1 ⵏ ⴷⴰⵡⵓⴷ. ⴰⵅⴻⵎⵎⵉ.

ⵙⵙⴻⵄⴷ ⵏ ⵡⴻⵏⵏⵉ ⵓⵎⵉ ⵜᵉⵜⵜⵡⴰⵖⴼⴰⵔ ⵜⵄⴻⴷⴷⵉⵜ ⵏⵏⴻⵙ,

ⵡⴻⵏⵏⵉ ⵓⵎⵉ ⵉⴷⵍⵉⵏ ⵅ ⴷⴷⵏⵓⴱ ⵏⵏⴻⵙ. ^■  

2 ⵙⵙⴻⵄⴷ ⵏ ⵡⴻⵔⵢⴰⵥ ⵡⴻⵏⵏⵉ ⵓⵎⵉ ⵡⴰⵔ ⵉⵃⴻⵚⵚⴻⴱ ⵙⵉⴷⵉ ⵍⵎⵓⵄⵚⵉⵢⵢⴻⵜ ⵏⵏⴻⵙ,

ⵡⴻⵏⵏⵉ ⵖⴰⵔ ⵉⴵⴰ ⴱⵓⵃⴱⴻⵍ ⵡⴰⵔ ⴷⴰⵢⴻⵙ ⴱⵓ ⵍⵖⴻⵛⵛ.

3 ⵓⵎⵉ ⵙⵇⴰⵔⴻⵖ, ⴰⵔⵛⴰⵏ ⵉⵅⵙⴰⵏ ⵉⵏⵓ,

ⵙ ⵓⵥⴻⵀⵀⴰⵔ ⵉⵏⵓ, ⴰⵙⵙ ⵎⴰⵔⵔⴰ.

4 ⵎⴰⵖⴰⵔ ⴰⵙⵙ ⴷ ⴵⵉⵍⴻⵜ ⵉⵙⵙⴻⴷⵇⴻⵍ ⴰⵢⵉ ⵓⴼⵓⵙ ⵏⵏⴻⴽ ,

ⵉⴷⴰⵎⵎⴻⵏ ⵏ ⵜⵓⴷⴰⵔⵜ ⵉⵏⵓ ⴷⴻⵡⵍⴻⵏ ⴰⵎ ⵍⴰⵥⴰⵖ ⵏ ⵓⵏⴻⴱⴷⵓ. ⵙⵉⵍⴰⵀ.

5 ⵙⵙⴰⵔⴻⴳⴱⴻⵖ ⴰⵛ ⴷⴷⴻⵏⴱ ⵉⵏⵓ,

ⵡⴰⵔ ⵙⵙⴷⵓⵔⵢⴻⵖ ⵍⵎⵓⵄⵚⵉⵢⵢⴻⵜ ⵉⵏⵓ.

ⵏⴻⵛⵛ ⵏⵏⵉⵖ: “ⴰⴷ ⵏⴻⵄⵎⴻⵖ ⵥⴻⴳ ⵉⵅⴻⵟⵟⴰⵏ ⵉⵏⵓ ⵖⴰⵔ ⵙⵉⴷⵉ!”,

ⵅⴻⵏⵏⵉ ⵛⴻⴽ ⵜⴻⵖⴼⴰⵔⴻⴷ ⴰⵢⵉ ⵍⵎⵓⵄⵚⵉⵢⵢⴻⵜ ⵏ ⴷⴷⴻⵏⴱ ⵉⵏⵓ. ⵙⵉⵍⴰⵀ. ^■  

6 ⵙ ⵓⵢⴻⵏⵏⵉ ⵎⴰⵔⵔⴰ ⴰⵎⵜⵉⵇⵇⵉ ⴰⴷ ⴰⵛ ⵉⵙⵊⴻⴷ ⴷⵉ ⵍⵡⴻⵇⵜ ⵓⵎⵉ ⵖⴰ ⵜⴻⵊⵊⴻⴷ ⴱⵏⴰⴷⴻⵎ ⴰⴷ ⵛⴻⴽ ⵢⵓⴼⴰ.

