45
1 ⵉ ⵓⵎⴻⵇⵇⵔⴰⵏ ⵏ ⵉⵎⴻⵖⵏⴰⵊⴻⵏ. ⵙ ⵜⴻⵖⵏⵉⵏⵜ ⵏ ‘ⵜⵍⵉⵍⵍⵉⵛⵉⵏ’. ⵣⴻⴳ ⴰⵢⵜ ⵏ ⵇⵓⵔⴰⵃ. ⴰⵅⴻⵎⵎⵉ. ⵉⵥⵍⵉ ⵏ ⵜⴰⵢⵔⵉ. □
2 ⵣⴻⴳ ⵡⵓⵍ ⵉⵏⵓ ⵉⴷⴷⵓⵇⵇⴻⵥ-ⴷⴷ ⵉⵊⵊ ⵏ ⵡⴰⵡⴰⵍ ⴷ ⴰⵚⴻⴱⵃⴰⵏ,
ⵇⵇⴰⵔⴻⵖ ⵉ ⵓⵊⴻⴵⵉⴷ ⵎⵉⵏ ⴷⴷ-ⵙⵙⵡⴻⵊⴷⴻⵖ,
ⵉⵍⴻⵙ ⵉⵏⵓ ⴷ ⵍⴻⵇⵍⴻⵎ ⵏ ⵉⵊⵊ ⵏ ⵓⵎⴰⵔⵉⵔ ⵉⵎⴻⵃⴹⴻⵏ. □
3 “ⵛⴻⴽ ⵜⴻⵛⵏⵉⴷ ⵅ ⵎⴰⵔⵔⴰ ⵜⴰⵔⵡⴰ ⵏ ⴱⵏⴰⴷⴻⵎ,
ⵍⵅⴰⴹⴰⵔ ⵉⵜⵜⵡⴰⵥⴻⴵⴻⵄ ⵅ ⵉⵢⴻⵏⵛⵉⵛⴻⵏ ⵏⵏⴻⴽ,
ⵙ ⵓⵢⴻⵏⵏⵉ ⵉ ⵛⴻⴽ ⵉⴱⴰⵔⴻⴽ ⴰⵔⴻⴱⴱⵉ ⵉ ⵍⴻⴱⴷⴰ.
4 ⴱⵢⴻⵙ ⵙⵙⵉⴼ ⵅ ⵜⵎⴻⵙⵙⴰⴹⵜ ⵏⵏⴻⴽ, ⴰ ⴱⵓ-ⵜⴻⵖⵔⵓⴹⵜ,
ⵜⵉⵙⵙⵉⵇⵜ ⵏⵏⴻⴽ ⴷ ⵍⵄⴻⵥⵥ ⵏⵏⴻⴽ.
5 ⵍⵄⴻⵥⵥ ⵏⵏⴻⴽ, ⵉⵍⵉ ⵜⴼⴻⵍⵃⴻⴷ,
ⵏⴷⴻⵀ ⴷⵉ ⵟⵟⵡⴻⵄ ⵏ ⵡⴰⵡⴰⵍ ⵏ ⵜⵉⴷⴻⵜⵜ,
ⵥⵉ ⵙⵙⵉⴱⴱⴻⵜ ⵏ ⵍⴻⵃⵚⴰⵔⴻⵜ ⵏ ⵓⵎⵙⴻⴳⴳⴻⴷ.
ⴰⴼⵓⵙ ⵏⵏⴻⴽ ⴰⴼⵓⵙⵉ ⴰⴷ ⵛⴻⴽ ⵉⵙⵙⴻⵍⵎⴻⴷ ⵜⵉⵎⴻⵙⵍⴰⵢⵉⵏ ⵙⵙⴰⴳⴳⵯⴰⴷⴻⵏⵜ.
6 ⴼⵍⵉⵜⵛⴰⵜ ⵏⵏⴻⴽ ⵇⴻⴹⵄⴻⵏⵜ,
- ⵡⴰⵀ ⵍⴻⴳⵏⵓⵙ ⴰⴷ ⵡⴹⴰⵏ ⵙⴰⴷⵓ ⵓⴼⵓⵙ ⵏⵏⴻⴽ - ,
ⵛⵓⵇⵇⴻⵏⵜ ⵓⵍ ⵏ ⵍⵄⴻⴷⵢⴰⵏ ⵏ ⵓⵊⴻⴵⵉⴷ.
