⴰⵎⵎⴻⵛ ⵜⵓⵖⴰ ⵜⵜ ⵏⴻⵙⵍⴰ,

ⴰⵎⵎⵓ ⵉ ⵜⵜ ⵏⴻⵜⵡⴰⵍⴰ ⴷⵉ ⵜⴻⵏⴷⵉⵏⵜ ⵏ ⵙⵉⴷⵉ ⵏ ⵍⵄⴻⵙⴽⴰⵔⴰⵜ,

ⴷⵉ ⵜⴻⵏⴷⵉⵏⵜ ⵏ ⴰⵔⴻⴱⴱⵉ ⵏⵏⴻⵖ.

ⴰⵔⴻⴱⴱⵉ ⴰⴷ ⵜⵜ ⵉⵙⵙⴻⵎⵜⴻⵏ ⵉ ⵍⴻⴱⴷⴰ. ⵙⵉⵍⴰⵀ.

10 ⴰ ⴰⵔⴻⴱⴱⵉ, ⵏⵉⴷⴰⵔ ⵜⴰⵎⴻⵅⵙⵉⵡⵜ ⵏⵏⴻⴽ ⵉⵛⴻⵡⵡⴰⵔⴻⵏ,

ⴷⵉ ⵍⵡⴻⵙⵜ ⵏ ⵣⵥⴰⵡⴻⵛⵜ ⵏⵏⴻⴽ ⵜⴰⵎⴻⵇⵇⵔⴰⵏⵜ.

11 ⴰⵎⴻⵛⵏⴰⵡ ⵉⵙⴻⵎ ⵏⵏⴻⴽ, ⴰ ⴰⵔⴻⴱⴱⵉ,

ⴰⵎⵎⵓ ⵉⵜⵜⴰⴽⴽⵡⴰⴹ ⵓⵍⴰ ⴷ ⵛⵛⴰⵏ ⵏⵏⴻⴽ ⵖⴰⵔⴻⵙ ⴰⵍ ⵜⵉⵏⴻⴳⴳⵓⵔⴰ ⵏ ⵜⴻⵎⵎⵓⵔⵜ.

ⴰⴼⵓⵙ ⵏⵏⴻⴽ ⴰⴼⵓⵙⵉ ⵉⵛⵛⵓⵔ ⵙ ⵜⵙⴻⴳⴷⴰ.

12 ⴻⵊⵊ ⴰⴷⵔⴰⵔ ⵏ ⵚⵉⵀⵢⵓⵏ ⴰⴷ ⵉⴼⴰⵔⵃ,

ⵊⵊⴻⵎ ⵢⴻⵙⵙⵉⵙ ⵏ ⵢⴰⵀⵓⴷⴰ ⴰⴷ ⴰⵔⴻⵛⵇⴻⵏⵜ ⵥⵉ ⵙⵙⵉⴱⴱⴻⵜ ⵏ ⵍⴻⵃⴽⴰⵎⴰⵜ ⵏⵏⴻⴽ.

13 ⴽⴽⴻⵎ ⵅ ⵚⵉⵀⵢⵓⵏ, ⵏⵏⴹⴻⵎ ⴰⵙ-ⴷⴷ,

ⵃⴻⵙⴱⴻⵎ ⵚⵚⵓⵎⵄⴰⵜ ⵏⵏⴻⵙ!

14 ⴳⴳⴻⵎ ⵓⵍ ⵏⵡⴻⵎ ⵅ ⵍⴱⴰⵔⴰⵊ ⵏⵏⴻⵙ,

ⵅⵥⴰⵔⴻⵎ ⵎⵍⵉⵃ ⴷⵉ ⵍⴻⵇⵚⵓⵔ ⵏⵏⴻⵙ,

ⵃⵉⵎⴰ ⴰⴷ ⵜⵜ ⵜⵜⵄⴰⵡⴷⴻⴷ ⵉ ⵊⵊⵉⵍ ⵉ ⴷⴷ ⵖⴰ ⵢⴰⵙⴻⵏ.

15 ⵎⴰⵖⴰⵔ ⴰⵔⴻⴱⴱⵉ ⵡⴰⵏⵉⵜⴰ ⴷ ⴰⵔⴻⴱⴱⵉ ⵏⵏⴻⵖ ⵉ ⵍⴻⴱⴷⴰ ⵇⴰⵄ.

ⵏⴻⵜⵜⴰ ⴰⴷ ⴰⵏⴻⵖ ⵉⵏⴷⴻⵀ ⴰⵍ ⵍⵎⴻⵡⵜ.