1 ⵉ ⵓⵎⴻⵇⵇⵔⴰⵏ ⵏ ⵉⵎⴻⵖⵏⴰⵊⴻⵏ. ⵣⴻⴳ ⴰⵢⵜ ⵏ ⵇⵓⵔⴰⵃ. ⴰⵥⴻⵀⵀⴻⴷ.

2 ⴰ ⵎⴰⵔⵔⴰ ⵍⴻⴳⵏⵓⵙ, ⵡⵜⴻⵎ ⴷⴻⴳ ⵉⴼⴰⵙⵙⴻⵏ,

ⵙⵖⵓⵢⵢⴻⵎ ⵉ ⴰⵔⴻⴱⴱⵉ ⵙ ⵓⵙⵍⵉⵡⵍⴻⵡ ⵉⵊⴻⵀⴷⴻⵏ.

3 ⵎⴰⵖⴰⵔ ⵙⵉⴷⵉ, ⴰⵎⵄⵓⴵⵉ ⵅ ⴽⵓⵍⵛⵉ, ⴰⵇⴰ ⵉⵙⵙⴰⴳⴳⵯⴰⴷ,

ⵏⴻⵜⵜⴰ ⴷ ⵉⵊⵊ ⵏ ⵓⵊⴻⴵⵉⴷ ⴷ ⴰⵎⴻⵇⵇⵔⴰⵏ ⵅ ⵎⴰⵔⵔⴰ ⵜⴰⵎⵎⵓⵔⵜ.

4 ⵏⴻⵜⵜⴰ ⵉⵙⵙⴰⴹⴰⵔⴰ ⴰⵏⴻⵖ-ⴷⴷ ⵍⴻⴳⵏⵓⵙ,

ⵏⴻⵜⵜⴰ ⵢⴰⵔⵔⴰ ⵛⵛⵓⵄⵓⴱ ⵙⴰⴷⵓ ⵉⴹⴰⵔⴻⵏ ⵏⵏⴻⵖ.

5 ⵏⴻⵜⵜⴰ ⵉⴼⴰⵔⵔⴻⵥ ⵜⴰⵙⵖⴰⵔⵜ ⵏⵏⴻⵖ ⵏ ⵜⴻⵎⵎⵓⵔⵜ ⵉ ⵏⴻⵛⵛⵉⵏ,

ⵜⴻⵏⵏⵉ ⴷ ⴰⴼⴻⵢⵢⴻⵛ ⵏ ⵢⴰⵄⵇⵓⴱ ⵡⴻⵏⵏⵉ ⵜⵓⵖⴰ ⵉⵜⵜⴻⵅⵙ. ⵙⵉⵍⴰⵀ.

6 ⴰⵔⴻⴱⴱⵉ ⵢⵓⵍⵉ ⵙⴻⵏⵏⴻⵊ ⵙ ⵓⵙⵍⵉⵡⵍⴻⵡ,

ⵙⵉⴷⵉ, ⵖⴰⵔ ⵜⵎⵉⵊⵊⴰ ⵏ ⵓⵚⵓⴹⵉ ⴷⴻⴳ ⵓⵢⵉⵛⵛ ⵏ ⵉⵛⴰⵔⵔⵉ.

7 ⵣⴻⵀⵀⴷⴻⵎ ⵉ ⴰⵔⴻⴱⴱⵉ, ⵥⴻⵀⵀⴷⴻⵎ!

ⵣⴻⵀⵀⴷⴻⵎ ⵉ ⵓⵊⴻⴵⵉⴷ, ⵥⴻⵀⵀⴷⴻⵎ!

8 ⵎⴰⵖⴰⵔ ⴰⵔⴻⴱⴱⵉ ⴷ ⴰⵊⴻⴵⵉⴷ ⵅ ⵎⴰⵔⵔⴰ ⵜⴰⵎⵎⵓⵔⵜ.

ⵣⴻⵀⵀⴷⴻⵎ ⴰⵢⴰ ⵉ ⵓⵅⴻⵎⵎⵉ ⴷⴰⵢⴻⵙ.

9 ⴰⵔⴻⴱⴱⵉ ⵉⵃⴻⴽⴽⴻⵎ ⵅ ⵍⴻⴳⵏⵓⵙ,

ⴰⵔⴻⴱⴱⵉ ⵉⵜⵜⵖⵉⵎⴰ ⵅ ⵍⵄⴰⵔⵛ ⵏⵏⴻⵙ ⵉⵇⴻⴷⴷⵙⴻⵏ.

10 ⵜⴰⵔⵡⴰ ⵏ ⵜⴰⵚⵉⵍⴻⵜ ⵏ ⵍⴻⴳⵏⵓⵙ ⵜⵜⵡⴰⵙⵎⵓⵏⴻⵏ ⵖⴰⵔ ⵍⴳⴻⵏⵙ ⵏ ⴰⵔⴻⴱⴱⵉ ⵏ ⵉⴱⵔⴰⵀⵉⵎ,

ⵎⴰⵖⴰⵔ ⵜⵉⵙⴻⴷⴷⴰⵔⵉⵢⵢⴻⵏ ⵉ ⵓⵙⴻⵍⵇⵉ ⵏ ⵜⴻⵎⵎⵓⵔⵜ ⵉ ⴰⵔⴻⴱⴱⵉ.

ⵏⴻⵜⵜⴰ ⴰⵇⴰ ⵉⵜⵜⵡⴰⵙⵙⵄⵓⴵⴰ ⵇⴰⵄ.