7 ⵍⴽⵓⵔⵙⵉ ⵏⵏⴻⴽ ⵉⴳⴻⵍⵍⴷⴻⵏ, ⴰ ⴰⵔⴻⴱⴱⵉ, ⴰⵇⴰ-ⵜ ⵉ ⵍⴻⴱⴷⴰ ⵇⴰⵄ.
ⵜⴰⵖⵖⴰⵔⵛⵜ ⵏ ⵜⴳⴻⵍⴷⵉⵜ ⵏⵏⴻⴽ ⴷ ⵉⵛⵜ ⵏ ⵜⴻⵖⵖⴰⵔⵛⵜ ⵏ ⵜⵙⴻⴳⴷⴰ. ■
8 ⵛⴻⴽ ⵜᵉⵜⵜⴻⵅⵙⴻⴷ ⵜⴰⵙⴻⴳⴷⴰ ⵓ ⵜⵛⴰⵔⵔⵀⴻⴷ ⵍⵖⴰⵔ.
ⵙ ⵓⵢⴻⵏⵏⵉ ⵉ ⵛⴻⴽ ⵉⴷⵀⴻⵏ, ⴰ ⴰⵔⴻⴱⴱⵉ, ⴰⵔⴻⴱⴱⵉ ⵏⵏⴻⴽ,
ⵙ ⵥⵥⴻⵛⵜ ⵏ ⵍⴻⴼⵔⴰⵃⴻⵜ ⵜⵉⵡⴰ ⵉ ⵉⵄⵛⵉⵔⴻⵏ ⵏⵏⴻⴽ.
9 ⵎⴰⵔⵔⴰ ⵍⴻⵄⴱⴰⵢⴰⵜ ⵏⵏⴻⴽ ⴰⵎⴻⵛⵏⴰⵡ ⵎⵉⵔⵔⵓ ⴷ ⵡⴻⵛⴼⵉⵍ ⴷ ⵍⵇⴰⵔⴼⴰ,
ⵥⵉ ⵍⴻⵇⵚⵓⵔ ⵏ ⵍⵄⴰⵊ ⵙⵙⴼⴰⵔⵔⴰⵃⴻⵏⵜ ⵛⴻⴽ □
10 ⵢⴻⵙⵙⵉⵙ ⵏ ⵓⵊⴻⴵⵉⴷ ⵊⴰⵔ ⵜⵉⵏⴻⵡⵊⵉⵡⵉⵏ ⵏⵏⴻⴽ ⵉⵡⴻⵇⵇⴰⵔⴻⵏ,
ⵜⴰⵙⵍⵉⵜ ⵏ ⵓⵊⴻⴵⵉⴷ ⵜⴱⴻⴷⴷ ⴰⵛ ⵅ ⵓⴼⵓⵙⵉ,
ⵙ ⵡⴻⵔⵔⵓⴹ ⵥⴻⴳ ⵡⵓⵔⴻⵖ ⵉⵖⵍⴰⵏ ⵇⴰⵄ ⵥⵉ ⵓⴼⵉⵔ.
11 ⵙⴻⵍ, ⴰ ⵢⴻⴵⵉ, ⵅⵥⴰⵔ, ⴻⵡⵛ ⴰⵎⴻⵥⵥⵓⵖ ⵏⵏⴻⵎ!
ⵜⵜⵓ ⵍⴳⴻⵏⵙ ⵏⵏⴻⵎ ⴷ ⵜⴰⴷⴷⴰⵔⵜ ⵏ ⴱⴰⴱⴰⵎ!
12 ⵅⴻⵏⵏⵉ ⴰⵊⴻⴵⵉⴷ ⴰⴷ ⵉⵎⵎⴻⵥⵔⵉ ⴷⴻⴳ ⵡⴰⵥⵔⵉ ⵏⵏⴻⵎ,
ⵎⴰⵖⴰⵔ ⵏⴻⵜⵜⴰ ⴷ ⵙⵉⴷⵉ ⵏⵏⴻⵎ!