ⵅⵎⵉ ⴷⵉⵏ ⵉⵛⵜ ⵏ ⵙⵙⴻⵃⵍⴻⵜ ⵏ ⵡⴰⵎⴰⵏ ⴰⵟⵟⴰⵙ, ⵡⴰⵔ ⵜ ⵜⵍⴻⵇⵇⴻⴼ ⵇⴰⵄ.

7 ⵛⴻⴽ ⴷ ⴰⵎⵛⴰⵏ ⵏ ⵓⴷⵓⵔⵔⵉ ⵉ ⵏⴻⵛⵛ,

ⵜⴻⵙⵙⴰⵔⴻⴷ ⴰⵢⵉ ⵥⵉ ⵍⴻⵃⵚⴰⵔⴻⵜ,

ⵜⵇⵓⵡⵡⴰⵔⴻⴷ ⴰⵢⵉ ⵙ ⵉⵖⵓⵢⵢⴰⵏ ⵏ ⵍⴻⴼⵔⴰⵃⴻⵜ ⵏ ⵓⴼⴻⴽⴽⵉ. ⵙⵉⵍⴰⵀ. ^■  

8 ⵏⴻⵛⵛ ⴰⴷ ⵛⴻⴽ ⵙⵙⵖⴰⵔⴻⵖ ⵓⵛⴰ ⴰⴷ ⴰⵛ ⵙⵙⵍⴻⵎⴷⴻⵖ ⴰⴱⵔⵉⴷ ⵉⵜⵜⵅⴻⵚⵚⴰ ⴰⴷ ⴷⴰⵢⴻⵙ ⵜⵓⵢⵓⵔⴻⴷ.

ⵏⴻⵛⵛ ⴰⴷ ⵛⴻⴽ ⵡⴻⵚⵚⵉⵖ, ⴰⴷ ⵅⴰⴽ ⵜⵉⵍⵉ ⵜⵉⵟⵟ ⵉⵏⵓ.

9 ⵡⴰⵔ ⵜⵜⵉⵍⵉ ⴰⵎⴻⵛⵏⴰⵡ ⴰⵢⵉⵙ,

ⴰⵎⴻⵛⵏⴰⵡ ⴰⵙⴰⵔⴷⵓⵏ ⴱⵍⴰ ⵍⴻⵄⵇⴻⵍ,

ⵉⵏⵏⵉ ⵉⵜⵜⵅⴻⵚⵚⴰ ⴰⴷ ⵜⴻⵏ ⵇⴻⵎⵎⵄⴻⵏ ⵙ ⵙⵙⵔⵉⵎⴻⵜ ⴷ ⵡⴻⵔⵢⴰⵎ,

ⵏⵉⵖ ⵡⴰⵔ ⵉⵥⴻⵎⵎⴰⵔ ⴰⴷ ⵖⴰⵔⴻⴽ ⴷⴷ-ⵉⵇⴰⵔⵔⴻⴱ. ^■  

10 ⴰⵟⵟⴰⵙ ⴵⴰⵏⵜ ⵜⴰⵎⴰⵔⴰ ⵏ ⵓⵄⴻⴼⴼⴰⵏ,

ⵎⴰⵛⴰ ⵡⴻⵏⵏⵉ ⵉⵜⵜⵛⴰⵍⴻⵏ ⵅ ⵙⵉⴷⵉ,

ⴰⴷ ⴰⵙ ⵉⵇⵓⵡⵡⴰⵔ ⵏⴻⵜⵜⴰ ⵙ ⵜⵎⴻⵅⵙⵉⵡⵜ ⵏⵏⴻⵙ ⵉⵛⴻⵡⵡⴰⵔⴻⵏ.

11 ⴼⴰⵔⵃⴻⵎ ⴷⵉ ⵙⵉⴷⵉ, ⴰⵔⴻⵛⵇⴻⵎ, ⴰ ⵉⵎⵙⴻⴳⴳⴰⴷⴻⵏ,

ⵙⵍⵉⵡⴻⵍⵡⴻⵎ, ⴰ ⵎⴰⵔⵔⴰ ⵉⵏⵏⵉ ⵖⴰⵔ ⵉⴵⴰ ⵡⵓⵍ ⵉⵙⴻⴳⴳⵎⴻⵏ!