1 ⵉ ⵓⵎⴻⵇⵇⵔⴰⵏ ⵏ ⵉⵎⴻⵖⵏⴰⵊⴻⵏ. ⵣⴻⴳ ⵓⵎⵙⴻⵅⵅⴰⵔ ⵏ ⵙⵉⴷⵉ. ⵏ ⴷⴰⵡⵓⴷ.

2 ⴰⵅⴻⵟⵟⵓ ⵏ ⵓⵄⴻⴼⴼⴰⵏ ⵉⵙⵙⴰⵡⴰⵍ ⴷⴰⵅⴻⵍ ⴷⴻⴳ ⵡⵓⵍ ⵉⵏⵓ:

“ⵡⴰⵔ ⵖⴰⵔⴻⵙ ⵜⵉⴳⴳⵯⵓⴷⵉ ⵏ ⴰⵔⴻⴱⴱⵉ ⵥⵥⴰⵜ ⵉ ⵜⵉⵟⵟⴰⵡⵉⵏ ⵏⵏⴻⵙ.”

3 ⵎⵉⵏⵥⵉ ⴰⵅⴻⵟⵟⵓ ⴰⵢⴰ ⵉⵙⵙⵃⵉⵏⵏⴰⴱ ⵉ-ⵜ ⴷⵉ ⵜⵉⵟⵟⴰⵡⵉⵏ ⵏⵏⴻⵙ,

ⴰⵍⴰⵎⵉ ⵢⵓⴼⴰ ⴰⵇⴰ ⵍⵎⵓⵄⵚⵉⵢⵢⴻⵜ ⵏⵏⴻⵙ ⵜⴰⵔⵔⴰ ⵉ-ⵜ-ⵉ-ⴷⴷ ⵖⴰⵔ ⵡⴻⵛⵔⴰⵀ.

4 ⴰⵡⴰⵍⴻⵏ ⵏ ⵓⵇⴻⵎⵎⵓⵎ ⵏⵏⴻⵙ ⴰⵇⴰ ⴰⵜⴻⵏ ⴷ ⵍⵖⴻⵛⵛ ⴷ ⵡⴻⵛⵎⴰⵜ,

ⵏⴻⵜⵜⴰ ⵉⵙⵙⴱⴻⴷⴷ ⴰⴷ ⵢⴰⵔⵥⵓ ⵍⴻⴼⵀⴰⵎⴻⵜ ⵃⵉⵎⴰ ⴰⴷ ⵉⴳⴳ ⵍⵅⴰⵔ.

5 ⵉⵜⵜⵅⴻⵎⵎⴻⵎ ⴷⵉ ⵍⵖⴻⵛⵛ ⴷⵉ ⵇⴰⵎⴰ ⵏⵏⴻⵙ,

ⵉⴳⴳⵓⵔ ⴰⴷ ⵉⴱⴻⴷⴷ ⴷⴻⴳ ⵉⵊⵊ ⵏ ⵡⴻⴱⵔⵉⴷ ⵡⴰⵔ ⵉⵚⴻⴱⵃⴻⵏ.

ⵍⵖⴰⵔ ⵡⴰⵔ ⵜ ⵉⵜⵜⵎⴻⵏⴹⵉⵔ.

6 ⴰ ⵙⵉⴷⵉ, ⵜⴰⵎⴻⵅⵙⵉⵡⵜ ⵏⵏⴻⴽ ⵉⵛⴻⵡⵡⴰⵔⴻⵏ ⵜⵉⵡⴻⴹ ⴰⵍ ⵉⵊⴻⵏⵡⴰⵏ,

ⵍⴰⵎⴰⵏ ⵏⵏⴻⴽ ⴰⵍ ⵉⵙⴻⵢⵏⵓⵜⴻⵏ. ^■  

7 ⵜⴰⵙⴻⴳⴷⴰ ⵏⵏⴻⴽ ⵜⴻⴳⴳⴰ ⴰⵎ ⵉⴷⵓⵔⴰⵔ ⵏ ⴰⵔⴻⴱⴱⵉ,

ⵍⴻⵃⴽⴰⵎⴰⵜ ⵏⵏⴻⴽ ⴰⵎ ⵡⴰⵎⴰⵏ ⵢⵓⴵⵖⴻⵏ.

ⵙⵉⴷⵉ ⵉⵙⵙⴻⵏⵊⴰⵎ ⴱⵏⴰⴷⴻⵎ ⴷ ⵍⵎⴰⵍ.