ⴰⴹⴰⵔ ⵥⵥⴰⵜⴻⵙ!
13 ⵢⴻⴵⵉⵙ ⵏ ⵚⵓⵔ ⵙ ⵉⵛⵜ ⵏ ⵜⴰⵔⵥⴻⴼⵜ,
ⴰⵢⵜ ⵏ ⴱⵓ-ⵡⴰⴳⵍⴰ ⵏ ⵉⵊⵊ ⵏ ⵍⴳⴻⵏⵙ ⴰⴷ ⴰⵔⵥⵓⵏ ⴰⴷ ⵅⴰⵎ ⴰⵔⴹⴰⵏ. ■
14 ⵢⴻⴵⵉⵙ ⵏ ⵓⵊⴻⴵⵉⴷ ⴰⵇⴰ-ⵜⵜ ⴷ ⴰⵄⵓⴵⵉ ⵎⴰⵔⵔⴰ ⵖⴰⵔ ⴷⴰⵅⴻⵍ,
ⴰⵔⵔⵓⴹ ⵏⵏⴻⵙ ⴷ ⵉⵊⵊ ⵏ ⵓⵎⵓⴷⵉ ⵥⴻⴳ ⵓⴼⵉⵍⵓ ⵏ ⵡⵓⵔⴻⵖ.
15 ⴰⴷ ⵜᵉⵜⵜⵡⴰⵏⴷⴻⵀ ⵖⴰⵔ ⵓⵊⴻⴵⵉⴷ ⴷⴻⴳ ⵡⴰⵔⵔⵓⴹ ⵙ ⵜⵉⵏⵜⴰⵜ ⵉⴼⴰⵔⵥⴻⵏ.
ⵜⵉⵄⵥⴰⵔⵉⵢⵢⵉⵏ ⵜⵉⵏⵏⵉ ⵜⵜ ⵉⴹⴻⴼⴼⴰⵔⴰⵏ,
ⴰⵇⴰ ⴰⵜⴻⵏⵜ ⴷ ⵜⵉⵎⴻⴷⴷⵓⴽⴽⴰⵍ ⵏⵏⴻⵙ ⵏⵏⵉ ⴷⴷ ⵖⴰⵔⴻⴽ ⵜⵜⵡⴰⵡⵢⴻⵏⵜ.
16 ⴰⵇⴰ ⵜⵜⵡⴰⵡⵢⴻⵏⵜ ⵙ ⵍⴻⴼⵔⴰⵃⴻⵜ ⴷ ⵡⴰⵔⵛⴻⵇ,
ⴰⵎⵎⵓ ⵉ ⵖⴰ ⴰⴷⴼⴻⵏⵜ ⵖⴰⵔ ⵍⴻⵇⵚⴰⵔ ⵏ ⵓⵊⴻⴵⵉⴷ.
17 ⵜⴰⵔⵡⴰ ⵏⵏⴻⴽ ⴰⴷ ⵉⵍⵉⵏ ⴷⴻⴳ ⵡⴻⵎⵛⴰⵏ ⵏ ⵉⴱⴰⴱⴰⵜⴻⵏ ⵏⵏⴻⴽ,
ⵛⴻⴽ ⴰⴷ ⵜⴻⵏ ⵜⴻⴳⴳⴻⴷ ⴷ ⵍⵃⵓⴽⴽⴰⵎ ⴷⵉ ⵎⴰⵔⵔⴰ ⵜⴰⵎⵎⵓⵔⵜ.
18 ⵏⴻⵛⵛ ⴰⴷ ⵉⴷⴰⵔⴻⵖ ⵉⵙⴻⵎ ⵏⵏⴻⴽ ⴷⵉ ⴽⵓⵍ ⵊⵊⵉⵍ ⴷ ⴽⵓⵍ ⵊⵊⵉⵍ ⴰⵡⴰⵔⵏⵉ ⴰⵙ.
ⵙ ⵓⵢⴻⵏⵏⵉ, ⴰⴷ ⵛⴻⴽ ⵇⴰⴷⴰⵏ ⵎⴰⵔⵔⴰ ⵍⴻⴳⵏⵓⵙ ⵉ ⵍⴻⴱⴷⴰ ⵇⴰⵄ.”