8 ⵎⴻⵛⵃⴰⵍ ⵜⵉⵖⵍⴰ ⵜⵎⴻⵅⵙⵉⵡⵜ ⵏⵏⴻⴽ ⵉⵛⴻⵡⵡⴰⵔⴻⵏ, ⴰ ⴰⵔⴻⴱⴱⵉ,

ⴰⵍⴰⵎⵉ ⵜⴰⵔⵡⴰ ⵏ ⴱⵏⴰⴷⴻⵎ ⵜⴰⵔⴻⴽⴽⵡⴰⵍⴻⵏ ⵖⴰⵔ ⵜⵉⵍⵉ ⵏ ⵡⴰⴼⵔⵉⵡⴻⵏ ⵏⵏⴻⴽ.

9 ⵜⵜⵡⴰⵙⵊⴰⵡⵏⴻⵏ ⵙ ⵓⴼⴻⵢⵢⴻⴹ ⵙ ⵜⴰⴷⵓⵏⵜ ⵏ ⵜⴰⴷⴷⴰⵔⵜ ⵏⵏⴻⴽ,

ⵉⵊⵊ ⵏ ⵢⴻⵖⵥⴰⵔ ⵙ ⵏⵏⵄⴰⵎⵉ ⵏⵏⴻⴽ ⵜⴻⵡⵛⴻⴷ ⴰⵙⴻⵏ ⵎⴰⵃⴻⵏⴷ ⴰⴷ ⵥⵥⴰⵢⴻⵙ ⵙⵡⴻⵏ.

10 ⵎⴰⵖⴰⵔ ⵖⴰⵔⴻⴽ ⵉ ⵉⴵⴰ ⵍⵄⵓⵏⵚⴰⵔ ⵏ ⵜⵓⴷⴰⵔⵜ,

ⴷⵉ ⵜⴼⴰⵡⵜ ⵏⵏⴻⴽ ⴰⵇⴰ ⵏⴻⵜⵜⵡⴰⵍⴰ ⵜⴰⴼⴰⵡⵜ.

11 ⵙⵡⵉⵥⵥⴻⴹ ⵜⴰⵎⴻⵅⵙⵉⵡⵜ ⵏⵏⴻⴽ ⵉⵛⴻⵡⵡⴰⵔⴻⵏ ⵅ ⵢⴻⵏⵏⵉ ⵉ ⵛⴻⴽ ⵉⵙⵙⵏⴻⵏ,

ⵜⴰⵙⴻⴳⴷⴰ ⵏⵏⴻⴽ ⵅ ⵢⴻⵏⵏⵉ ⵉ ⵖⴰⵔ ⵉⴵⴰ ⵡⵓⵍ ⵉⵙⴻⴳⴳⵎⴻⵏ.

12 ⵡⴰⵔ ⵜⵜⴻⵊⵊⵉ ⴰⴷ ⵅⴰⴼⵉ ⴷⴷ-ⵢⴰⵙ ⵓⴹⴰⵔ ⵏ ⴰⵢⵜ ⵏ ⴱⵓ-ⵏⵏⴼⴰⵅⴻⵜ,

ⵡⴰⵔ ⵜⵜⴻⵊⵊⵉ ⴰⴼⵓⵙ ⵏ ⵉⵄⴻⴼⴼⴰⵏⴻⵏ ⴰⴷ ⴰⵢⵉ ⴷⴷ-ⵢⴰⵔⵔ ⴰⴷ ⵜⴻⵍⵍⵄⴻⵖ ⵎⴰⵏⵉ ⵎⵎⴰ.

13 ⴰⵇⴰ ⴷⵉⵏ ⵉ ⵡⴹⴰⵏ ⵉⵏⵏⵉ ⵉⵜⵜⴻⴳⴳⴻⵏ ⵍⵎⵓⵄⵚⵉⵢⵢⴻⵜ,

ⵜⵜⵡⴰⵖⴻⴹⵍⴻⵏ ⵖⴰⵔ ⵜⴻⵎⵎⵓⵔⵜ ⵓ ⵡⴰⵔ ⵥⴻⵎⵎⴰⵔⴻⵏ ⵄⴰⴷ ⴰⴷ ⴽⴽⴰⵔⴻⵏ ⵄⴰⵡⴻⴷ.